![]() |
واللهي انا فعلا حبيت صيدله و حاسه انها ليها مستقبل اكتر
و دي كانت لحظه ضعف مش اكتر و انا ان شاء الله هتابع الموضوع لانه مش هيفيد طلاب صيدله المنصوره بس لا هيفيد كل اللي داخلين صيدله و ربنا يوفقنا ان شاء الله |
اقتباس:
أكيد وانتى اقوى من اى ظروف وان شاء الله يفيدنا اكتر لما نبدأ الدراسة ونتابع سوا وانا هبعت لطلبة الصيدلة اللى قبلنا يدخلوا يساعدونا وينصحونا باهم كورسات مصطلحات الصيدلة عشان تفيدنا وازاى طريقة المذاكرة الصح ؟؟؟ وكل ده هم هيجاوبوا عليه افضل ان شاء الله |
السلام عليكم
يا جماعه احنا اتجمعنا بالفعل طلبه صيدله المنصوره ع الفيس بوك http://www.facebook.com/Pharmacy.Mansoura و بدانا بالفعل نتكلم عن كل حاجه احنا عددنا دلوقت 60 طالب ع الصفحه |
وانا معاكم داخلة صيدله المنصورة وهتابع موضوعك
|
جزاكم الله خيرا على مجهودكم
|
اقتباس:
بصى انا سالت الاول عن صيدلة فقالوا ان ف اول سنة انت بتختارى صيدلة عادى او كلينكال ع حسب رغبتك بس غالبا مصاريف كلينكال عالية تقريبا يقال 12000 او 16000ف السنة مرة ف نصف السنة والجزء التانى النصف التانى بس طبعا من حيث المميزات افضل انك هتشاركى ف تشخيص الطبيب هتجمعى بين صيدلى ودكتور وبتكون فرصتها اجمل ف العمل ومفيش اعدادى اما صيدلة عادى ف اول سنه اعدادى وبعدها بتختارى تقريبا لسه هسالك عن موضوع الاقسام ده بس اعتقد مصاريف العادى تتراوح ف 240 ساكمل لكى تفاصيل صيدلة عادى غدا واسفة ع التأخير |
فكره التوبيكـ حلوه جدااا
ربنا يوفقك وتنفذيها ع اكمل وجه وباذن الله يكون الموضوع ده مكان تجمع الطلبه وتبادل الخبرات والمعلومات |
استكمال الموضوع ف هذا الرابط شكرا يا دكتورة Bent 3bdo سنة أولى صيدلة... بداية المشوار... (تلميحات هاااامة للطلاب الجدد) http://www.thanwya.com/vb/showthread.php?t=349360 |
معاكم ان شاء الله
واسعدنى تواجدى بينكم وشكرا على المجهود الأكثر من رائع |
مافيش حاجة لصيدلة طنطا :d:d
|
شكرا ع مروركم وف انتظار مجهودكم معانا ان شاء الله (no one as me 1) ف انتظار اضافاتك ومتابعه حضرتك لكل جديد معنا ان شاء الله واهلا بيك معانا ان شاء الله الموضوع يفيد جميع الكليات مش مقتصر ع المنصورة احنا بنجمع كل حاجة تتعلق بصيدلة ممكن تفيد جميع طلبة صيدلة باذن الله |
بسم الله الرحمن الرحيم السلام عليكم ورحمة الله وبركاته في ناس كتير بتسال ايه هى CLINICAL PHARMACY الكليات اللي بتدرسو ببلاش صيدله عين شمس وصيدله حلوان لقيت اسئله كتير من الصيادلة تستفسر عن المجال ده وملقتش اجابه وافية. بس دلوقتي في دفعات كتير اتخرجت وطبعا تم تطبيق المجال ده في مستشفيات خاصه كتير ولكن لم يعترف بيه حتي الان في وزاره الصحه واللي بقتصر علي الصيدلي الاكلينيكي في مستشفيات الحكومه لو تم تعينه هوا الجانب التحضيري طب ايه هوا بقه المجال ده بالتفصيل اولاً clinical pharmacy فرع كبير جدا في عالم الصيدله والجديد اللي نزل وبقه احدث هوا pharmacy practice وده القسم الام للصيدله الاكلينيكيه وخارج مصر هناك كليه للصيدله العاديه اللي كلنا نعرفها اللي توهلك للتصنيع واعطاء الدواء وتركيبات الادويه وما اللي ذلك وهناك كليه متخصصه للصيدله الاكلينيكيه طب ايه هيا الصيدله الاكلينيكيه معنا كلمه كلينيكال هي سريري ... وهيا ان الصيدلي بقه ليه علاقه بالسرير واحد يضحك عليا ويقول ايه المجنون ده اقولو لا السرير ده مش هوا اللي المريض بينام عليه يبقي الصيدلي الاكلينيكي بقه ليه علاقه وطيده بالمريض وخدمته في العنابر زي الطبيب بالظبط ازاي...