وربنا يابنتي ماعرف .. بس انا على فكرة كنت هاخشها ..

وانا الرقم اللي قولتهولك دا اللي انا فاكره ..

عشان انا فعلا سألت عليها .. وعموما هابقي اسألك واحد صاحبي فيها وابقي ابلغك

عندك جميع الجامعات الخاصة .. شهادتها معتمدة والحمدلله

عندك .. 6 اكتوبر .. جامعة مصر الدولية .. مودرن اكاديمي .. Msa .. Auc .. Bue

عملى رياضة : هندسة ، حاسبات معلومات ، علوم (بعض الاقسام)

علمى علوم : طب ، صيدلة ، اسنان ، علوم (بعض الاقسام) ، علاج طبيعي ، تمريض

أدبي : اي كلية تانية بخلاف اللي فوق دول ..

ملحوظة :

- طالب العلمى مصرح ليه انه يخش اي كلية أدبية .. لكن العكس غير صحيح

هوا لغاية الاسبوع اللي فات كان لأ .. لكن دلوقتي بقي اه .. بس دا بالنسبة للجامعات الخاصة بس

فيه قصة جديدة حصلت .. وهوا ان المجلس الأعلى للجامعات الخاصة

وافق على قبول الناس اللي متخرجين ثانوية عامة علمى علوم وعلمى متأدب ..

ولكن بشرط ان طالب العلمى يدرس كل المواد المتعلقة بالرياضة اللي مادرسهاش في ثانوي

خلال الترم الاول من اول سنة يلتحق بيها في الجامعة اللي هوا دخلها ..

قال يعني عشان يبقي متساوى معا طالب علمى رياضة !!

شغل كوسة وهبل وعبط ومصلحة .. بلد ماشية بالمقلوب وربنا !

36750 في السنة .. والمجموع أكيد لن يقل عن 90%

- الكلية عموما ماشية بنظام الساعات المعتمدة (254 ساعة)

- مدة الدراسة 6 سنين

- الدراسة مقسمة على 3 مراحل :

1- المرحلة الأولى : مدتها سنتين (اولي وتانية) ..

وبتشمل مواد الـ anatomy, physiology, biochemistry and histology

2- المرحلة التانية : مدتها سنة واحده (تالته)

وبتشمل مواد الـ pathology, pharmacology, parasitology and microbiology

3- المرحلة التالته : مدتها 3 سنين (رابعة وخامسة وساته)

وبتشمل General & Special Medicine, General & Special Surgery, Gynaecology & Obstetrics, Paediatrics, Ophthalmology, Ear, Nose & Throat, Community Medicine and Medical Statistics and Forensic Medicine and Toxicology

- كل المواد دي بتدرس دا غير 5 مواد تانيين مالهومش دعوة بالطب زي انجليش وعربي وكمبيوتر وعلم نفس

مالهاش غير معهد واحد اسمه معهد هندسة وتكنولوجيا الطيران .. ومقره امبابة

ولازم تكون علمى رياضة عشان تخشه (لإنه هندسة)

والسنة اللي فاتت كانت واخده مجموع 350 (85.3) .. يعني زي مجموعك

والسنة دي سمعت ان وزير التعليم العالي قال انه هايتم تخفيض تنسيق الهندسة

عشان محتاجين مهندسين في سوق العمل .. قول يارب الخبر دا يكون صح .. هاتبقي مصلحة ليك ولغيرك

مبدأياً دا يتوقف على الجامعة ذات نفسها

عشان فيه عندك جامعة القاهرة مثلا تختلف عن جامعة اسكندرية ..

