ايوة انا عارفة اننا مش هندرسه السنادي انا كنت بسال هو من 3 ولا 4 بس تقريبا الماينور بياخد من تقدير معين لولا الكل اكدلي غير كده ما عدا الدكتور رباح لان لما سجلت اخترت الماينور كيمياء حيوية الدكتور وهيا بتكتبها قالتي الله واعلم هيقبلوكي ولا ممكن يكون الكمياء الحيوية بس لانه اعلي قسم في الكليه وممكن يكون كله بس مش عارفة ازاي مسالتهاش وقتها :078111rg3:

هههههههههههههههه
شفتى بقى يعنى الفرق مش كبير و فيه نقط تشابه بينكم :friendsxs3:
:022yb4::022yb4::022yb4:

شوفى يا قمر
حقول اللى اعرفه و قالوهولنا فى القسم عندنا
عندنا فى قسم الكيميا الحيوى لم يكمل ساعاته كلها فحناخد السنادى (تقريبا احنا القسم الوحيد :006et4:) مواد من الماينور
نيجى بقى للماينور
قالولنا ان قسم المايكروبيولوجى حياخد 50 طالب و البيولوجيا الجزيئية و التقنية الحيوية 25 طالب اما قسم الكيميا فالعدد فيه مفتوح :excl:
فاحنا استنتجنا :blush:
ان فيه اقسام حتكون بالتقدير لأن قسم المايكروبيولوجى حياخد 50 طالب و البيولوجيا الجزيئية و التقنيةالحيوية 25 طالب يبقى اكيد بالتقديرات :friendsxs3:

بصى
ان شاء الله لو لقيت دكاترة حسألك ايه الأقسام اللى فالماينور بالتقدير و ايه اللى مش حتاخد بالتقدير
بس مبدئيا كدة قسم الكيميا عدده مفتوح من غير تقدير و عندنا احنا 240 طالب فالقسم و الدكتور قالنا حتى لو ال240 كتبوا كيميا حيدخله مفيش مشاكل
بس ده الكيميا كماينور و كيميا حيوى مايجور
ممكن لو المايجور قسم تانى الموضوع يختلف فعلشان كدة ان شاء الله اسألك بس يارب منساش:blush::bosyht9:

شكرا جدا يا قمر ع المعلومات دي:d

السلام عليكم ورحمة الله وبركاته

مبارك عليكم الشهر الكريم وتقبل الله منا منكم صالح الاعمال ومبروك دخول العام الدراسى الجديد
وان شاء الله مزيد من التفوق والنجاح لخريجى كلية علوم ....... علماء متميزون تنفع الامه الاسلاميه وتساهم فى التقدم والابتكار
اخوكم s..h..a..d..o ان شاء الله داخل سنه ثانيه (كيمياء) وعضو جديد فى المنتدى وان شاء الله جعلنا فى عون كل من يحتاج المساعده .

بقولوكم ايه ياشباب
انا سمعت اللى حيدخل شعبة جيولوجيا ويتخرج حينضم لنقابة المهندسين
والكلام ده حيتطبق من شهر واحد من سنة 2010
ايه رايكوا

حاجو كويسة يا رب تحصل

طب ده حاجة حلوه

دي حاجة جميلة جدا ربنا يوفقوا

انا من رايي انك تننظر لغيت متدخل وهتفهم كل حاجة بالتدريج بلاش تشغلوا نفسكم بموضوع الساعات المعتمدة ده لاننا لغيت دلوقتي مش فهمينه اوي ولا حتي الدكاترة بس مع الوقت بنعرف عنه اكتر واكتروهو احسن من النظام القديم ع العموم واطمنوا انشاء الله خيررررررررر

الى كل طلبة كلية العلوم جامعة الاسكندرية ,, اعرف كل حاجة عن نظام الساعات المعتمدة
http://www.thanwya.com/vb/showthread.php?t=156912

بصوا يا جماعة انا رحت انهاردة بس زى قلتى ملقتش حد يفيدنى و قالوا انه احتمال الجداول و كدة تنزل الخميس ان شاء الله و قابلت ناس زمايلى و كله رايح الخميس
فأنا ان شاء الله رايحة بعد بكرة (الخميس ان شاء الله) اكيد الصورة حتكون وضحت شوية لأن الدراسة يوم السبت
يلا
كل سنة و انتم طيبين و الصيف جرا بسرعة بس و الله حسة انى زهقت و عيزة ابدأ الكلية (اول مرة فحياتى ازهق من الصيف و اعوز الدراسة تيجى فعلا و الله الكلية دى معجزة :d:d:d)


