بوابة الثانوية العامة المصرية - للرد على اى سؤال او استفسار هنا فقط

ياجدعان التسمية اتغيرت والله
والاستاذ بتاع الدرس قالهلنا والاستاذ بتاع المدرسة
وكل الاساتذة مش استاذ واحد
وانا قلت قبل كدا مش عاف الناس مش مصدقة ليه
عموما الى عليه انا عملتوا ..

أ/مصطفى عرفات

31-05-2011 07:21 AM

ما شاء اللة ربنا يوفقكم كلكم إن شاء اللة
و فى إنتظار اراء السادة المدرسين

_ m3md_94_

31-05-2011 07:28 AM

ايوه ياجماعة أنا متفق تماما مع الشيماء ومع سمير لأن رابع كلوريد الكربون لو عملتله هلجنة فى ضوء شمس غير مباشر مش هيحصل حاجة لأن وظيفة ذرة الهالوجين سواء كلور أو خلافه هى ان تحل محل ذرات الهيدروجين فى الالكان وبما انه مفيش ذرات هيدروجين يبقى مش هيحدث تفاعل أما البنتان او البيوتان او اى الكان تانى هيتفاعل مع ذرة الهالوجين الى ان تستنفذ منه ذرات الهيدروجين تماما

ارجو اكون وضحت وجهة نظرى انا وزملائى

أ/مصطفى عرفات

31-05-2011 07:34 AM

الأضواء فى الكيمياء

1 مرفق

أقدم لكم كتاب الأضواء فى الباب الاول

yusuf reda

31-05-2011 07:38 AM

ممكن اجابة الاسالة ديه

اختر الاجابة
1-اكبر وحدة كتلية للنيتروجين هى كتلة
(مول واحد -جرام واحد-ذرة واحدة - جزئ واحد )
2-عدد المستويات الفرعية فى المستوى الخامس هو
(2-3-4-5)
3- قيمة ph للمحلول الذى يحتوى على اقل تركيز من oh هو
(1-7-10-14)

سيد عثمان

31-05-2011 08:00 AM

[quote=YUSUF112_112;3465116]اختر الاجابة
1-اكبر وحدة كتلية للنيتروجين هى كتلة
(مول واحد -جرام واحد-ذرة واحدة - جزئ واحد )
2-عدد المستويات الفرعية فى المستوى الخامس هو
(2-3-4-5)
3- قيمة ph للمحلول الذى يحتوى على اقل تركيز من oh هو
(1-7-10-14)[/quote]

بالتوفيق والنجاح

yusuf reda

31-05-2011 08:09 AM

متشكر جدااا يا مستر ...

العمل سبب الامل

31-05-2011 08:28 AM

حد يجاااااااااااااااوبنى؟

Twilight2011

31-05-2011 09:38 AM

اقتباس:

المشاركة الأصلية كتبت بواسطة yusuf112_112 (المشاركة 3465116)

اختر الاجابة
1-اكبر وحدة كتلية للنيتروجين هى كتلة
(مول واحد -جرام واحد-ذرة واحدة - جزئ واحد )
لأن المول ده يتكون من 6.02 × 10 اس 23 ذرة او جزئ
انما الجرام دي مستبعدة طبعاً

2-عدد المستويات الفرعية فى المستوى الخامس هو
(2-3-4-5)
احنا عرفنا ان عدد الالكترونات فى اى مستوى لا يزيد عن 32 يعني 4 مستويات بس وانت بتوزع علطول مش محتاج تسأل يعني

3- قيمة ph للمحلول الذى يحتوى على اقل تركيز من oh هو
(1-7-10-14)
صراحة انا مش فاهم السؤال هو اقل تركيز للهيدروكسيل ده عدد معين مثلاً ولا ايه

مستنى مستر سيد يشرحلي الأخير

Twilight2011

31-05-2011 09:39 AM

يجاوبك على ايه هو لسه فى سؤال تاني

Twilight2011

31-05-2011 09:40 AM

شكراً كتير يا مستر مصطفى بس انا شايف ان الكيمياء كتاب المدرسة فيها مش محتاج جنبه مساعد ^_^

