ادعولي
 

يا جماعة بالله عليكوا تدعولي ان ربنا يزيل همي وكربي
بجد انا في حاجة ماسّة الي الدعاء
:friendsxs3::rolleyes:

ربنا معاكى يا حبيبتى و يفرج همك و يكشف عنك البلاء و الكرب و الهم و الحزن .. و ينزل عليكى سكينة و هدى منه يااااااارب ان شاء الله :)

امتحان العربى بيبقى متوقع جداً جداً جداً جداً سواء قراءة أو نحو أو نصوص أو أدب أو قصة كلها أسئلة متوقعة و عادية
الشىء الوحيد الغير متوقع هو اللغويات الى محتاجة سنة تركيز بسيطة بس و انت بتحليها خاصة لما تبقى اختيارات لأن دى فيها كل الغلط
النحو غالباً بييجى سهل مع تكة خفيفة جداً جداً من المنهج
و انا متأكد إن قطع النحو بتاعت الرسالة أصعب ألف مرة من أى شىء يضعه واضع الامتحان فى النحو

ربنا معاكِ إن شاء الله ...

الف شكر يا حبيبة قلبي :078111rg3:
جزاكي الله خيرا وجعله الله في ميزان حسناتك

شكرا
جزاك الله خيراااا :078111rg3:

آآآآآآآآمين يا رب
شكرا ليك وجزاك الله خيرا:078111rg3:

يا جماعة محدش يعرف ايه هى احسن طريقه نراجع بيها الاحياااء ؟؟
نجيب من الاخر للاول ولا من الاول للاخر و لا نحل امتحانات على طول ولا نعمل ايه ؟؟

انا محتاااااااارة اوى لان الاحيااء طويلة و مش عارفة ابداها منين

رايي
 

انا من رأيي تراجعي كل فصل من الاول وبعد ما تخلصي مراجعه تحلي امتحانات شاملة :friendsxs3:
بالتوفيق يا قمر

لا اصل المستر قالى ان احنا هنحدد مثلا كل اسبوع كمية مراجعه معينة و ف نفس الوقت احل الامتحانات .. فعشان كده مش عارفة ابدا احل بالتزامن مع المراجعه ولا اراجع كله واخلص وبعدين احل الامتحانات .. انا الباب الاول فاكرة فيه الخطوط العريضه لكن مش متذكرة بعض التفاصيل بدرجه كبيرة وفى حاجات وقعت .. بس ان شاء الله يا د.عبد الخالق انا ناوية فعلا اراجع ال dna والوراثه الاول و اهو ابقى خلصت منهم و يتبقالى الهم التقيل اللى قدام :d يلا الله المستعان

يا جماعة انا بعاني من كمية كسل رهييييييييييييبة بجد ... حاسة اني عاوزة انام طول الوقت ومش قادرة اقاوم .. وممكن انام بالليل 9 ساعات وبرده بحس اني عاوزة انام وانا في الدرس
بجد انا تعبت والله

يعنى ايه نتفاعل ف موضوع الاحياء وترك الفيزيا؟؟؟

ما هو انتى لازم تحددى سبب الكسل ده؟؟؟
حاجة صحية معنوية نفسية ولا هروب للهروب فقط

هههههههههه
هتصدقيني لو قلتلك كل دي اسباب للكسل اللي بعاني منه:(:friendsxs3:

وبالنسبة ان انا كميا السنة دى.....
عشان اللى حضرتك بتقوله انا اخدت الاحياء السنة اللى فاتت عشان اركز معاها لوحدها

يااااااااااااااااااه كل ده؟؟؟
ف الحالة دى انتى محتاجة فترة نقاهة تخلصى جسمك وعقلك من كل اللى فيه وتجددى نشاطك ناحية المذاكرة وصلى نفسك لاحساس انك مشتاقة للمذاكرة مش عشان هى واجب لا عشان انا بحبها وصدقينى هتلاقى فرق كبير وفترة النقاهة دى ممكن تكون يوم صيام او يوم كله استغفار وتسبيح افصلى نفسك خالص و غيرى نشاطك تماما

اولا:انا اتشرفت بردك عليا
ثانيا: انا تحت أمرك فى اى مادة انت عايزها وبإذن الله هتلاقينى جاهز بالرد على أى سؤال انت عايزه بإذن الله

فى نص الصغيران معنى بإزائنا ( أمامنا - بمحاذاتنا - اتجاهنا )
مدرسى بيقول اتجاهنا
الرسالة بيقول بمحاذاتنا
الوسام بيقول أمامنا
الأضواء بيقول أمامنا
اتفضلوا بقى حد يقولى اعمل اية فى السؤال اللولبى دة :)

سؤال تانى برضة فى نفس النص
مضاد يفيض : ( يغيض - ينقص )
مدرسى بيقول يغيض و فى كتب تانية بتقول ينقص
اية رأيكم يا أهل الخبرة :)

فى الإنجليزى
you could repair this car if you really tried your best . I am sure you ( can't have - may have - must have - might have ) usrd the right tools.
شايف إنها can't have أية رأيكم ؟!

