ياجماعه الدكتور عبدالرحمن قال قبل كده ف موضوع الاستبعاد ده
قال لو واحده شغاله بالعقد وجالها مثلا تعين ف الجامعه قال هايخيروهم بين الوظيفتين وهي تختار
وربنا يوفقك الجميع يارب

وقالى انا كده قالى بس انا هتأكدلك من الاستاذ/ماجد
واعرفلك ايه النظام وهرد عليك والكلام ده كان من خمس ايام وهو قالى يومين وهرد عليك وعشان كده احنا قالقنيين ويارب الى يكون شاغله خير

آآآآآآآآسف على التأخير يا أستاذ معتز .. والعبرة في التامين على فكرة التعيين الثابت في وظيفة حكومية وليس تامين لرخصة وخلافه .....

السلام عليكم ورحمة الله كيف حالك يا دكتور عبد الرحمن , كنت عايزة اسأل حترتك يعني ايه وظيفة مساعد باحث وهل لما حد يتعين تحت المسمى ده في الكلية حيترقى لما ياخد الماجستير لمدرس مساعد , وجزاك الله خيرا

ممكن تفسير يادكتور عبد الرحمن للخبر اللى فى الاهرام اللى هو اليات تعيين الاوائل
يعنى افهم من كدا ان مافيش تعيين ف مراكز بحثيه ولا معيدين ولا حاجه
ارجو توضيح النقطه دى

بإذن الله لك تعيين

الخبر صحيح بس فيه توضيح بسيط ..

المقرر تعيينهم هم أوائل الخريجين - طلاب المنح من الحاصلين على الماجستير والدكتوراة - الحاصلين على الماجستير والدكتوراة من من خارج المنح من غير المعينين فعليا في الحكومة

هل اختكم انت مدرسة ثابتة أم لا يعني مش بعقد أو معلم مساعد او بالحصة ؟

رد عليا علشان أقولك تتعامل مع مين بالضبط

لأ التعيين للعشرين من غير المعيدين .. بس تكون من العشرين على كل الكلية مش القسم او الشعبة

لأ ان شاء الله لا يوجد استبعاد .. بس ابقي افتكرينا بصينية بسبوسة بعد التعيين ..

ممكن تفسير يادكتور عبد الرحمن للخبر اللى فى الاهرام اللى هو اليات تعيين الاوائل
يعنى افهم من كدا ان مافيش تعيين ف مراكز بحثيه ولا معيدين ولا حاجه
ارجو توضيح النقطه دى

ممكن توضح يادكتور عبد الرحمن اليات التعيين بالنسبه لكليات التربيه فين بالضبط
وفعلا هملى ابلكيشن وليا 3 اختيارات ولا لا

معلش سؤال
هو الموضوع ده هياخد قد ايه

متشكرة جدا على رد حضرتك وجزاك الله عنا كل خير وبالنسبه لصنيه البسبوسه دى اقل حاجه يا دكتور بس معلش هتقل على حضرتك واسال كمان سؤال

انادلوقتى خريجة تربية وبشتغل مدرسة وبالعقد دلوقتى بئه هتعين فى نفس مكانى زى ما انا شغاله ولا ممكن اروح مكان تانى وعلى فكرة انا فى كذا واحدة من اصحابى من الاوائل بردة وشغلين نفس نظامى فياريت حضرتك تطمنا

بشرى للمتفوقين: مجلس الوزراء يوافق على تعيين 43 ألفا من أوائل الخريجين
القاهرة:- بعد أن نفضت الحكومات السابقة يدها من تعيين الشباب في الوظائف.. تأتي حكومة الثورة لتنصف الجامعيين وتنقذهم من براثن البطالة والدوخة سعيا وراء فرصة عمل جريدة الأهرام تناولت هذا الموضوع من خلال الخبر التالي:

وافق مجلس الوزراء على تعيين 43 ألفا من أوائل خريجي الجامعات والحاصلين على الدكتوراة والماجستير في مختلف الوزارات والمصالح الحكومية والجامعات. وتبحث وزارة التعليم العالي مع وزارة المالية? والجهاز المركزي للتنظيم والإدارة ضوابط التعيين وآليات التنفيذ.

وتضمنت مقترحات التشغيل ـ التي عرضها الدكتور عمرو عزت سلامة وزير التعليم العالي والبحث العلمي على مجلس الوزراء ـ تعيين أول كل كلية من خريجي 2009/2010 معيدا باستثناء الكليات التي تم التعيين بها فعلا.

