السلام عليكم جميعااا...إزيكم ياشباب .. يارب تكونوا كلكم بخير.. علي فكرة ياجماعة الجداول نزلت ...

خبر هااااااااااااام جداااااااا ....
لطلبة علوم "نظام جديد" الدراسة هتبدأ يوم 10\10 بإذن الله
يعني من الاسبوع القادم
اما بالنسبة للاسبوع الحالي فهو اسبوع عشان حذف وإضافة المواددد فقط لا غيررررررر يعني مفيهوش دراسة ..
والخبر ده اكيد بإذن الله ....

معلش انت عرفت منين يعنى بكره مفيش محاضرات لا يمكن . ولا انت قصدك سنة اولى ؟؟؟؟
معلش ياريت تكتب انت عرفت الكلام ده منين

معقولة الكلام ده حضرتك متاكد .طيب ليه مالوش انت متاكد من الخبر ده .طيب يا جماعة اللي جابوا الجدول مش مكتوب فيه ميعاد بدء الدراسة او حتي سمعتوا الكلام ده في الكلية

ربنا يكرمك يا قمر :078111rg3:
انا فعلا سحبت ورقتى من الشاطبى و معرفش اصلا انه فيه حاجة فمحرم بك
ان شاء الله اسحبها و اقولك:av4056bb7jp3:

الحذف و الاضافة شغال الى جانب الدراسة
الدكتور قالنا ان السكاشن احتمال ما تشتغلش اول اسبوع و ده احتمال

المحاضرات حتشتغل من اول يوم و يمكن بكروتة كمان لأننا متأخرييييييييين
و الكلام ده كلام الدكتور عندنا فى القسم (د.محمد القرش)

بصراحة يا وان واى انا اتوقع ان سنة اولى حيشتغله برده محاضرات من اول يوم و السكاشن هى اللى تانى اسبوع

قالولنا ان المحاضرات حتشتغل من 3/10
و بالنسبالنا احنا بكرة محاضرتنا الساعة 11 فى الشاطبى

لا ياجماعة انا بتكلم علي الفرقة التانية معرفش نظام سنة اولي ده ايه
وبعدين ده مش كلامي انا
ده كلام الدكاترة كذا دكتور قالولنا ان اول اسبوع هيبقي تسجيل واضافة المواد
والدراسة هتبدأ في الاسبوع التاني
والله اعلم ...........

عموما نروح بكرة ونشوف ايه النظام ؟؟؟
بس جايز الكلام ده في قسم معين بس ؟؟
مش عارف الله اعلم

يوم ممل بكل ما في الكلمة من معني ايه العدد ده كله والدكاترة بسم الله ما شاء الله ربنا يعينا يا جماعة اخر الاخبار اللي عرفتها ان المصاريف 190 و10 كارنيه والدمغات بتكون ع حسب اللي هيطلبوه مننا في القسم والقسم في طريق الحرية وانا كسلت اروح الللي يعرف الدمغات دي بكام وهنجيبها منين يقول والكتب والسكاشن والمجموعات او اي اخبار تانية تهمنا لاني دوخت النهارده وكل حاجة يقولنا اسالوا في طريق الحرية انا عارفة اني بتقل عليكم انا اسفة بجد بس ياريت اي معلومة حتي لو صغيرة تفيدونا وانشاء الله هنكمل بعض في معرفة كل حاجة

بسم الله _ السلام عليكم ورحمة الله وبركاته زملائى الطلاب وعلماء المستقبل باذن الله.

الحمد لله قد احضرت لكم جدول كلية علوم الفرقة الثانية قسم كيمياء.

وارجو ان اكون قد وفقت للمساعدة.............وما توفيقى الا بالله

اللهم اجعل عملى خالصا لوجهك الكريم..........الهم اميـــــــــــــن

تفضلوا......

http://www.thanwya.com/vb/showthread...21#post1657821

بارك الله فيكى اختى الكريمه وجزاكى الله عنى كل خير على مساعدتك.

وادام الله خيركِ وعطائك.

