سلام عليكم
انا بس حابة اعرف المنح المقدمة للطلبة نسأل عنها في اكاديمية البحث العملي ولا في الجامعة
مع العلم اني اتصلت باكديمية البحث العلمي وقالولي ان تقريبا مش هيكون فيه منح السنادي

إإلى القديرة أم رهف
بارك الله فيكى على مجهودك وأرجوا منك الرد على سؤالى بالنسبة للمعينين هل يتم احتسابهم ضمن الأول والثانى أم يتم احتساب الأول والثانى بعدهم
وبالنسبة لتعيين حملة الماجستير والدكتوراة بالأزهر داخلين تبع قرار تعيين حملة الماجستير والدكتوراة أم لا

صباح الخير يا دكتور عبد الرحمن...أكتب إليك من مطار الغردقة في انتظار طائرة من ميونيخ..وطرأت علي ذهني فجأة فأحببت أن أرسل إليك تحياتي...الواحد تعب قوي من شغل السياحة التي تتأثر بالأحداث الجارية من مظاهرات واعتصامات وانفلات أمني وغيره ولكني في حيرة هل لو تم تعينني كحاصل علي ليسانس ألسن وبعد تقديم استقالتي للشركة التي أعمل بها،هل يمكن أن أعمل في الحكومة بما يتناسب مع ما درست؟ يعز علينا جميعا كأوائل كليات بعد كل سنوات الدراسة والتعب أن نعمل كأمناء مخازن أو مكتبات الجامعة أو سكرتيرة نرد علي التليفونات ولكن حتي هذا تبخل الحكومة علينا به مع..رضينا بالهم والهم مش راضي

الى أوائل الأزهر :
لابد من الحيطه والحذر فى الأيام المقبله حتى لا يتم الالتفاف على تعيينا معيدين
فمن خلال اطلاعى على مكتب فى هذا المنتدى وبعض الصحف فى خلال الأيام الماضيه لاحظت بعض الأشياء والتى من الممكن لا تكون فى صالحنا اذا كان الأمر مخطط له وهى كالتالى : --------
قرأت فى جريدة اليوم السابع من حوالى شهر تقريبا أن الدكتور صفوت النحاس بين لأوائل الأزهر أنه سيتم تعينهم معيدين بعد شهرين
وقرأت فى هذا المنتدى من يومين تقريبا للدكتوره : سميه الشاطر أنه لابد من تخليص الاجراءات من التنظيم والاداره والماليه قبل نهاية شهر 9 حتى ندخل فى موازنة هذا العام والا سوف يؤجل موضوعنا الى العام القادم
فلو تلاعب بنا الجهاز المركزى الى اخر الشهر يبقى كل سنه وانتو طيبين وانسوا الموضوع
ويبقى الدكتور صفوت النحاس كان يقصد بعد شهرين علشان يوصلنا الى أن الميزانيه أعتمدت والاجراءات لم تنتهى وانتظروا العام القادم ولا يبقى يحلها الحلال
وعلى فكره لولا اعتصام حوالى 50 من أوائل الأزهر بعد تصريحات د : النحاس أمام مكتب رئيس الجامعه وبعض الاعتصامات الأخرى لما كان موضوعنا وصل الى ما وصل اليه
ومن هنا أؤكد أنه لابد من أخذ الحيطه والحذر فنحن فى الوقت بدل الضائع وأى استهتار أو تكاسل سيجعلنا خارج المونديال ولا فيه وقت اضافى ولا ركلات ترجيح
وعلى فكره فيه ناس زعلانه جامد قوى ان هؤلاء الأوائل سيتم تعيينهم معيدين وأولاد الكبار والواسطه مش هيكون ليهم مكان مستخسرين فينا هذه المكانه ميعرفوش ان الأوائل كم تعبوا وبذلوا المجهود واطلعوا على مراجع وعانوا الكثير ماديا على حساب أشياء كثيره
المهم ربنا يسهل بس عاوزين نتحد ونفكر فى الصح حتى لايضيع حقنا المسلوب منا
ورنا يوفق الجميع الى ما فيه الخير والرشاد .....