لإن اسكندرية بتاخد 45 من 50 في الانجليش .. لكن القاهرة بتاخد 40 من 50 في الانجليش

فا لو انتا ماكنتش اسكندرية .. يبقي ان شاء الله شروط التحاقك سليمة وينفع تقدم عليها

وكمان فيه امل ان شاء الله خاصة ان مجموعك كويس مش وحش

معلش ممكن سؤال

هو كليات حاسبات و معلومات كلها بتبقل حوالي كام طالب ؟؟

عندك كل الجامعات الخاصة متاحة قدامها والحمدلله

جامعة 6 اكتوبر >> 14600 جنيه

جامعة مصر الدولية >> 22000 جنيه

جامعة مصر للعلوم والآداب >> 24000 جنيه

جامعة النهضة >> بتتراوح مابين 7000 لـ 10000 على حسب مجموع الثانوية العامة بتاعها

الجامعة الأمريكية >> حوالي 90 الف جنيه

مودرن اكاديمي >> 6000 جنيه

لو جامعة حكومية تبقي مش هاتقبل الا علمى رياضة بس .. لكن لو خاصة بقي هايختلف الأمر

حصل ان مجلس الجامعات الخاصة العبقري طلع قرار جامد اوي اوي ..

وهوا ان اي حد في علمى علوم يقدر يخش كلية الحاسبات والمعلومات او كلية الهندسة

بشرط واحد .. ان الطالب دا يدرس مواد الرياضة اللي مادرسهاش في ثانوي

خلال الترم الاولاني في سنة اولي في الجامعة اللي هوا التحق بيها ..

عشان يعني يبقي متساوى معا طالب علمى رياضة ..

حاجة غريبة بجد .. فعلا عجبت لك يا زمن !

حوالي 2120 طالب .. والسنة دي كمان هما زودوا الاعداد مش قللوها

عشان حوار النقابة والكلام اللي اتقال عليه ..

اللي حصل يا سيدي ان معروف ان لكل كلية المفروض الخريجين بتوعها بيبقي ليهم نقابة

زي تجارة ليها نقابة التجاريين .ز حقوق ليها نقابة المحاميين .. اعلام ليها نقابة الصحفيين .. وهكذا

لكن حاسبات ومعلومات مالهاش نقابة لحد دلوقتي ..

والسبب ان اللائحة بتاعة تنظيم عمل النقابات بتنص على ان عشان تنشأ نقابة جديدة في مصر

لازم يكون عدد الملتحقين بيها لا يقل عن عدد معين ..

والعدد دا لسه ماوصلوش الناس بتوع خريجين حاسبات ومعلومات

عشان كدا هما علّوا اعداد المقبولين عشان يزودوا عدد الخريجين ويزداد عدد الناس ويتم فعلا انشاء نقابة ليهم

يارب تنسيقها يقل عن السنة اللي فاتت درجتين بس :)

طيب هوا حاسبات ومعلومات خاصه بتاخد من كام؟

و الله انا من امبارح مستنى ردك على سؤالى و لقيتك رديت على كل الناس يا ريت ترد عليا و انا مستنى ردك

هوا لغاية الاسبوع اللي فات كان لأ .. لكن دلوقتي بقي اه .. بس دا بالنسبة للجامعات الخاصة بس

فيه قصة جديدة حصلت .. وهوا ان المجلس الأعلى للجامعات الخاصة

وافق على قبول الناس اللي متخرجين ثانوية عامة علمى علوم وعلمى متأدب ..

ولكن بشرط ان طالب العلمى يدرس كل المواد المتعلقة بالرياضة اللي مادرسهاش في ثانوي

خلال الترم الاول من اول سنة يلتحق بيها في الجامعة اللي هوا دخلها ..

قال يعني عشان يبقي متساوى معا طالب علمى رياضة !!



يعنى هندرس رياضه 2(الجامعه هتدرسهالنا ولا مع نفسنا)

ونمتحن فيها وفي ترم واحد

ماعرفش غير الجامعة الأمريكية والجامعة البريطانية وجامعة سيناء ..

هما دول اللي بيدوا شهادات معادلة من بره تقريبا

- الجامعة الأمريكية مش محتاجة معادلة .. لإنها شهادة امريكية اصلا

الجامعة البريطانية .. بتاخد شهادة معادلة من جامعة Loughborough الانجليزية

- جامعة سيناء .. بتاخد شهادة برده من جامعة تولوز بفرنسا تقريبا (مش متاكد صراحة)

في الصدارة معروف الجامعة الأمريكية طبعا .. بعديها جامعة سيناء بعديها الـ BUE .. دا في الخاص