كما سيتم توزيع 4640 من خريجي كليات الطب البيطري والزراعة علي هيئة الخدمات البيطرية ومديريات الطب البيطري والزراعة, وتوزيع 1500 من خريجي كليات التجارة (شعبة محاسبة) على مصلحة الضرائب.

أما خريجو كليات الهندسة والعلوم والتخطيط العمراني والتعليم الصناعي, وعددهم 7800, فسيتم توزيعهم علي وزارة الصناعة والشركات للعمل ضمن مجموعات بحثية متخصصة في تلك الجهات.

ويشمل التشغيل 10 آلاف من خريجي كليات التربية, والتربية النوعية, والآداب, ورياض الأطفال, والتربية الفنية والموسيقية علي وزارة التربية والتعليم ومديرياتها بالمحافظات, إلى جانب6600 خريج في المراكز البحثية والجامعات.

أما باقي الخريجين وعددهم 11 ألفا من مختلف التخصصات فسيتم توزيعهم على مديريات الخدمات بالمحافظات بمعدل 460خريجا لكل محافظة.

تعيين أوائل الخريجين
 

السلام عليكم ورحمة الله وبركاته
لو سمحت يادكتور عبد الرحمن عايز أعرف أوائل خريجي كليات التربية هيتعينوا فيييييييييييييييييييييييين وإيه بالظبط هتيعينوا إداريين في الجامعة ولا مدرسين في المدارس ولا إيييييييييييييييييييييييه
معلش لو عند حضرتك إجابة ياريت ترد عليا ضروي .
وجزاكم الله خير الجزاء .

بارك الله فيك يا دكتور وجعل الله كلامك واجاباتك فى ميزان حسناتك
وانا اسف على الاستعجال ديما بس بجد ان بطمئن لما بسمع كلامك وردك علينا وكده انا استريحت وهدى بالى شوية عن الاول لانك لو دخلت الفيس بوك على صفحات الاوائل هتلاقى الكلام الى يخليك تتجنن ألى يقول هيستبعدوا والى يقول تم الاستبعاد وغيره واحنا مش بأديدنا حاجه غير اننا نقلق وبس فاعذرنى يا غالى

فعلا كلامه روعه
 

هل سيتم تعيين اوائل الازهر ضمن ال43 الف دول ولا لا؟؟؟؟؟؟؟؟ يا ريت اللى عنده معلومة اكيدة يجاوبنى

بعد اذنك يادكتور عبد الرحمن عاوز تفسير لأليات النعيين الموضحة فى خبر التعيين للأوائل

انا من اوائل كلية التربية
سوف اتعين فين كمثال

يا جماعه ركزو في التعيين بتاع الوزارة
ال يعني من كتر التعينات لما هنبص لبره

الصبرررررررررررررررررررررررررررررررررررررررررررررر ررررررررررررررر
 

الصبرررررررررررررررررررررررررررررررررررررررررررررر ررررررررررررررر

يا جماعة .. الناس اللي بتسأل عن آليات التعيين :

راعي إن الخبر المنشور ده يشمل كلمة (مقترحات) يعني ده أحد المقترحات .. واللي يتابع الجرايد الفترة السابقة هيلاقي إن كل ما يجوا ينشروا خبر عن تعيينات الأوائل يضعوا أسفله مقترح لتوزيعهم .. مرة يقولك كلهم في الجامعات .. ومرة يقولك كلهم إداريين في الجامعة ومرة في الوحدات المحلية .. المهم نركز إن الخبر ده مجرد مقترح من المقترحات .. يعني مش قرار نهائي ..

طيب ياعم عبدالرحمن التعيين فين ؟!!!!

أرجو الرجوع لموضوعي الأولاني اللي نشرته وبينت آليات توزيع الناس بالترتيب .. وده كان بناء على كلام الدكتور ماجد الشربيني رئيس الأكاديمية وهو المسئول عن مشروع تعيين أوائل الخريجين مش الوزير على فكرة .. والوزير نفسه قالنا حرفياً : اللي عاوزينه بخصوص الموضوع ده .. الملف ده كله سايبه للدكتور ماجد واتعاملوا معاه ..

وعلى فكرة المقترح ده اللي عمل ضجة هتلاحظوا إنه مش بيتعارض مع كلامي اللي نشرته قبل كده .. صح والا إيه؟!!!!!

