|
المفروض يعطونا درجاتنا المالية مع الحد الادني للأجور واحدة فيهم لا ولن تكفي ولن ينجح وزير بالتربية والتعليم بدون ان يعطينا نحن المعلمين حقوقنا كاملة
|
وضعت وزارة المالية تصوراً مبدئياً لجدول الأجور الجديد المستحق في أول يوليو 2011 بعد رفع الحد الأدني للأجور إلي 700 جنيه بحيث يتم تحريك جميع الدرجات الوظيفية للوصول به إلي ذلك الحد الأدني يستفيد منه الموظفون المربوطون علي الدرجات السادسة والخامسة والرابعة ممن تنخفض رواتبهم ويصل عددهم وفقا لجدول الأجور 1.9 مليون موظف بحيث يحصل الموظف علي الدرجة السادسة في بداية المربوط ونهايته 700 جنيه مقابل 327 و496 جنيها علي التوالي وترتفع أجور الموظفين علي الدرجة الخامسة كذلك إلي 700 جنيه كأجر شامل مقابل 334 و590 جنيها علي التوالي والدرجة الرابعة إلي 700 جنيه شامل لبداية الدرجة و1018 جنيهاً مقابل 346و740 جنيها لبداية ونهاية مربوط الدرجة الوظيفية وتحقيقا للعدالة الاجتماعية والحفاظ علي الفروق المالية بين الموظفين حفاظا علي الثوابت المجتمعية سيتم اعتبارا من الدرجة الوظيفية الثالثة الموجود بها غالبية الهيكل الإداري للدولة سيتم زيادتها بمقدار 278 جنيها ليصل بداية مربوط الدرجة إلي 700 جنيه 1224 جنيها لنهاية مروبط الدرجة وبالنسبة للدرجة الوظيفية الثانية سيتحرك الأجر لبداية المربوط إلي 700 و1383 جنيها لنهاية المربوط وبالنسبة للدرجة الأولي سيرتفع الراتب لبداية المربوط إلي 980 جنيها و1484 جنيها لنهاية المربوط ترتفع إلي 1168 جنيها للمدير العام و1601 جنيه لنهاية مربوط المدير العام وبالنسبة للدرجة العالية ترتفع إلي 1262 جنيها لبداية المربوط و1672 جنيها لنهاية المربوط. وأكد د.سمير رضوان وزير المالية علي أنه كلما ارتفع الراتب علي الحدود المتعارف عليها والتي تعني توفير حياة كريمة لهم ستخفض قيمة الزيادة التي سيتم رفع الراتبها وذلك لتحقيق العدالة الاجتماعية. وعن الحد الأقصي للأجر كشف الوزير عن أن هناك خلافات وتصورات مختلفة عن الفرق بين الحد الأدني والأقصي وهو متعارف عليه بنسبة 1 إلي 36 ضعفاً إلا أن ذلك يحتاج إلي مراجعة حيث إن جدول الأجور بدون المكافآت تظهر أن الفارق مثالي جداً وهو 1 إلي 14 ضعفاً وهو ما سيتم تقليصه من خلال ضبط البدلات والأجور المتغيرة مؤكداً أن الحد الأدني هو خط الفقر الذي يستفيد منه 3.2% من قوة العمل. وعلمت «روزاليوسف» أنه سيتم استبعاد أصحاب الكادرات الخاصة من أطباء ومعلمين من الاستفادة من الحد الأدني للأجور أو تحريك الدرجات المالية، نظراً لأنه تم زيادتها وتحسين دخولهم بنسب وصلت إلي 100%، كما سيتم استبعاد موظفي عدد من الوزارات لارتفاع حوافزهم مثل وزارات المالية والاستثمار. انقر هنا لقراءة الخبر من مصدره. |
لو مش اخدنا حقنا مفيش دراسة ولا ثانوية عامة مفيش ألا ميدان التحرير
|
احنا مش عايزين الكادر وعايزين نتساوى بباقى الموظفين
|
كل الناس استفادت و أخذت حقوقها حت الشرطة الذين ضربوا الناس بالنار في ميدان التحرير إلا المدرس
لابد من إقالة هذا الوزير وزير الديوان و خليفة الحزب الوطني و تعيين وزير من أبناء الوزارة يعرف مشاكلنا و يحس بنا مثل بقية الوزارات مش كل مرة يجيبولنا وزير لا يعلم شيئ عن التربية و التعليم مرة محامي و مرة طبيب أطفال و هلم جراااااااااا |
يا جماعة نحمد ربنا اننا عرفنا الكلام دة دلوقتى قبل امتحانات الثانوية العامة ودى فرصتنا كى نضغط على الحكومة وعلى الوزارة الفاقدة للوعى دى نعلن اليوم عدم المشاركة فى اى امتحانات قبل ان يصدر قرار فورى وعاجل من اعلى المستويات اننا ممن سيطبق عليهم الحد الادنى