يعني بمعني اصح ايه المجالات بتاعت الصيدلي الاكلينيكي::::::::::: لو هيشتغل في مستشفي يبقي هيعمل الاتي: 1-متابعه المريض في المستشفي من الناحيه الدوائيه فقط ...عشان محدش يقولي انتو هتبقو اطباء ولا ايه..انا عارف في ناس بتتكلم وهيا مش فاهمه .يعني ازاي أقولك مهامو في المستشفي هى: 1- اولا حساب الجرعه المظبوطه اللي المفروض المريض ياخدها ودي مش سهله زي ما اى حد ممكن يفتكر وده بيدرس في كورس hospital pharmacy & pharmaceutical care 2- اهم حاجه في الدراسه وهيا drug drug interaction وهيا الوظيفه الاساسيه ليه انو يتجنب اي تفاعل دوائي دوائي وده يدرس بالتفصيل في كورس drug drug interaction&clinical pharmacokinetics 3- تجنب حدوث مايسمي بــ adverse drug reaction ودي تاني وظيفه اساسيه بعد تجنب تفاعلات الادويه وده بيدرس في كورس adverse drug reaction 4- تحويل الصيدلي من وجهته كصانع للدواء الي عالم بكل مايحيط بالدواء من الناحيه الاكلينيكيه يعني ازاي الجسم بيتعامل مع الدوا ده دي حاجه والحاجه التانيه دراسه جميع الامراض دراسه تفصيليه من الناحيه اللي تفيدنا فقط وده بندرسو في كورس therapeutics 5- وطبعا اهم حاجه عشان تعمل ده كلو انك تدرس بقه ازاي تتعامل مع المريض بعد ماكنت في علاقه غير مباشره معاه سواء بالتصنيع او بصرف الدوا وده بيدرس في كورس pharmaceutical care & psychology طب في مجالات تانيه ....اكيد هو قسم TPN = TOTAL PARENTRAL NUTRITION IV ADMIXTURE ROOM يعني ايه: يعني احنا مكنش عندنا بني ادم بيعمل TPN او IV MIXTURE وده مش سهل لانو بيعتمد اعتماد كلي علي تفاعلات الادويه وكيفيه تجنبها عشان لو حته في تفاعل بين دوايين وانا عايز اعمل mixture معين ازاي اتفاداه واعملو وكانت اول IV ADMIXUTRE ROOM تتعمل في مصر هيا في مستشفي 57357 وعينو منها خريجي صيدله اكلينكيه عين شمس وحلوان والقاهره اخيرا الصيدلي الاكلينيكي ممكن يعمل في قسم CHEMOTHERAPY وده موجود في معظم المستشفيات ولكن كان مفيش كلينيكال فيه ولكن دلوقتي اهم واحد في القصر العيني طبعا كلو كلينيكال شغالين فيه يارب اكون نقلت المعلومه بطريقه مبسطه وياريت تفيدكم المعلومات __________________ |
بعد اذن اختى محبة اللغة لقيت شوية معلومات مهمة ممكن تفيد الدكاتره فبدل ما كل افتح موضوع جديد هاحط المعومات دى هنا علشان نركز المعلومات علشان محدش يتشتت بين المواضيع وجزاكى الله خيرا اولا بتيجي كتير استفسارات من طلاب بيسألوا عن كيفية الدراسة في احدى الجامعات المصرية .. وأحيانا بيكون فيه طلاب بيبقوا عايزين يحولوا من جامعة الى أخرى وبيبقوا عايزين يعرفوا ايه نظام المواد وتوزيعة درجات كل سنة .... فأنا خطرت لي فكرة بسيطة نقدر نساعدهم فيها ان شاء الله ونقدر نجمع