|
الله الله الله علي الثورة
|
باريت لو سمحت نموذج من التحضير على الكمبيوتر وخصوصا لمادة الماس
|
انا بحضر الدروس على الكمبيوتر من اربع سنوات والمدير والموجه والجودة وكله موافق وبيوقع
لا فرق بين التحضير المطبوع وبخط اليد مادام بتحضر درس بدرس او اسبوع وعندما يجد الموجه انى محضر درس زيادة بقول له هذا درس بكره |
من وجهة نظري المتواضعة يجب أن يكون التحضير بخط اليد وهذا افضل علما باني اجيد استخدام تطبيقات الاوفيس
|
مدرستنا كل تحضيرها على الكمبيوتر
ايها الاستاذه بعد متحضر بتطبع التحضير ويمضى عليه المدير والوكيل واى حد ويحفظ التحضير داخل دوسية |
انا فعلا طبقت الفكرة دي انا وزملائي بالمدرسة بعض الوقت وكان عندنا زائرين واحد وافق عليها اما الموجه الاول رفض وقال انتو كسلانين تكتبوا وممكن تكونوا بتخلعوا تحضير السنة اللي فاتت وتلزقوه تاني بس احنا برضة مصممين
|
يا جماعة انا فى جنوب سيناء وشغال بالتحضير دا من 3 سنبن انجليزى ومريح جدا بس انا باطبع ولو عايز تغير بعد كده الموضوع فى منتهى السهولة
فى البدايه انا خدت تدريب dlo وهو تطوير الكائنات التعليمية وكان المفروض اكتفى بالتحضير دون الطباعة ولكن المدير المحترم قعد يبرم والاخر الموجه الاول كتب فى الزيارة انه ممكن بعد سؤال المستشارة واتفقنا على كتابة العنوان والتاريخ فى الدفتر للمدير يمضى عليه والباقى على اللاب وبعدين انا اللى قررت الطباعة لتفادى اى ظرف طارق بعد ما كان عندى الحصة الاولى وكان وكيل المديرية فى الفصل عندى واللاب شغال يعمل تحديث ومعرفتش ابرر ان التحضير جاهز |
أنا بالفعل بكتب الاهداف و المنهج و نواتج التعلم على الكمبيوتر من السنة اللى فاتت من غير ما أسأل حد و بيمضى عليه المدير و الناظر و اى زائر مفييش مشكلة و كنت بسأل عن حكاية التحضير دى بجد ممتازة و السنة الجاية ان شاء الله ابقى اعملها لانى السنادى قفلت الدفتر فى مكتبة بالنظام اللى قلتلكوا عليه
|
على فكرة يا حضرات
أنا بحضر على الكومبيوتر و أطبع التحضير على ورق من سنتان تقريبا و لم اجد اعتراض من احد ولكن البعض شكرونى و فى ناس متخلفة بتقولى انت مصورة و لكن انا عامل علامة مائية بأسم المدرسة و اسمى و السنة الدراسية فبيتخرصوا و كمان انا مدرس انجليزى فمش كل من هب و دب بيطنطط عليا |
أنا مدرس كيمياء . ومنذ عام 2005 وأنا بحضر كومبيوتر واطبع أسبوع بأسبوع طبعا بالفصل والتاريخ والحصة
قابلتني إعتراضات من بعض أصحاب الطابور القديم . ولكن ما سألتش عنهم . لكن البعض الأخر كان في منتهى السعادة . وياما حنشوف |
على فكرة انا من حوالى 3 سنين عملت دفتر تحضير وكتبتة على الكمبيوتر بخط طبعا جميل وتنسيق وخرايط ورسومات بيانية وغلاف وكان ممتاز وطبعتة طباعة فاخرة وكان تحفة
التوجية رفضه رفضا باتا كانها جريمة وطلب التحضير يكون بخط اليد ومن يومها وانا بحضر فى كراسة من ازبل الكراسات الموجودة فى السوق ومقطعه وكاتب بخط اليد وانا عن نفسى ما بعرفشى اقراء اللى انا كاتبه لاننى تعمدت ان اكتب بسرعة 200 كم فى الثانية وهو ده اللى عندى والتوجية زى الفل وكل ما يعلق على الدفتر اقلة هو اللى انت طالبة انه بخط اليد وهو دة خط اليد اللى عندى ومعنديش غير كدا هو دة التعليم فى مصر .....افرح انبسط انت فى مصر |
مفيش فايدة
|
اقتباس:
|
انا مدرس أول (أ )حاسب وبحضر من سنتين وماحدش إعترض بالوادى الجديد
|
التحضير الالكترونى
احنا بنتكلم فى ايه نحضر بالكومبيوتر ولا بالتحضير اليدوى
1ـ التحضير بالكومبيوتر يلزمه ــــ كومبيوتر شخصى يعتى الكومبيوتر اللى فى البيت او لاب توب ـــــ طابعة ـــــ حضرتك بتكتب الاهداف والتوزيع والتحليل والتحضير اليومى مرة واحدة وتقوم بحفظه على الكومبيوتر وممكن ات تعدل فيه وتسطيع ان تسخدمه لعدة سنوات ـــــ وتقوم بالطباعة مرة واحدة او بصفة يومية 2ــ اما بالنسبة للاستاذ اللى بيقول هل كل واحد عنده كومبيوتر اقول له يمكن بمبلغ من 500جنيه الى 1000جنيه تشترى كومبيوتر ممتاز ــــ اما الطابعة فيمكن شرائها بمبلغ 300جنيه الى 500جنيه 3ـ يعنى الموضوع كله من 800جنيه الى 1500جنيه وهذا ليس بمبلغ كبير فى الوقت الحالى |
| جميع الأوقات بتوقيت GMT +2. الساعة الآن 01:57 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.