الله ينور عليك يا دكتور
بس الناس كلها بتحب تطمن وعايزه المفيد عشان كل واحد على المواقع والفيس بوك بيجرى فمثلا الى ترتيبه ال30 يتمنى انه يكون فيه 15 من الاوائل متأمن عليهم عشان هو يخدوه فيطلع يقول تم استبعاد المؤمن عليهم وغيره من الاسباب الاخرى فالناس مش عارفه تعمل ايه والا ايه
فانت اكيد عارف الواحد بيستنى الفرصه دى وكلمه بتوديه وبتجيبه وانت شفت بنفسك انا كنت عامل ازاى ومستريحتش غير لما انت رديت عليه
وبارك الله فيك

آليات التعيين تم توضيحها وهاعيدها تاني كمان شوية ..

انتظري .....

السلام عليكم رحمة الله وبركاته
الاستاذ حازم حضرتك تقريباً بقالك اسبوع بتسأل عن الموضوع ده ومتهيقلي ان مش الوزير اللي حس بيك لا ده رئيس الوزراء
لان امبارح في نشرة الساعة 12 سمعت ان عصام شرف وافق علي تعين اوئل الخرجين ومنهم 10000 واحد من التربية

الف مبروك

حااااااااااااااااااااااااااااااااااااااااااااااااا اااااااااااضر

مفيش اخبار بجد عن تعيينات الازهر لو حضرتك عندك اى معلومة جديدة وميرسي لزوقك يا د. عبد الرحمن

وعليكم السلام يا أخت منى وأتمنى أن تكوني بكامل الصحة والخير ..

أولا حابب أعرف جيبتبها منين بقى حكاية مساعد باحث دي .. علشان ده موضوع كان عامل وش للناس من فترة .. ياريت تقوليلي حكايتها إيه ....

ثانيا أحب أقولك إن وظيفة مساعد باحث لا وجود لها في الجامعات بل هي موجودة في مراكز البحوث .. وهي الوظيفة الأولى عند التعيين في هذه المراكز وتعادل في الجامعات وظيفة (معيد) ..

فيه بقى ناس بيقولك انا مساعد باحث في الجامعة .. لأ .. ده مش فاهم حاجة هو قصدة إنه واخد منحة ماجستير يعني طالب منحة .. ودي ليست وظيفة تعيينية بل ده عقد أهبل الجامعة بتضحك بيه على الأوائل علشان تشغلهم وفي الآخر ترميهم في الشارع ويتراوح مرتبها حسب الجامعة من 25 جنيه حتى 200 جنيه شهرياً .. وليس على الجامعة أي إلزام بتعيينهم فور إنهائهم لرسالاتهم وحصولهم ع الدرجة ..

أما مساعد الباحث في مراكز البحوث فدي درجة تعيينية وحاجة محترمة ولما يخلص الماجستير يترقى ويبقى الدكتور راح الدكتور جه ..

أرجو توضيح قصدك علشان أساعدك في اختيارك حيث أنني أزعم أنه يمكن الاعتماد علي في موضوح المنح البحثية ده ..

بعديه مباشرة وفي تمام الساعة الثانية عشرة والربع طلع وزير التربية والتعليم ينفي خبر التعيين ده ..

وقال بالحرف سيتم استبعاد خريجي التربية من تعيينات الأوائل .. وإن الدكتور عصام شرف مش فاهم حاجة ..

.
.
.
.
.
.
.
.

لأ طبعا .. اللي انا بأقوله ده محصلش هو الوزير عاوز يودي روحه في داهية ؟!!!!

مبرووووووك لكل ال|أوائل وخصوصا خريجوا التربية اللي هيكون عدددهم وفرصتهم ممتازة ...

تعيينات أوائل الأزهر ليست تحت مظلة تعيينات الوزارة .. بل هي تخصص شيخ الأزهر ووالله مش عارف الموضوع عندكم بقى شكله إيه دلوقت ..

