الحمد لله والشكر لله .. جزاك الله كل خير يا اخت Wafa :)

ربنا يسمع منك يا أخ رامى والأسماء يتم نشرها
يا ريت أول ما تسمع عن نشرها تعرفنا تم نشرها على أى موقع
ولو فيه أخبار غدا عن مشوار التنظيم والاداره عرفونا ايه اللى حصل حتى نكون معكم متابعين الأحداث أولا بأول

لوسمحت يا دكتور عبد الرحمن لى استفسار صغير أرجو من حضرتك تفيدنى فيه مضمونه كالاتى : _
أنا خريج تربية قسم جغرافيا دفعة 2004 بتقدير ممتاز مع مرتبة الشرف من جامعة الأزهر _ تفهنا الأشراف
وكملت دراسات عليا {دبلومه مهنيه ودبلومه خاصه } فى تطوير المناهج وطرق التدريس ولكن حصلت على الدبلومتين من جامعه عامه { جامعة كفر الشيخ } بكلية التربيه فيها
والسؤال الان :
هل فى حالة قبولى ان شاء الله كمعيد فى جامعة الأزهر هيعتمدوا الدبلومتين اللى حصلت عليهم من جامعه كفر الشيخ وأكمل بعدهم الماجستير
أم أن الجامعه ممكن لا تعترف بالدراسات العليا التى أخذت من جامعة كفر الشيخ
ما هو موقفى فى هذه الحاله أفيدنى بالله عليك ولك منى خالص الشكر والتقدير

ربنا يكرمكم جميعا يااوائل الازهر والعام انشاء الله يلحقوا بكم اكيد بعد ماعنيتم من احباط وبطالة او عمل لايليق بعقولكم هتكونوا احسن دكاترة انشاء الله اتمنى لكم كل التوفيق فقد تعبتم اعصابى افرح معكم باى تقدم فى موضوعكم واحزن لكم ربنا يجعل كل اخباركم مفرحة دائما باذن الله تعالى على كرة اخى معكم من اوائل الازهر واتمنى ان يصبح اولادى مثلكم قولوا يارب

مش عارف والله الأزهر رأيه إيه لكن عموما قانوننا العام عندنا بيقول لو التخصص الدقيق اللي هيكلفوك بيه في الماجستير يمشي مع التمهيدي ده مفيش مشاكل لكن للكلية حق مطالبتك بتعديل التمهيدي لو كلفوك بتخصص دقيق غير اللي انت أخدت فيه التمهيدي ده

[ايه أخبار الجهاز المركزي اليوم يا جماعة هل هناك جديد جزيتم خيرا

بعد اذن حضرتك يا دكتور ياريت تقولنا ايه هيا الاخبار دى ؟؟

مش مضايقنى غير كلمه "" تقرر"" وكله كلام ومافيش تنفيذ على ارض الواقع .. ربنا يهوووووووووون

هى الاسماء هتعلن على اى موقع ولا فلى جريدة ولا هيبعتو لنا على البيت

السلام عليكم .. بصراحة ياجماعة احنا كنا في اجتماع مع وزير التعليم العالي وقال إن التعيينات مقسمه لـ3 شرائح الأولى العشرين الأوائل والثانية طلاب المنح والثالثة الحاصلين على الماجستير والدكتوراة من خارج المنح .. وبعدين قال الوزير إن المرحلة الأولى سيتم تنفيذها يوم الأحد القادم وهو خاطب التنظيم والإدارة بكده .. (بس على الله النحاس مايوقفش الموضوع) .. طبعا أنا مارضيتش أقول امبارح علشان مظاهرة انهاردة وماحدش يطنش ويركن .. المهم حصل تعديل في القرارات الدرجات المخصصة للمنح والحاصلين ارتفعت من 2300 إلى 3075 درجة والتفاوض الآن على توزيعهم وقد تدخل الأكاديمية في قصة التوزيع بعيدا عن الجامعات .. والإعلان النهائي سيتم يوم الأحد أيضا .. حيث من المنتظر فض الاعتصام الموجود في الأكاديمية في نفس اليوم بعد إعلان النتائج كاملة .. وحصل تعديلين هامين جدااااااا بالنسبة للحاصلين وطلاب المنح أولا يستثنى شرط السن في التقدم للوظيفة يعني المدرس المساعد هيتاح ليه حتى 40 سنة والمدرس حتى 55 .. وثانيا أصبحت الآلية سنة على 3 مراحل بدلا من 3 سنين .. وانهارده بقى جاء الخبر في الأهرام بتأكيد بعض هذه المعلومات وربنا ييسر للباقي .. بالمناسبة أنا أطلعت قادة المعتصمين من الأوائل على هذه الأخبار أمس بس ماحبتش أنشرها كما قلت سابقا ..

كيف الحال الدكتور المحترم عبد الرحمن
ارجو من حضرتك ان شاء الله لو الموضوع محصلش فيه تعقيد حيكون يوم الاحد القادم بداية تعيينات اوائل الخريجين

د عبالرحمن يعنى كده فى امل انى اتعين مدرس مساعد فى الجامعه انا الاولى بعد استبعاد المعيدين ومعاى ماجستير

يا جماعه ارجو التوضيح انا من حمله الماجستير ولكنى من خارج محافظه القاهره وارجو التوضيح كيف يمكننى التقدم ببياناتى واين ؟ ومع الشكر