Twilight2011

31-05-2011 09:48 AM

اقتباس:

المشاركة الأصلية كتبت بواسطة الشيماء22 (المشاركة 3464974)

ربنا يوفقك يا رب يا سمير

وتكون افضل من د/ مجدى يعقوب وتبقى جراح مصرى مسلم

وترفع راسنا بيك بس متنسناش ولا تنسى المنتدى دا

انا يا شيماء فعلاً نفسي فى كده بس بسمع كتير انك لما بتروح الكلية احلامك بتتحطم هههه بس والدي ووالدتي بيشجعوني
وانا مش ممكن اسيب المنتدى مش فى قسم كليات برضه

سامح بشير

31-05-2011 09:55 AM

سوال جميل ؟؟؟؟؟؟؟؟؟؟؟؟؟؟

:040vk0:مبتدا من كحول اولى كيف تحصل على كحول ثانوى والعكس ؟

سامح بشير

31-05-2011 09:57 AM

سوال جميل ؟؟؟؟؟؟؟؟؟؟؟؟؟؟

:friendsxs3:الرابطة فى ساق من النحاس رابطة 00000000000000

سامح بشير

31-05-2011 10:01 AM

سوال جميل ؟؟؟؟؟؟؟؟؟؟؟؟؟؟

:confused: من سكر السكروز كيف تحصل على الحديد؟

Twilight2011

31-05-2011 10:08 AM

من الكحول الأولي هنجيب الكحول الثانوي ::: عارفين ان الكحولات الثانوية بتدأ من 3 ذرات كربون
يبقى هنبدأ بـ 1-بروبانول

(1) من 1 بروبانول هنجيب : 1 بروبين عن طريق تسخينه عند درجة 180 فى وجود حمض الكبريتيك المركز
CH3-CH2-CH2Oh ---- H2SO4 / 180 -----> CH3-CH=CH2 + H2O

(2) نعمله لـ ( 1 بروبين ) هيدرة حفزية فى وجود حمض الكبريتيك عند درجة 110 يعطينا 2 بربانول ( كحول ثانوي )
CH3-CH2=CH2 + HOH ----- H2SO4 / 110 ------> CH3-CHOH-CH3

وكان ينفع نطول شوية باننا نفاعل ( 1 بروبين ) مع كلوريد الهيدروجين وبعدها من محلول البوتاسا الكاوية والتسخين بس الاختصار دايماً أفضل

..............................

نيجي للعكس

(1) احنا هنبدأ بـ 2 بروبانول نعمله تسخين عند درجة 180 فى وجود حمض الكبريتيك يعطينا 1 بروبين
CH3-CHOH-CH3 ----- H2SO4 / 180 -----> CH3-CH=CH3 + H2O
(2) ندخل على الهدرجة وهنستعمل مول هيدروجين عشان نجيب بروبان
CH3-CH=CH3 + H2 ----- Ni -----> CH3-CH2-CH3
(3) ندخل على الهلجنة فى غياب ضوء الشمس عشان نجيب 1 كلورو بروبان
CH3-CH2-CH3 + Cl2 -----darkness-----> CH3-CH2-CH2CL + HCL
(4) ندخل عالتفاعل مع البوتاسا الكاوية المائية ونسخن شوية
CH3-CH2-CH2CL + KOH(aq) ------heat-----> CH3-CH2-CH2OH + KCl

وكده نبقى جبنا اولي من ثانوي

سامح بشير

31-05-2011 10:20 AM

سوال جميل ؟؟؟؟؟؟؟؟؟؟؟؟؟؟

:039uw8:
اوجد ثلاث متشاكلات C4H9Brاوجد الثلاث متشاكلات؟
وماناتج تفاعل كلا منهما مع بوتاسا كاوية مائية؟
وماناتج اكسدة النواتج بواسطة برمنجنات البوتاسيوم؟

Twilight2011

31-05-2011 10:22 AM

اقتباس:

المشاركة الأصلية كتبت بواسطة سامح بشير (المشاركة 3465382)