مفيش مبروك ليا أنا مخصوص يا دكتور عبدالرحمن
ده أنا مشمتش نفسى غير امبارح منهم لله الى تعبونى وعملولى وش
وبجد ربنا ما يحرمنا منك ابد يا دكتور

[QUOTE=heba_moukhtar;3552214]السلام عليكم ورحمة الله وبركاته

والله ياجماعة أنا من المتابعين للموضوع ده من فترة طويلة بس ماكنتش باشارك وعاوزة أقول حاجة مهمة

بصراحة الراجل اللي اسمه الدكتور عبدالرحمن المنياوي ده راجل في منتهى الاحترام وعامل إقبال كبير جدا على المنتدى وعلى الموضوع ده بالذات يعني عامل حس للصفحة والحمد لله وصلت التعليقات هنا لأرقام عالية وغير مسبوقة

وعلشان كده أنا باشكر الراجل المحترم ده واللي متأخرش علينا في الردود خالص وباطلب من إدارة المنتدى طلبين هامين :

الطلب الأول : أتمنى تثبيت هذا الموضوع وهو موضوع هام فعلا ويستحق التثبيت

الطلب الثاني : أتمنى من إدارة المنتدى نيابة عنا جميعا تقدير هذا العضو المتميز المسمى د.عبدالرحمن المنياوي لمجهوداته المبذولة والتي كان من شأنها تزايد الإقبال والإيجابية على منتدانا الرائع

وأعتقد إن محدش مختلف معايا في المطلبين دول فياريت اللي متفق معايا يكتب ويحاول يتواصل مع إدارة المنتدى وياريت الأعضاء القدامى وذوي الخبرة في المنتدى يساعدونا في ذلك

انا بس عاوزة كل واحد ياخد حقه من التكريم لأنه نوع من الأنانية إننا ناخد ولا نعطي واللي شايف عكس كده يقوللي

وشكرااااااااااااااااااااا

شكراااااااااااااااااااااااااااا جدااااااااااااااااااااااااااااا يا أخت هبه على ذوقك ووالله يمكن دي تكون من الرسائل الغالية والعزيزة اللي وصلتني لحد دلوقتي..

وانا تحت أمر الجميع في أي حاجة ..

ولو ان الشكر اللي محتاجه فعليا هو دعاؤكم لي .. وانكم تفتكروني بالخير دايما..

بس بصراحة انت صدقتي فعلا في حكاية تثبيت الموضوع ده لأنه يستحق بالفعل التثبيت ..

معلش إذا كان الناس ماندمجوش معاك بس ده لأنهم كانوا قلقانين شوية .. بس دلوقت أنا يا جماعة اللي باطلب بعد إذنكم تثبيت الموضوع وأرجو من الناس إبلاغي بالطريقة أو مخاطبة الإدارة .. أما بخصوص تكريمي فوالله لم أطمح لتكريم بل طمحت للخير ومازلت أطمح ..

شكرا لكل من راسلني ولكل من جاملني ولكل من عاتبني ولكل من ساءه غيابي وسره تواجدي ..

أخوكم الأقل فيكم .. د.عبدالرحمن المنياوي

السلام عليكم
انا طبيبة بيطرية اعمل بمعمل تابع لمركز البحوث الزراعية (مؤقتة وبدون عقد) وطبعا مؤمن علية هل هثبت فى مكانى ولا هيجيلى تعيين فى مكان تانى
وجزاك الله كل خير

الكلام ده .. الكلام ده كبير .. وإوعى يكون الأخير

إه الحلاوة دي ياعم شريف ده أنا بقيت باحب ان النت يقطع عندي علشان لما أرجع أشوفك كاتبلي الكلام الحلو ده ...

بس انت مطمنتنيش على مقابلة المحافظ معاك يا شرشر ..

لأ هتتوزعي من جديد بإذن الله

مبروك مخصوص ليك يا مغلبنا

دكتور عبدالرحمن
انا كنت سألت حضرتك مره اني خريجه تربيه نوعيه رياض اطفال جامعه الزقازيق وكان ترتيبي السابعه علي الكليه والسادسه علي دفعتي
هايكون تيعييني ايه مثلا مع العلم اني معلم مساعد في روضه
وشكرا لحضرتك وياريت تفيدني

أنا مغلبك برده
ده أنا بحبك فى الله
وقسما بالله العظيم أن شاء الله هعمل عمره لبيت الله الحرام عن قريب أن شاء الله وهدعيلك دعوه تصيب فيك علطول
أوعى تفهمنى غلط
هههههههههههههه
أنا قصدى أنى هدعيلك دعوه حلوه وعلطول تتحققلك أن شاء الله يا غالى
تتمنى أدعيلك بحاجه معينه والا....
بس والله انا هدعيلك بكل حاجه افتكرها

