|
اقتباس:
ربنا يقدرلك الخير |
انا هتكلم عن تجربتي
انا طالع تالتة طب عين شمس انا الاول كنت عايز ادخل صيدلة لكن اقاربي و كل اصحابي قعدوا يقولولي لا و كمان دكاترة اعرفهم شجعوني اني ادخل طب بغض النظر عن مسألة السبع سنين لازم بعدهم ماجستير و دكتوراه و يكفي ان تعرف ان تحضير الماجستير يتغرق نحو 3 سنين قابلة للزيادة لانه لا يسمح بالتسجيل الا بعد مرور سنتين علي التخرج و بيكون ليه مجموعة امتحانات و الدكتوراه لازم بعد سنتين من الماجستير و معظم الي بيحضرها بيطول فيها لان ببساطة بيسقطوا فيها كتير ممكن تلاقي واحد مثلا دخل يمتحن دكتوراه 7 مرات مثلا يعني من الاخر في دكتور قالنا ان الدكتوراه دي بتخدوها منحة بمزاجهم حاجة مهمة لازم تعرف انك مينفعش تفتح عيادة الا بعد ما تحضر الماجستير و تنجح فيه و كمان الشئ الصعب ان التقديرات بتاعة السنين كلها بتتجمع في الاخر و بيعملو ترتيب تلراكمي ليك علي مستوي كليات الطب في الجمهورية و يحدد المكان الي هيشغلك في في فترة التكليف و طبعا كل ما كان ترتيبك عالي كل ما هتكون قريب من بلدك(البنات ممكن يتجوزوا و بذلك يجيبلهم التكليف في المكان الي يطلبوه ) لكن في صيدلة متفرقش التقديرات في حاجة ارجو ان اكون وضحت بعض النقط الي انا نفسي مكنتش اعرفها قبل دخول الكلية و لو حد عنده اي استفسار عن طب يقول . |
اه انا كنت عايزة استفسر عن المواد اللى فى طب و هل هما فعلا ما بيخدوش اجازات
|
اقتباس:
كل ما تريد ان تعرفه عن طب عين شمس وكمان بتاع طب القصر العيني بالنسبة للأجازات فاللي اعرفه انه بيبدأ من سنة رابعة بتصبح السنة عبارة عن دراسة متواصلة بدون انقطاع اما اول 3 سنين بيبقى فيهم اجازة عادي نص سنة وصيف ياريت حد تاني يفيدنا |
بالنسبة للاجازات من اولة لحد رابعة الدراسة بتبتدي عادي في شهر 9 و تخلص في 6
اما سنة خامسة الدراسة بتبداء شهر تسعة و بتخلص شهر 12 الي بعد الي بعده يعني تقريبا 15 شهر بس في شهر 7 و 8 بتكون قاعد في البيت عادي بس طبعا بتذاكر و بالنسبة لسنة 6 بتبداء من شهر واحد الي بعد سنة خامسة بعد حوالي 3 اسابيع او شهر منها و بتخلص علي شهر واحد الي بعده و بعد كدا بتاخد شهرين و بيبداء الامتياز من شهر 3 ل شهر 3 الي بعده . |
بتفكرنى بنفسى جدا انا كمان كنت جايب 99.1% و كنت متحير شوية
بس دلوقتى انا فى طب اسنان انا رأيى ان بشرى طويلة عشان كده لغيتها من حساباتى اسنان و صيدلة زى بعض بس اسنان محتاجة شوية مهارة يدوية بس حتى لو مش موجودة ممكن تكتسب بمرور الوقت ملاحظة: اسنان 5 سنين + سنة امتياز بينما صيدلة 5 سنين من غير امتياز اسنان كلية عملية اكتر و فيها اثارة بس ساعات تحس بالخنقة لان كل اللى انت عايش فيه هو حتة فم صغير و بس اسنان الى حد ما عايزة حبة قوة عضلية بسيطة انما فى الاخر الكليتين متقاربين و كويسين |