:confused: من سكر السكروز كيف تحصل على الحديد؟

هو انا عارف حل بس طويل شوية هكتبه وأمري لله

(1) طبعاً هنبدأ بسكر السكروز هنحول لجلوكوز وفركتوز بالتحلل المائي
C6H12O6 + C6H12O6 -----تحلل مائي----- C12H2O11 + H2O
(2) هنحوله لكحول ايثيلي
2C2H5OH + 2CO2 -----انزيم الزيميز / فطر الخميرة ----- C6H12O6
(3) هنحوله لايثيلين
C2H5OH ----H2SO4 / 180 ----- C2H4 + H2O
(4) هنحوله لايثيلين جليكول
C2H4 + (O) + H2O ----KMnO4--- CH2OH-CH2OH
(5) هنأكسده اكسدة تامة نجيب منه حمض الاكساليك
CH2OH-CH2OH + (O) -----KMnO4---- HOOC-COOH
(6) هنفاعله مع الحديد نجيب اكسالات الحديد II
HOOC-COOH + Fe ----- (COO)2Fe
(7) نعملها تسخين بمعزل عن الهواء نجيب اكسيد الحديد II
اكسالات الحديد ---- تسخين بمعزل عن الهواء ---- FeO + CO+ CO2

معلش المعادلة تاني عشان مش عارف اكتبها

(8) نأكسده ونجيب اكسيد الحديد الثلاثي
FeO + [O] ----- Fe2O3
(9) نعمل معادلة الفرن العالى او فرن مدركس
4Fe + 3CO2 + 3H2O -----اعلى من 700 ---- 2Fe2O3 + 3 Co + H2

اوف انا طلع روحي والله

Twilight2011

31-05-2011 10:24 AM

الرابطة فى ساق النحاس رابطة فلزية ( وعلى وزنها بقه ساق خارصين وغيرها من الفلزات )

ومعلش يا سامح متعملش كل سؤال فى موضوع جمع اسئلتك واعملها كلها فى موضوع واحد عشان متدوخناش معاك

حسام صبرى

31-05-2011 10:32 AM

فين الاسماء

Twilight2011

31-05-2011 10:37 AM

اوجد ثلاث متشاكلات C4H9Brاوجد الثلاث متشاكلات؟
http://www10.0zz0.com/2011/05/31/08/487568284.jpg

وماناتج تفاعل كلا منهما مع بوتاسا كاوية مائية؟
1- تفاعل المركب رقم (1) مع البوتاسا الكاوية المائية يعطي 1- بيوتانول ( كحول أولي ) و بروميد البوتاسيوم
2- تفاعل المركب رقم (2) مع البوتاسا الكاوية المائية يعطي 2- بيوتانول ( كحول ثانوي ) و بروميد البوتاسيوم
3- تفاعل المركب رقم (3) مع البوتاسا الكاوية المائية يعطي 2-ميثيل 2بروبانول (كحول ثالثي ) و بروميد البوتاسيوم

وماناتج اكسدة النواتج بواسطة برمنجنات البوتاسيوم؟
أكسدة الكحول الأولي 1-بيوتانول تعطي حمض البيوتانويك
أكسدة الكحول الثانوي 2-بيوتانول تعطي CH3-CH2-CO-CH3 ده كيتون وانا معرفش اسمه
عند أكسدة الكحول الثالثي 2-ميثيل 2بروبانول ، لا يحدث تفاعل ولا يزول لون البرمنجنات لأن الكحول الثالثي لا تتصل بذرة الكاربينول فيه بذرة هيدروجين لذا لا يحدث أكسدة

Twilight2011

31-05-2011 10:40 AM

انا فى أسماء مذكرات عبرت عليا كتير

كنوز ، النور ، الأوائل ، الأول ، التفوق ، طريق العلم

لو عبر على اسماء تانية هذكرها

Twilight2011

31-05-2011 10:46 AM

يا حازم انت متعصب ليه يمكن الأخ مكنش معانا ساعتها وبعدين يا عم مش مشكلة لما تكرر القول تاني وبعدين انا مش شايف حاجة فى صفحة 254 الا معادلة مركبات عديد كلورو ثنائي الفينيل

