بوابة الثانوية العامة المصرية - دفعة ثانوية عامة 2017

بوابة الثانوية العامة المصرية (https://www.thanwya.com/vb/index.php)

- اجتماعيات طالب (https://www.thanwya.com/vb/forumdisplay.php?f=112)

- - دفعة ثانوية عامة 2017 (https://www.thanwya.com/vb/showthread.php?t=690734)

اقتباس:

المشاركة الأصلية كتبت بواسطة esraa yousry (المشاركة 6474345)

الله يبارك فيك يا دكتور
اصلا انت من اكتر الناس اللي استفدت منهم ومن معلوماتهم في النحو خلال السنه

وده اصلا السر فان انت لما تساعد غيرك ربنا هيكرمك
وانت ربنا كرمك لانك مبتبخلش على حد بمعلومه
ما شاء الله عليك وربنا يوفقك
والدفعه الجديده تستفاد منك :)

الله يخليكى يا باشمهندسة . وإن شاء الله ربنا هيكرمنا جميعا

بإذن الله عايزين كلنا نقدم كل الى نعرفه والى الخبرات الى أستفدنا بيها للدفعة الجديدة علشان ربنا يكرمه

اقتباس:

المشاركة الأصلية كتبت بواسطة Abdo M A (المشاركة 6474351)

أكيد :078111rg3:
وأنا بدأت شويه أهو وناويه بإذن الله اساعدهم على قد ما أقدر لأن احنا كنا محتاجين اللي يساعدنا
ده غير اني لما كنت بلاقي حد من الدفعه اللي قبلينا زي دكتور محمد حمزه أو الباشمهندس أحمد خالد كنت بفرح جدا وبطمن وكنت بحب أسمع نصايحهم علطول

ربنا يقدرنا ان احنا نساعدهم ويقدرهم انهم يذاكرو السنه دي ويكرمهم بالمجاميع اللي نفسهم فيها

اقتباس:

المشاركة الأصلية كتبت بواسطة esraa yousry (المشاركة 6474343)

الله يبارك فيكي يا لولو ♥♥
ومبروك ليكي بس انا معرفتش انتي عملتي ايه :friendsxs3:

الحمد لله جبت 99.15

اقتباس:

المشاركة الأصلية كتبت بواسطة aalaaabdelhamed (المشاركة 6474374)

الحمد لله جبت 99.15

ألف مبروك يا دكتور الاء تستحقيها فعلا
ربنا يوفقك يا رب في كليتك

فرحتلك بجد :blush: ♥ ♥

اقتباس:

المشاركة الأصلية كتبت بواسطة aalaaabdelhamed (المشاركة 6474374)

الحمد لله جبت 99.15

ألف مبروووك يا دكتوره

طب ولا أسنان إن شاء الله ؟

اقتباس:

المشاركة الأصلية كتبت بواسطة Esraa Yousry (المشاركة 6474379)

ألف مبروك يا دكتور الاء تستحقيها فعلا
ربنا يوفقك يا رب في كليتك

فرحتلك بجد :blush: ♥ ♥

الله يبارك فيكي يا بشمهندسة اسراء
يااارب وانت كمان يا سوسو
انا والله فرحانة لكل اللي هنا ربنا كرمنا كلنا اخر كرم
هتروحي جامعة ايه يا سو يمكن نتقابل بقي:078111rg3:

اقتباس:

المشاركة الأصلية كتبت بواسطة abdo m a (المشاركة 6474381)

ألف مبروووك يا دكتوره

طب ولا أسنان إن شاء الله ؟

الله يبارك في حضرتك يا دكتور مش حاجة انا جنب الدفعة هنا ;)
ان شاء الله طب ان شاء الله مجموعي يجيبها

اقتباس:

المشاركة الأصلية كتبت بواسطة abdo m a (المشاركة 6474340)

بصى هنا إحنا مش بنعرب غير الأسماء فقط هيه الى توكيد لفظى غير كده لا
ادرس التانيه : فعل أمر عادى
لكن هيه الغرض منها التوكيد لكن كإعراب عادى جدا

تمام طب تعرب ايه يا دوك دي بدايه جمله والتوكيد يتبع ما قبله

اقتباس:

المشاركة الأصلية كتبت بواسطة aalaaabdelhamed (المشاركة 6474383)

المنيا :d

توزيع جغرافي :bosyht9:

اقتباس:

المشاركة الأصلية كتبت بواسطة abdo m a (المشاركة 6474340)

معلش يا دو يعني أي مش بيكون للتوحيد إعراب
ازاي مش هوا يتبع الي قبله

بصى انتى قولى توكيد لفظى بس المشكلة انها جملة مش عارفة محلها الاعرابى ايه
فالافضل ان تكتفى بان هو توكيد لفظى للجملة السابقة ادرس

اقتباس:

