بوابة الثانوية العامة المصرية - قسم خاص بالاستفسارات و الطلبات

صفحة 18 من 54

« First

Last »

عرض 50 مشاركات من هذا الموضوع لكل صفحة

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - قسم خاص بالاستفسارات و الطلبات (https://www.thanwya.com/vb/showthread.php?t=135750)

meegoo man

22-09-2009 11:57 AM

]ياريت حد يقولنا معلومات عن الشهادات المهنية زى شهادات Cma- Cia- Cpa و انا سمعت انها بتدى الافضلية للتجاريين فى الشغل سواء انجلش او عربى ياريت اى حد عنده معلومات عنها ميبخلش علينا بيها

vampire1188

22-09-2009 08:55 PM

اقتباس:

hi
ezayokom?
7ad ye3raf a5er ma3ad le daf3 masareef tegara english 3in shams emta

اخر ميعاد بيبقي اسبوعين من تاريخ اعلان نتيجة التنسيق الداخلي لتجارة انجليش

لو فات عليك الميعاد بيتم تحويلك تلقائي لتجارة عربى

vampire1188

22-09-2009 09:04 PM

اقتباس:

انا عرفت ان اخر ميعاد للتقديم فى دبلومات الدراسات العليا كان 17/9/2009
ممكن يفتحوا باب التقديم تانى بعد العيد ؟؟؟؟؟؟؟؟؟

ماعتقدش .. المواعيد دي بتبقي مواعيد ثابته كل سنة ..

بالظبط زي تقديم الاوراق كدا في الثانوية العامة ..

واحسنلك تروح الكلية وتسأل بنفسك هناك في شئون الخريجين او في الدراسات العليا نفسها

vampire1188

22-09-2009 09:14 PM

اقتباس:

معايا بكالوريوس تجارة عين شمس وانتسبت فى كلية الحقوق عين شمس و انا السنادى فى الفرقة الثالثة إن شاء الله وعندى أمل أنى أقدم السنة دى برضك على دراسة دبلومة فى كلية التجارة عين شمس علشان انا فاضى للدراسة

من شروط التقديم للدبلومه في كلية التجارة :

لا يجوز لطالب الدراسات العليا أن يقيد اسمه فى دراسة أكثر من دبلوم أو درجة جامعية عليا فى وقت واحد إلا بموافقة مجلس الدراسات العليا والبحوث بناء على اقتراح مجلس الكلية وبعد أخذ رأى مجالس الأقسام المختصة

وبالتالى في حالتك دي .. مش نافع انك تقدم في الدراسات العليا ..

لإن دا بيتعارض مع دراستك في كلية الحقوق

vampire1188

22-09-2009 09:22 PM

اقتباس:

انا دفعة 1993 كلية التجارة عين شمس وعاوز اطلع شهادة مؤقتة علشان الشهادات المؤقتة اللى عندى خلصت ينفع ولا لأ ؟

أكيد طبعا ينفع .. روح لشئون الخريجين وقولهم عايز اطلع شهادة مؤقتة .. بـ 5 جنيه

وبعدين الشهاد المؤقتة بتطلع في اي وقت وغير محددة بعدد معين من الاستخراج ..

اما الشهادة النهائية هيا اللي مابتطلعش الا مرة واحده بس

vampire1188

22-09-2009 09:28 PM

اقتباس:

ياريت حد يقولنا معلومات عن الشهادات المهنية زى شهادات cma- cia- cpa و انا سمعت انها بتدى الافضلية للتجاريين فى الشغل سواء انجلش او عربى

والله يا ميجو انتا سؤالك دا تقيل اوي .. لإن بصراحة الكلام على كل واحده فيهم عايزله موضوع بحاله !!

Cma دي الدبلومة الامريكية للمحاسبة .. عددها 4 مراحل تقريبا ..

3 مراحل بتدرسهم في مصر (الجامعة الامريكية او جامعة الدول العربية)

والمرحلة الاخيرة بتبقي في امريكا

بمجرد تسجيلك فيها بيطلعلك كود ليك وبتبقي محاسب دولى

رسومها تقريبا كله على بعضه كدا حوالي 12 الف

والمعلومات اللي بقولهالك دي على مافتكر يعني ..

عشان كان في مرة عاملين ندوة تعريفية عندنا في الكلية عنها ..

فانا بقولك المعلومات اللي اتقالتلنا واللي انا لسه فاكرها

vampire1188

22-09-2009 09:32 PM

اقتباس:

اريد اكمال الدراسه الجامعيه
ماهي الجامعات اللتي بالقاهره اللتي تعادلي دراسة الدبلوم بـ 60 ساعه او اقل الى 50 ساعه
ارجو ان تفيدوني
عن الجامعات الحوميه والخاصه

من الاخر الجامعات الحكومية مش هاتعرف تاخد معاهم حق ولا باطل ..

لان نظام الدراسة عندنا بالمقررات مش بالساعات ..

غير كدا كمان اجراءاتها معقدة وخنيقة لانك مش مصري

انما الجامعات الخاصة كويسة وهاتعرف تتعامل كويس معاهم

عندك الجامعة الامريكية وجامعة 6 اكتوبر وجامعة msa ..

