بسم الله انا من الدقهليه وجايب 307.5 بنسبه 75% وقدمت فى المرحاه الثالثه وجالى فى جواب الترشيح كليه الزراعه بمشتهر جامعه بنها وانا عاوز احول من زراعه ببنها الى كليه التمريض بالأسكندريه مع العلم ان مجموع كليه التمريض بالأسكندريه 294 عاوز اعرف الخطوات الى اعملها للتحويل الورقى وانا لسه مقدمتش فى كليه الزراعه ببنها
ياريت تجاوبونى بسرعه

هل معنى دخولى على صفحة نتيجة التنسيق للتحويلات ووجدت ان نفس الكلية التى رشحت لى قبل كده لم تتغير ان التحويل اترفض؟

وهل ابدا فى اجراءات التحويل الورقى ولا خلاص؟

واحدة جالها ك.ت. فنى صناعى المطرية
عاوزة تعرف مدة الدراسة وهل هو كلية ام معهد
وهل بمصروفات ام لا
وهل هناك سكن متوفر للفتيات وهل هو معتمد ام لا
وهل ممكن تكمل كلية بعده ام لا

الاستاذالفاضل :
ابنتى تم ترشيحها لكلية الاداب بطنطا للعام الدراسى 2011 / 2012 .
هل يجوز أن تحول إلى كلية التجارة جامعة طنطا... علما أن كلية التجارة قبلت أقل من مجموعها. وشكرا لك

يا جماعه هو انا لو انا تنسيقى مش جايب السلاب و جايب القليوبيه ينفع احول السلاب السنه دى لو جبت موافقه من الوزاره ولا مش ينفع

ان كنت من دفعة 2011 هل يمكننى ان ادخل التنسيق في 2012 مرة اخرى بتنسيقي ومجموعى ؟؟؟؟؟ ارجو الرد لو سمحت

حيران
 

ارجو الرد انا تعبان وانا بزاكر
 

كنت عايز اعرف هندسة الديكور بتاخد من كام السنة اللي فاتت ؟

لو سمحتو انا شفت تنسيق السنه اللي فاتت بنين سعودي و كانت تجاره انجلش القاهره اعلي من هندسه بترول بحوالي 40 درجه يعني من حوالي 440
بس عايز اعرف بتتحسب ازاي لو سمحتو ؟؟؟؟؟؟؟؟؟؟؟؟؟؟؟؟؟؟؟؟؟ ضروري

فيه سؤال دائما على لسان طلابنا وهو:
هي كلية كذا أخذت من مجموع كام السنة اللي فاتت؟
وطبعا نحن لا نتذكر ونقول الأرقام بالتقريب
أتمنى لو تنزلوا جدول تنسيق المرحلتين الأولى والثانية على الأقل ويتم تثبيت الموضوع حتى يكون مرجعا للطلاب الجدد والمدرسين
وجزاكم الله كل خير

لو سمحت انا عايزه اعرف الكليات ال بتظهر للمرحله الاولى من النسيق يعنى مثلا انا مجموعى كبير بس ليا الرغبه فى اداب او غيرها هتظهرلى الكليه دى

للمرحلة الاولي بتظهر كل الكليات واختار براحتك

يا جماعه انا عندى استفسارات عن التنسيق ياريت تساعدونى فيها
انا ان شاء الله اعتقد انى ها جيب السنه دى مجموع من 81 الى 84 يعنى فى الرينج ده
وان شاء الله ناوى على تجاره عربى .....بس فى ناس قالتلى اكتب الاول الكليات العاليه فى رغبات التنسيق
فاكيد هاكتب تجاره انجلش لانى ماينفعش اكتب اعلام او السن والكليات دى لان مجموعهم عالى وانا اساسا مش بحبهم
فانا خايف انى لما اكتب فى التنسيق كل كليات تجاره انجلش من اول جامعه القاهره لغايه جامعه اسوان
تجبلى واحد كده فى النص زى الزقازيق او بورسعيد تجاره انجلش ومعرفش احول بعد كده لجامعه القاهره علشان فرق المجموع هايبقى كبير وكده انا هابقى اتسوحت تسويحه جامده لانى ساكن جنب جامعه القاهره
فهل اكتب احسن اول رغباتى فى التنسيق تجاره عربى وخلاص
معلش استفسار تانى ....انا عرفت ان عشان الانتساب رجع تانى فمجموع الانتظام هايعلى تانى وانا طبعا ساكن جنب جامعه القاهره ومش هاتفرق معايا انتساب ولا انتظام المهم تبقى جامعه القاهره فهل ينفع اكتب فى الرغبات تجاره جامعه القاهره انتظام ثم تجاره جامعه القاهره انتساب وبعد كده باقى الكليات علشان اضمن انها تكون جامعه القاهره ولا لازم اكتب كل كليات انتظام الاول وبعد كده كل كليات انتساب
وشكرا جزيلا ومعلش على الرغى الكتير ده