ياريت الناس تفتكر إن في 4 مواد تانية غير الفيزياء على فكرة :)

انا شايفة ازائنا معناها امامنا .. ومستبعده تماما انها تكون بمحاذاتنا لا محاذاتنا دى معناها بجانبنا .. انا شايفة ان امامنا انسب اكتر من تجاهنا .. تفيض مضادها تغيض .. لان ينقص مضادها يزيد و يفيض بتحمل معنى اكتر من الزياده فبالتالى مضادها هيكون اكتر من النقص .. اما بالنسبة لسؤال الانجلش فانا موافقاك و شايفة انها can't have .. بالتوفيق .. يارب اكون قدرت اساعدك

أنا سمعت ان جريدة التحرير نزلت الجدول
هل الكلام ده صحيح ؟

بجد شكرا علي نصيحتك يا قمر بس انا لو اخدت فترة نقاهة فانا وائقة اني هسيب نفسي اسبوع او اسبوعين علي اقل وممكن ااخلص فترة النقاهة بعد ما تخلصوا امتحانات اخر السنة هههههههههه
ربنا يستر وهحاول اجدد نشاطي وفعلا لازم اقرب من ربنا وبس:):078111rg3::friendsxs3:

*معني ايزائنا موجود عندي في المذكرة امامنا وبمحاذاتنا - بس اظن الادق بمحاذاتنا ادق
*مضاد يفيض -يغيض ..لان ينقص عكسها يزيد مباشرة
*اظن الاجابة هتبقي can't have
والله اعلم:022yb4::078111rg3:

يااااااااااااااااااااااااااااااااااااااااااااااه ;):friendsxs3: فكرتنى بأيام العز وأكل الوزز :d:bosyht9::friendsxs3: انت مين فييييييييييييييييييييييييييييييييييهم بقا ؟؟ كويس انى لاقيت حد اصل انا حاسة ان الشمل اتفرررررق :(
ربنا يسهل ويجمعنا تانى :friendsxs3:

يا جماعة عاوزه اخد رايكوا في حاجة
المستر اللي باخد عنده احياء مش هيعمل مراجعة غير علي dna وبس وبعدها هيحل امتحانات شاملة علي طول
وانا بصراحة عاوزة حد يديني وقت اراجع الابواب لاني نسياها
من رايكوا اروح عند مدرس تاني في المراجعة ؟ ولا استمر مع دا علشان ما اتشتتش ؟؟؟

طيب انا عندى مشكلة فى العربى مش عارف اذاكر الادب و النصوص عشان الحفظ عندى بعافية شوية
و كمان نفس المشكلة فى الاحياء و علم النفس و مش عارف اعمل ايه مع العلم انى بذاكر بالكتابة و براجع عليهم كل فترة لكن بلاقينى نسيتها بردو

يسرنى فعلا الرد على موضوعك
حاول تفهم ممكن علشان ماتتلخبطش تحفظ البداية والوسط والنهاية والمتداخلات بمعنى انك تحفظ مقدمة الجزء اللى عايز تحفظه حتى لو كلمتين ووسطه ونهايته والمتتداخلات وهى مابين السطور
ولمراجعة الادب والنصوص خذ كل مدرسة ونصها فى ساعتين وهكذا تنتهى من الادب والنصوص مع بعض
اما فى الاحياء فأفهم قبل حفظك إن فهمت سهل الحفظ معك وحاول ان تذاكر بالعقل التحليلى
واما علم النفس فله اكثر من طريقة وبالنسبة للثانوية العامة هناك طريقتان إما بالفهم والحفظ
وإما بعيش الدور وبعد ذلك الفهم وفى النهاية الحفظ وهذه الطريقة لايتقنها الكثير:078111rg3::excl::078111rg3:

شكرااااا لحضرتك

طيب انا مش المشكلة عندى ف المذاكرة ولا الحفظ او الفهم الحمد لله لانى ماشية بمبدا التكرار واللى مش مفهوم دلوقتى يتفهم بعدين بس اهم حاجة الخطوة الاولى المشكلة عندى ف الزهق المفاجئ اللى بيجى بدون اى مبررات والنفور م المذاكرة والمشكلة كمان انى مش حاسة بنفسى مش عارفة اذا كنت هجيب حاجة السنة دى ولا لا هفرح اهلى ولا لا هفرح نفسى ولا لا ومش قادرة اثبت خالص

متشكر جداً على الإجابة على الأسئلة
إزائنا مكتوبة فى الأضواء بمحاذتنا لكن المراد بها أمامنا ! :) يعنى مريح نفسه و كاتب الأثنين
بس أنا فعلاً باميل اكثر لأمامنا
و مدرسى شايفها لا دة ولا دة .. اتجاهنا :)

