انا جاتلي اقتصاد منزلي حلوان
هل ينفع احول اداب القاهرة ولا لا ؟؟

[quote=طالبة من الإمارات;2639538]

















]

انا عاوزة اسأل طالبة من الامارات انتي نسبتك كام ؟؟ و الدرجات اللي حاطنها في جدول الحدود الدنيا دي من 450 ؟ و لا 410؟ انا كمان شهادة معادلة من الامارات زيك و جاتلي استنفاذ رغبات فعايزة احسب اي كليات هتقبلني عشان اعادة الرغبات بتاعتي

وانت بتسجلى على النت بياناتك طلعك المجموع الاعتبارى واكيد انتى عرفتيه او حسبتيه والكلى من
410ومن خلال الحدود الدنيا للكليات بتعرفى مجموعك يجيب كل الكليات اللى تحتها يعنى اللى اقل من مجموعك او يساويه . ولو انت كتبه فى رغباتك كليات خدت اقل من الاعتبارى بتاعك ممكن تصور ىورق الحدود الدنيا للكليات وتاخدى اخر برنت لرغباتك عند التسجيل على النت وتروحى مكتب التنسيق بعد العيد مباشرة يمكن يتداركوا الخطأ ويصلحوه لو كان فى خطأ .

تسهيلا للجميع اقدم خطوات التحويل اللى اتبعها طلاب الشهادات المعادله العام الماضى واللى ان شاء الله مش هتختلف كتير عن السنادى بس الجديد ان التحويل بقى للكليات المناظرة فقط كما تم التصريح به فى موقع التنسيق وربنا يوفق الجميع.

أولا: تحويل من كلية الى كلية مناظرة:

{لا يشترط بلوغ الحد الأدنى }

يعني طالما انت جبت مجموع الكلية تقدر تحول من الكلية اللي ترشحت فيها الى أي كلية زيها في مصر

مثال:

لو جبت هندسة قنا ( 393.54875 ) وعاوز تحول لهندسة طنطا ( 399.2375 )

مفيش أي مشاكل عادي جدا


ثانيا: متطلبات التحويل:

1- بطاقة الترشيح ( اللي طبعتها من النت )

2- صورة البطاقة الشخصية أو صورة من الجواز

3- صورة ايصال مكتب التنسيق ( اللي مكتوب فيها المجموع الاعتباري )

4- مبلغ 1000 جنيه

ثالثا: خطوات التحويل ( للكليات المناظرة فقط ):

التحويل عند مكتب التنسيق اللي موجود في المدينة الجامعية بجامعة القاهرة بالجيزة

1- اذهب الى مبنى رقم 2 ( مش مبنى رقم 9 كالعادة انت هتروحه بس بعدين ) .

2- هتصف حضرتك طابور وتستنى دورك وهيطلب منك بطاقة الترشيح ومبلغ 1000 جنيه .

3- هيديك ورقة تملي بياناتها ( المجموع الاعتباري, الاسم , نوع الشهادة......الخ )

ومن البيانات هتلاقي 3 رغبات فقط للتحويل ولازم تختار كويس على حسب طبعا مجموعك

( طبعا هوا ينفع أي كلية مناظرة انت عايزها بس انا قصدي الواحد يستغل ال3 رغبات بحكمة

عشان يقدر يجيب اللي عايزه ان شاء الله, لأنك لازم تحط في الاعتبار انك مش انت الوحيد اللي

في البلد فيه ناس كتير عايزه تحول وفرص التحويل اذا كانت هتيجي ولا لا مبنية على عدد المحولين

للكلية اللي انت عايزها ومجاميعهم وكمان عدد الأماكن الشاغرة ) .

4- تروح مبنى رقم 9 عشان تسلملهم الأوراق ( صورة من البطاقة أو الجواز, ورقة طلب التحويل,

صورة من ايصال مكتب التنسيق ) .

رابعا: مبروك عليك التحويل!!!!!!!!!!!!!!!!!!!!! وبالقبول ان شاء الله

منقوووووووووووووول

طيب ياجماعة لو سمحتم انا اعمل ايه انا في المنصورة وجاتلي الكليه في اسيوط والكلية مش عجباني اعمل ايه ارجوكم

مشكلتك نفس مشكلتى ....انا كمان جاتلى طب اسيوط
بس انا عايزة اروح القاهرة ...
ربنا يعينا ونعرف نحول ...التحويل هيفتح يوم التلات الجاى انشالله
انتى جيالك كليه ايه ؟؟

سعادة الوزير ربنا يخليه لينا يارب ظلمنا ظلم بين ........................انا ياجماعه طالع الاول وملحقتش الكليه اللي كنت عايزها يعني حرررررررررررررررام...عاملنا اول كليه 412 من 410 اذا كان السودانين ذات نفسهم ما بيجبوش 100.5 في الميه دي اعلي واحد يدوب يجيب في اوائل التسعينات يا خوانا السودااااااااان اصعب مليون مرة من ثانويه مصر والله حرام......بس احنا مش ساكتين علي حقنا وهنرفع قضيه ان شاء الله بعد العيد.....اللي عايز يرفع معانا القضيه دي يكلمني .

منهم لله والله حراااااااااااام عليه لما يضيع مستقبلنا بالشكل دة.........

سؤال الي عايز يحول من كليه الي كليه مناظره مثلهاولكن فيه فارق في المجموع ممكن وهل فيه فلوس بتدفع تاني ولا ايه ؟

اه ينفع ايا كان مجموعها ومصاريف التحويل بتبقى 1000جنيه بيدفعوا فى مكتب التنسيق

حسبي الله و نعم الوكيل

بقى انا اجيب مجموع و معرفش لا ادخل هندسه و لا طب لا حسبي الله و نعم الوكيل ايه النسب دي مع العلم ان مجموعي كان ممكن يدخلني هندسه بالمرتاح اوي السنه الي فاتت


حرام و الله العظيم تلاته حرااااام

ايوة والله دة استهبال من العيار الثقيــــــــــــــل جدا