أكبر قدر ممكن عن كل مايخص دراسة الصيدلة في مختلف الجامعات المصرية بس طبعا هحتاج تعاونكم معايا فياريت االلي في سنة معينة ومش موجودة تبع الموضوع اللى هاكتبه يدخل ويقول : 1-ايه هيا المواد المقررة فالسنة دي في التيرم الأول والتاني 2-توزيعة درجات هذه المواد 3- المصاريف الدراسية 4- كيفية دراسة الصيدلة الاكلينيكية في هذه الجامعه 5- معلومات عن تحضير الماجستير والدكتوراه في تلك الجامعه ان أمكن 6-موقع الجامعة على الانترنت وأنا فالنهاية سأقوم بتنسيقها وجدولتها حتى أسهل البحث للراغبين في معرفة ذلك هانقل لكم بردة معلومات كويسه والله ولي التوفيق |
بالنسبة لجامعة الاسكندرية موقع الكلية على الانترنت 1- السنة الاعدادية وهذه السنة يتم دراستها في كلية العلوم - التيرم الأول كيمياء 150 فيزياء 125 نبات 125 حيوان 75 لغة - التيرم التاني كيمياء 150 فيزياء 125 نبات 125 حيوان 75 لغة مادة اللغة تدرس فالتيرمين ولها امتحان واحد فقط في نهاية العام ( 50 درجة ) 2- السنة الأولى -التيرم الأول عقاقير 150 درجة كيمياء تحليلية 300 درجة صيدلانيات 150 درجة كيمياء عضوية 150 درجة Histology & Anatomy135 علم نفس 50 درجة ( يحتسب فالتقدير العام ) - التيرم التاني كيمياء عضوية 150 درجو صيدلانيات150 درجة عقاقير 150 درجة Physiology 135 رياضيات 100 درجة المصاريف الدراسية حوالي 160 LE 3-السنة الثانية -التيرم الأول عقاقير 150 صيدلانيات 150 كيمياء عضوية 150 كيمياء تحليلية 150 Microbiology 150 حقوق إنسان 50 درجة .... ( مادة نجاح وسقوط فقط .. ولاتدخل فالتقدير العام ) -التيرم التاني عقاقير 150 درجة صيدلانيات 150 درجة كيمياء عضوية 150 درجة كيمياء تحليلية 150 درجة Microbiology 150 درجة المصاريف الدراسية ... حوالي 170 L.E 4-السنة الثالثة -التيرم الأول صيدلانيات 150 phytochemistry 150 ceutical 150 public 150 biopharmacology 300 -التيرم التاني 300pharmacology صيدلانيات 150 ceutical 150 public 150 phytochemistry 150 المصاريف 170 تقريبا |
السلام عليكم بالنسبة لجامعة الزقازيق سنة اولي : الترم الاول: كيمياء عضوية 150 درجة والعقاقير 150 والتحليلية 50 والصيدلانيات 100 وكيمياء عامة وفيزيائية 100 ولغة انجليزية 50 والترم الثاني عضوية 150 وتحليلية 100 وصيدلانيات 100 ورياضيات 50 وحاسب الي 50 وحقوق انسان 50 في سنة ثانية حديث الترم الاول عضوية 150 وتحليلية 150 وعقاقير 100 وميكروبيولوجي 100 وصيدلانيات 100 وتشريح وهستولوجي 100 وعلم نفس 50 والترم الثاني عضوية 100 وتحليلية 150 وميكروبيولوجي 150 وصيدلانيات 100 وعقاقير 150 وفسيولوجي 100 في سنة ثالثة حديث الترم الاول فارماكولوجي 150 وصيدلة حيوية وفيزيائية 150 وفايتو 100 وعضوية 100 وكيمياء حيوية 100 وصحة عامة 100 والترم الثاني فارماكولوجي 100 وصيدلة حيوية وفيزيائية 100 وفايتو 150 وكيمياء حيوية 100 وصحة عامة 150 المصاريف :( الكلام اللى بيزعل الناس من بعضها ) مصاريف اولي 88 جنية وثانية 110 جنية وثالثة 150 جنية |
جميع الأوقات بتوقيت GMT +2. الساعة الآن 09:37 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.