عندك في الحكومي .. اعتقد عين شمس احسن حاجة .. بس في نفس الوقت برده اصعب حاجة

اللي اعرفه ان فيه حاجة اسمها كلية حاسبات ومعلومات وكلية هندسة قسم حاسبات

دا مختلف عن دا تماما .. لإن هندسة بيدرس هاردوير .. لكن حاسبات بيدرس سوفت وير وبرمجة

جامعة كويسة والكل بيشكر فيها .. بس نسبة العرب فيها كتير

دا بيبقي على حسب عدد الساعات اللي بتدرسها جوا .. بس اعتقد ممكن توصل لـ 90 الف وتعدي كمان

من الطبيعي ان يكون فيها فرنساوي .. امال هاتبقي جامعة فرنسية ازاي ؟!

بدليل انك عشان تخشها لازم تخضع لاختبار فرنساوي وانجليزي معا بعض

بالظبط زي الجامعة الامريكية كدا .. لازم برده تخضع لامتحان انجليش منيل بستين نيلة

البريطانية تقريبا فيها .. بس بتبقي دراسة فرعية من قسم هندسة الكهرباء

لكن الجامعتين فيهم حاسبات ومعلومات

بالظبط كدا .. وعموما لسه الرؤية مابانتش .. اما نشوف لسه

ايه النظام الغريب ده

طيب اللي في علمي رياضة ممكن يخش طب ولا ايه !!!! :confused:

ماهو هوا دا الاستهبال بعينه .. شغل عبط وربنا ! بدليل انه مطبق على الجامعات الخاصة بس

الف الف شكر على ردك انا وصلت لانى حطيت جامعتين فى دماغى msa و guc و على فكره انت مجبتش سيرتها انا كنت عايز اعرف انهى فيهم هندسة الكمبيوتر بتاعتها احسن و الشهادة التانية بتاعت الالمانية من جامعة ايه فى المانيا بس كده و الله الموفق و ربنا يوفقنا كلنا و بالنسبة للعرب اللى فى الmsa انت تقصد الstaff لانى لقيت البريطانية مفيهاش واحد اجنبى و معظم الجامعات كده هى الامريكية اللى جامدة فى الحكاية دى بس غالية اوى انا بس عايز افهم العرب الكتير تقصد بيها ايه علشان اعرف عيوبها

و هتلاقيهم يقولوا علشان تخش النظام ده في مصاريف 5000 جنيه ولا حاجة

طيب هوا حاسبات ومعلومات خاصه بتاخد من كام؟ (المجموع)

السلام عليكم اناخلصت 3 ثانوى 2009 وجبت 82.8% وجبت فى الانجليزى 42.5 وعايزه اعرف ينفع ادخلها جامعه عين شمس ولا لاْ ضرورىىىىىىىىىىىىىىىىى ارجوكم.

تجاره انجليزى معلش نسيت احدد الكليه.

السلام عليكم انا اولا عضوه جديده معاكوا ولاحظت انا مفيش قسم خاص لكليه لزراعه زى باقى الكليات وكنت عاوزه اسال بتاخد من كام السنه دى ؟ وايه شروطها لو ليها شروط بالذات (قسم الوراثه ) وياريت حد يرد عليا ولكم جزيل الشكر

إفادة
 

السلام عليكم
انا جايب 91.5 علمي علوم و عايز اقدم في الجامعة المصرية الروسية تخصص صيدلة ايه رايك فيها ارجو الرد السريع .......
وشكرا ,,,,,,,,,,,,,,,,:078111rg3:

ياجماعة لو سمحتم انا عايز اعرف كل حاجة عن معهد المساحة)بالنسبة لطلاب الثانوية علمى رياضة

(المجموع _الدراسة_ المصاريف..................................)