فين التسمية الغلط بقه !!!؟؟؟

Twilight2011

31-05-2011 10:48 AM

على فكرة يا رودي السؤال ده واحد سأله قبل كده بس كان على هيئة علل حاولي تتصفحي الموضوعات القديمة متثبتيش عالصفحة الأولى ;)

ahmedawny

31-05-2011 11:04 AM

الحل (تجربة الكشف عن الكربون والهيدروجين في مركب عضوي )
المركب العضوي+اكسيد النحاسيك
تمرر الأ بخرة والغازات الناتجةعلي كبريتات نحاس بيضاء إذا تحولت الي اللون الأزرق دليل علي وجود الهيدروجين
هذا هو البنتان
ولكن إذا لم تتحول هذا هو رابع كلوريد الكربون لأنه لا يحتوي علي هيدروجين

Twilight2011

31-05-2011 11:08 AM

والله انا مشجعش الحل ده لأن رابع كلوريد الكربون ده بيتهيألى انه مركب عضوى

Twilight2011

31-05-2011 11:12 AM

انا عاوز اعرف حاجة انا كمان اكسدة الايثيلن جليكول مش علينا يا جماعة احنا علينا اكسدة الكحولات الأولية فقط

يا ريت تجيبوا حاجات من جوا المنهج وبلاش فلسفة ايام الامتحانات قلنا ؟؟؟؟!!!!
بس الشيماء ممتازة وانا عارف انها هتتغاظ لو مجاوبتش عالسؤال ( رغبة كل الممتازين فعلاً )

ahmedawny

31-05-2011 11:13 AM

أسئلة من جريدة أخبار التعليم

١- كيف تحصل علي نترات الأمونيوم من نترات صوديوم
٢-أكتب الصيغة البنائيةل
إيثيل بيوتين
٣-عرف لهب الأكسي أستلين

el_brins

31-05-2011 11:23 AM

1/ نفاعل نترات الصوديوم مع هيدروكسيد الكالسيوم ينتج نشادر تفاعل النشادر مع حمض النيتريك ينتج نترات الامونيوم

مداح احمد

31-05-2011 11:25 AM

1- 2NaNO3 + H2SO4------heat-----Na2SO4 + 2HNO3
NH3 + HNO3 -------NH4NO3

2- CH2=C-CH2-CH3 بس نحط علي ( C ) مجموعة ايثيل ( CH3-CH2 )

3- لهب الاكسي استيلين هو اللهب الناتج من احتراق الايثاين ف الهواء الجوي ويستخدم ف لحام وقطع المعادن

ahmedawny

31-05-2011 11:26 AM

أنا عارف انه مركب عضوي يا سمير ولكن لا يحتوي علي هيدروجين
إنت لو كملت بقية التجربة ومررت الناتج من تسخين كلا المركبين علي ماء جير رائق سوف يتعكر في كلتا الحالتين
لكن لو مررت الناتج من تسخين كلا المركبين علي كبريتات نحاس بيضاء
مرة هتتحول الي اللون الأزرق ومرة تبقي كما هي اول مرة هتتحول دليل علي وجود الماء
فاذا كان الأكسجين من أكسيد النحاس فإن الهيدروجين من المركب العضوي
والمركبين البنتان هو الذي يحتوي علي هيدروجين

أرجو ان أكون أوضحت الأجابة يا سمير
في إنتظار ردك

el_brins

31-05-2011 11:26 AM

2/ اربع ذرات كربون و رابطة مزدوجة بين الاولى و الثانية و الايثيل على الى واحدة فيهم او رابطة مزدوجة بين الثانية و الثالثة