المشاركة الأصلية كتبت بواسطة esraa yousry (المشاركة 6474334)

السلام عليكم
رجاله تالته ثانووي دفعه 2017
أنا من الدفعه اللي قبليكو كنت علمي رياضه والحمد لله ربنا كرمني من عنده بمجموع 97.7
هقولكو تقريبا اللي طلعت بيه من السنه دي
1- رضا ربنا هو أول وأهم حاجه صلاه وقرآن يا ريت ورد يومي حتى لو صفحه (خير الأعمال أدومها إن قل )
2- أمك وأبوك ارضيهم لأنهم بجد هيتعبو معاك جدا السنه دي ومش هيرضو يزعلوك في حاجه فانت متزعلهمش عشان رضاهم ده بالدنيا الاستاذ بتاعي كان بيقولنا أبوك وأمك لو مش راضيين عنك لو حالل صح ممكن المصحح يحسبهالك غلط .. ! ودي حقيقه انا مكنتش بعررف اروح امتحان غير لما أمي تحضني وتدعيلي كتير
3- حاول تساعد غيرك ومتبخلش على حد بمعلومه بجد هتعرفف فايده الكلام ده بعدين
4- طبعا ذاكر أول بأول مش لازم تحبس نفسك 24 ساعه مذاكره ولا الكلام الاهبل بتاع نام 4 ساعات بس اقل حاجه من 6 ل8 ساعات اقل من كده هيعمل مفعول عكسي
5- متمشيش اووي مع كلام اصحابك اللي هو أنا ضايع وانا مش هلحق حاجه او الماده دي صعبه أو اي حاجه من الكلام ده في الاغلب هيحبطك وهيولد عندك قناعه في عقلك الباطني ان الماده دي صعبه
اقلك متاخدش دروس مع اصحابك اصلا :d عشان متخسروش بعض .. !
6- اعصابك يا برنس هي اهم حاجه انت ممكن تكون مقفل الماده خمناشر مره وتتوتر وتضيع كل حاجه
7- الغي الغش من دماغك خالص لانك لو اعتمدت عليه هتضيع انا مغشتش ولا كلمه والحمد لله ربنا كرمني آخر كرم
8-طبعا نصيحه مهمه لبتوع رياضه حاول توازن الأمور بين الرياضه وباقي المواد متذكرهاش على حساب باقي المواد ومتركنهاش برضه محتاجه حل كتير جدا جدا جدا جدا للصبح مش هنخلص
9- ادعي ربنا كتير جدا وحاول تستفيد من الوقت الخفافي ده اللي هو كله بالهداوة يعني زود كلمات الحفظ وقط الترجمه وجمل النحو مش هتلاقي وقت بعدين
10- اهتم بالعربي هو اللي وقعلي المجموع ناقصه فيه هو بس 5 درجات الحمد لله

في المشاركه اللي جايه بقى هكلمكو عن كل ماده شويه لو في نصيحه جت في دماغي تاني أكيد مش هبخل عليكو بيها
أنا كنت مكانكم قبل كده وكنت محتاجه لأي نصيحه تساعدني

مبروك يا بشمهندسة على النتيجة وربنا يوفقك فى الكليه

احنا متابعينك ومبسوطين انك بتساعدينا:)

اقتباس:

المشاركة الأصلية كتبت بواسطة norhan mostafa (المشاركة 6474438)

معلش يا دو يعني أي مش بيكون للتوحيد إعراب
ازاي مش هوا يتبع الي قبله

أقصد إنه لما يبقى إسم فقط بنعربه توكيد لكن لما يكون فعل متكرر مثلا زى فى الجمله دى هنا بقى بنعرب عادى خالص لكن كمعنى بلاغى يفيد التوكيد
يعنى مثلا : قال الله تعالى ( يا آدم اسكن أنت وزوجك الجنه ) أنت : توكيد لفظى : للضمير المستتر المحذوف أنت ( يا آدم اسكن وزوجك الجنه ) لو اعتبرنها كده .

اقتباس:

المشاركة الأصلية كتبت بواسطة abdo m a (المشاركة 6474497)

لا حضرتك مش اسم فقط بيعتبر توكيد
هو بيكون اسم او فعل او حرف او جملة وهنا المثال جملة اكدتها جملة تانية
فتانية دى توكيد فعلا مش على سبيل البلاغة
هى اى حاجة بتتكرر بتكون المراد منها التاكيد على الى بيتقال ومش شرط اسم وبس

اقتباس:

المشاركة الأصلية كتبت بواسطة abdo m a (المشاركة 6474497)

ايوه يا دوك التوكيد يبقي لاسم فعل جمله حرف
زي احمد احمد في المدرسه
لله اكبر الله اكبر.......نلعب نلعب بالكره

بس هو اي يعني توكيد الحرف والضمير دول