ده احنا مش بس اشتغلنا دى الدكتورة عندنا دخلت اتكلمت عن انفلونزا الخنازير ربنا يعافى الجميع و بعد كدة دخلت فى المنهج شرحت ال introduction و خلصتها و دخلت فى chapter 1و لو عليها كانت عايزة تخلصه لولا اننا كنا تعبنا و قالتلنا المنهج كبييييييير و فعلا طلع المنهج introduction + 9 chapters

انتو كنتم فى محرم بك.صح؟ احنا كنا فى الشاطبى و كانت زحمة جداااااااااا
موضوع دفع المصاريف و الكارنيه و الحاجات دى تتعمل فين؟ فى الشاطبى و اللا محرم بك؟ و ادفع المصاريف امتى؟ ده كل ما اروح الشؤون فى محرم بك تقولى لسا

بصى يا قمر انا هى حاجة واجدة اللى ممكن افيدك فيها لأنى وخدة ماينور كيميا و امبارح اخدنا اول محاضرة فى الكليميا مادة اسمها كيمياء العناصر الممثلة و هى عندكم برده و ادتهلنا د.امل فوزى الحسينى و قالتلنا اننا نحجز الكتاب من طريق الحرية يعنى شكل الكتب بتاعتكم حتكون من طريق الحرية
اما بقى مجموعات السكاشن فنفسى ينزلوها لأن انا الدنيا كلها سايحة عندى مش عرفة انظم حاجة بسبب انى حتى مش عرفة مجموعتى ايه
و بعدين عندنا مجاميع الكيميا تنقسم الى 6 مجموعات و الاحصاء الحيوى الى 3 مجموعات يعنى كل مادة حتفرق مش كل المواد نفس المجموعة
من الآخر دووووووووووووخة
الله يعيننا
و انا ان شاء الله اى حاجة جديدة حعرفها ان شاء الله ابلغها ليكم

شكررررررررررا جدا يا نهي ايوة احنا كنا في محرم بيك وفعلا كلية كئيبة زي ما كانوا بيقولوا واللي ضايقني بجد ان عددنا في المحاضرة كان كبير اوي وكان نفسي اسمع الدكتور بس في حاجات كتير معرفتش اسمعها بسبب الدوشة والدكاترة مش مهتمين باننا نسمع ونفهم يارب يقسمونا بسرعة ويكون العدد قليل بس يانهي انتي ممكن تدفعي المصاريف دلوقتي عادي والدمغات بتجبيها من القسم بس انا شوفت بنات دفعت المصاريف والكتب ايوة ممكن تكون كلها في طريق الحرية لانهم قالونا كل حاجة تخص القسم هناك انشاء الله هبقا انزل واعرف كل حاجة من هناك

السلام عليكم
ازيكو كلكوا .. يا رب تكونوا بخير .. ايه الاخبار معاكوا ف اليومين اللى عدوا
الكلية مملة جدا و محدش عارف حاجة خالص و الاعداد كبيرة جداااا ف المحاضرة زى ما قالت broken heart و التقسيم بتاع المجموعات كل لما اسأل حد يقول معرفش او يرميها على غيره من شئون الطلبة لقسم الكيمياء لقسم الفيزياء ( معرفش ايه علاقة الكيمياء بالفيزياء ) و ف الاخر قالوا ف قسم الكيمياء فى طريق الحرية و اصحابى راحوا انهارده عشان يسألو بردوه ميعرفوش اى حاجة و مفيش تقسيمات نزلت عندهم
لو سمحتوا اللى يعرف اى حاجة عن قسم الكيمياء يا ريت يقولها و انا كمان لو عرفت اى حاجة حابلغكم بيها
سلام

وعليكم السلام ورحمة الله وبركاته يارب تكوني بخير وتشاركينا دايما بالنسبة لتقسيم المجموعات بتاعة المحاضرات في وحده الحاسب ولو بتسالي ع مجموعات السكشن فانا مش عارفة اللي قلوهولي في شئون الطلبة اني اسال في طريق الحرية فمش عارفة ازاي قالوا انهم ميعرفوش حاجة انا بردوا هروح اسال بكره ولو فيه جديد هبقا ابلغكم باذن الله

