|
شكرا يا محمد جزاك الله خيرا وثانية يا احمد ميسترى افكر شوية لان المستر قالنا اجابة وانا مش فاكراها والحمد لله
|
انا فكرت يا احمد وهذا ما توصل اليه ان وجود فرق جهد مش بيستهلك طاقة اصلا اما مرور التيار هو اللى بيستهلك طاقة للتوضيح يعنى
لو عندك دائرة كهربية زى الفل بس مفتوحة القدرة المستهلكة بكام ب 0 طبعا برغم ان القدرة بتساوى مربع فرق الجهد على المقاومة احنا جبنا القانون دا لما شلنا شدة التيار وعوضنا عنها من ف=قانون اوم يعنى ارقام بس يا رب تكون فهمت وجهة نظرى |
اقتباس:
فاهم تمام كدا شكرررا تانى :078111rg3: |
اعتقد اني مليش مكان هنا
محدش بيرد عليا خالص سلام يا بوابة الثانوية العامة |
1 مرفق
اقتباس:
انما الجزء المقطووووع حاااولت فيه و طلع معايا واحد و الطريقة في المرفقات يااااااريت تشوفي كدة الحل مقنع ولا لا |
على فكره ياجماعة بتاعت الكرة المجوفة أخر كلام فيها أن ارتفاع الماء هيظل ثابت
|
طيب يا جماعة انا معايا مسالة سهلة بس فى ناس عندنا كتير فى المدرسة سابوها هى مرسومة بس انا هوصفهالكوا وان شاء الله تحلوها صح
بصوا هما 3 اسلاك افقية الاول من فوق فيه مقاومة 12 اوم ومتصل بيها فولتيميتر بيقسي فرق الجهد خلالها السلك اللى تحته فيه بطارية 4 فولت جنبها مقاومة 4 اوم اخر سلك فيه مقاومة 12 اوم طبعا انتو هتوصلوا الاسلاك ب سلكين راسيين السلك اللى على اليمين فيه اميتر موقعه بالضبط بين السلك الاول والتانى والسلك الراسى اللى على الشمال فيه مفتاح موقعه بين السلكين التانى والتالت يا رب تعرفوا ترسموها المطلوب 1 قراءة الفولتيميتر والمفتاح مفتوح ثم مغلق 2 الفرق بين قراءتى الاميتر فى الحالتين |
لهلوبة الثانوية ليه يا حبيبتى بس ملكيش مكان هنا لا طبعا تنورى التوبيك
محمد حاضر هشوفها احمد ميسترى لا شكر على واجب احمد يا اخويا شكرا شكل عم مسعود اخيرا اداك عكاز نافع فيها |
هو الحل مقنع فعلا بس هو طالب العلاقة بين ايه وايه؟؟؟ انت عاملها بين معامل الانكسار وبين الفا
انت قلت بين زاوية الراس وبين الفا انى واى اكيد اتلخبطت لما كتبت السؤال يا ريت تصلحه فى الصفحة اللى فاتت تقريبا عشان الل يشوفه يعرف يحله وبجد الحل دخل دماغى |
خلااااااااااااااااص والله هحطلك سؤال معقول يا لهلوبة بس حليه اوكيه طبعا اوكيه انا عضو قدير ههههههههه
بس عايزة فى انه جزء من المنهج؟؟؟ |
اقتباس:
لا انا اقصد بين معملات انكسار المنشور اللي زاوية راسه ايه علي المحور الراسي وبين زاوية النهاية الصغري للانحراف علي المحور الافقي انا اسف اوي والله عشان عطلتك و حاولتي فيها بالطريقة التااااااااانية والله مكنتش اقصد الغبطك |
يلا ياجماعة سؤال فى الامتحان اللى فى الأول اللى أنتوا طنشتوه
متى يكون الجسم طافى بالرغم من أن كثافة مادته أكبر من كثافة السائل |
اقتباس:
|
لاا عادى والله مش مهم ما كلها فيزيا انا كان قصدى تصلحا عشان فى ناس هتقرى السؤال وتمشى متكملش باقى الصفحات مش قصدى انك عطلتنى والله المهم سؤال اهو عشان ميبقاش شات
جلفانومتر مقاومته 54 اوم اذا وصل بمجزئ تيار ا يمر فيت 1 من عشرة من التيار الكلى واذا وصل بمجزئ تيار ب يمر فى الجلفانومتر 2 من ماية من التيار الكلة ما قيمة المقاومتين ا وب دى امتحان مصر 1942 دا اللى مكتوب فى الكتاب يعنى |
اقتباس:
مفتوح : 3 مغلق : 2.4 الاميتر مفتوح :0.25 مغلق : 0.2 |
انا بقول زى محمد انا فعلا منزلتش الامتحان بس هنزله ناو ان شاء الله
|
