يعنى هما 120 جنية وعايز خصم كمان:d حرام عليك احمد ربنا
معندكش اى اخبار عن الجداول
جامدة القطة دى امال فين عم صابر

اه ياعم .. مش حكومة بقي .. ماهي الحكومة سارقانا في كل حاجة

يبقى لازم ناخد حقنا تالت ومتلت .. والله لو كان شلن .. برده ناخد حقنا

ادينا مستنيين اهو يا اخويا .. مافيش جديد .. ناس معندهاش دم

ماخلاص بقي .. عم صابر مات وراح لحاله ومش هايرجع تاني خلاص (فاهمني انتا)

هو المفروض ان الجداول تنزل الاسبوع دا والا امتى يا فامبير؟
المفروض ان دا اخر اسبوع اجازه والدراسه الاسبوع الجاى والا ايه؟

المفروض اه ان شاء الله .. هيا على فكرة كل سنة بتنزل بدري .. ماعرفش السنة دي اتأخرت جامد

حتى تلك اللحظة زي ماقولت قبل كدا الدراسة هاتبقي يوم 3/10 ان شاء الله .. ودا ميعاد نهائي

الا اذا جد جديد وقاموا مأجلينها تاني

بعد ازنك انا تجاره انتساب عين شمس وكنت عايز اعرف اجيب الكارنيه امتى وهل فى محاضرات ام لا ؟

السلام عيكم اولا سؤالك الاول انت بتروح باوصلات اللى معاك بتاع المصاريف للشئون ال العام الدراسى وبيقولك استنى اسبوعين وبتاخد الكنيه

بالنسبة لموضوع المحاضرات فالامر معلق الذى سيظهر ذلك الجداول اما تنزل

لو سمحت يا اخ فامبير بالنسبة لتجارة انجليش اليكس الكتب عندنا ب1500 جنية هل هى ضروري فى الدراسة ؟ هل فى كتب حيقولونا عليها الدكاترة و المعيدين ؟ وانهى الافضل فى المذاكرة كتبالكلية ولا كتب المعيدين والدكاترة؟ و شكرا

اه ضروري .. لسبب .. وهوا ان الدكتور اصلا بيبقى شغال منه بإستمرار ..

لإن بيبقي فيه مسائل وتمارين موجودة في الكتاب الدكتور بيحلها معاكوا في المحاضرة

بس طبعا انتا مش كل يوم هاتجيب الكتاب .. لإن الكتاب تقيل وكبير عليك (اما تشوف الكتاب هاتتخض اصلا)

فانتا ساعتها المفروض اللي بيحصل ان الدكتور بينبه عليكوا قبل مابيحل التمارين

انكوا تصوروا تمرين معين وتجيبوه معاكوا في اليوم اللي بعده .. عشان يخفف عنكوا يعني

الكلام دا بيبقي موجود في الكليات بتاعة آداب وآثار والحتت دي .. لكن تجارة كتبها بتبقى ثابته ومعروفة

خاصة كمان تجارة انجليش كتبها بتبقي ثابته ومناهجها ثابته كمان

يعني من الاخر مافيش كتاب معين الدكتور هايقولك عليه .. كل اللي هايحصل انك هاتروح تستلم الكتب وبس

كتب الكلية هيا كتب الدكاترة (مافيش كتب للمعيدين .. فيه ملازم ممكن)

طيب السبت اجازه والا لا؟ وخاصه فى جامعه بنها؟

مافيش سبت اجازة خلاص .. دا قرار وزير

والله لسه مافيش اي حاجة نزلت .. انا ان شاء الله نازل الجامعة بعد بكرة ..

وهابقي اشوف كدا ايه الاخبار وابقي اجي اقولكوا

ايه احسن تجارة ولا حقوق ولا معهد

شوف مين اعلى في المجموع بتاع الثانوية العامة واكيد هاتعرف تحكم كويس

انا سمعت ان فى تجارة انجليزى من انتساب بنسبة 10% هل الكلام دة بصحيح ولا لا