اللهم آمين
يااااااااارب و الله نفسى اوى فعلماء متميزون تنفع الامه الاسلاميه وتساهم فى التقدم والابتكار
الله الموفق ان شاء الله
و اهلا بحضرتك فى المنتدى



ما شاء الله يلا مبروك عليكم و يارب يكون الموضوع ده بجد مش كالعادة اشاعة احسن الكلية دى يموتوا فى الاشاعات

موضوع الساعات المعتمدة فزى ما قالت بروكن هارت ده و الله اللى كنت حقوله
و عالعموم اكيد اللينك اللى اخونا كريمحطه حيساعد كتير

اقتباس:

الى كل طلبة كلية العلوم جامعة الاسكندرية ,, اعرف كل حاجة عن نظام الساعات المعتمدة http://www.thanwya.com/vb/showthread.php?t=156912

الله يبارك فيكوا
ويارب تكون الحكاية دى بجد
حتبقى جامدة اوى

هاى يا جماعه انا لسه جديده هنا وداخله علوم قسم جيولوجيا لو حد يعرف معلومات عنه يقلى لانى مش عارفه فيه اوى وكل مقول لحد داخله علوم يقلى صعبه اوى وانا قلقانه عايزه حد يطمنى وميرسى ليكم جميعا

اهلا بيكي معانا في المنتدي والكليه بخصوص جيولوجيا مش هقدر افيدك لاني بيولوجي اما بالنسبة للكلية فكليتنا جميلة جدا جدا واي كلية عامة محتاجة مذاكرة واي حد في اي كلية بيقول ع الكلية صعبة بس والله كل حاجة بتيجي بالمذاكرة وكل واحد ع حسب مقدرته بس اهم حاجة المتابعة وحضور المحاضرات وكتابتها حتي لو مش فاهمة من الدكتور اي حاجة احضريله واكتبي وراها ع الاقل لو فهمتي بنسبة 1%احسن من مفيش غير ان الدكتور بيقول معلومات في المحاضرة محدش هيقدر يوصلهالك ولا كتب ولا ورق كورسات يكفي بس انه اللي بيحط الامتحان ومش هتلاقي الكلية معقدة ولا حاجة انا حاسة اننا كلية مرفهه اوي كمان بس ادخلي من غير متخافي وخدي الحياة ببساطة هتلاقي الكلية ماشية وانا واثقة باذن الله انك هتحبيها

اهلا بيكى يا تغريد القلوب فى المنتدى منورانا و يارب نقدر نفيدك و تفيدينا ان شاء الله (استغلال بقى من اولها :D)
بصى يا قمر بالنسبة لقسم جيولوجيا فأكتر واحد حيفيدك ان شاء الله الأخ كريم لأنه من القسم فاسألى كل اللى نفسك فيه او يختر على بالك و متتكسفيش
بالنسبة للكلية فمش حقدر اقول اكتر من اللى قالته اختنا الجميلة broken heart2010
ماشاء الله
لا فض فوك:D:D:D
(لغة عربية بقى ههههههههه)

بسم الله - السلام عليكم ورحمة الله تعالى وبركاته
جزاكم الله كل خير على الترحيب والمعلومات الجميله وجمعكم الله على طاعته ونفع بكم الامه اما بعد:

هو انا عندى slice فيها كل ما فى نظام الكريديت اوارز الجديد والاقسام وكل شئ بس اعرف احطهالكم ازاى
يريت حد يفيدنى وان شاء الله احطها

وعليكم السلام ورحمة الله وبركاته انا مضفتش مواضيع قبل كده بس انا جربت دلوقتي وتقريبا زي ما هقول لحضرتك انشاء الله اتنقل للصفحة الرئيسيه بتاعة كلية العلوم وهتلاقي في نهايتها ع اليمين مكتوب موضوع جديد ث اضغط عليه وهيتفتحلك صفحة جديده مكتوب فيه اسم الموضوع والموضوع اكتب فيها اللي حضرتك عايزة ولو موضوع منقول او موقع ضيفه بكوبي عادي اتمني تكون المعلومات دي صحيحة وشكرا جدا ع اهتمامك

يا جماعة بليز اللي جاب جدول المحاضرات قسم كيمياء بقولي اول محاضرة او سيكشن هتكون الساعة كام وفين انا مجموعة 2 وهيكون فيه سكاشن ولا اول اسبوع

اوكى يا broken heart
انا هكتب اول يوم محاضراته ايه
من 8 الى 10 كيميا عضوية مدرج 2
10 الى 1 رياضيات مدرج 2
1 الى 3 الكترونيات مدرج 2
وطبعا كله فى محرم بك
بالنسبة للسكاشن معتقدش ان اول اسبوع هيكون فيه سكشان لكن على العموم يوم السبت مفسهوش سكشان خااااااالص والحمد لله