مع السلامة يا جماااااااعة
انا رايح اكمل الحديثة |
اقتباس:
|
اتفضل يا محمد ربنا معاك سؤال انا عن نفسى حفظته خلاص
وضع بالون من المطاط به هواء محبوس حجمه 500 سم 3 وتحت ضغط 2 ضغط جوى فى اناء مكعب الشكل طول ضلعه 10 سم ثم احكم غلق الاناء احسب الضعط النهائى داخل الاناء عند انفجار البالونة مهملا حجم المطاط وبفرض ثبوت درجة الحرارة |
حد يتخيل معايا :
دايرة كهربية فيها مقاومة و ريوستات و فولتميتر مع بعض على التوازى والمصدر ليه مقومة وعليه فولتميتر يبقى ماذا يحدث لكل فولتميتر عند زيادة مقاومة الريوستات |
وضع بالون من المطاط به هواء محبوس حجمه 500 سم 3 وتحت ضغط 2 ضغط جوى فى اناء مكعب الشكل طول ضلعه 10 سم ثم احكم غلق الاناء احسب الضعط النهائى داخل الاناء عند انفجار البالونة مهملا حجم المطاط وبفرض ثبوت درجة الحرارة
4pa |
البطارية فارغة
محمد بكر هى واحد ونص ضغط جو حاول فيها تانى اكيد غلطة حسابات ثوانى يا احمد اتخيل معاك
|
دايرة كهربية فيها مقاومة و ريوستات و فولتميتر مع بعض على التوازى
والمصدر ليه مقومة وعليه فولتميتر الفولتميتر اللى عند المصدر هيزيد و اللى عند المقاومة هيقل |
يلا دا ان شاء الله أخر سؤال ليا معاكم يارب التوفيق لينا كلنا
ماأثر وجود ونزع أسطوانة الحديد المطاوع على انتظام تدريج الجلفانومتر و على مدى الجلفانومتر سلاااااااااااااااااااااااااااااااااااااااااااااااا اااااااااااااااااااااام |
اقتباس:
|
على ما اظن يا احمد ان قراءته هتزيد لان المقاومة هتزيد التيار هيقل هيتولد بالحث الذاتى تيار طردى يقاوم النقص يبقى فرق الجهد هيزيد على ما اظن على فكرة انا مش متاكدة
وبمناسبة السؤال دا لو سمحتوا يا جماعة فى دليل التقويم فى الفصل 11 الاسئلة التركيبية اول سؤال ممكن اجابته اصلى سمعت العجب فى السؤال دا وكمان لو مفيهاش رزالةالاسئلة المتنوعة على الفصل 11 برضو 3 سؤال انه شكل يصلح كمولد لانى سمعت فيه كلام ميتقالش هبل والله |
اه صح واحد ونص سورى اصلى محلتهاش اعتمد على ذاكرتى والحمد لله هتودينى فى داهية
|
اقتباس:
|
دى أصلا مش عايزة تفكير
|
بما انك مجاوبتش وبما انى حاسة انى بادن فى مالطة بس مالطة فيها 6 اعضو هافكر وامرى لله
المدى هيزيد بوضع اسطوانة الحديد المطاوع والتدريج هينتظم |
اقتباس:
ممكن تصعبها لما تكون كده الريوستات توالى مع المقاومة الثابتة وفيه فولتميتر متوصل مع كل واحد فيهم وفولتميتر متوصل مع المصدر يبقى ماذايحدث لقراءة الفولتميترات التلاتة عند زيادة قيمة الريوستات |
والنبى شوفوا الشلل اللى انا فيه عضو او عضوة عاملة موضوع التعقيب على الامتحان ايه رايكوا فى امتحان الفيزيا
صحيح يا جماعة الامتحان كان حلو ولا صعب بالله عليك يا عم احمد جاوبلى على السؤال عايزة اقوم بقى المنتتدى قرب يطردنى |
اقتباس:
يلا المهم أن التريج فعلا هينتظم بس المدى هيقل لأنها تعمل على انقاص الحساسية والحساسية عكسى مع المدى أما فى حالة نزعها فالعكس طبعا هيكون صحيح حد عايز منى حاجة قبل م أمشى |
سلامتك وانا بحذرك متتريقش على جمجمة اختك احسنلك دى لما بتتنرفز بتبقى وحشة اوى وع فكرة انا كمان اخويا اللى اصغر منى اسمه احمد يلا سلام يا اخويا
بليييييييييييييييييز يا جماعة حد يجاوبلى على اسئلة دليل التقويم |
محدش رد ليه
أنا بتكلم بجد |
احمد لو هتقوم اكتب الاجابة الله يخليك لانى بكره الحتة دى لانى بتلخب فيها جداااااااااا لو سمحت يا اخويا واكتب الاجابة والا.........