|
فى ظل هذا الوزير الذى أعلن الحرب عل المعلمين وطرقة كلامه عنهم لا مفر من أن نعترف بالحقيقة وهى ان المعلم محتقر من الكل وذلك لتقاعسه عن المطالبة بحقه حرمان من الدرجة وكمان من الحد الأدنى لأنك محسوب غنك يتاخد كادرو إن كان عاجبكم يا معلمين أعلى ما فى خيلكم اركبوه لا درجة ولا حد أدنى
|
لازم نحدد يوم للاعتصام
|
نريد اعتصامات قبل امتحانات الثانوية فى كل مدينة يجمع المدرسون انفسهم ويتم الاعتصام امام مديرية التربية والتعليم وفى القاهرةوالجيزة يكون الاعتصام امام ماسبيرو عشان صوتنا يوصل ونهدد نهدد نهدد بعدم الاشتراك فى اعمال الثانوية العامةونصمم على موقفنا وهو على الاقل تحديد حد ادنى لمرتب المعلمين اصحوا لن نحصل على حقوقنا الا بهذه الطريقة
|
مفيييييييييييييييييش فايدة
حسبنا الله و نعم الوكيل |
الله يرحم الشهدا ويجعل مثواهم الجنة
ارتاحوا م القرف اللى احنا عايشين فيه مهما عمل المدرس برضة أفقر ناس ف مصر منه لله اللى كان السبب |
سؤال للجميع ارجو الرد مين اللى مستفيد من ان المدرس يكون دايما فى المكانه الوطيه فى المجتمع والنظره الدونيه لهذه الوظيفه دى رساله لازم يعرفو انه احنا مش منتكلم وخلاص السكوت يعنى الرضا بالوضع المهين ده احنا لازم نتخذ الاجراءلت اللى تعرف الناس دى قيمتنا الاطباء مش احسن مننا وازاى مدرس يتساوى بعامل بدون شهاده فى اى مكان فين قيمه التعليم اللى احنا لازم نعلمها للطلبه والتلاميذ
|
[لا تعليم بدون حد ادنى و درجات مالية كفانا ظلم من المسئولين مع ان المعلم هو اول منتج فهو ينتج العقول وينميها ويكفى انهم ورثة الانبياء |
هاااااااااااااااااااام وعاجل
رسالة الى الشياطين
اعتذر ؟ قال ص الساكت عن الحق شيطان اخرس مش عارف ليه انتوا زعلانين من الوزير والحكومة ؟ انتوا السبب انتوا السبب سكوتكم المتواصل بحجة اننا اصحاب رسالة وما كنش سبب فى توقف عجلة الانتاج ؟ ومصلحة الطلبة؟ عارفيين دا كلام مين ؟ دا كلام البهوات اللى بيدوا دروس خصوصية ومش فارق معاهم ادنى او اقصى واللى عندهم شغل وورث اضافى ومش حسيين بمشاكل الباقى الشرطة اللى هنوكم و***وكم اخدوا ايه؟ حد يقوللى ؟ اول ناس عملوا اعتصامات بعد الثورة مين؟ البنوك والبترول لما جه الوزير الهمام قال ايه عن الكادر؟ قل ايه عن 400 يوم مكافاة بنسبة 7 بالميه وكله كلام خليكوا كدا اقبلوا وتنازلوا بعد ذل الكادر ثم كذبة المكافاة ثم لا حد ادنى ليكوا يبقى انتوا ايه شياطين ولا لا ؟ دافع عن حق اولادك واسرتك هتسال يوم القيامة ليه متكلمتش لا ما اخدتش ولو شرف المحاولة قال ايه خايفيين على مصلحة الولاد والطلبه وهم الشرطة لما سابونا للبلطجيه راعوا حقوقنا فى الامان ولا البنوك لما وقفوا البنوك اسابيع راعوا مصالح مين ولا حتى الاطباء وعن تجربة شخصية كانوا يسبوا المريض يموت بحجة انه عامل اضراب فوقوا فوقوا ربنا ينتقم من كل واحد هيقرا كلامى ويفضل ساكت اولادوا هيدعوا عليه مراته هتلعن اليوم اللى ارتبطت فيه بمدرس ولا احنا خلاص بقينا نقول كلام فى الفصل وكلام فى الشغل بدون فعل حسبى الله ونعم الوكيل فى اللى يتقاعس ويتوانى عن حقه |
ولن ينجح وزير بالتربية والتعليم بدون ان يعطينا نحن المعلمين حقوقنا كاملة
|
| جميع الأوقات بتوقيت GMT +2. الساعة الآن 02:26 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.