هما دول الجامعات الخاصة المحترمة اللي ليهم اسمهم في مصر وبيعملوا معادلات للساعات

KARIM_METWALLY

22-09-2009 11:32 PM

الدراسة امتى و هل فى تقسيط للمصاريف بالنسبة لتجارة انجليزى على الترمين و اذا جبت امتياز او جيد جدا فى سنة اولى هل فى خصم للمصاريف فى تانية كل دا بتكلم على اسكندرية

vampire1188

22-09-2009 11:55 PM

اقتباس:

الدراسة امتى

لغاية تلك اللحظة الدراسة يوم 3/10 .. وقابلة للتأجيل .. لكن الأكيد ان السنة مش هاتتلغى

اقتباس:

هل فى تقسيط للمصاريف بالنسبة لتجارة انجليزى على الترمين

في سنة اولي لأ .. لكن في السنوات اللي بعد كدا ممكن تقسط والكلام دا على كل الجامعات

اقتباس:

اذا جبت امتياز او جيد جدا فى سنة اولى هل فى خصم للمصاريف

في القاهرة عندنا مافيش .. لكن الله اعلم في اسكندرية عندكوا في ولا لأ

بس اللي اعرفه انك اما بتجيب جيد جدا او امتياز بتاخد منحة مبارك ..

جيد جدا بتاخد 86 جنيه .. امتياز بتاخد 120 جنيه

arabtrip

23-09-2009 05:22 AM

السلام عليكم ورحمة الله وبركاته
انا كنت عايز اسأل عن bis ومميزاتها وهى احسن ولا تجاره انجلش وفرص الشغل

ahmed610

23-09-2009 04:20 PM

اقتباس:

المشاركة الأصلية كتبت بواسطة karim_metwally (المشاركة 1627028)

بص يا كريم انا معرفش النظام فى اسكندرية اية بالظبط بس عندنا فى القاهرة المصاريف ممكن تتقسم نصين يعنى احنا بندفع 3 الاف ترم اول وفى الترم التانى الف ونص وممكن تدفع 4500مرة واحدة

لو جبت تقدير جيد جدا هيتخصملك ربع المصاريف ولو جبت امتياز هيخصمو نصف المصاريف لوجبت جيد طبعا مش هيخصموا اى حاجة خالص

والكلام دة بالنسبة للقاهرة اعتقد فى اسكندرية النظام هيبقى متشابة

esraa bakeer

24-09-2009 08:14 PM

السلام عليكم
انا سمعت اني انتساب في كل الجامعات حيبقي تعليم عن بعد بدون الذهاب الي الجامعه و المحاضرات حتنزل علي النت او التلفيون المهم الواحد بقا لو جاب تقدير كويس مثلا امتياز او المجموع الي بيتيح الفرصه التحول الي انتظام بدلا من انتساب يتري حيفضل النظام ده ثابت
اقصد يعني لو جبت تقدير السنه ده في اولي اقدر احول من انتساب الي انتضام

vampire1188

24-09-2009 11:57 PM

اقتباس:

انا كنت عايز اسأل عن bis

BIS دا عبارة عن قسم موجود في كلية التجارة .. وتحديداً في جامعة حلوان

التخصص فيه بيبقي من سنة أولى .. وشروط الالتحاق زي تجارة انجليش

ومكان الدراسة بيبقي خارج الحرم الجامعى.. وتحديداً في الزمالك

والتسجيل مجاناً من خلال اللينك دا http://www.helwan.edu.eg/university/...ister_bis.html

اقتباس:

ومميزاتها وهى احسن ولا تجاره انجلش

الاتنين زي بعض من حيث الأهمية .. بس فوارق الدراسة والمواد هيا اللي بتبقي مختلفة شوية

بمعني ان المواد هيا اللي مختلفة ونظام الدراسة كمان

يعني عندك تجارة انجليزي بتمشي بنظام المقررات .. انما bis بيمشوا بالساعات المعتمدة

عندك المصاريف برده .. bis مصاريفها حوالي 6500 .. يعني اغلي من تجارة انجليزي كمان

vampire1188

24-09-2009 11:58 PM

اقتباس:

لو جبت تقدير جيد جدا هيتخصملك ربع المصاريف ولو جبت امتياز هيخصمو نصف المصاريف لوجبت جيد طبعا مش هيخصموا اى حاجة خالص

تصدق اول مرة اعرف .. يالا اهو معلومة مفيدة برده

طب طالما كدا امال ولاد اللذينة دول ليه مابيخصموش من الـ 120 جنيه بتاعتنا ؟!

اما ناس ماعندهاش دم صحيح

vampire1188

25-09-2009 12:02 AM

اقتباس:

المهم الواحد بقا لو جاب تقدير كويس مثلا امتياز او المجموع الي بيتيح الفرصه التحول الي انتظام بدلا من انتساب يتري حيفضل النظام ده ثابت اقصد يعني لو جبت تقدير السنه ده في اولي اقدر احول من انتساب الي انتضام

أكيد طبعاً .. الشرط دا موجود من اول ما انتساب بدأت اصلاً

وشرط التحويل من انتساب لانتظام حاجتين :

1- تقدير مش اقل من جيد ( يعني جيد او جيد جدا او امتياز )

2- انك تكوني ناجحة صافى ( يعني مش شايلة مواد خالص )

جميع الأوقات بتوقيت GMT +2. الساعة الآن 06:18 PM.

صفحة 18 من 54

« First

Last »

عرض 50 مشاركات من هذا الموضوع لكل صفحة