ولكم جزيل الشكر
ولكن انجزونى بالرد سريعا:excl:

من فضلكوا ممكن خدمة ..........؟؟؟
انا جايب 45 ف الانجلش وطبعا مش ينفع اداب القاهرة
بس اداب بنها واخدة من 40 عايز اتاكد ............؟؟؟
وعايز اعرف التنسيق الداخلى لجامعة حلوان ..........؟؟

ارجو الرد السريع لو سمحت للضرورة
 

انا عمر علمى رياضه ممكن لو سمحت اعرف معلومات متنوعه عن معهد العبور العالى للهندسه وكذلك معهد طيبه العالى للهندسه بالمعادى وكذا المعهد العالى للهندسه بمدينه 6 اكتوبر ولكم جزيل الشكر ولكن ارجو الرد السريع نظرا لقرب الانتهاء من التنسيق لو سمحت

على حسب قرار مجلس الجامعات الخاصة .. السنة اللي فاتت كان واخد 75% كحد أدنى

اولا .. انتي ماقولتيش انتي ادبي ولا علمي .. لإن دا يفرق طبعا

ثانيا .. تدخلي ايه بالظبط ؟ .. تجارة عربي ولا انجليش ؟

لو عربي .. اه تقدري تخشيها .. لإنها السنة اللي فاتت واخده انتظام 85.9% .. وانتساب 79%

لكن انجليش .. صعب جدا جدا جدا .. تقريبا مافيش أمل ..

لأ السنة دي الله اعلم .. لكن هيا خدت السنة اللي فاتت من 60%

- تكونى جايبه مجموعها

- تكونى علمى (رياضة/علوم)

اللي اعرفه التخصص بيبقي المفروض من اول سنة تالته ..

والتخصص برده بيبقي على حسب مجموعك ..

لكن انا مش هاقدر اقولك قسم وراثة بياخد تقدير ايه لإن بصراحة ماعرفش (من قال لا اعلم فقد أفتى)

ممكن اسئل سؤال غبى؟

يعنى ايه تعليم مفنوح


سؤال تانى

جامعه المستقبل فيها حاسبات ومعلومات؟
ولو فيها مصاريفها كم؟
والجامعه دي سمعتها ايه ومعترف بيها ولا لا؟

معلش بسئل كتييير

الجامعة الروسية تعتبر برده جامعة معترف بيها من قبل وزارة التعليم العالي

بس مش مشهورة .. فا انتا خليك في المشهور احسن ..

جامعة مصر الدولية وجامعة مصر للعلوم والاداب والجامعة الألمانية وجامعة سيناء كويسين ومشهورين

يستحسن تختار اي واحده فيهم وابعد عن الجامعات المدفونة دي

هل يوجد قسم بترول وتعدين فى هندسة بورسعيد جامعة السويس

بس ارجو الرد السريع عشان التنسيق هيقفل الحميس الساعة6مساء

فيه 3 معاهد تقريبا للمساحة .. واحد في اسيوط والتاني في الجيزة والتالت في قنا

- الجيزة :

اسمه المعهد الفنى للمساحة والرى .. وتابع للكليات التكنولوجية

اللي هيا اصلا تابعة لوزارة التعليم العالي .. وموجود تحديدا في الهرم .. ومدة الدراسة فيه سنتين

وفيه 6 شعب للتخصص

شعبة عامة - مساحة عامة - رى وصرف - استصلاح أراضى - تصوير - طباعة

كان واخد السنة اللي فاتت مجموع 325.5 ..

- أسيوط :

دا برده تابع لوزارة التعليم العالي وفيه 3 تخصصات ..

شعبة عامة - مساحة جوية - رى وصرف

خد مجموع السنة اللي فاتت 329.5

- قنا :

فيه 3 شعب .. شعبة عامة - مساحة عامة - رى وصرف

خد مجموع السنة اللي فاتت 324

بالنسبة للمصاريف .. ماعنديش معلومات عنها صراحة

اولا بشكرك على المساعده انا علمى علوم جايبه83%وكنت بس عاوزه اعرف كليه الزراعه ملهاش دعوه بمجموعى فى مواد الثانوى عشان انا عاوزه قسم وراثه وقسم وراثه يعنى احياء وانا جايبه 40 فى الاحياء يعنى ممكن معرفش ادخله عشان كده ولا التخصص بيبقى على حسب تقديرى فى الكليه نفسهاوشكرا للمره التانيه

دا ياسيدي موجود على طريق مصر الاسماعيلية .. والدراسة فيه زيها زي اي كلية هندسة .. 5 سنين