بالنسبة للجدول مكتوب فى العملى مادة فيزيا دى طلعت العملى بتاع مادة الكترونيات عشان هتتاخد ان شاء الله فى معامل الفيزيا

بصراحة اتحاد الطلبه عملوه شغل جبار لو اي حد هنا احب واشكر واقوله Muchas gracias

مش عارفة اشكرك ازاي شكرا جدااااااااااااااااااااااااااااااااااااابس ايه ده هو احنا مش هنستريح شوية كل المحاضرات ورا بعض ومدرج واحد كمان :bosyht9:

آآآآآآآآآآآه و ياريتها ما نزلت :o

انا تهت بجد
اولا لسا معرفش مجموعتى فى السكاشن لأنهم مقسمنا 6 مجموعات فى الكيميا و 3 مجموعات فى الاحصا الحيوى اما المحاضرات فمش مقسمين لأننا اصلا كلنا 240:av4056bb7jp3:
و بعدين مادة انسان و بيئة اللى محدش فاهملها حاجة :bosyht9: نزلة السنادى و اللا لأ
الدكاترة كل شوية برأى و وكيل الكلية كل يوم يغير رأيه
انهردة الدكاترة قالوا انها نزلة حتى المرشد الأكاديمى قالت كدة و دكتور علاء و كيل الكلية قالنا انها مش نازلة مع انه من كام يوم قال انها تازلة
و لو نازلة محدش يعرف ساعتين و اللا ساعة واحدة معتمدة:angry2::frown:

و المادتين اللى هما تاريخ العلوم و مبادىء علم الاقتصاد لغاية انهردة مش نازلين فى الجدول

عالعموم اهم حاجة انا عرفت عالأقل يوم السبت عندى من 11 محاضرة كيميا العناصر ممثلة فى الشاطبى :022yb4: مدرج 3
احنا كدة لينا السبت و الاحد فى الشاطبى :022yb4::022yb4::022yb4::av4056bb7jp3::av4056bb7jp 3::av4056bb7jp3:
و سكاشن الكيميا كلها فى طريق الحرية :frown:و كلها الساعة 8 الصبح :angry2:
و طبعا باقى المحاضرات فى محرم بك
الحمد لله الكلية مش حارمانا من حاجة علشان متقولوش حرمونا من حاجة:006et4:
ناقص بس يودونا الأنفوشى :d

ربنا يوفقكم و كل سنة و انتم طيبين و ان شاء الله نكون متعاونين مع بعض عالمذاكرة :bosyht9:(و ان اختلفت اقسامنا:excl:) و نشد بقى من اولها و كل واحد فينا ميكررش اخطاء اول سنة :d;)

العفو يا broken heart انا معملتش حاجة غير انى نقلت وعلى العموم الكيميائيين لبعضيها هههههههههه
فعلا موضوع ان المحاضرة ورا بعضها والفترة دى كلها وطبعا اول يوم هيكون العدد فظيييييييييييييع ربنا يستر والواحد ميروحش مريض

وانتي طيبة يا قمر واحنا بسم الله ما شاء الله بقينا كتير في المنتدي وباذن الله هنكون عون لبعض في المذاكرة مهما اختلفت الاقسام:)وبالنسبة يا نهي لماده الانسان والبيئة انا عرفت اننا ممكن نمتحنها مع سنة اولي عادي الدكتورة هيا اللي قالتلي كده الله واعلم بقا الكلام ده صح ولا غلط لانها قالتلي مش نازلة الترم ده فممكن تمتحنيها مع اولي لو منزلتش الترم التاني

ربنا يستر بجد انا مرعوبة من موضوع انفلونزا الخنازير ده حاسة انهم بيجربوا فينا يشفونا هنموت ولا وبيكلموا بكل بساطة كاننا مش روح وليها قيمة

ياريت و الله حتى لو مع اولى و ايه المانع بس الأهم المحاضرات هل ممكن نحضر المحاضرات مع سنةاولى برضه و اللا ايه؟ لأنى مش حينفع امتحنها من غير ما احضر محاضراتها

حد عنده فكرة هو السامر كورس حيضيفوه فأنهى ترم و اللا انهى سنة
هما لازم حيضيفوه على حاجة بس ايه و امتى و ازاى
لو حد عنده اجابة عن الاستفسارات دى يقول بقى و ربنا مع اللى حيجاوب هههههههههه:d