والله معلم

جزاك الله خيرا وجعله فى ميزان حسناتك

جزاك الله خير الجزاء وجعله فى ميزان حسناتك ان شاء الله

شكرااااااااااااااااااااااااا على هذا الموضوع الرائع

ممكن بس اعرف هل هندسه القاهرة ممكن تاخد 95.6 ؟؟؟
يعنى ممكن تنزل 4 درجات عن العام الماضي !! والنبي طمنونى انا جايب 392 والعام الماضي خدت 396 هل فى امكانيه !!!! وانا ناقص 5 درجات علم نفس من حيث لا ادري هل لو عملت اعاده تصحيح ممكن يدونى حاجه ولا زى مكلو بيعمل وبيدفع ومبيخدش حاجه ف النهايه ياريييييييييت الرد

(آسف لذلك: قد تم عمل موضوع منفصل خاص بهذا الإستفسار لأهميته)
السلام عليكم و رحمة الله و بركاته،
انا طالب فى الصف الثانى الثانوى و الحمد لله ربنا كرمنى ب99%، انا إدارتى القليوبية طوخ.
دلوقتى انا باسأل السؤال ده علشان السنة الجاية بإذن الله لان انا حلم حياتى إنى التحق بجامعة القاهرة او عين شمس كلية هندسة إنشاء الله.
بما انى تبع إدارة طوخ القليوبية فإن المجموعة أ هتكون جامعة بنها و المجموعة ب هتكون جامعة الزقازيق، جامعة طنطا، جامعة المنوفية
يعنى دلوقتى مش هيبقى مسموحلى إنى اختار بين جامعة القاهرة او عين شمس.
أسرتنا ليها بيت فى طوخ و بيت آخر فى النزهة بمحافظة القاهرة و إنشاء الله المفروض إنى هاعيش هناك فترة الكلية.
المشكلة إن إدارتى التعليمية و مدرستى بطوخ، القليوبية، مع ملاجظة البندين المهمين:
1-تعتبر الإدارة التعليمية أكثر دقة في التعبير عن موقع سكن الطالب.
2-تتبع الإدارة التعليمية الجامعة الأقرب لها وتدخل ضمن الحيز الجغرافي لهذه الجامعة.
معنى كده إن التوزيع الجغرافى هيكون على حسب الإدارة التعليمية التابعة لها مدرستى و بالتالى لن يتم السماح لى بإختيار أياً من هندسة القاهرة او عين شمس و لن يتم النظر ان لى سكن بمحافظة القاهرة.
انا عاوز اعرف إزاى يكون بإمكانى الإختيار فى التنسيق للعام القادم بين هندسة القاهرة و عين شمس بإعتبار ان لنا مسكن فعلى بالنزهة التابع لمحافظة القاهرة.

بجد الموضوع ده مهم جداً و اتمنى ان حد يجاوبنى بإذن الله علشان اعمل إستعداداتى للعام القادم و كمان اعرف هاكتب ايه فى ورقة الرغبات و الاوراق المطلوبة و كده بإذن الله

thanks 4 your
 

جزاك الله كل خير عن هذه المعلومات الهامة

لو سمحت انا جبت 90% ومستنيه التنسيق نااااااااااو بس عايزه اعرف لو انا طلعت مرحله اولى هيظهرلى مثلا بقيت الكليات زى اداب وحقو ق وكدا
ولا كليات المرحله الاولى بس
وكمان لو جاتلى كليه مش عايزها احول ازاى وامتى

اخويا جاب 90% وهو ادبي وعايز يخش كلية اداب او تربية انجليزي

وهو جايب مجموع السنتين فى الانجليزي 43 من 50 ؟! ممكن التنسيق يكون فى صالحه ولا مستحيل

ضرووووووووووري الررررررررررد

شكرااااااا جزيلا على هذه المعلومات بس عندي استفسار
انا امتحنت في الفيوم وادارتي التعليمية هناك، بس بعدها نقلنا القاهرة، كنت عايزة اعرف شروط التحويل لطب القصر العيني.. مفيش وصل مياه او نور او تليفون من 6 شهور مكتوب باسم والدي بس فيه ورق يثبت عمله في القاهرة، وغير كده عندي اهل في القاهرة لو لازم اثبت محل اقامتي عندهم..
ده كفاية ولا ايه بالظبط المطلوب؟ شكرا مقدما

يا جماعه التنسيق نزل
www2.youm7.com/News.asp?NewsID=735308
حد ادنى للادبى 440 بنسبه مئويه 82.92