وبما انها هندسة فا طبيعي لازم تقبل علمى رياضة بس .. وخدت مجموع السنة اللي فاتت 276

وفيها 4 تخصصات .. اتصالات - حاسبات - تشييد - عمارة

والمصاريف 7700 جنيه

مدة الدراسة برده 5 سنين .. وخدت السنة اللي فاتت مجموع 287

فيها قسمين .. حاسبات - معمارى

والمصاريف 7000 جنيه

المعهد دا مختص بالهنسة المعمارية فقط .. يعني مالوش اقسام تانية

والدراسة فيه 5 سنين

وخدت السنة اللي فاتت مجموع 306 .. والمصاريف 7000 جنيه

ليه غبي ليه ياعم ؟! .. انا عارف انتا تتلاقي نفسك متضايق عشان سألتني كتير ..

عادي يا مان ولا يهمك .. الموضوع دا معمول ليكوا واي حد عايز يسأل يتفضل ..

واكيد انا لو مش عارف هاقول مش عارف طبعا

تعليم مفتوح دا .. حاجة كدا زي تكملة التعليم .. هاجيبهالك في صورة قصة

انتا دلوقتي واحد مثلا يعني للأسف ماكملتش تعليمك ووقفت لغاية ثانوي .. او خدت الدبلوم ونفضت للباقي

وعايز تكمل تعليمك وتخش جامعة تاني وتاخد شهادة مؤهل عالي ..

الجامعة المفتوحة بقي بتقوم بالدور دا ..

بس مش في كل الكليات .. موجود بس في تجارة وحقوق وآداب وزراعة واعلام

ودي طبعا تابعة لجامعة القاهرة .. ومقرها قدام الجامعة على طول .. تحديدا قدام باب آداب

وليها كمان قناة على النايل سات اسمها univ 2

اه فيها ..

21000 جنيه في السنة

المستقبل جامعة كويسة ونضيفة .. يكفى انها جنب الجامعة الامريكية ..

وانا شخصيا عديت عليها وشوفتها من بره .. شكلها جامد صراحة

اما من ناحية معترف بيها .. فا دي اكيد طبعا لازم يكون معترف بيها

لإنها متسجلة في اجندة الجامعات الخاصة اللي تابعة لوزارة التعليم العالي

للأسف مش موجود فيها غير عمارة ومدنى وكهرباء وميكانيكا

لكن بترول وتعدين مش هاتتلاقيها الا في فرع الجامعة في السويس نفسها ..

ودي كلية مستقلة عن هندسة اللي موجودة في بورسعيد

لأ مالهاش .. لكن فيه قسم زي الهندسة الزراعية دا التخصص فيه بيبقي من سنة اولي على طول ..

وليه تنسيق لوحده .. وبيحتاج الناس بتوع علمى رياضة بس ..

لأ دا بيبقي على حسب تقديرك طبعا في سنة تانية بالذات ..

عشان التخصص زي ماقولت بيبدأ من سنة تالته على طول

لوسمحتم حد يقولى ضرورى شروط اداب قسم المانى جامعة حلوان قبل المرحلة الاولى متخلص
وهل الواحد عشان يدخله لازم يبقا جايب 50 او 49ونص ف الالمانى
شكرا

أدخل هندسة ولا حاسبات؟ خايف أسقط في هندسة</strong>



أنا كان بالنسبه لي في فيزياء ثانويه عامه باب الكهربية والإلكترونيات الحديثه اللي فه الترانزستور و البوابات المنطقيه كانوا صعبين بالنسبه لي ومكنتش عارف أفهمه من كذا مدرس جربتهم لدرجة أني ما ذاكرتش الباب الخامس بتاع الإلكترونيات ده وعلى فكره المنهج ده نزل في 2005 - 2006 منهج جديد مش عارف كان على أيامك ولا لأ !!!!!!! بس هو أصعب من المنهج القديم
وكنت شاطر و بحب الميكانيكا في رياضه 2

