|
اقتباس:
يعني الوزير يطلع ويقول تثبيت المعلمين المتعاقدين مطلع يناير شوفي بقى مطلع يناير ده يجي أمته أنا لاناقة لي ولا جمل بسي والله يا أ. أميمة انا حسيت أني واحد منكم بعيش مشاكلكم وأحلامكم وأفراحكم اللي بيخاف على حد وبيحبله الخير بيزعل لو حس أن الواحد ده مش مبسوط أنا حسيت أن اللي بحبهم زعلانين متضايقين مهمومين فزعلت وبس |
اقتباس:
شكرا ياستي على الكلام الجميل بسي في موضوع الجزرة والبيضة والنسكافيه أنتي أي واحدة في دول ؟؟؟؟؟؟ بالنسبة لي لو مطمنتش عليكم واحد واحد بحس أن فيه شيئ ناقصني بسي فيه ناس فيكم ليها شيئ ما في صدري أتمنى أن يجمعنا الله في دار أخرى أخواناً على سرر متقابلين آمين |
لسه واصلة حالا ...........اتغدى وارجع اقول على الحاجات اللى انا مستنية اقولها لكم
|
مشكلة كمان طرحت بواسطة منالت 7 فى موضوع " مش لاقى عنوان للموضوع" بالمنتدى
مين اللى قال ان الريف ما بيحصلش فيه كده دا الريف بيحصل فيه اقوى من كده انا اخويا مدرس ثانوى فى الريف وولد من تلاميذه عمل معاه حركات مش كويسة قدام الفصل كله اخويا قاله متجيش بكرة الا مع ولى امرك ....... بس تانى يوم فوجىء اخى بضابط شرطة والبوكس وخدوه على نقطة الشرطة كان الولد وابوه موجودين دخلوا هما الاتنين امام الضابط نظر الظابط الى التلميذ وقاله ايه اللى حصل يااستاذ من الولد دا قصده على اخى يعنى الضابط افتكر ان التلميذ هو المدرس علشان طويل وعريض ولابس نظارة شمس وواقف قدام الضابط منفوخ الصدر فالضابط افتكره ان هو المدرس اما المدرس واقف مكسوف وشه فى الارض ومنكسر لم يتصور فى يوم من الايام ان ولد من تلاميذه يوديه نقطة الشرطة الولد قال للضابط انا مش المدرس المدرس قدامك اهو !!!!!!!! فالتفت الضابط الى اخى واستغرب جدا وقال للولد : اين ولى أمرك ؟؟ رد بكل عظمة وكبرياء : واقف بره وقف الضابط وكله غضب وقال هاتولى ابو الواد دا دخل الاب والعباءة الغالية تزيده وقارا وعظمة لم يعبأ الضابط بشكله ولا هيئته وقال له باستهزاء : ياخى دا شكل طالب !!!!! حرام عليك اتقى الله وخد ولدك وربيه كويس ونظر الى الولد وقال : اخلع النظاره ياد وقف كويس وانت يااستاذ لما حد يعمل معاك الحركات دى اضربة بالجذمة وتعال وانا اخدلك حقك اطلعوا بره وخلوا الشويش يعمل محضر صلح بلاش قلة ادب وحكابيت كتير قوى عن مشاكل المدرس ما يكفهاش ولا الف سنة علشان تتحل http://www.thanwya.com/vb/life/buttons/report.gif أبلغ عن مخالفة |
وتتوالى الحواديت والحكايات اللى حصلت وبتحصل ولسه هتحصل مع المعلمين المساعدين كرد طبيعى لتصادم الاجيال واختلافها وتفتت القيم وذوبان الاخلاق فى حياة لايملا كاسها الا المال والنفوذ
|
اتغدى بقا وارجع اوجع دماغكم
|
اقولكم على الموقف الوحش بقا بتاع النهارده:
روحت تصحيح فى مدرسة جنبنا ....انتداب يعنى.....المهم وقبل ما اروح كان المدير مطلع اتنين يحققوا معايا قال بحجة انى ممتنعة عن دورة روحتها 3 مرات قبل كده؟ وانى باقول انى طالما روحتها يبقى الاولى اللى مرحش خالص؟ |
