مافيش شىء اسمة افضل الاقسام كل الاقسام مهمة وبتشتغل لاكن تقصد افضلهم فى الشغل يبقى هو المدنى بالنسبة سهولة قسم معين فى الخمس سنين بردة مافيش كدة ما الكل بيقول ان الميكانيكا اصعب قسم لاكن الى بيحبها يلاقيها اسهل قسم والى يقولك المعمارى اسهل قسم طيب ما الى بيكرها هيحس انها اصعب قسم

القسم الى انت بتحبة ادخلة هتكبر فية بسرعة

المدنى كويس لاكن اكادمية المعادى ليس بيها مدنى دة للعلم فقط

تحياتى

انا عايزه اعرف بس هى بيكون ليها مجاميع معينه ولا اى مجموع

محدش رد عليا ليه

هى اية بالظبط

حددى تقصدى اية

حضرتك انا غير متواجد 24 ساعة لما بفضى بدخل اشوف الاستفسارات الجديدة فانا ايضا ليا مشاغل

تحياتى

يا جماعه انا جايب 84.5 حد يعرف يفيدنى اكتب اخبار اليوم ولا مودرن الاول يعنى ايه الاحسن فيهم علشان احتمال كبير اللى اكتبه قبل التانى من دول يجيلى

مودرن الاول وبعدها اخبار اليوم

تحياتى

هندسه مثلا معهد اوكليه ممكن اخشها باى مجموع وعادى لو المصاريف تزيد لانى اعرف ان كل ماقل المجموع زادت المصاريف وايه رايك فى معهد الهندسه الجديد فى الزقازيق ولو تعرف بياخد من كام

انا اقصد الهندسه يعنى بتاخد من كام فى المعهد او الكليه الخاصه اى مجموع ولا مجاميع محدده وايه رايك فى معهد الهندسه الى فى الزقازيق الجديد ولو تعرف بياخد من كام قولى لو سمحت وصحيح ان ممكن اى كليه او معهد هندسه تقبلنى بس تزيد فى المصاريف وتقبلنى باى مجموع

اشكرك جدا يا اخ titi على المساعدة

انا احب المعمارى ولكن انا كنت عاوز اعرف بس هل فى افضل منه ولا ايه مع العلم انى ممكن عادى اشتغل فى الميكانيا بس معرفش عنها حاجة او اى معلومات وشكرا جدا

تم ضبط موقع نقابة المهندسين وعودة الكليات والمعاهد التى حذفت

لا طبعا مافى شىء اسمة باى مجموع جتى الخاص لة مجموع معين وهو 70% دة للكليات الخاصة فقط

اما المعاهد فهيا بتاخد من فوق ال80 %

ياريت تدينى الاسم الرسمى والصحيح للمعهد الى فى الزقازيق علشان اقولك المعلومات الى اعرفها عنة

وكل ما مجموعك كان اعلى كل ما اتعملك خصم فى الفلوس التقديم

العفو

بص طالما بتحب المعمارى وعندك موهبة الرسم والتخيل والابداع يبقى توكل على الله وادخلها لاكن بتحب الرسم وما عندك الموهبة يبقى اوعى تدخلها لان كدة عمرك ما هتكبر فيها

بالنسبة لاى تخصص اخر زى الميكانيكا ما اكيد كلنا ما نعرف عنهم شىء الا لما نتخصص ونبدا ندرس المواد ونتعلم امال الكلية لازمتها اية؟

بالنسبة لو فية افضل من العمارة دة مش السؤال الصحيح لسبب ان كل قسم ولة مهمة فى الحياة ووظيفة يعنى مافية قسم احسن من قسم لان كل الاقسام بتكمل بعض
واقرب مثال

انت مثلا بتبنى مستشفى

اول شىء المعمارى يصمم المستشفى زم المدنى يبنى المستشفى ثم مهندس الكهرباء يركب ويصمم شبكة الكهرباء

ثم الميكانيكى مسؤل عن اى مكن خلال بناء المستشفى او اعطال مكن زى المصنع كدة

وطبعا اقسام تانية

يعنى كل واحد لة مهمة مافى حد احسن من حد او قسم اعلى من قسم اتمنى اكون وضحتلك السؤال

لمزيد من الاسئلة

الى هو المعهد الجديد الى فى الزقازيق الى اول سنه ليه السنه دى انا مش قصدى اى مجموع طب انا لو مثلا جايبه فوق ال60% ممكن الحق اى كليه او معهد خاص ويكون هندسه