ميرسى يا broken heart انك رديتى عليا و ان شاء الله حروح اسأل بكرة اهو ع الاقل يبقى عرفت اى حاجة ف موضوع المجموعات ده لانى لغاية دلوقتى معرفش انا مج1 ولا مج2 ده طبعا غير مجموعات السكاشن و فعلا اصحابى راحوا سالوا ف طريق الحرية ملقوش حاجة خالص تخص المجموعات و بردوه روحى و اسألى زيادة تأكيد
كنت عايزة اسألك على حاجة (معلش استغلال بقا) انتى كنتى بتقولى ان ممكن اخد الورقة بتاعت ال gpa من وحدة الحاسب ف محرم بيه صح ؟ اصل انا مخدتهاش خالص لما نزلت من الشاطبى و مكسلة اروح اخدها من هناك ينفع اخدها من محرم بيه ؟ حاجة اخيرة بقا معلش الجدول مش مكتوب فيه اى سكاشن للكيمياء خالص يا ترى الجدول ده غلط و حيتعدل قريب ولا ايه النظام بالظبط
معلش يا broken heart طولت عليكى و يشرفنى اتعرف عليكى و نكون اصحاب كمان

بصي يا قمر انتي ممكن تاخديها من محرم بيه عادي لانك بتقوليله رقم الجلوس وبينزلها من ع الجهاز وفيه بنات مكنش معاها مواد سمر كورس وقالولوا وجبهالهم عادي وبالنسبة للجدول فهو مظبوط والعملي بتاع الكمياء هيكون باذن الله الترم التاني والترم التاني هيكون فيه معظم العملي واطلبي اللي انتي عايزاها احنا هنا علشان نساعد بعض وان استفدت منكم كتير واتمني اكون افدتكم وع فكرة انا مليش اصحاب واتشرف بمعرفتكم جميعا وانتم اصحابي الفعليين حتي من قبل ما اشترك في المنتدي وكنت بستنا كل فرد فيكم وبضايق اوي لو حد غاب

يا جماعة صحيح انتو عرفتو ان جدول مبدأ علم الاقتصاد و تاريخ العلوم نزل فى محرم بك؟
و طبعا كل واحد يختار المعاد المناسب ليه و لجدوله و لراحته طبعا
بالنسبة لمبدأ علم الاقتصاد
السبت من 5-7 مدرج 3
الاحد من 5-7 مدرج 3
الثلاثاء من 5-7مدرج 4

بالنسبة لتاريخ العلوم
الاثنين من 5-7 مدرج 4
الاربعاء من 4-6 مدرج 4
الخميس من 4-6 مدرج 3
و طبعا كله فى محرم بك

لا حول ولا قوة الا بالله
الدوشة لدرجة انكم مش عارفين تسمعوا الدكتور و هو بيشرح مش همه؟ ايه التهريج ده؟؟؟؟
ان شاء الله تتقسموا بسرعة يارب لأن فعلا كدة مش حينفع
بالنسبة للمصاريف انا مش عارفة اصلا ايه الاجراءات اللى بتتعمل
يعنى حروح شؤون الطلبة اللى فمحرم بك و اقولها على قسمى و بياناتى كلها و حطلعلى حافظة اخدها و اروح الحسابات. يا ترى هى دى الخطوات اللى تتعمل زى السنة اللى فاتت يعنى؟
و مرسى اوى ليكى يا قمر و معلش مدوخاكى معايا

الحمد لله النهاردة اول مرة افهم محاضرة بتركيز ووضوح للدكتورة هناء همام بتدى ديناميكا حرارية ويارب تكون بتدى المجموعتين لان الصراحة شكلها دكتورة كويسة
فى حاجة تانية عايزة اسال عليها ايه نظام المصاريف وايه حكاية دمغات وحاجات نجيبها من طريق الحرية ياريت لو حد فهم حاجة او سال على اى حاجة بخصوص المصاريف والكتب يقول عشان اخلص من دوشة الفلوس دى