وعفوا على الاطاله

< يا أخت ولاء يعني لو فيه استقرار على حاجة نهائية كنت بلغتكم بيها .. لكن الوضع لم يكتمل بعد انتظروا خيرا بإذن الله

أولا المنح نوعين منح مقدمة من أكاديمية البحث العلمي ودي لها شروط معينة وتشمل تخصصات معينة ومش بتكون كتير .. النوع الثاني أعم وأكثر جدا وهي منح تعطيها الكليات لأبنائها المتفوقين من أوائل ادفعات ودي بتبقى حسب مجلس كل جامعة يعني في جامعة المنيا بتبقى كل سنة في مجلس شهر 12 .. والمنح دي بتبقى بإعلان داخلي في كل كلية ويتاخد الأعلى .. بس حابب أقول إن غالبا موضوع المنح ده هيتم إلغاؤه لأن احتمال كبير جدا يصدر قرار بتعيين كل المنح السابقة والحكومة مش عاوزة تدوش دماغها بتعيينات جديدة

الاستمارة بها وظائف إدارية متميزة يعني إداري في أماكن جيده وليس كادر خاص (عضو هيئة تدريس)

النحاس والوزير وعد بإن التعيينات تكون في أماكن مميزة وده اللي كان بيحصل في التعيينات السابقة وأنا كنت فاكر والله إن كتير من أوائل ألسن المنيا اتعينوا قبل 2003 في وزارة البيئة ودي من أفضل أماكن العمل الحكومي في المنيا ..

يا جماعة الخير انتم ليه مش منتظرين ليه الاستعجال .. الوضع حاليا للمنح مش نهائي .. بس اللي أقدر أقوله إن خير بإذن الله .. شوفوا يا جماعة لو فيه كلية فاتحة جديد مثلا من سنتين وبعتلها وقولت انتم محتاجين؟؟ هتقولك ماعندناش عجز ودي مسألة منتهية والكل عارف كده علشان كده كل الصراعات اللي كانت بتحصل علشان الأمر لا يرجع للكليات عند تحديد الاحتياجات .. ومن هنا باحب أقول إن طلاب المنح موضوعهم منفصل عن موضوع الحاصلين على الماجستير والدكتوراة .. الحاصلين أخدوا من الوزير 1000 درجة يتم الإعلان عنها كمرحلة أولى .. وده بخلاف الـ1300 درجة الخاصين بطلاب المنح .. طيب طلاب المنح موقفهم إيه هل تعيين بإعلان والا بتسكين .. ماهو لو إعلان يبقى مفيش تمييز لهم وساعتها كانوا ضموا الـ1300 درجة على الـ1000 درجة بتاعت الحاصلين ويتم الإعلان بالمرة .. ولو تسكين يبقى تمام .. بس لايوجد في قانون الجامعات مايسمى بالتسكين .. يبقى احنا علشان يحصلنا تسكين لازم يحصل بموافقة مجلس وزراء وتصديق من المجلس العسكري وبقرار من المجلس الأعلى للجامعات .. طيب الوضع إيه دلوقت .. الوزير قال صراحة إن موضوع الـ1000 درجة خلاص .. وموضوع المنح وتسكينهم هيطرح على مجلس الوزراء .. للموافقة عليه وبناء عليه فإن وفد المنح هيتحرك لمقابلة الدكتور علي السلمي لإقرار ذلك في جلسة مجلس الوزراء يوم الأحد القادم .. وعلشان كده كنت باقول للناس تستنى للأحد .. لكن الناس شكلها جاعت وعماله تقول هات الأكل من الفرن .. وحاجات كده .. صبرا يا أهل الخير فإن الخير قادم بإذن الله ..

بالنسبة للاستمارة الخاصة بأوائل الخريجين واحنا قلنا كده قبل كده أكثر من مرة .. يا جماعة فكرة أن تكون الاستمارة موضوعة على النت الحكومة لن تنفذها أبدا لعدم جدية ملئ الاستمارة وقتها .. الاستمارة لازم تملأ يدويا في مقر النتظيم والإدارة بكل محافظة .. ومن يتغيب يقدر ينوب عنه أحد أقربائه من الدرجة الأولى بشرط أن يكون عامل له توكيل رسمي .. وأنا قلت كده من الأول من حوالي 3 شهور علشان الناس اللي كانت بره تعمل حسابها وترتب أمورها .. والاستمارة هتكون شاملة وظائف إدارية في الجامعات .. ووظائف إدارية في المديريات الخدمية المتميزة .. والأولوية للأعلى تقديرا في حسم الاختيار .. وبالمناسبة التنظيم والإدارة الآن في مرحلة إعداد الاستمارة وده كان تكليف لهم لأن لو الاستمارات انتهت يبقى فيه جديد هيخص الأوائل في جلسة يوم الأحد بتاعت مجلس الوزراء ..