ياريت يا جماعة لو حد عنده الامتحان بالانجليزى يرفعه
و شكرااا

صو يا شباب
اولا احب اهرج شوية ( اصلي ده الوقت في كلية الحاسبات يعني مخلص ورايق )
انتو هتطلعو من علمي رياضة يتقالكو مهندس
الاول بشمهندس ( لو دخلت هندسة او بترول او حاسبات )
يا اما تبقى مشهندس
واللي ما فهمش ما يخدش في باله


المهم انا اول حاجة عاوز اقولهالكم
ان لو الكل وحش عليه فما تقلقش لان كده مجموع الكليات الهندسية هتقل
و ساعتها لو انت حليت في باقي المواد حلو اوي يبقى عوضت


و لو ما دخلتش حاجة من الكليات الهندسية فما حدش اصلا عارف الخير فين

انا نسيت اقول تاني حاجة!!!
المهم اهم حاجة حاجة وانتو رايحيين الامتحانات الافرع التانية في الرياضة ما تقلقوش
ان شاء الله هيجي سهل
واهم حاجة تبقى فاهم
و لو عندك حاجة فيها تلخيص للافكار بتاعت المسائل بس يعتمد عليها فحاول تقراها ليلة الامتحان
و مهما كان ما تقلقوش و اي حاجة تنقص فيها فعادي بناقص يعني ( بس مش كل حاجة بناقص انا نقصت تعن كلية الهندسة بواحد من عشرة في المية يعني نص درجة )

و على فكرة يا جماعة انا خلصت منهج الرياضة في الميكانيكا ليلة الامتحان ( ذاكرت وحدتين بحالهم في ايام المراجعة ) و ربنا ستر الحمد لله
بس ما حدش يقلدني ( دده للمحترفين بس :p;):p )

السلام عليكم و ربنا يوفقكو:rolleyes:

مستر محمود من فضلك
عوزين اجابه الامتحان
علشان نعرف نكمل امتحان ولا ناجل للسنه اللى جايه
انا جيبه ف تانية 96 واملى ادخل هندسه
ولكن بالشكل ده يظهر ان مفيش امل

ايه يا جماعه انتوا هتفضلوا تتكلموا كتير فى الماده دى
خلاص اللى حصل حصل وفى لسه مواد جايه المفروض انكوا تركزوا وتزاكروها كويس
علشان حتى تقدروا تعوضوا اللى راح واعملوا اللى عليكوا والباقى على ربنا
ومحدش بياخد غير نصينه بس اتاكدوا من حاجه ربنا مبيحبش الظلم ابدا
وان شاء الله هيقف جمبنا

اكيد حضرتك بقى العبقريه بتاعه مصر علشان كده بتقولى الكلام ده

وبعدين احترمى مشاعر الاخرين انتى حاله كويس ربنا يكرمك ويوفقك يارب بس متستهزئيش بمشاعر الاخرين عيب

ياريت متقوليش كدا الامل فى ربنا كبير
وبلاش حكايه ناجل للسنه اللى جايه دى
لان نصيبك مكتوبلك وهتخديه سوى السنه دى سوى السنه اللى جايه
وانا والله العظيم ابن عمى اكبر منى بسنه يعنى المفروض يكون دالوقتى رايح تانيه كليه
بس هو معجبهوش مجموعه فى سنه تانيه فعاد السنه صدقينى والله
جاب مجموع اقل من اللى كان جايبه وندم وقال ياريتنى كنت رضيت بنصيبى
فانتى اعملى اللى عليكى وسيبى الباقى على ربنا وان شاء الله ربنا معنا
ومش هيخيب املنا ركزى انتى بس فى المواد اللى جايه وسيبك من الماده دى
وان شاء الله خير

يا شباب اللى حصل حصل خلاص....اهم حاجه ركزوا فى الامتحانات اللى جايه وانسوا خالص الامتحان ده لسه باقى فروع الرياضه ولسه يعتبر اصلا المجموع كله فركزوا كويس جدااااا.....اقولكم على حاجه اعتبروا اللى الدرجات اللى ضيعتوها فى الامتحان انكم هتعوضها فى المستوى الرفيع ......ومحدش يقلق دى هندسه السنه اللى فاتت نزلت مرحله تانيه....انا والله دخلت وسجلت فى السايت عشان اطمنكم بعد اللى قرايته على الامتحان....
اخوكم محمد ...هندسه شبرا

ممكن الامتحان يكون مش صعب جدا جدا جدا بس عايز وقت واعتقد ان دى اكبر مشكلاته

حضرتك مدرس ؟! لو حضرتك طالب انا اراهنك لو عرفت تحل المسألة الاخيرة الا بعد وقت و تفكير شوف بقة و احنا في اللجنة و مفيش وقت هنفكر فيها ازاي و هي فكرتها جديدة .. بس علي العموم كلامك يدل انك محضرتش الامتحان يعني شوفته كيده علشان كيده محستش بيه و ياريت تتأمل في الامتحانات الاعوام السابقة و تتلعلي امتحان اصعب من ده // و شكرااا

شدوا حيلكم يا جماعة لسة قدامكم الفرصة
ان شاء الله تعوضوا فى بقية الفروع والمواد
ماتنسوش ان لسة الانجليزى والفيزياء ومعاكم المستوى ان شاء الله خير
والمادة الأدبية ان شاء الله هاتقفلوها
ماتقلقوش خالص
وركزو فى اللى جاى
بإذن الله خير