انا كنت جايبة السنة اللى فاتت 90 والسنة دى جبت 88 عايزة اعرف يدخلونى ايه:eek:

فين الردددددددددددددددددددددددددددددددددددددددد

اظاهر ان انتو نمتووو طيب تصبحوا على خير

هوا والله اعلم يا سندريلا انتي كدا جايبه 89 لو حساباتي صح يعني ..

المهم .. انتي ماحددتيش انتي علمي ولا ادبي على فكرة

بس اذا كنتي علمي .. ادعي وقولي يارب مجموعي يجيب تجارة مرحلة اولى

ولو كنتي ادبي .. ان شاء الله هاتخشي تجارة انتظام مرحلة اولي برده

لكن بالنسبة للاحلام بتاعة السن وتربية دي فا صعب شويتين ..

بس كله على حسب ميولك .. طبعا مجموعك يدخل تجارة وما اسفل تجارة

يعني اداب حقوق دار علوم .. كليات زي دي يعني

لو هاتخشي تجارة فيها قسمين .. عربي وانجليش

لو عايزة تخشي انجليش يبقي معا تقديم ورقك هناك بتسحبي ورقة اسمها ورقة الشعبة .. بتكتبي فيها بيناتك وبتديها لشئون الطلبة في كليتك .. وهما يتعاملوا بقي

بالنسبة لمصاريف تجارة .. 140 تقريبا لانتظام .. و 450 لانتساب

وتجارة انجليش السنة كلها بالكتب 4500 .. الكتب لوحدها ب 1500

اما كلية اداب فاليها اقسام كتيره زي عربي وفلسفة واجتماع واعلام وانجليش وفرنساوي والماني وما الي ذلك

بس كل دا بيعتمد على اعلى مجموع جبيتيه في الثانوي في اي مادة من المواد .. يعني انتي وحظك بقي

عشان كدا يستحسن تجارة تخشيها .. كلية ظريفة وكويسه وليها مستقبل كويس

وربنا معاكي...

انا كنت جايبة السنة اللى فاتت 90 والسنة دى جبت 88 عايزة اعرف يدخلونى ايه

انا جبت السنة اللى فاتت90والسنة دى 88 ادبى عايزة اعرف ادخل ايه

ياااااااااااااااا سيندريلا في ايه .. ماقولتلك اللي انتي عايزة تفسري عليه .. اي خدمة تانية اقدر اقوم بيها ؟؟؟ !!

طب انا جبت 83 ياترى هعرف ادخل اداب
وطب فرضا دخلت ممكن ادخل لغات شرقيه
وياترى لازم اجيب كام فى اللغات عشان اعرف ادخلها
وانى لغات المقصودة الانجليش ولا ايه

83 في الميه اه ان شاء الله يدخلوا اداب طبعاااااااا وممكن انتظام كمان .. برده على حسب التنسيق ..

بالنسبة بقي لتجيبي كام في اللغات دي .. دا بيبقي حاجة اسمها تنسيق داخلي

الكلية بتعمل حاجة اسمها مجموع اعتباري لمواد اللغات عندك .. بالنسبة للانجليش اظن انها في سنة من السنين قبلت من 48ونص وكان فيه ناس ماعرفتش كمان تخشها .. مش عارف بقي السنه دي تبقي ايه

بس غالبا مش هاتقل عن كدا يعني .. الدحاحين كتار وماشاء الله يعني !!

وربنا معاكي .. والف مبروك للنجاح

لو سمحنوا انا عايزة اعرف شروط الالتحاق بكليه اداب انجلش
وايه هيا الشروط من حيث المجموع

طب بص انا ادبى وعايز ادخل تجارة انجليش فى المنصورة ومجموعى 376.5 بالمستوى الرفيع والانجليزى 47 هل هى ممكن تشترط اكبر من كده فى الانجليزى وبروح اقدم لها فى الكلية امتى ؟

بصي يا ليدي بكل بساطة خالصصصصص

1- تجيبي مجموع كلية الاداب اللي هوا غالبا بيبقي مابيزيدش عن 83 على ما اعتقد

2- تجيبي المجموع الاعتباري اللي بيتحطلك جوا الكلية . بمعني ابسط تكوني في اللغاات بيرفيكت

انجليش ليس اقل من 48ونص ..

اه طبعا دانتا تخش تجارة مستريح وحاطط رجل على رجل كمان !!

بالنسبة لشعبة انجليش انتا جايب 47 .. دا كويس جدااااااااا
لإنهم هناك بيقبلوا فقط مش اقل من 80 في الميه من مجموع الانجليش بتاعك يعني مش اقل من 40 من 50

وانتا والحمدلله جايب 47 اهو .. يعني متفتحالك ياعم !!