فهل أنتوا شايفين أني أدخل هندسة و أتخصص ميكانيكا أنتاج عشان مفبش غير قسم الأنتاج في ميكانيكا في الأكاديميات ديه
ولا ما أدخلش هندسة خالص ؟
وهل فيه أحتمال أني أنفع في قسم كهرباء قسم حاسبات ؟ ولا لأ ؟؟؟ ملحوظه : أنا ما كنتش بحب الكهربية في الفيزياء وكنت بدرس بالعربي مش أنجليش
أنا ممكن أجيب مدرس فيزياء يشرحلي الباب الخامس ده عشان لما أدخل الكليه أمشي فيها بس أنا كنت بالعربي!!!!
ولا هندسة بتبدي معاك من الصفر ولا بيعتمدوا على اللي خدتوا في الفيزياء في ثانوية عامه ؟؟؟؟؟
ملحوظة: أنا أقصد في أستفساري أكاديميات مودرن و أخبار اليوم والأكاديميات الخاصة !!!!!!!
و هو قسم اتصالات أو حاسبات أصعب من ميكانيكا أنتاج ؟

أرجوا الإفادة وشكراً لكم

vampire

لو سمحت هندسة أكاديمية العربية للعلوم و التكنولوجيا و النقل والبحري بكام في السنه ؟ و كل ترم بكام ؟

و هندسة ال GUC بكام في السنه و في الترم الأول ؟

وهندسة ال AUC بكام في السنه والترم الأول ؟

وهندسة الجامعة البريطانيه BUE في السنه كام و أول ترم كام؟

وهندسة الجامعة الفرنسية UFE في السنه كام و أول ترم كام ؟

أنا دخلت على مواقعهم كلهم بس بصراحه مش عارف هندسة بكام بالظبط !!!!!!!!

هما مالهومش مصاريف محددة لكل كلية ولا أيه ؟ أنا مش فاهم !!!!!!!

need any help
 

ارجوكم ممكن حد يساعدني انا جايب 92.0 فهل ممكن الحق هندسه طاقه اللي ف اسوان دي
او الحق اي هندسه اصلي مش لاحق تنسيق مرحله اولي لانه من 92.68
قهل ممكن تبقي فيه اماكن ف كليات الهندسه بعد المرحله الاولي

المعهد العالى للهندسة بمدينة 6 اكتوبر ليس هوا المعهد العالي للهندسة المعمارية بمدينة 6 اكتوبر


الاتنين مالهمش صلة ببعض .. لكن الاول تابع لاكاديمية الثقافة والعلوم التابعة لجامعة 6 اكتوبر



http://www.tansik.egypt.gov.eg/appli...9/Dalil135.gif




http://www.tansik.egypt.gov.eg/appli...st2009/t40.gif

الشروط عامة كالآتى :

لو انتي خريجة من المدرسة الألمانية ..يبقي هاتخشيها على طول بدون اي شروط

لكن لو خريجة من مدراس حكومية او حتى خاصة مش بتدرس الالماني من ابتدائي ..

يبقي لازم تكوني جايبه درجة عالية في الألماني طبعا ..

مش اقل من 49.5 .. لإنهم بيقبلوا اعداد قليلة

زائد كدا .. بتخضعي لاختبار القسم بيعمله عشان يشوفوا اللغة الالمانية عندك ايه نظامها

والاختبار بيبقي كتابي وشفوي ..

يعني في حدود الـ 60 % غالبا .. على حسب قرار مجلس الجامعات الخاصة

عندك جامعة 6 اكتوبر بـ 13 الف تقريبا

وجامعة مصر الدولية بـ 26250

وجامعة مصر للعلوم والآداب بـ 20 الف

ومودرن بـ 6000 تقريبا

6 اكتوبر كويسة مش وحشه ..

معلش يا vampire

ايه هيا الجامعات والمعاهد الى موجوده في التجمع الخامس؟

وياريت تقولي سمعه كل وحده فيهم و الكليات المتوفره فيهم

ومصاريفهم؟

في نظام كدا في بعض اقسام كليه هندسه نظام ساعات تقريبا وبفلوس

دا ايه نظاموا ؟

معلش تاعبينك معانا.

السلا عليكم
ممكن اعرف التجارة الخارجية الحد الاكثر للقبول بها بسرعة