[quote=Nogha;1660619]يا جماعة صحيح انتو عرفتو ان جدول مبدأ علم الاقتصاد و تاريخ العلوم نزل فى محرم بك؟
و طبعا كل واحد يختار المعاد المناسب ليه و لجدوله و لراحته طبعا
بالنسبة لمبدأ علم الاقتصاد
السبت من 5-7 مدرج 3
الاحد من 5-7 مدرج 3
الثلاثاء من 5-7مدرج 4

بالنسبة لتاريخ العلوم
الاثنين من 5-7 مدرج 4
الاربعاء من 4-6 مدرج 4
الخميس من 4-6 مدرج 3
و طبعا كله فى محرم بك

ايه المواعيد دى؟ !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!
ده تهريج والله يعنى ان شاء الله عقبال ما اروح بتنا تكون الساعة بقت 7 ونص او احتمال كبير 8 ده مين ده اللى هيستنى لغاية 7 بالليل هما مش عارفين الكلية فين بالظبط ولا نسوا موقعها الاستراتيجى العريق جنب محطة مصر
مش هقول غير حاجة واحدة حسبى الله ونعم الوكيل وبنسبة 99 فى المية مش هحضر عشان اغلب المحاضرات بتكون الصبح يعنى مش هنزل 8 الصبح وارجع 8 بالليل هى ايه رحلة ؟!!!!

السلام عليكم ورحمة الله وبركاته ياري تكونوا جميعا بخير انا هقولكم كل اللي عرفته بعد عناء طويل انا حسيت انهم حابين يدوخنا وخلاص المهم بالنسبة لمجموعات السكشن هتكون يوم الاربعاء بطريق الحرية عند مكتب الاستاذ سيد منصور و بالنسبة للمصاريف هتكون 190 والدمغات محدش عارف هتبقا كام بس ع العموم احنا بنجيبها من الخزنة اللي في قسم جيولوجيا الدور الارضي وعلشان ندفع المصاريف اولا نجيب الحافظة من شئون الطلبة وبعدين نجيب الدمغات من الخزنة زي ما قولتلكم وبعدين فية شباك كده مكتوب علية من فوق مصاريف 2 و3 و4 هنروح ندفع هناك ومطلوب صورتين واخيرا موضوع الكتب كتاب كيمياء عضوية في طريق الحرية الدور الاول ب40 جنية حجر بس وكتاب الالكترونيات بمعمل الفيزياء سنة تانية ب 50جنية حجز بس بردوا وكتاب الديناميكا هيكون في الشاطبي بمعمل الكيمياء الفيزيائية زي ما الدكتورة قالت بس مش عارفة بكام

بصوا يا جماعة انا اعتقد انا الدمغات هتكون 10 جنية بالنسبة لقسم الكيمياء مش عارفة كل الاقسام كده ولا لانهم كانوا بيقولوا 10 كارنية فتقريبا كان قصدهم ع الدمغات لانهم في مكان تسدسد الرسوم بياخدوا 190 بس فاكيد ال10 ديه دمغات ونسيت حاجة كمان ان مفيش دفع مصاريف دلوقتي الدفع هيكون يوم السبت لان ورق الحافظة خلص من شئون الطلبة ولسه هيجبوه

ايوة صراحة دكتورة ممتازة بس متاكده انها اسمها هناء همام اصلي سمعتها حنان تمام :d

بجد بجد مش عارفة اقولك ايه يا broken heart
وفرتى عليا عناااااااااااااااء كبير اوى ربنا يجازيكى خير ان شاء الله
بس فعلا انا لما قريت اللى انتى كتباه حسسونى اكن الشاطبى وطريق الحرية ومحرم بك الثلاثة فى شارع واحد بجد حرام عليهم كده كتييييييييييير:wacko:
وليه كتاب الديناميكاىفالشاطبى مش المفروض كل حاجة فى محرم بك او طريق الحرية
مش هقول برده غير حسبى الله ونعم الوكيل:040vk0:

