طاقة التنشيط هى الحد الادنى من الطاقة التى يجب ان يمتلكها الجزىء ليتفاعل عند تصادمه هو بيقلل من الحد الادنى بيخليه اقل اكتر بالنسبة لكدا بيقلل سرعة التفاعل لا طبعا كدا بيزودها سرعة التفاعل يعنى سرعة التصادم كل لما التصادم يحدث وطاقة التشيط قليللة فبتالى التفاعل سرعتو تزيد يعنى من الاخر كدا طاقة التنشيط دى العامل الحفاز بيققلها علشان لو مثلا عندك 100 كباية طاقة التنشيط التى يجب ان تمتلكها الكباية علشان اما تصطدم تكسر = 50 مثلا يعنى لو خبطهم هتلاقى 30 كباية اتكسر يعنى الكباية اللى اتأثرت بالتصادم ب 49 مش هتتكسر العامل الحفاز بيققل الطاقة دى بيخليها 40 بس مثلا اللازم لكى تنكسر مثلا فبالتالى 50 و49 و48 الخ كل دول هيتفاعلو فبتزيد سرعة التفاعل وكمان هى بتعمل ع تجميع المواد المتفاعلة ع سطح الفلز يعنى بتزود فرص التصادم

معلش لغبت شوية الخلاصة هى بتققل من الطاقة التى يجب ان يمتلكها الجزىء لكى يتفاعل يعنى سيارة بتمشى ع 3 لتر بنزين هو مثلا بيعمل ع انو يخليها تمشى ع 1 لتر بس دى بالنسبة لتقليل طاقة التنشيط بالنسبة لسرعة التفاعل هو بيجمع المواد المتفاعلة ع سطح الفلز فبيزود فرص التصادم يعنى انا قلتلك 100 كباية لو هما جنب بعض افقى مثلا هتخبط انت من ناحية واحدة هتكسر اللى فى الوش هو بقا بيخليهم فوق بعض يعنى يجمعهملك فمنطقة اقل ولو خبطهم هيتكسر عدد اكبر وهكذا معلش انا فاهمها بس مش عارف اقلهالك ازاى المهم كدا فهمتها ولا لسه شوية

تمام بس قول مثال تاني عشان افهم اكتر

هاا ؟ روحت فين

بص سرعة التفاعل بتعتمد ع طاقة التنشيط يعنى معاك جزىء من مادة a مرتبط مع b رابطة قوية جدا فلو عرضتها لحراة يعنى صدمة ما هو التصادم يعنى كمية الطاقة اللى اثرت عليها بيها علشان تتفكك وكل حاجة ليها قوة رد فعل يعنى لو عرضتها لصدمة اقل من قوتها فهى مش هتتأثر لان الصدمة اللى اتعرضت ليها هى تقدر تتحملها ولنفترض انهم جزيئات كتير جنب بعض وانت اثرت عليهم بقوة كبيرة جدا فهتلاقى القوة دى عمرها ما هتتوزع بالتساوى يعنى جزء هيتعرض لصدمة شدية والجزء التانى اتعرض لاقل واقل يعنى انت لو جبت كباية تكسرها لو خبطها هتلاقى اجزاء اتفتت واجزاء لا نفس القصة العامل الحفاز بقا زى ما تقول كدا بيقلل من قوة الجزىء يعنى هو بيتحمل 50 مثلا بيخليه ميقدرش يتحمل الا 30 يعنى لو اتعرض لصدمة 30 يتكسر بدلا من 50 ودا بيخلى سرعة التفاعل تزيد لانو مش بيعمل كدا وبس دا كمان بيجمعهم ع بعض يعنى الجزيئات بالشكل دا - - - - - - هو بيجمعهم ع سطح الفلز علشان يتفاعلو زى كدا .........

