اسلام معاك اجابة نموذج مستر اسامة ؟

لأ المفروض هو شرحه في حصة على مجموعات أونلاين وفتحها فري وذاعها ع الراديو الساعة ١٠:٣٠ والمفروض هينزلها فيديو يعني
ماسمعتوش أنا عشان ما خلصتش مذاكرة المطلووب ولا حليت الامتحان ده ولا كنت فاضيله ساعتها

بقالي ساعة بعمل ريفريش زهقت
الامتحان كان فيه افتكاسات الفرسخ وحدة بحرية ولا صحراوية و مفرد آواني إناء ولا آنية و لا الاتنين دول السؤالين بس اللي عرفت اجابتهم من الشات و غلط

في نص التكافل :
ايه دلالة استخدام هذا العلاج في موضعها اقول ان اسم اشارة للتخصيص وكده ولا اقول الدلالة واثر الاسلام في علاج ومحاربة الفقر

مصر ستظل دائما قلعة
اعراب قلعة ؟ النموذج مجاوبها خبر مصر ازاي مش خبر ستظل ؟

مصر : مبتدأ مرفوع بالضمه
السين :حرف استقبال لا محل له من الاعراب
تظل : فعل مضارع مرفوع بالضمه
دائما : ظرف زمان منصوب بالفتحه
قلعه : خبر تظل منصوب بالفتحه
و اسم تظل ضمير مستتر تقديره هي
و الجمله الفعلية من الفعل والفاعل و المفعول به ( ستظل قلعه ) في محل رفع خبر المبتدأ .. اللي هو مصر

الفرسخ وحدة صحراوية .صح ولا ايه ؟
مفرد اواني ..آنية

الله ينور
النموذج كان كاتب قلعة خبر لمصر

الفرسخ طلعت بحرية كنت عاملها برية
ومفرد اواني قال اناء فقط كنت عاملها اناء وآنية

بص اناء دي انا كنت محتار فيها من زمان بس عرفت يقينا يعني ان
اناءجمعها انية وجمع الجمع اواني
يعني مفرد اواني .... انية
ومفرد انية.... اناء
ما رايكم يا شباب،؟

كتاب الرسالة شرح صفحة 452 السطر السابع : الأواني:الأوعية مفردها الآنية
مات الكلام ..

ايون فعلا انا دورت في المعجم ولقيتها كده

والله الواحد شايل في نفسه كلام كتير عن مدرسين العربي وعن الاختيارات في أسئلة المعاني
حاجة تتعب
هو تقريبا أستاذ أسامة راح فتح almaany.com وبحث عن إناء فطلعله إناء جمعها آنية وأواني فقالك بس يبقى أواني مفردها إناء

مش عارف والله احنا صح يعني ولا غلطانين

وده من موقع أستاذ مدحت فودة اللي أنا أفتكر إن أ.أسامة في شرحه الموجود على اليوتيوب لنص رثاء مي كانت الصورة من مذكرة مكتوب عليها أ.أسامة ولكن طريقة سرد اللغويات واىكلام نفيه هو هو المكتوب فب موقع أ.مدحت فودة واللي عايز يتأكد بتأكد

المهم
الأواني : الأوعية ، الصحون م الآنية التي م إناء

المعاني كاتبها صح بس ملغبط عشان هو بيجيب من كل المعاجم

اه أتفق معاك
المعجم صاحب القول الفصل عندي بيبقى معجم اللغة العربية المعاصر في الجموع وما إلى ذلك من الأمور اللي بيبقى فيها اختلاف

حلقة مدرسة على الهوا امبارح فيزياء جامدة جدا ، مراجعة وحل فيها معظم أسئلة امتحان الأزهر وبوكليتات من عنده أ.عزت سعد وقصف جبهات الناس اللي بتنزل إجابات على النت
راجل جميل والله

معلش كنت فاكر نفسي اتكلمت عن almaany.com. فرديت وقولت معجم اللغة المعاصر وكده يعني
عشان لو حسيت ردي مش متعلق بكلامك يغني :D