استاذى الفاضل الدكتور عبد الرحمن ازاى حضرتك بارك الله لك وجعله فى ميزان حساناتك
ايه يا دكتور كله اوائل اوائل محدش بيعبر المنح ولا بيسال غيرى بما ان المنح دى تخصص حضرتك زى ما قولت فيدنى بالله عليك
جامعة كفر الشيخ مخدتش حد
وحضرتك عارف ان كلية الاداب فيها منح كتير مصير الناس دى هيبقى ايه؟
اللى اقصده ان التقسيمة اللى فى الجرايد دى او المقترحات مجبتش سيرة هتعمل ايه ببتوع المنح اللى متعينوش فى الجامعات
فيدنى بالله عليك طالب منحة الاداب ده هيتعين ايه لو مخدتوش الجامعه مع العلم انه حاصل على الدرجة
معلش تقلنت على حضرتك ولكم جزيل الشكر

جــــــــزاكِ الله كل خير يادكتور عبد الرحمن

ووالله لا يفي شكرك إلا دعوة في سجدة في ثلث الليل الأخير بإذن الله تعالى .. أسأل الله أن يتقبل منا جميعا


وأطالب فعلا بثبيت الموضوع.. فالموضوع هااااااااااااااام وعن نفسي لم أدخل المنتدى إلا لهذا الموضوع فقط ... فأتمنى تثبيته نظرا لأهميته

ربنا يخليك لينا يادكتور عبد الرحمن ومايحرمنا من حضرتك ابدااا
حضرتك بالنسبة لمقابله المحافظة فدى معادها بكره ان شاء الله
الساعه 9 صباحا وهابقى اطمنك اكيد بس انا مش متفائل
حضرتك خلاص زى مااولتلى انا مش هاسكت على حق
انا روحت لمحامى النهارده فى طنطا فاتح مكتب استشارات قانونيه وقضائية وكده
بس مكنش ف المكتب كلمته ع المحمول قالى موضوعى يابنى مضمون وبنسبة مليون الميه
بس انت عارف طبعا حبال المحاكم بيطول وكده
بس قالى المفروض يكون وراق اوراق اقد اساعدك بيها كده يعنى
قالى زى مثلا ورقه من الكليه تفيد بترتيبك وديه استحاله اطلعها
وقالى كمان مهم يكون معاك صوره من قرار تعيين الاوائل كده يعنى
ادعيلى يادكتور
اه حضرتك انا بعت اميل بمشكلتى على الميل اللى فى موقع البحث العلمى
ولم يرد احد عليا بعد
يلا باه فى رعاية الله يادكتورنا العزيز ويارب ماتغيب علينا ابداااااااااااااا

السلام عليكم ورحمة الله وبركاته
استنيت كتييييييييييييير علشان حضرتك ترد عليا
انا عايزة اقول لحضرتك حاجة حضرتك بتقابل الاستاذ ماجدالشربينى عايزيىن نعرف وجهة نظره فى اخذ العشرين على الكلية وليس الاول والثانى على الاقسام مع ان المفروض ان الاقسام بها تفاوت من الصعوبة بمختلف الكليات عايزين حد يكلمنا يا جماعة ولا مفيش فايدة حتى بعد الثورة قررات وبس وتنفيذ اوامر من غير اقتناع واحناننظلم ونخضع احنا حنعمل وقفة يوم الاحد القلدم ياريت تبلغ حضرتهيطلع بيان فى التلفزيو ناوفى جريدة يقنعتا بوجة نظره وهل مستريح بظلمنا مش حنقول غير حسبنا االله ونعم الوكيل
حضرتك دكتور محترم وبتتكلم بروح حلوة مع الشباب عايزة اعرف وجهة نظرك ولا دة فى شىءمن الاحراج
وجزاك الله خيرا

السلاد عليكم ام رهف حضرتك ذكرتي للازهر لحد 2008 طيب انا تقديري جيد جدا مع مرتبة الشرف 2009/2010 يعني انا مليش نصيب ولا ايه

السلام عليكم د/عبد الرحمن :كنت سألت عن الازهر ايه اخبار تعيين الاوائل فيه لاني تقديري جيد جدا مع مرتبة الشرف 2009/2010 والرابعة علي الدفعة طيب ايه الاخبار اللي سمعتها عن انهم هياخدوا لحد خريجي 2008 هو احنا مش من ضمن الخريجين وتعبنا ولا ايه ارجوا من سيادتكم الرد علي علشان محدش فايدني خالص

الهي أني لي فيك احبة قصرت بحقهم

وانشغلت عن وصلهم فعطر ايامهم بالإيمان

وانر قلوبهم بالقرأن وبارك في رزقهم