انا بقا حصلى مواقف كتير بس كان اسواها واشدها والى مش بنساه
ان كل حاجة كانت تطلب لزم اعملها علشان انا عقد حتى لو تعبانه حتى لو حاجة غيرى هو يرتاح علشان تعيين وانا اتعب وفى الاخر لما طلبت انى ارتاح ورفضت حاجة اتقالى انتى عقد ولو مش عاجبك افسخهوللللللللللك كان يوم وحش اوى وكسر جناح لينا شوف لما تحس ان لقب معلم مساعد يجربك تعملهم كل حاجة ذل علشان تعيش بوظيفتك |
وبدأت المهازل
واحد حبيبنا بيكتب على الإنتحار ياناس الدنيا تسوى أيه وعلشان أيه مش مصدق أن واحد مثقف يفكر كده وآدي موضوعه أحذر كل معلم مساعد على أن يقدم على الانتحار لأن ذلك يخالف كل الشرائع السماوية ومن يقدم على ذلك فيموت كافرا:040vk0: |
لالالالالالالالالالا ازاى الكلام ده انتحار ايه والله ده كلام اقل حاجة تتقال عنه انه فارغ.......خلاص الروح رخيصة كده؟
|
من الحاجات الجديدة فى المنتدى دلوقتى موضوع بعنوان " ربنا يسترها وبدر ميرحلش دلوقتى"
احترت معاكم يا متعاقدين ....شوية مش عاوزينه وشوية ربنا يستر .......القانون ماله ومال بدر راح ولا جه ....قانون الوظائف وقانون 55 وخلصت الحكاية |
اقتباس:
ماهو خاييفين ليمشي يجي وزير تاني وأنتي عارفه بقه قوانين ومتطلبات جديدة مصر دولة لذيذة بتضحك علينا بمزاجنا |
اقتباس:
وهى دى الحقيقة ان فعلا مصر دولة لذيذة بس مش مصر اللى بتضحك علينا .....ده احنا اللى بنضحك على بعض مصر هى امى......دى حقيقة عند كل الناس ........ لو تفتكروا ماتش مصر والجزائر ....مين فينا مكنش زعلان ....مين فينا مكنش عاوز تقوم حرب...وافتكر ان فى كلمة اتقالت ... اننا اللى عملنا النشيد الوطنى للجزائر....طيب سيبك من دى ...مين فينا مزعلش لما دول حوض النيل اجتمعوا من غير مصر وقرروا تقليل حصة المياه .....احنا الاساس وهنفضل الاساس........واظن ان كلام ربنا غير قابل للجدال (خير اجناد الارض) |
اقتباس:
مع احترامى لجميع المدرسين انا وجهه نظرى المتواضعه ان المدرس هو الانسان الوحيد القادر على حل مشاكله والمدرس القوى والناجح هو اللى ميخرجش مشاكله خارج الفصل ويحاول يحلها بنفسه لا مدير ولا وكيل ولا استدعاء لولى الامر . اعتقد انا العلاقه بين الطالب والمدرس لابد ان تبنى على الحب والاحترام مع قوه شخصيه من المدرس فى نفس الوقت مع وجود اسا ليب التاديب والعقاب ايضا لكن داخل الفصل ومش بالضرب . انا شخصيا بشتغل فى معهد دينى اعدادى وثانوى كله بنات يمكن عشان بنات فالاسلوبده بينفع معاهم جدا بيحبونى جدا جدا وبيعتبرونى اختهم بدون كسر الحواجز او الاحترام وفى نفس الوقت مثل اعلى وقدوه ليهم . وان طالبه غلطت بعنفها واعاقبها لكن داخل فصلى وبدون الجؤ الى الضرب ايضا |
من الحاجات السيئة اللى حصلت النهارده : مدرس زميلى جاله خصم شهر نتيجة لتحويل المدير للشئون القانونية
|
| جميع الأوقات بتوقيت GMT +2. الساعة الآن 02:52 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.