بص كتاب الامتحان زي الفل كدا وسيبك من مذكرة المُدرس واهم حاجة ذاكرها من كتاب المدرسة
انا المُدرس بتاعي بيكتبلنا كل حاجة من كتاب المدرسة في الورق فانا بذاكر من الورق بس وبحل م الامتحان

اللهم امين يا دكتور :)

بصراحة انا متحيرة فى هذى النقطة دى بردو ..ممكن نسال بقي اللى اكبر مننا
انا في رايي ما اجيبش اكتر من واحد ع ما اشتت نفسي ..بس بردو نسال اللى اكبر مننا

السلام عليكم ورحمة الله كل سنة وانتو طيبين وبجد انا اول ما افتح التوبيك دا احس ان بلدنا لسه فيها امل وخير انا عندى مشكلة ياريت تساعدنى انا بذاكر بطئ على الاخر ومش عارف اعمل ايه ودا مخلينى متوتر جدا وكمان مش بلحق احل ياريت تساعدونى لو سمحتو

انا جبت كتاب الامتحان فى العربي بس مش لقيت فيه شرح !!..بس مذكرة المدرس فيها شرح يعتبر ..فهل لازم اجيب الاضواء مثلا ولا اكتفي بالامتحان

وحضرتك طيب ..فيه مذاكرة بتفرق عن مذاكرة ..اولا لازم حضرتك تفهم من المدرس كويس عشان يسهل عليك المذاكرة ويوفر لحضرتك الوقت ثانيا :اذا كنت حضرتك بتنسي بسرعة ده ممكن يكون سبب فى البطأ..فعشان كده حاول تذاكر اللى حضرتك اخدته بعد الدرس وحل عليه عشان تثبته ..وحضرتك بتحل او بتذاكر لو فيه حاجة مش فهمتها او سؤال مش عارفه او اجابته بتنساها ممكن تعلم عليه وتكتب عليه مهم ..وكمان ما تشغل بالك بكم الوقت اللى اخدته ..على فكرة انا قعدت يوم احل فى 6 مسائل فقط لا غير ,بس عرفت بقي ايه اللى مش فاهماه ونقطة ضعفى ..بس تانى مرة فى حصة المستر عرفت الحاجات اللى مش كنت فاهماها والاخطاء ..ونتيجة لكده بفضل الله ما عاد بيقف عليا اى مساله .....بردو من الاسباب اللى تبطئ من المذاكرة ان بال حضرتك بيكون مشغول بحاجة غير المذاكرة ..فسيب كل حاجة على ربنا وضع هدف حضرتك امامك وما يهم كم من الووقت ستسغرقه للوصول اليه ..وحاول تزود فى وقت المذاكرة فى خلال اليوم من غير ملل بردو ..

والله انا عن نفسي جبت الامتحان والاضواء
فلو مذكرة المدرس حلوة وفيها شرح كويس خلاص كملي منها وبلاش تجيبي الاضواء

وانا كمان عايز اسال في النقطة دي
بس انا اعتقد اني اجيب في المرجعات احسن بس هسال :)

تمام ..وذا كان ده رايي بردو ^^

اهم حاجة تاخد الدرس وتروح علطول تذاكره وياريت توزع الدروس علي ايام الاسبوع كلها ومتقلقش خالص

هديه صغنطوطة بمناسبه العيد للى يرغب ^^:
اذكر نتيجة واحدة مترتبه على
زيادة طول موصل الى الضعف مع انقاص قطره الى النصف

راجعتي حاجة في ايام العيد ؟