انا ادبى مجموعى 339.5 82.8
يعنى حرام مالحقش على نص درجه .هل ممكن يبقى فى استثناء؟؟؟
ولو مينفعش هل ممكن الحق تجاره القاهره ولا مينفعش عشان مادخلتش مرحله اولى؟؟؟؟

بالنسبة لكلية التربية أنا من اسكندرية ينفع أدخل تربية دمياط علشان مجموعي مش جايب تربية اسكندرية

يا جماعة الحد الادنى لعلمى رياضة المرحلة الاولى 2011 \ كان 94.2 %
السنادى اصبح 93.9%
سؤالى -- هل فى امكانية ان المجاميع تزيد عن السنة اللى فاتت عشان انا جايب مجموع هندسة القاهرة الحد الادنى السنة اللى فاتت بالظبط و خايف ليذيد التنسيق --- ارجو المساعدة ؟
علماً بأن الطلاب الحاصلين اكثر من 95% السنة اللى فاتت اكتر من ال سنادى ؟

أنا علمي رياضه وعايز ادخل تجاره انجليزي وعايز اعرف هل تنسيق ادبي المرحله الاولي هو نفس تنسيقي ولا هناك تنسيق خاص بعلمي رياضه

انا علمى رياضه وجايب 398 مجموع اعتبارى لتجاره انجلش فيه امل الحفها ولا ايه ؟

شككككككككككككككككككككككككككككككككككككككككرا جدااااااااااا ع المجهود العظيم ده ربنا يباركلك يارب ف وقتك وجهدك وجزاك الله الف خير يا استاذ

طيب انا جايب 82.44 ممكن يدخلونى تجارة سوهاج مع العلم انى تجارة سوهاج كانت السنه اللى فاتت من 76.3 ارجووووكم ردو عليا

سؤال هام هى طريقه حساب الحافز الرياضى ايه ؟؟؟ انا ابنى جايب 368.5 وحاصل على اول جمهوريه يعنى 4ف الميه يبقى مجموعه كام ولو بتتحسب بالضبط يبقى 368.5+16.4=384.9 يبقى اقل من الحد الادنى ب 1من عشرة فعلا ويبقى مرحله تانيه .... ارجوك جاوبنى او وفر لى رقم اتصل به للاستفسار

قرر مكتب تنسيق القبول بالجامعات والمعاهد فتح تسجيل الرغبات للمرحلة الأولى للطلاب الناجحين فى امتحانات الثانوية العامة الدور الأول لهذا العام اعتبارا من يوم السبت الموافق 21 يوليو الحالى وحتى يوم الأربعاء 25 يوليو الحالى عن طريق موقعى التنسيق الإلكترونى "موقع تنسيق الجامعات" أو "بوابة الحكومة المصرية".

ويتم فى هذه المرحلة قبول 109ألاف و171 طالبا وطالبة منهم 30 ألفا و720 طالبا وطالبة من الشعبة العلمية بحد أدنى للدرجات 395 درجة فأكثر أي بنسبة 34ر96% فأكثر, و19 ألفا و921 طالبا وطالبة للشعبة الهندسية بحد أدنى للدرجات 385 درجة فأكثر أي بنسبة 90ر93 % فأكثر, و58 ألفا و530 طالبا وطالبة للشعبة الأدبية بحد أدنى للدرجات 340 درجة فأكثر أي بنسبة 92ر82% فأكثر.

ويتم تقدم الطلاب برغباتهم طبقا لشرائح المجموع اليومى للشعبة العلمية يوم السبت الموافق 21 يوليو الحالى للحاصلين علي مجموع 5ر407 درجة فأكثر
و22 يوليو للحاصلين علي مجموع 5ر404درجة لأقل من 5ر407 درجة
و23 يوليو للحاصلين علي مجموع 5ر401 درجة لأقل من 5ر404 درجة
و24 يوليو للحاصلين علي مجموع 398 درجة لأقل من 5ر401 درجة,
و25 يوليو للحاصلين علي مجموع 395 درجة لأقل من 398 درجة.
أما بالنسبة لمجموعة الشعبة الهندسية " علمى رياضيات" , فتبدأ يوم السبت الموافق 21 يوليو للحاصلين علي مجموع 402 درجة فأكثر
و22 يوليو للحاصلين علي مجموع 397 درجة لأقل من402 درجة
و23 يوليو للحاصلين علي مجموع 5ر392 درجة لأقل من 397 درجة
و24 يوليو للحاصلين علي مجموع 5ر388 درجة لأقل من 5ر392 درجة
و25 يوليو للحاصلين علي مجموع 385 درجة لأقل من 5ر388 درجة.

