متقلقش حاجات كويسه و سهله مش صعبه بس لازم تكون فاهم برمجه و حابب الموضوع

الرجاء الرد
 

لى واحد صحابى نزل فى مادة دلوقتى هو محبط حزن جدا على نفسى مش عرف يعمل اية
:bosyht9:

انا اخوكم ف ثالثة ثانوى ممكن اعرف كلية حاسبات و معلومات بتقبل من مجموع كام ولما اتخرج اشتغل اية وفين
معلش علشان انا مش لاقى حد يفيدنى فى الموضوع دة؟

بعد اذن حضرتك انا لسى مبدأتش في 3 ثانوي اصلا بس عايز اعرف كم حاجة قبل ما اقرر رياضة ولا احياء
من الاول : انا في العموم مش بحب رياضة بس شكلي كدا هدخل رياضة عشان نفسي اخش هندسة برمجيات
انا حاليا لا افقه اي حاجة في البرمجة بس انا حاببها ونفسي ادخل هندسة برمجيات " ومخدتش اي كورس فيها لان مكنش بيبقى عندي وقت "
فعايز اعرف الاجازة الجايه دي قبل ما ابدأ في موال " 3 ثانوي " هل اخد كورسات في البرمجة ؟ عشان لو ربنا وفقني باذن الله ودخلتها هندسة برمجيات ابقى داخل فاهم حبتين ولا ايه ولو لازم اخد يبقى اخد كورسات في ايه ؟
ياريت اي حد يجاوبني

هو الواحد بعد ما يخلص كلية الحاسبات دي
ايه المهن بتاعتها
يعني اقصد بيشتغل ايه

عايزة اعرف اية هو قسم علمى رياضة وتابع لاى كلية

ممكن حد يقولى اى احسن جامعه فيها كلية حاسبات و ليه ،،،،،،،شكر

ربنا يوفقك .. من 93% تقريبا واما تتخرج هتشتغل فى بنوك وشركات فى مجال البرمجيات انك تصنع برامج للشركات والبنوك او انك تعمل لهم قواعد بيانات يعني تحفظ البيانات الخاصة بيهم ع الكمبيوتر او انك تعمل لهم انظمة اتصالات بين اجهزة الكمبيوتر وتتحكم فيها

مافيش مشكلة انك تدخل الكلية وانت لسة مش عارف برمجة .. فيه بيتخرجوا منها ابيض ف البرمجة وبعدين بياخدوا كورسات وبيزاكروا وبيبقوا تمام فيها .. لالا ركز بس فى 3 ثانوي وهات مجموع الكلية اللى انت عاوزها وبعدها ممكن تبدأ بكورس برمجة بسيط تفهم فيه اساسيات البرمجة فى اجازة 3 وانت داخل الكلية .. اللى انت محتاجه ف الاجازة بتاعة 3 ثانوي كورس اساسيات برمجة هتاخد فيه لغة c++ بس وتبقا فاهم شوية عن الكمبيوتر يعني اساسيات الفرق بين الهاردوير والسوفت وير وشوية كلام سهل كدا عام يعني عشان هتبقا طالب حاسبات طبيعي تبقا فاهم اساسيات الكمبيوتر

الواحد بعد ما بيخلص كلية بيشتغل فى حاجة من 3 ::--

1-البرمجة :: انه يصنع برامج

2- داتا بيز :: انه يعمل قواعد بيانات من خلال نظام هو بيصنعه بإيده

3- شبكات :: انه يراقب الاجهزة ويتحكم فيها ويعمل نظم اتصالات بينها وبين بعضها

ممكن يشتغل فى الديزاين بس دا مايعتبرش مجال تبع الكلية بس كله بينفد ع كله

مافيش حاجة اسمها قسم علمي رياضة فى كلية معينة .. دا نظام فى الثانوية العامة اسمه " علمي رياضة " وليه اسم تاني الشعبة الهندسية اللى من خلالها تقدري تخشي الكليات الهندسة زي بترول وهندسة وحاسبات وتخطيط عمراني وفنون تطبيقية وفنون عمارة وفيه كليات تانية برده زي تجارة وتربية وعلوم وحقوق واداب .. :)

عين شمس .. العملي والتطبيق فيها اكتر من النظري

يا جماااااااااااااعه عاوز اعرف اعداد طلاب حاسبات علي مستوي الجمهوريه بالله عليكم بس تكون مؤكده

يعني ايه نظام الساعات المعتمدة او credit hours? بياخد من مجموع كام و ليه مصاريف ولا لأ? و ايه الجامعات اللي موجود فيها?

انا مجمـوعى السنه دى 92.44 .. اخـش حاسبـات ولا هندسـه خاصـه ؟؟
يـا ريـت حـد يفيدنـى .. :))