مداح احمد

31-05-2011 11:33 AM

اجابه زي الفل

ahmedawny

31-05-2011 11:36 AM

أعتقد والله أعلم اجابة مداح أحمد صحيحة

khaled_student1

31-05-2011 11:41 AM

ممكن انت كتابك غير كتابى
بص هات تسمية البنزين ايوباك شوف هى صفحة كام
وبعدين بص على رقم 3
مركبات عديدى الاحلال

rody 94

31-05-2011 11:44 AM

ياااه انا كنت حاسة انى ضايعة خالص

khaled_student1

31-05-2011 11:52 AM

وبعدين هو كل شوية حد يخش يقولى احنا اتناقشنا فيها قبل كدة
ماشى انتو اتناقشتوا وانا مكنتش معاكو
اللى مش عايز يرد عليا ميردش هو ايه اللى مزعلوه يعنى
بس يقلى اتناقشوا فيها فى انهى موضوع عشان اروح واشوفها لانى استحالة هلقيها انا لوحدى
وشكرا يا معلم سمير على الاهتمام بتاعك

khaled_student1

31-05-2011 12:07 PM

ايوة ياباشا
مادام اقل تركز من 0h
يبقى اعلى تركز من h
يبقى اكيد المحلول حمضى قوى
وامتى يكون حمضى قوى لما يكون ph =1
اى خدمة يا كبير

rody 94

31-05-2011 12:14 PM

شكرا بس طويل شوية

سامح بشير

31-05-2011 03:17 PM

ركز فى الاجابة دى:-
1-نعمل تحلل مائى لسكر السكروز ثم تخمر ونحصل بذلك على كحول ايثيلى.
2- اكسدة الكحول مرتين تعطى حمض الاستيك .,
3- حمض الاستيك يتفاعل مع الصودا الكاوية ويكون اسيتات الصوديوم .
4- تقطير جاف يعطى ميثان.
5- تسخين الميثان مع بخار الماء عند 725 يكون الغاز المائى .
6- الغاز المائى يتفاعل مع الهيماتيت ويكون الحديد.

سامح بشير

31-05-2011 03:21 PM

برافوووووووووووووووووووووووووووو عليك

سامح بشير

31-05-2011 03:25 PM

سؤال

:040vk0:سؤال
الربطة بين جزيئات الماء 00000000000و000000000000000 من الرابطة فى جزىء الماء

سامح بشير

31-05-2011 03:29 PM

سؤال لذيذ

:039uw8:

من كربيد الكالسيوم كيف تحصل على كربون ؟

روحاء هندسه

31-05-2011 03:30 PM

بين جزيئات الماء هيدروجينية

في جزيء الماء تساهمية قطبية

سامح بشير

31-05-2011 03:33 PM

سؤال من كيميائى

:av4056bb7jp3:
مبتدا من الكحول الايثيلى كيف تحصل على حمض الفورميك ؟

روحاء هندسه

31-05-2011 03:34 PM

تنقيط ماء على كربيد الكالسيوم = استيلين + هيدروكسيد كالسيوم

ممكن تحوله لايثان عن طريق هدرجة وبعد كدة تعمله نزع هيدروجين عن طريق تفاعله مع الكلور في وجود ضوء الشمس المباشر

والله أعلم

روحاء هندسه

31-05-2011 03:40 PM

كحول ايثيلي تعمله أكسدة= حمض الاستيك

تعمل تعادل لحمض الاستيك مع هيدروكسيد صوديوم= اسيتات الصوديوم + ماء

تعمل تقطير جاف لاسيتات الصوديوم في وجود الجير الصودي= ميثان + كربونات صوديوم

تفاعل استبدال للميثان في وجود ضوء شمس غير مباشر طبعا مع الكلور = كلورو ميثان + حمض هيدروكلوريك

كلورو ميثان + بوتاسا كاوية مثلا = كحول ميثيلي وكلوريد بوتاسيوم

كحول ميثيلي تعمله أكسد = حمض فورميك

سامح بشير

31-05-2011 03:47 PM

شوف الاجابة سهلة خالص ولاسف دى اسئلة الامتحاتات :-
كربيد الكالسيوم نفاعلها مع النيتروجين فينتج كربون وسيناميد الكالسيوم

جميع الأوقات بتوقيت GMT +2. الساعة الآن 09:56 AM.

صفحة 158 من 293

158