شكرا جدا يا نهي ان الصراحة مكنتش اعرف موضوع الجدول ده مش فعلا مواعيده وحشة جدا بس هما عملينه كده علشان يناسب جميع الطلبة في جميع الاقسام يارب بس مياخدوش غياب لاني اكيد مش هحضر

هناء همام ولا حنان تمام احنا هناسبها :p
المهم الشرح . الحمد لله الواحد لقى حد عنده ضمييييييييييييير عقبال الباقى يارب

ميرسى يا broken heart على مجهودك بصراحة انا مش عارفة اشكرك ازاى بس لو ممكن تقوليلى فين مكان وحدة الحاسب لانى معرفش حاجة ف الكلية دى و بتوه فيها... على فكرة انا كمان مليش اصحاب و يا ريت اتعرف عليكى و نكون اصحاب بجد

جزاكى الله كل خير لانك وفرتى علينا التعب عشان نعرف الحاجات دى من الكلية

انا لما سألت المصاريف كام ف شئون الطلبة قالوا 190 جنية غير 10 كارنيه غير 5 دمغات عن كل معمل

عندك حق فعلا يا وان واى انهارده اول مرة افهم كويس من محاضرة و يا رب الدكتورة تكون بتدى المجموعتين عشان نعرف نحضر ف اى ميعاد منهم

و انا سمعتها هناء همام ع العموم مش فارقة المهم ان شرحها كويس

وعليكم السلام ورحمة الله تعالى وبركاته
فعلا جزاك الله خيرا اختى الكريمه على المجهود الرائع . بس استفسار صغير هنعمل كارنيه جديد لسنه 2 ولو فيه هنعمله فين في محرم بك ولا الشاطبى؟ والمصاريف هندفعها فى الشاطبى ولا محرم بك؟

واحب اضيف انى روحت طريق الحريه يوم الاحد وسالت على السكاشن فى اوضة التحضير قالولى الدور الثانى
قالو الاسماء لسه منزلتش ؟نزلت الدور الاول عند دكتور سيد منصور قالولى الاسماء ان شاء الله هتنزل يوم الاربعاء زى ما حضرتك قولتى وان ماكنش هيكون يوم السبت ان شاء الله .
الشاهد ايه! ان الكليه تتميز باهمال غير طبيعى المفروض ان الاسماء والمجموعات تكون مقسمه قبل الدراسه باسبوع وتكون فى محرم بك والمعلومات كلها تكون موجوده عند شئون الطلبه لان الكليه كلها عند 2 بس العميد والوكيل ومش متواجدين احيانا ولازم يكون هناك فريق ارشاد مؤقت (ان شاء الله يكون من اتحاد الطلبه)عشان يعرفو الطلاب الجدد الاماكن والمعامل لان بجد المبانى كلها شبه بعض . كمان المايكات بايظه وبيغيروها فى اليوم الاول او الثانى ..................الا تتفقون معى فى ذلك.
وانا اسف انى طولت عليكم ....اصلح الله احوالنا ونفع بنا الامه

ايوة انشاء الله هنعمل كارنية جديد ل 2 وهنعمله في محرم بيه والمصاريف بردوا هناك وفعلا اهمال جامد في الكلية انا كنت باخد منهم المعلومات بالعافيه ومتاكدتش غير بنفسي لانهم بيغيروا كلامهم وكل واحد بيرمي المسئولية ع التاني والله في الاخر دكتورة في طريق الحرية قالتلي هما مالهم مدوخينك كده ليه ووالله بصريح العبارة قالتلي السنة دي ملخبتين الدنيا واحنا نفسنا مش فاهمين حاجة حتي دكتور سيد منصور بيسالني انا يعني ايه الدمغات وقالي انه ميعرفش عنها حاجة ومفيش حاجة اسمها دمغات المفروض اللي يعمل نظام جديد يكون اد المسئولية ع تطبيقه لكن كده هيفشل وده المتوقع