مايبقاش مدرس .. شوفيلك مدرس تانى
و عادى ناس كتير بتاخد عند مدرس و تراجع عند مدرس تانى
احنا خلصنا المنهج على أول شهر 3 و راجعناه مرتين
المرة الاول كانت على 5 أسابيع
بالترتيب
التكاثر
الوراثة و الـ dna
التغذية و الإخراج
الإحساس و الهرمونات
النقل و التنفس و الدعامة ( الحركة )
و بعدين المراجعة التانية كانت على أسبوعين
الفصول من 1 إلى 7 فى الأسبوع الأول
ثم من 8 إلى آخر المنهج فى الأسبوع الثانى
و 4 امتحانات شاملة فى شهر 5 كل أسبوع و خلصنا بالظبط 1 - 6

ربنا يستر
بس هو وجهة نظره ان كتر الحل هيدي للطالب ثقة بالنفس اكتر:friendsxs3:

يا ريت بجد تقولوا الادعية دي....
* دعاء عند بداية المذاكرة:
"اللهم إني أسألك فهم الأنبياء وحفظ المرسلين والملائكة المقربين".
* دعاء عند نهاية المذاكرة:
"اللهم إني أستودعك ما قرأت و ما فهمت وما تعلمت فرده إلي عند حاجتي
له أنت على كل شيء قدير".
* دعاء عند التوجه للامتحان:
"اللهم إني توكلت عليك وسلمت أمري إليك لا ملجأ و لا منجى منك إلا إليك"
* دعاء عند بداية الإجابة:
"ربي اشرح لي صدري ويسر لي أمري واحلل عقدة من لساني يفقهوا قولي بسم الله الفتاح" .
"اللهم لا سهل إلا ما جعلته سهلا وأنت تجعل الحزن إذا شئت سهلا يا رب العالمين".
* دعاء عند تعسر الامتحان:
"اللهم أنت ربي لا إله إلا أنت سبحانك إني كنت من الظالمين. يا حي يا قيوم برحمتك أستغيث. ربي إني مسني الضر وأنت أرحم الراحمين".
* دعاء النسيان:
"اللهم يا جامع الناس ليوم لا ريب فيه اجمع بيني وبين ضالتي وأنت أرحم الراحمين".
* دعاء عند الانتهاء من الإجابة:
"أحمد الله الذي هدانا لهذا وما كنا لنهتدي لولا أن هدانا الله".
كما يستحب للطالب أن يصلي ركعتي الحاجة قبل الذهاب إلى الامتحان ويدعو الله بالتوفيق والسداد وتسهيل الأمر والنجاح.

والله تعالى أعلم
:)

هو ينفع حد يحل بدون ما يراجع !! هايبقى كأنه بيضيع وقت
زى ما قرأت لواحد هنا قبل كدة : ذاكر تنجح .. راجع تتفوق
لازم الاهتمام بمراجعة كل تفاصيل المنهج لأن واضع الامتحان بيحب أوى يركز على المعلومات ما بين السطور
فى 2010 كان سائلهم عن القيمة الرقمية لضغط الدم فى الشعيرات الدموية ؟!

السلام عليكم
انتوا خلصتوا مواد ايه ؟:excl:
انا خلصت عربى و انجليزى و اقتصاد و احصاء
بس حاسه انى متاخر فى الفيزيا احنا فى الفصل14 و الاحياء فاضل حصه و نخلص:(

أنا الحمدلله يعنى خلصت المناهج كلها
مش عايز اقلقك أنا بقول كل مدرس أدرى بمنهجه بس فاضل شهرين على الامتحان على فكرة
كدة متأخر أوى فى الفيزياء و الأحياء و مش هاتلاقى وقت تراجعى بحرية
مدرسى الفيزياء و الأحياء هايكروتوا فى المراجعة و دة شىء غير مبشر بالمرة
الأحياء السنة الى فاتت كنت مخلصها أول مارس !!

انا ممكن اقولك ع امتحانات السودان ف الفيزيا ف كتاب اسمه الماسى ف كل الامتحانات مصر والسودان والازهر واجاباتها انا معتمدة عليه اعتماد كلى وبجد هو جميل جدا

بلاش تعتمدي علي إجابات الماسي أو الامتحان لو عايزة تشوفي اجابة طلعيها من الكتاب

الماسى بيخرف جامد أوى فى إجابات كتيرة على فكرة :)
ماتخدش أى كتاب مصدر ثقة من ناحية الإجابات .. دة رأيى :)
و بخصوص المراجعة لما تخلص بدرى و تدى لنفسك وقت اكبر دة يتيح لك التعرف على عدد أكبر من الأسئلة بمختلف أنواعها و بالتالى يكون اغلب الامتحان لك معروف و غير غريب
ثم إن المنهج مش بالطول البشع الى يخليه يخلص أول شهر 4 .. لا الأحياء ولا الفيزياء بأمانة يعنى ! كتيرهم أوى نص 3 دة لو كانت البداية متأخر