اقتباس:
ههههههههههههههههههه هو مفيش اجازات :d احنا تقريبا بناخد السنة كلها اجازه ماعدا الشهر اللي قبل الامتحان فيه فرق بين نظام الكلية ونظام الثانوي الثانوية صحيح اسهل بس بتحتاج مجهود اكبر ف طب مثلا لو بتحضري المحاضرات مش مطلوب منك مجهود كبير غير ايام الامتحانات يعني بجد حتلاقيها كلية لذيذه اوي ومش صعبه زي الناس ما بتقول |
بصي يا دكتورة
نصيحتي بجد لو انتي مش فارقة معاكي ومش عايزة حاجة معينة وكمان حابة الاحياء عن الكيمياء يبقى تتوكلي على الله وتدخلي أسنان الاسنان مشوارها اقصر واسهل وكمان على الاقل ضامنة التكليف لكن في الطب البشري لغوا التكليف كمان انا برضه لما جيت ادخل ناس نصحوني باسنان بس قلتلهم لا انا بتقرف عادي لقيت في الآخر مش فارقة دلوقتي انا في سنة خامسة واصحابي كلهم خلصوا واتخرجوا حتى بتوع صيدلة واسنان وانا حتى لسة ممتحنتش وقاعدة عمالة اذاكر في البيت ولكي انك تتخيلي كيفية المذاكرة في الحر ده وكمان انا بجد زهقت من طول مدة الدراسة بس يللا قدر الله وما شاء فعل بس بجد احسن لك اسنان وربنا يوفقك |
يا جماعة انا تقريبا كده قررت انى هدخل صيدلة انشاء الله و لو فيه حد فى صيدلة المنصورة يقدر يفيدنى اكتر عن النظام هناك لانه طبعا اول سنة بتبقى الامور متلخبطة شوية و اللى الواحد بيبقى حاسس انه تايه
|
انا كمان كنت عايزة اعرف اذا كان فيه تكليف لسه موجود فى صيدلة المنصورة و لا لغوه؟؟؟؟
|
نصحيتي ابعدي عن طب او صيدلة
افضل كلية اسنان الدراسة خمس سنيني وتتخرجي بعديها تشتغلي غير طب تدرسي 6 سنين غير سنة امتياز وبعد كل ده مينفعش تفتحي عيادة لغاية ما تاخدي الدكتوراة اتمنى اكون افادتك |
أنا عايزة اسال حاجة مهمة اوي
الاسنان خمس سنين ولا ستة ؟؟؟ والامتياز هو السنة السادسة ؟؟؟ أنا اتلخبطت خاااااااااااااااااااالص |
مبروك يا فندم
السلام عليكم ورحمة الله وبركاته في الأول ألف مبروك ليكي يا دكتوره مارينا:av4056bb7jp3: ثانيا أعرفك بنفسي أختك في الله تواااقة خلصت أولى صيدلة - بعد إعدادي _ جامعة المنصورة :) يعني من الآخر كده خبرة سنتين على فكرة أنا كنت زيك بالضبط وكنت محتارة جدا بس ما بين طب وصيدلة كنت شايلة أسنان من تفكيري خالص رغم انها كلية عملية ودراستها بسيطة نوعا ما من الناحية النظرية بعيدة شوية عن الكيمياء بس بمجرد ما الواحدة بتتخرج هتعمل ايه بعد كده ؟؟ هتقوليلي ممكن تفتح عيادة . هقولك كويس خالص بس برضه أكيد العيادة دي هتبقى حرااااااااااامي كبيييير أوي بيسرقها من بيتها وعيالها وزوجها ده لو عايزة عيادة ناجحة يبقى لازم تفضيلها جزء كبيرمن وقتها ده غير بقى التفعيص في بق العيانين واحتمال انتقال الأمراض مع أدنى خطأ :abdoog8: أنا مش بقلل والله من شأن أطباء الأسنان على عيني وراسي بس أنا بتكلم كبنت المفروووض بيتها وأولادها يبقوا أهم حاجة في حياتها نفس المنطق ده فكرت بيه في كلية طب محتاجة سنيين طويلة تعليم غير الدراسة اللي بعد التعليم غير سنين علشان تحققي اسم وشهرة والناس تثق فيكي ولحد ما تكسبيهم هتكوني خسرتي بيتك ( دي وجهة نظر شخصية بحتة ) :blush: أما بقى صيدلة اللي بقت أحلى كليه عندي في الدنيا فأنا لقيتها أكتر امتيازات وأقل عيوب - 5 سنين بس - الدراسة سهلة جدااا والله - تقديري جيد جدا مع اني مكنتش بحضر غير حاجات معينة ومذاكرتي قبل الامتحان بس - - التعييين - لو فتحتي صيدلية مش هتكوني مضطرة تقضي فيها وقت كبير أوي وده هيديكي فرصة تاخدي بالك من بيتك وولادك-مستقبلا إن شاء الله - - ولو ربنا مأرادش انك تفتحي صيديلية فيه مجالات للشغل كتيرة ان شاء الله - ده غير بقى ان مجرد اسمك لو اتباع لأي صيدلية ده ممكن يوفرلك دخل شهري من دون أي عنااااء :confused: أولا وأخيرا أنا هطلب منك تصلي صلاة استخارة واتوكلي على الله في الحاجة اللي هترتاحي فيها يغض النظر هي هتبقى ايه ولو شرفتينا في المنصورة يسعدني أتعرف عليكي ألف مبروك مرة تانية وربنا يوفقك ويوفق الجميع :078111rg3: |
بالنسبة للصيدلة الإكلينيكية فهي فعلا قسم جديد بدأمن السنة اللي فاتت في صيدلة المنصورة :) مصاريفه حوالي 10 آلاف جنيه في السنة تقريبا :stickjo4: الدراسة فيه كانت متلخبطة جدا السنة اللي فاتت على حد علمي من إحدى الطالبات المشاركات في هذا النظام لأنه كان أول مرة يتطبق بس مش عارفة النظام هيتحسن السنة دي ولا لأ :confused: وطبعا ملهمش ورق في مكتبات خارجية ولا حتى ممكن يستعينوا بدروس خصوصية في المواد الصعبة على عكس الصيدلة العادية :romarioxp6: وللعلم بيبقى فيه دوره كلينيكال حوالي شهرين اللي عايز ياخدها بعد ما يتخرج بس معرفش بصراحة هيا تعادل التاني ولا لأ :redface: ياريت تطمنيني انتي استقريتي على ايه :078111rg3: |
بصي هقولهالك من واحده مجربه للتلات حالات دول بجد
انا ليا اخت في صيدله وليا اخت في طب واعرف واحده ابنها في طب اسنان صدقيني الفرق شاسع ما بينهم هما التلاته اللي لاحظته انك لو دخلتي طب بعد دراسه سبع سنين كامله وتعب وقرف مش هتحصلي ولا حاجه بعد كده اهي اختي قاعده دلوقتي بتقبض 280 جنيه ومتزوجه ومعاها بنت غير كده هتفضلي طول عمرك بتتدرسي وخلاص ومش مهنه لبنات قوي يعني الصراحه اما لو صيدله صيدله كويسه بس طب اسنان افضل منها بس مصاريفها كتيره قوي بس كمستقبل ممتازه جدا وانا لاحظت كده في اختي والولد ابن الست الي لاعرفها دي صدقيني حاجه جميله جدا ومستقبل كويس قوي بس مصاريف كتييييييييييييييييييييييييره قوي قوي |
| جميع الأوقات بتوقيت GMT +2. الساعة الآن 10:25 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.