ايوة كده يا جدع متقول من الصبح المثال ده انا فهمت الحمد لله

بص عارف سرعة التفاعل دى المقصود بيها انك تكسر الروابط بسرعة بطاقة معينة يعنى انت قوتك بس 10 بور مثلا وعندك 100 كباية عايز تكسرها ( تكسير الروابط ) الكباية جامدة وانت بتضرب بعصايا مثلا ضربة واحدة افرض ان الكبايات محطوطة ع الارض وبين كل كباية وكباية ( جزىء وجزىء ) مسافة قدرها 5 سم لو ضربت هتلاقى عدد من الكبايات اتكسر لكن لو مفيش مسافة وكلهم لازقين فى بعض لو ضربت ضربة واحدة هتكسر عدد اكبر واكبر سرعة التفاعل بقا هنا مش سرعة ايدك انت او مش كدا وبس لا السرعة يعنى عدد الكبايات اللى كسرتها من الضربة الواحدة كبير ولا لا فالمسافة اللى بين الجزيئات العامل بيعمل ع انو يشغلها بالجزيئات مبيخليش فواصل فهتتفكك بسرعة فبالتالى كل لما تكسر اكتر بيعتبروا السرعة اكبر

الحمد لله :028ja7::028ja7:

طب قبل ما الفجر يأذن قولي الحتة دي كمان .. هو مش عند الاتزان تركيز المتفاعلات بيساوي تركيز النواتج طب لية ثابت الاتزان بيطلع أقل أو يساوي أو أكبر من واحد فهمت قصدي ؟ يعني ثابت الاتزان بيساوي تركيز نواتج علي تركيز متفاعلات فبما انهم متساويين في التركيز فمفروض ثابت الاتزان يكون واحد

انا ابتديت أحب الكيميا ولا اية اصل انا بحب كل المواد ما عدا الكيميا الاستاذ عندنا معقد المدرسة من اولي ثانوي بس الحمد لله احنا السنادي احنا مرحناش المدرسة خالص وهو كمان سافر السعودية احسن برده

اصل انت فالاول بتحط المتفاعلات فبيكون تركيز النواتج بصفر يعنى مفيش اصلا نواتج لنها لسه متكونش دا فلحظة وضع المتفاعلات الاول وكل فترة يعنى اللحظة الاولى اتكون نواتج تركيزها 1 من مية اللحظة التانية تركيزها 2 من عشرة يعنى كمية النواتج بتزيد فتلاقى كمية المتفاعلات بتقل بنفس النسبة لما يوصلو للاتزان تقصد صح المفروض يبقا 1 لكن ع حد علمى هما يقصدو تركيز النواتج لو زودت المواد بتاعة المتفاعلات يعنى حطيت شوية مواد من النواتج تانى هتلاقيهم اتحولوا لنواتج والنواتج لمتفاعلات مثلا ثابت الاتزان 10 يعنى لازم السرعة اللى يمشى بيها التفاعل فالاتجاة الطردى علشان يكون النواتج والاتجاه العكسى علشان تتحول نفس الكمية اللى انت ضفتها للمتفاعلات لن كل من المتفاعلات والنواتج فى مكان واحد تكون 10 علشان يحدث الاتزان لو مشى بسرعة 9 مش هيحدث اتزان هيبقا خلل ودا بيحلص او ما بتحط المتفاعلات بيبقا فى خلل وبعدها بيتزن فهمت و لالسه

احنا شكلنا هنحتاج لبعض كتير يا حوده انا فهمت بس مش 100‎%‎‏ بس انت كده برنس

بص يعنى الاتزان دا بيحصل لما التفاعل يظل ثابت هو بيمشى فالاتجاة الطردى والعكسى علشان يعمل اتزان يبقا كمية المتفاعلات = كمية النواتج لان كل مادة ليها تركيز بص معلش انا عارف انى بلغبط بص فى فرق بين كمية كلوريد الصوديوم وتركيزو لان النواتج دى اصلا هى جاية من المتفاعلات فكل مادة فى المتفاعلات ليها تركيز ثابت ولما بتتحول لمادة اخرى النواتج يعنى تركيز المادة الجديدة بيختلف لكن هما كمياتهم بتبقا متساوية كل دا من اللى فاكر لكن هسال الاستاذ وهقلك

بص انا هسال الاستاذ بصراحة دا استنتاجى انا لكن اكيد ليها حاجة كدا ممكن يكون الثابت دا كمية المتفاعلات اللى تتحول لنواتج علشان يحدث اتزان او اى حاجة هسال الاستاذ واشوف هيقول ايه علشان محدش سالو السؤال دا

اوكي ابقي اسأل الاستاذ وانا منتظر توضيح اكتر وسلام بقي عشان نروح نصلي الفجر وادعيلي يا محمود وانت بتصلي الله يخليك عشان ربنا يكرمنا كده وانا هدعيلك برده ان شاء الله