السلام عليكم


أنا من الإمارات .. أنا كمان قلقانة جدا من النتيجة و كل شوية أسمع خبر و سمعت انها 15-9 من مكتب التنسيق و في ناس قالت 10 و ناس قالت 25 و انا خلاص مبقاش عندي أمل إنها تظهر أصلا ..


هي النتيجة اتأخرت أوي كده ليه مش المفروض التنسيق الإلكتروني ده يبقى تطور و المفروض يبقى في سرعة ف النتيجة و بعدين محدش مهتم بالموضوع ف الجرايد و لا قايلين على ميعاد محدد عشان نطمئن

أنا أمنية حياتي أدخل طب أسنان جامعة المنصورة ... ربنا يسهل يارب .. أنا خايفة أوي لأن طب أسنان مبتقبلش أعداد كتيرة أنا بجد مرعوبة .. ربنا يستر ..

أهلا بيكي ........

أحنا منتظرين أنها تبان النهاردة ان شاء الله ......

و ربنا يوفقك و تدخلي الي انتي عوزاه .........

هو فعلا انا بشوف الجرايد كل يوم و مش بيكتبوه عنا حاجة خالص حتى خبر ان النتيجة يوم السبت كان في سطر ضمن موضوع تاني خالص

هو كده في أمل إنها تطلع النهاردة ولا مادام مطلعتش لحد دلوقتي يبقى مش هتكون النهارده؟!!!..

اهلا وسهلا بيكي يا lovely princess أنت منورانا ..
وكلنا مرعوبين وحنموووت من الخوف بسبب النتيجة أنا عن نفسي ما عرفتش أنام كويس من امبارح وكل ما أنام أبقى حاسة اني مرعوبة .. بس ليا رأي كمان يا جماعة عندي احساس انها مش حتطلع النهارده ممكن يوم الاثنين بقى ان شاء الله على اساس ان هو 15/9 .. المهم ربنا يوفق الكل بإذن الله

الساعة واحد و مفيش حاجة طلعت ... هما هيفضلوا يضحكوا عينا كدة كتير و لا أيه ؟

صباح الخير مهي لو مطلعتش انهاردة يبقى كتيير اوي الي بيعملووه ده .. والاخ الي ف (جريدة المصري) بيكتب على كيفو !! هو نفسو تطلع السبت يقوم كاتب يوم السبت !! وصلنا لكده!! :mad:

صباح التنسيق يا احلى شباب وبنات
النتيجة بكرة الصبح على ضمانتي تابعو الرابط ده
وان شاء الله كل واحد يخش اللي هوا عايزه

http://www.thanwya.com/natgie/

انا جاي من السعودية وطلع عيني على ما جبت 98 في المدارس الحكومية
وعلى فكرة اغلب اللي جايبين 100 جايين من مدارس خاصة يعني شاريين الدرجات
بجد حرام يتساوو بينا وهم مش بيفهمو

للمناقشة ده ايميلي :rolleyes:
toahmed1990@hotmail.com

الف شكر يا احمد .. بس عايز اقلك حاجه انا جي من السعوديه ومدرسة خاصة ولا شاربين ال 100 ولا حاجه طلعت عيني وكنت بموت عقبال ما جبت ال 99 وتقريبا محدش عندنا فالمدرسة جاب ال100 ... وفي فرق كبير بين الحكومة والخاص في الشرح والضمير و انا جربت الحكومة والخاص .. ومعاك في مدارس بتشرب ال 100 بس مش كلمهم زي بعض

على فكره النتيجه هتطلع من 10 الى 16 في الشهر الجاي

المهم انكم تكونوا جايبيين مجاميع عاليه انا اصلا كنت في طب بيطري اسيوط وحسنت مجموعي في الكويت والنتيجه كنت بستناها زيكم بس متقلقوش هتطلع قريب:eek::cool::huh:

هاي يا جماعه انا اسمي سحر وكنت عايزه اتعرف عليكم
مفيش حد من المنصوره
انا سمعت ان النتيجه بكره مش النهارده

شكرررررررررررررررررررررررا يا ( سعد ) على الرابط بس يا رب يكون بجد أحنا شفنا و سمعنا كتير ....

و يا عمر أصلا الخبر الي في المصري اليوم دة مكانش خبر دة كان سطر ضمن موضوع تاني و مفيش و لا حد تاني كتب حاجة عننا ....

و زي ما أنتظرنا النهاردة ننتظر بكرة بس الواحد فعلا جاب أخره من الموضوع دة

و هو صباح الأحد دة يعني ممكن تبان 12 بالليل كدة ان شاء الله و لا بكره بعد 1 ظهرا ؟

ازيك يا سحر منورة .. وبالنسبة للمنصورة مش عارف والله ... وبالنسبة للنتيجة برضو مش عارف :)
بس انا لسة عندي امل انها انهارده :(

أهلا بيكي يا سحر في الموضوع جيتي متأخره .. بس منورنا

أنتي من السعودية و لا دولة تانية ........

على العموم ممكن تدخلي موضوع التعارف أظن في ناس من المنصورة .....

أنا من الاسماعيلية

انا حضحك على نفسي واقول انها 12 بليل ... عشان اصبر نفسي .. بس الله اعلم بقا حتطلع امتى .. :) على رايك شفنا وسمعنا كتير بس يارب دي تكون اخر حاجه بقا :)