ويبدأ التقديم بالنسبة للمجموعة الأدبية يوم السبت الموافق 21 يوليو للحاصلين علي مجموع 5ر377 درجة فأكثر
و 22 يوليو للحاصلين علي مجموع 5ر365 درجة لأقل من 5ر377 درجة
و23 يوليو للحاصلين علي مجموع 356 درجة لأقل من 5ر365 درجة
و24 يوليو للحاصلين علي مجموع 5ر347 درجة لأقل من 356 درجة
و25 يوليو للحاصلين علي مجموع 340 درجة لأقل من 5ر347 درجة .

وصرح الدكتور محمد النشار وزير التعليم العالى بأنه من المقرر أن يتم فتح معامل الجامعات لإدخال الطلاب والطالبات رغباتهم عن طريقها اعتبارا من الساعة التاسعة صباحا وحتى الرابعة مساء يوميا خلال أيام المرحلة ويمكن للطالب التقدم أيضا عن طريق الحاسب الشخصى أو حاسب متصل بالشبكة خارج الجامعات, وسوف يكون الموقع متاحا لمدة 24 ساعة يوميا طوال أيام المرحلة , على أن تنتهى الساعة السابعة آخر أيام التقدم بالرغبات.
وقال إنه لكى يسجل الطالب رغباته لدى مكتب التنسيق يقوم بالدخول إلى موقع الحكومة الإلكتروني المحدد ثم يدخل رقم الجلوس والرقم السرى الخاص به طبقا لمرحلته وبمجرد إدخال الطالب لرقمه السرى سيظهر له الموقع الخاص بإدخال رغباته .
وأضاف أنه من مزايا خدمة التنسيق الإلكترونى التيسير على الطلاب وأولياء الأمور بدلا من الانتقال من محافظة لأخرى لتقديم الأوراق , كما توفر عليهم عناء الزحام والطوابير , وتتيح للطالب أيضا تسجيل رغباته بنفسه ويمكنه مراجعتها وطباعتها بما يقلل من الأخطاء فى إدخال البيانات وإمكانية تعديل الرغبات العديد من المرات خلال فترة التنسيق الخاصة بالمرحلة حتى إغلاق الموقع .
وأوضح أنه من المزايا أيضا التسهيل على الطالب بتحديد وتسجيل الرغبات بطريقة بسيطة ومريحة مما يمنع حدوث أى أخطاء حيث يوجه الحاسب الطالب خلال عملية تسجيل الرغبات بطريقة سهلة وبسيطة وتمكن الطالب فور إعلان نتائج المراحل المختلفة من الحصول على نتيجة التنسيق من موقع التنسيق على الإنترنت أو برسائل على المحمول أو البريد الإلكترونى.
وأكد الوزير على ضرورة تأكد الطالب من استلام الرقم السرى الخاص به والحفاظ عليه ويتسلمه ملصقا مع استمارة الثانوية العامة , مشيرا إلى أن هذا الرقم يمثل ضمانة سرية بيانات الطالب وعدم السماح لأى شخص بتعديل أى من رغباته إلا بالحصول عليه.
ولفت الوزير إلى أنه فى حالة اختيار الطالب إحدى الكليات خارج النطاق الجغرافى المحدد له فإن برنامج الحاسب سيخطره فورا بأن الرغبة تتعارض مع التوزيع الجغرافى وعليه تعديل الرغبة واختيار الرغبة الصحيحة باستخدام الأسهم , كما لن يقبل النظام رغبات الطالب إلا بعد استيفاء كل الرغبات ( 48 رغبة ) وبدون وجود أى أخطاء

يااااااااااااارب استرهااااااااااااااااااااا

اتق الله ياوزير التعليم العالي
 

مش عشان البيزنس بينك وبين رؤساءالجامعات الخاصة ترفع الحد الأدنى لكليات الطب والهندسة بالشكل المبالغ فيه ده .
مش عشان تسترضي نقيب الأطباء والصيادلة تعمل كده.
اتق الله في كل جنيه صرفه أب على درس خصوصي بيته كان أولى بيه.
اتق الله في كل طالب وطالبه سهرت وتعبت وجابت 96% أو 97% وملحقتش طب أو صيدلة.
اتق الله انت فاضلك ايام وتسيب الوزارة.
ربنا مش هيسيبك لأن ده تعب وحرقة أعصاب ومجهود وسهر سنتين كاملين ، ربنا يمهل ولا يهمل
اللي انت بتعمله ده محدش قبلك عمله متخليش كل أب وكل أم يدعوا عليك
اتق الله

لو سمحت ماذا أفعل بخصوص التظلم كيف اعمل تظلم؟وهل ممكن يجيب نتيجة ؟
وشكرا جزيلا

طب هي الكليات في المرحلة التانية تنسيقها بيقل ولا لاء