بتقدم للكلية يا سيدي اما التنسيق يتقفل وجواب التنسيق يجيلك ويفيد بقبولك بكلية التجارة

اول ماتشوف كلمة تجارة دي في الشهادة .. اجري على مدرستك وروح اسحب ملفك

ويستحسن تسحبه من دلوقتي عشان يبقي بدري بدري

بتاخد ملفك وبطاقة الترشيح بتاعتك وتروح مبني شئون الطلبة اللي عندكوا في الكلية وتقول الموظف انا سنة اولى وعايز اقدم ..

بياخد منك بطاقة الترشيح وشهادة ميلادك (الاصلية) .. وبيتهيألي والله اعلم 6 صور .. واستمارة النجاح بتاعة الثانوية العامة وشهادة 2 جند بتجيبها من البريد عشان حكاية التأجيل بتاعة الجيش دي كولد يعني .. ممكن مايحتاجوهاش فعادي ..احتفظ بيها لوقت تاني بس اهم حاجة تكتب اسمك عليها بوضوح عشان ماتتقلبش !!

بعد كدا بتقول الموظف اللي اديتله الحاجات دي انا عايز اسحب ملف شعبة

هايديك ورقة ظريفة كدا تكتب فيها بياناتك .. وتديهالوا .. وفي الكلية بقي ينسقوا معا بعض المهم انك اول يوم بتروح على انك سنة اولى تجارة انجليش عاااااااادي جدا

بلنسبة لدفع المصاريف .. الدفع مابيبقاش معا التقديم زي المدارس .. الدفع بيبقي اما بتخش السنة الدراسية

بتروح شئون الطلبة بتاعة تجارة (انجليش) وتقولهم عايز اذن دفع مصاريف .. هاتقولك هات بطاقة الترشيح وهاتكتب اسمك على ورقة تاخدها تروح تدفع في الخزنة بتاعة الكلية وتجيلها بالوصل .. ومعاك صورة .. وتستنالك اسبوعين كدا وتستلم الكارنيه ..

بالنسبة للمصاريف زي ماقولنا بتختلف من جامعة لجامعة .. لكن المتعارف عليه بتبقي في حدود 4500 والله اعلم بالنسبة لتجارة انجليش يعني

اما بالنسبة لانتظام 145 وانتساب 450

والف مبروك ياعم ...

ياااااااااه .. السؤال دا تقيل اوي والله !!

انتي بتسألي سؤال جنرال ومش عارفه ابعادة ايه اصلا اهو المهم ..

بالنسبة للجامعات الخاصة انتي عندك جامعتين من اكبر الجامعات في مجال الصيدلة والمشهورين بيها يعني

6اكتوبر و جامعة سيناء .. المصاريف غالبا بتبقي مش اقل من25 الف في السنة

اما قسم الهندسة بقي فدا موال تاني ..

1- الجامعة الامريكية (AUC ) دي بتقدم تخصصات كتيره جدا في الهندسة واخرهم تخصص البترول ودي مصاريفها في حدود 75 الف .. كما سبق وشرحت

2- جامعة سيناء .. دي برده بتقدم تخصصات في الهندسة بس عشان دماغك ماتروحش بعيد مافيش تخصصات لهندسة نووية خالص في اي جامعة من جامعات مصر
>> مصاريفها .. الله اعلم

3- جامعة 6 اكتوبر .. فيها كلية هندسة مشهود ليها .. مصاريفها حد ادني 25 الف

4- المعهد او الكلية الاشهر .. مودرن اكاديمي .. فيها تخصصين رئيسيين .. كومبيوتر ساينس و هندسة

>> مصاريفها .. على لسان واحد صحابي فيها .. قالي 8000 في السنة

دا بالنسبة للجامعات المشهورة في مصر اللي بتقدم المجالين دول ..

لو عايزه نصيحتي .. عندك اختيارين يا اما الجامعة الامريكية بس دي صعبة شوية لإن مواعيد التسجيل اوشكت على الانتهاء هناك والكورسات اتحجزت اصلا ...

فيه اختيار تاني وهوا جامعة 6 اكتوبر .. بس عشان تروحي تقدمي هناك .. التقديم هناك لازم يتوفرله شروط معينه

طبعا المجموع على حسب مايقره مكتب التنسيق بالنسبة للجامعات الخاصة ..

دا غير سرعة التقديم هناك لإن التقديم باسبقية الحجز زي الجامعة الامريكية كدا .. فلو كدا الحقي نفسك وروحي قدمي

ويارب اكون عرفت اجمعلك شوية معلومات كدا .. وربنا يوفقك