الحمد لله ........ انا عامل موضوع جديد جميل جدا ومهم لينا كلنا ان شاء الله لسنه 2 قسم الكيمياء ارجو انه يعجبكم .
فكرته ان اى حد منا لو مقدرش يفهم حاجه فى المحاضره او السكشن فى الكليه ممكن يسال فيها ونجاوبه نساعد بعض عشان نتفوق باذن الله والى عنده مثلا ملاحظه مهمه ممكن يساعد بيها زملائه ..................لاننا كلنا محتاجين مساعده وانا اولكم

وان اشاء الله اتمنى منكم المشاركه والتعاون والتفوق والاجتهاد باذن الله مع بداية هذا العام الجديد رغم العقبات
وانا اشكركم جزيلا ........هذا هو الرابط

http://www.thanwya.com/vb/showthread.php?p=1662206#post1662206

فكرته حلوة اوى الموضوع ده يا شاندو و ان شاء الله كلنا نشارك فيه و نستفاد منه
شكرا ليك

فكرة جميلة جدا وانا كنت ناوية اقولكم عليها بس حضرتك سبقتني المهم بجد اننا نفيد بعض ونذاكر اول باول ونشجع بعض

الفكرة حلوة اوى يا shado
وان شاء الله نتواصل كلنا على الرابط ده

شكرا لاهتمامك اختى الكريمه وان شاء الله نستفيد جميعا

دائما سباقه للخير اختى وشكرا لكى ونتمنى تعاونك معنا

باذن الله نبدا من السبت القادم

باذن الله نبدا من السبت القادم وشكرا لك

ازيكوا يا جماعة..
دلوقتي اللي معاه حقوق انسان او مواد تانية من اولى.. الدكاترة مخلوناش نختار حاجة.
حتى مواد تاريخ العلوم و الاقتصاد .. طب افرض انا مش عايز اخدهم و عايز ابقى اخد مقرر تاني بعد كده.
محدش يعرف الحذف و الاضافة يتعملوا فين؟
و بالنسبة لزميلي في قسم كيمياء بقى .. محدش يعرف مادة رياضيات للكيمياء ليها متطلب سابق ولا لأ؟

انا فعلا مش عرفة ازاى حمشى فى محطة مصر الساعة 7 دى؟! لا حول و لا قوة الا بالله:stickjo4:

ياااااادى الدووووووووووخة ده انا تهت فى وسط الكلام انا ححاول اطبع كلامك و اخده معايا كأنه خريطة استرشادية لأنى فعلا تهت :006et4:

آه و الله ربنا يكرمك يا بروكن هارت
و فعلا بيتعاملوا ببرود كأن الكليات كلها فمبنى واحد مش فى شارع واحد :abdoog8::abdoog8::abdoog8::abdoog8:

انا برده حسه ان المواعيد كدة علشان تناسب الكل ماشى كتر خيرهم
بس كانوا يخلوها فى الشاطبى
يعنى الشاطبى دى مفيش مشاكل لو نخلص 10 حتى
انما محطة مصر دى بصراحة بعد 5 او 6 صعب اوى
ربنا يحفظ الجميع يارب

اللهم آمين
يعنى السكاشن عندكم فى الكيميا حتنزل عالاربع ان شاء الله
يلا عقبال الباقى و الله مش عرفة ارتب نفسى خالص
نفسى اعرف بس مجموعتى فى السكاشن علشان على اساسها ارتب المواعيد و كدة

الحمد لله بخير
انا كنت عايزة اخد انسان و بيئة لسا اول مرة حدخلها و قالولى انها احتمال ما تنزلش اصلا فى الجدول
الحذف و الاضافة انا سألت كتييير و آخر حاجة اتقالتلى انه فى وحدة الحاسب الآلى فى محرم بك و الله أعلم

