يا عم ولا أنا برد ماتجاملنيش
أنا بحاول أرد في اللي أقدر أفيد فيه بس

بقولك
نماذج دليل التقويم في فروع الياضة تقريبا أول نموذجين في كل فرع صعبين وفزبكة وبيبقوا متسطرين ، بعديها آخر نموذج أو اتنين مش متسطرين ومجمل أسئلتهم واقعية وطبيعية. ومعتدلة
لاحظت كده برده ؟

مش بجامل والله لو احتاجتك بلاقيك
موضوع متسطرين ده ماخدتش بالي منه بصراحة و اعتقد اه فيه فرع مش فاكر ايه حليت النموذج الرابع كان كويس فيه انما الاول تفاضل معتقدش اني عديت التلتين فيه

ما عديتش التلاتين ايه بس امتحان أي فرع لوحده ب 30
جبر 30 + تفاضل 30 = 60 درجة بحتة
وزيهم 60 درجة تطبيقية

معدتش التلتين اللي هو بسط على مقام 2 ÷ 3 يا اسلام :d

يا ربي .. وأنا أقول هو ٣٠ مكتوبة كدا ليه !؟

معلش اعذرني ف اغلب الاوقات بكون مش لاحقة افتح و ارد ولله من كتر الحاجات اللي عليا ومش بتخلص 😔 ربنا يعديها على خير

هو بالنسبة لجهود الاكسدة والاختزال بتاعت الخلايا
هي حفظ ؟!

أيوه حفظ
أوسخ حاجة في منهج الكيمياء الباب الزبالة ده
بس الحمد لله أنا بظبطه اليومين دول يعني وربنا يكرم

فيه في موضوع السنة اللي فاتت دفعة ٢٠١٦ كلام مفيد أوي ، خشوا في الصفحات اللي في التلتميات كده ٣٤٠ ٣٦٠ فترة الامتحانات نفسها

كله حفظ باذن الله توكلوا على الله وربنا يستر
بدأتوا عربي ولا لسه ؟

مش عارف بصراحة لسه مبدأتش في الكهربية :rolleyes:

بحاول الم اللي باقي و تبعا لجدول مستر اسامة ان شاء الله نبدأ 28

طيب اوعه الوقت يخونك لان المادة دي كبيرة وعايزة مجهود
ركز عالنحو والبلاغة والتعبير عشان بينقصم وانت مش حاسس
وتعليق النص من كتاب المدرسة فقط نصيحة

والجماليات بتتقري عادي المعاني احفظها
وربنا يستر

غالبا اكتر حاجة حتحتاج مجهود حفظ النصوص انا شبه حافظ غربة وحنين والرثاء لكن لا حافظ التكافل ولا النسور ولا من انت يا نفس

فعلا بس ابدا بقا باللي مش حافظه وخلصه اليومين دول

البلاغة دي بقا اعمل فيها ايه بقا انا معرفش فيها حاجة خالص