وبالمناسبة صحيح المستر قالى انه لو زود الريوستات هيحصل حاجة بمعنى اصح هيتولد تيار طردى ولو زودنا المقاومة الثابتة هيحصل العكس مش هيتولد تيار وهيقل فرق الجهد وبس على كدا ايه رايك فى الكلام دا؟؟؟ عشان انا وصحابى حسينا انه بيالف |
اقتباس:
التيار هيقل يبقى بتاع المصدر هيزيد و اللى على المقاومة الثابتة هيقل واللى على الريوستات يزيد لانه اصلا بيساوى الفرق بين الاثنين شكررررا |
اقتباس:
|
اقتباس:
المهم الكلام اللى بيقوله المستر ده أكيد تأليف يلا الفولتميتر بتاع المقاومة هيقل وبتاع الريوستات والبطارية هيزيد يوه لسه فاضل أخر حاجة كنت هنساه عايزنها ولا ايه نظامكوا |
كدا تمام يعنى المستر بيالف قشطة ربنا يستر
شكرا يا احمد يا اخويا وبلاش ولا تلومن الا نفسك دى انا كان قصدى والا مش هعمل حاجة طبعا (شكله هيطلعلى الخنجر ويطعنى فى ظهرى) انا مش فايقة لمعارك حضرتك الكلامية لما اخد الاجازة وافضالك ان شاء الله احمد ميسترى شكرا جدا مش بقولكوا ساعات دماغى بتفصل شحن خالص شكرا ليكوا انتو الاتنين |
يلا أخر حاجة بجد المرة دى
يحمل سلك مستقيم تيار شدته 6 أمبير حيث تم لف جزء من السلك على شكل حلقة دائرية نصف قطرها 0,04 متر فى الهواء احسب مقدار كثافة الفيض عند المركز وحدد اتجاهها |
طيب سؤال يا ريت يجى فى الامتحان يوم الخميس
جلفانومتر مقاومته 20 اوم وصل على التوالى فى دائرة مقاومتها الكلية 80 اوم استخدم مجزئ تيار مع الجلفانو مقاومته 5 اوم عين النسبة بين شدة التيار المار فى الجلفانومتر قبل وبعد توصيل المجزئ |
لا مصدقش اول مرة فى تاريخك المهنى يا احمد تحط سؤال سهل كدا
كثافة الفيض =94.24*10اس سالب 6 اما تحديد الاتجاه فباستخدام قاعدة البريمة اليمنى حيث اتجاه الدوران هو نفس اتجاه مرة=ور التيار واتجاه اندفاعها هو اتجاه الفيض |
اقتباس:
اجابتك خاطئة تماما |
اقتباس:
ممكن قصده انها حلقة كاملة يعنى التيار اللى ماشى في السلك هيتجزأ و يبقى كثافة الفيض صفر |
تصدقوا وتامنوا بالله قولوا لا اله الا الله وحياة اغلى 4 فى حياتى انا اول مرة اعرف الفكرة دى بس بجد فكرة جامدة جداااااااااااااااااا وتخيلتها وطلعت فعلا بصفر بجد انا مبهورة انا شكلى كنت بخد بدنجان من اول السنة يلا ربنا يستر لن افقد الامل فى ال50 برضو وطبعا يا احمد يا اخويا كنت عارفة انك متحطش سؤال كدا يلا دنيا غدارة صحيح سلام انا بقى
لا اله الا الله |
اقتباس:
مع أن الفكرة كلنا عرفنها لو حد وفق فى أنه يرسمها يبقى هيحلها صح |
جماعه ممكن تحلولي الي كام سؤال دول
وضعت كتلتين متساويتين من غازي الاكسجين وثاني اكيد الكربون في اناءين متساويين في الحجم وفي درجه الحراره واحده المول من الغاز 32 جرام و44 جرام علي الترتيب اوجد النسبه بين سرعتيهما علي الترتيب والنسبه بين الضغط الواقع علي جدلاان الاناءين |
اقتباس:
|
ما المقصود بطاقه السكون؟
النسبه بي جذر متوسط مربع سرعه جزيئات الهيدورجين عند 20 سيليزيه الي جذر متوسط مربع سرعات غاز النيتروجين عند نفس الدرجه ......................من الواحد ولماذا؟؟؟؟؟؟؟؟؟؟؟؟؟ظ |
| جميع الأوقات بتوقيت GMT +2. الساعة الآن 03:22 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.