اما مادة الرياضة انا اى نعم مش قسم كيميا بس كانت هنوووووود قايلالى انه المتطلب السابق بتاعها (ر102) رغم اننا فى بيولوجى اخدنا رياضة ترم اول بس و كان اسمها (ر111) حتى مش ر101
فاللى فهمته انه الموضوع حيكون فيه كلام
يعنى
انا بقول الللى سمعته و الله اعلم

و بالنسبة لزميلي في قسم كيمياء بقى .. محدش يعرف مادة رياضيات للكيمياء ليها متطلب سابق ولا لأ؟[/quote]
هى ليها متطلب سابق اسمه ر 111
وانا بيولوجى وقولت للدكتور اللى بيسجلى انى مخدتش المقرر ده خاصة انى اخدت الرياضة بس ترم واحد قالى ده مقرر اجبارى عليكم ولازم تخدوه سواء المتطلب السابق درستيه او لا

اما كلية توقع من الضحك فعلا ههههههههه
طيب يبقى مكانوش يحطوا اصلا متطلب سابق و اللا هما غاويين يدوخوا الطلبة و يقلقوهم و خلاص
سبحان الله

انا كنت مع المرشد الاكاديمي بتاعي و نبهته اني ساقط في مادة رياضة في اولى فهل ده يمنعني من الرياضة الجديدة دي قالي و الله معرفش و سأل دكتور تاني قاله برضه معرفش.. هو الحق مش عليهم لأنهم دكاترة كيمياء.. و لو انهم برضه المفروض يبقوا عارفين.
انا بقى احسن حاجة اسأل الدكتور اللي بيدينا الرياضة دي..بس يا ريت لو حد يعرف اسمه لأني حضرت بس معرفتش اسمه.
بالنسبة لحقوق الانسان يا نهى.. المفروض اننا لو عايزين ناخدها نحضرها مع سنة اولى.
و انا بصراحة مش عايز اخد تاريخ العلوم الاقتصاد لان في الدليل في مواد احسن زي مبادىء المحاسبة و الادارة ممكن ينزلوها قدام.
و مركز الحاسب في محرم بيه ده كله ناس كسلانة و بتوزع اي حد يسأل على اي حاجة.

اقتباس:

بالنسبة لحقوق الانسان يا نهى.. المفروض اننا لو عايزين ناخدها نحضرها مع سنة اولى.

انا مش عايزة اخد حقوق انسان انا اخدتها فى سنة اولى الترم الأول و طلعت بيها و بعدين اخدتها فى الترم التانى و جبت فيها 50% يعنى d
المادة اللى عايزة اخدها هى انسان و بيئة

اقتباس:

انا بصراحة مش عايز اخد تاريخ العلوم الاقتصاد لان في الدليل في مواد احسن زي مبادىء المحاسبة و الادارة ممكن ينزلوها قدام. و مركز الحاسب في محرم بيه ده كله ناس كسلانة و بتوزع اي حد يسأل على اي حاجة.

لو محاسبة و كدة مش نازلة يبقى حاول تاخد اقتصاد و تاريخ العلوم علشان تخلص منهم يمكن التانيين ينزلوا الترم 2
ده رأيى
و ربنا يوفق الجميع

ازيكم يا احلى طلبة علوم
معلش كنت غايب الايام اللى فاتت دى
كنت مشغول باكلية
ي رب تكون سنة عليكم سعيدة و كلها نجاح و تفوق ان شاء الله

السلام عليكم ياعلماء المستقبل انا اختكم ayaاولى علوم طبيعية انا خايفه اوى من الكليه بس ربنا معانا

وعليكم السلام ورحمة الله وبركاته نورتي الكلية يا اية ومتقلقيش الكلية سهلة بس حاولي تحضري كل محضراتك والسكاسن وانشاء الله خير متصدقيش اي حد يقولك ع الكلية صعبة اي كلية محتاجة مذاكرة والصعب بيسهل للي عايز صح ولا ايه

قصدي السكاشن سوري

نهي انا بعتلك رسالة خاصة بس تقريبا موصلتش او انك مش عملها متاحة فلو وصلت قوليلي اوك