حيعمله فينا اللى احنا حنعمله فى فئران التجارب بعد كدة
بينقمولهم :d
و الله يا جماعة ربنا يستر و يعافى الجميع لأنى سمعت انه بيصيب مرحلة الشباب اكتر
ربنا يحمى جميع شباب المسلمين من هذا الوباء
اللهم آمين
و طبعا دى انذارات من ربنا للناس علشان يرجعوله
(ظهر الفساد فى البر و البحر بما كسبت ايدى الناس ليذيقهم بعض الذى عملوا)

اكيد طبعا ممكن تحضري المحاضرة انتي لو دخلتي تحضري اي مادة مع اولي محدش هيحس اصلا:d والسامر كورس بتاع المادة هيضاف ع سنة تانية او ع حسب انتي هتمتحنيه في اي سنة لان اولي خلاص المعدل بتاعها اكتمل بدخولك مرحلة جديدة (تانية يعني)

نسيت حاجة ان الانسان والبيئة كانت في الترم التاني فاكيد المعدل بتاعها هيضاف للترم التاني بتاع تانية

انا كنت وخدة السامر اللى فات مدخل قانون فكنت عايزة اعرف حيضيفوها امتى يعنى انا خلاص امتحنته فسنة اولى

لا يا قمر من اول يوم السبت ان شاء الله 3/10 (بعد بكرة)
ربنا يوفقك:)

ازاى اول يوم فى الجدول مكتوب الاحد ؟؟ انا اعدادى اسنان

ميرسى ليكم بجد يا جماعه على المعلومات بس انا رحت الكليه واخدت الجدول انا جيولوجيا بس قالوا الدراسه مش حتبدأ من اول اسبوع فكده صح ولا ايه ويا رب الاقى حد من البنات جيولوجيا لانى مش لاقيه حد غيير واحده او اتنين وشكلى حاخد كرسى واقعد جنب بتاعة المكتبه ههههههههههههههه

اه يا جماعه بالنسبه للمواد الاختياريه لجيولوجيا هى ايه ونختارها امتى وعلى اساس ايه ومعلش وجعت قلبكوا معايا

كده يا نهي يبقا خلاص اضاف في اولي واكيد تقديرك زاد ولو جبتي ورقه gpaمن وحدة الحاسب اللي في محرم بيه هتلاقي فيه الماده اللي امتحانتيها في السامر كورس

بصي حضرتك هو فيه كليات هتبتدي السبت وفي كليات هتبدي الاحد يعني احنا مثلا في علوم في اقسام عندنا هتبدي السبت وفي ناس معندهاش حاجة السبت وبالتالي هتبدي الاحد فعادي ع حسب جدولك وكليتك

سلام عليكم..
ازيكوا يا جماعة.. و مرحبا بالناس الجديدة معانا.
ازيك يا nogha , l0vely girl ,hanooda, one way,3olom alex
و عبد المنجي و المسيري.
و مش عايز انسى حد.
سوري على الفترة اللي فاتت مكنتش بدخل.
انا الحمد لله قسم كيمياء.
و كنت عايز بسone wayاو اي حد يقدر
يا ريت جدول كيمياء مجموعة 2.
و ايه العملي اللي علينا ؟..الجدول الاولاني اللي خدته من المكتبة يوم ما سجلت مكانش فيه سكاشن غير رياضة و احصاء و انا شايفكوا دلوقتي بتتكلموا على عملي كيمياء و فيزياء.
معلش يا جماعة تقلت عليكوا بس الدراسة يوم السبت.

وعليكم السلام ورحمة الله وبركاته اهلا بحضرتك وبالنسبة للجدول هتلاقي بس جدول يوم السبت one wayكتباه في اخر صفحة 35

ما هى دى المشكلة كلنا كنا فاكرين كدة بس وكيل الكلية رفض يضيف السامر كورس على سنة اولى و انا فعلا جبت ورقتى و هى لم تضف

لو معندكيش حاجة يوم السبت يبقى حتبتدى الاحد
ربنا يوفقك

الحمد لله الجميع بخير
و مبرووك على قسم الكيميا
الحمد لله كدة الكل دخل أقسام جميلة و اللى احنا عوزينها
الحمد لله و الف مبروك

بالنسبة للجدول
وان واى كتباه اهو انا بس حقتبس اللى هى كتبته

لا يا نهي الكلام ده مش صحيح لاني انا جبت ورقة gpaبعدنتيجة السمر كورس ولقيته زاد تلاقيكي جبتيه من الشاطبي بس .الشاطبي مكنش فيه غير الورق اللي قبل السمر كورس روحي وحدة الحاسب في محرم بيك وهو هيطلعالك

هما بس اللي اكدوا عليه ان السامر كورس مش هيتاخد بيه في الاقسام وهيتاخد بتقديرك قبل السامر كورس