![]() |
معلش نسيت أرد على أسئلتك
هل كل من فى موقفى يبدا عقده من 7/2 ؟ أيوة .... الناس كلها بعقد واحد يبدأ من 2 / 7 ولكن مقسمين لمجموعتين 1 - مجموعة اللي على رأس العمل ودول بيمضو العقد الأخير 2 / 7 وبيستلمو على طول على أساس انهم أصلا شغالين وبيقبضو شهري 7 و 8 بس احتمال يكون فيه تغيير في جهة العمل اللي هي المدرسة علشان كده فيه ناس بتطلعلها جوابات استلام العمل على مدارس تاني من بداية شهر 9 2 - مجموعة المنقطعين ودول بيمضو بتاريخ 2 / 7 لكن بيستلمو العمل في 1 / 9 وبيبدأ فعليا عملهم من 3 / 9 علشان ظروف العيد 1 و 2 / 9 هل لنا الحق فى تلك الحوافز ومرتبات شهرى 7 و 8 ؟ إنتا لسة بتسأل ده الناس قبضت من زمان شهري 7 و 8 وكان المرتب كالآتي تم صرف الحوافز وقيمتها 360 جنيه بواقع 180 جنيها عن كل شهر ثم تم صرف المرتب 608.50 بواقع 304.25 عن كل شهر وبداية من شهر 9 يكون المرتب الشهري 484.25 للعامة وبتفرق حاجات بسيطة للمتزوجين كيف يمكننا صرف هذه المستحقات ؟ مش عارف ... المفروض ان سكرتير المدرسة او اللي ماسك الحسابات يكون عارف كل ده أتمنى إني أكون قدمت ما يفيد |
يا جماعة شوفتوا كلام الوزير بياكد ان االناس اللى بالحصه وليهم ثلاث سنين اتثبتوا انا ليه ثلاث سنين ولا اتثبت ولا حاجة كل الحكايه العقد ده انا من كلامه بدات اشكك فى نفسى اكونش اتثبتت وانا مش عارفه اصله بيتكلم بكل ثقه اننا اتثبتنا
|
اقتباس:
بالنسبة للجديد في إدارتنا الفتح إحنا قبضنا شهر 7 305 جنيه بس أدي كل الجديد المفروض يكون لينا فروق طبعا الحوافز وكدة ولا أي حاجة لغاية دلوقت والله أعلم |
ياريت يا جماعة نقدر نتواصل مع كل اداره عشان نعرف الجديد مع بعض والاى يعرف حاجة يقول للباقين اوكى
|
يا جماعه انا كلامي بيبقى بخصوص إدارة أسيوط اللي شغال فيها
يعني لما بقول ناس قبضت 360 حافز و 608.50 مرتبات شهري 7 و 8 معناه لإدارة أسيوط وبقول ديما ان في ادارات لسة مقبضتش ده كمان في ناس من ادارات تاني بتقولي انهم مقبضوش شهري 5 و 6 أصلا وشهري 5 و 6 دول اتقبضو في إدارة أسيوط 297 جنيه عن كل شهر وبالنسبة لكلام الوزير فأنا سمعت فعلا اللقاء المباشر وواضح ان الراجل ده ( ل ب ه أ ) مع احترامي لمجلس الوزراء المؤقت ( حوالي 5 او 15 سنة كده ) هو قال ان اللي بالحصة اتثبتو !!!! وده كلام يخليك تقف أخرس قدامو متعرفش تنطق لأنك لو اتناقشت مع ( ه و ت ع م ) تبقى مثله وقعد يتكلم في أرقام كتييييير كان أخرها ان أقل معلم بياخد 275 % زيادات عن مرتبو وأكتر معلم 335 % والمزيعة بعد ما تاهت وحست انها عبيطة في الحسبة دي ملقيتش قدامها غير انها تسألو بعد كل ده المعلم هياخد كام ؟؟ رد الباشا وقالها المرتب بيختلف من معلم لأخر على حسب الدرجة ( طبعا رد يثبتلك الصفات اللي شاورنا ليها سابقا ) المفروض الرد يكون كالآتي :: بعد الأرقام دي كلها مرتب المعلم هيتراوح ما بين ( 00 ) و ( 000 ) يعني مابين كذا وكذا بس طبعا ميقدرش يقول أن المرتب بيبدأ من 485 جنيه ( معلم مساعد ) بعد الزيادات الرهيبة بتاعتهم لأنه اتكلم في 275 % و 335 % زيادات ازاي يبقى بعدها 485 جنيه أنا رأيي حتى لو مش هيقبضونا فلوس نهائي الوزير ده يمشي ويجيبو واحد يتقي الله في البلد وفينا |
انا ادارة البدارى سلمت العقد بتاريخ 2\8 و حتى الن لم استلم العقد و بخصوص المرتب مفيش مرتبات لاشهر 7 و لا 8 لحد الان
|
اقتباس:
حضرتك تعاقد 2 / 5 ولا 1 / 9 لو 2 / 5 يبقى هتقبض شهري 7 و 8 لأنك شغال أصلا بس تسليم العقد ده ملهوش دعوه لان التسليم على حسب متخلص الاجراءات في التوجيه انما لو 1 / 9 يبقى تسلم العقد في 2 / 8 أو حتى في 8 / 2 ملكش في مرتب 7 و 8 وهتقبض بداية من شهر 9 وربنا يوفقك |
يا جماعة الى شغال اخصائى نفسى تبع ادارة اسيوط وكان سلم العقد بالمديرية طبعا العقد الجديد 2/7 يروح المديرية ويستلم نسخه من العقد بعد ما اتختمت من المديرية النسخة دى هتبقى معها
اما عن نسخة المدرسه التوجية هو المسئول بانه يبعتها ده الجديد انهردا بالنسبة لادارة اسيوط اما لما سالت عن تنفيذ قرار التثبيت لاى امضاء ثلاث سنوات قالوا لسه شوية بعد ما يعملوا قائمة بالبيانات ويفرزوا الاى امضى من الاى لسه من الاى مزور ورقه يعنى فيلم لسه بدرى عليه وشكرا |
ألف شكرررررررر يا أستاذه نورة على معلوماتك المفيدة
من كلامك أنا متفائل بحاجتين ... الأولى انهم طلاما هيدونا نسخة من العقد يبقى الأمور ماشية تمام والحمد لله الثانية انهم هيفرزوا المتعاقدين من مزور ويستحق .. لو فعلا عملو كده بس بدون تجاوزات أو وسايط يبقى تمام علشان فيه ناس كتير مدايقة من الي بيعملو عقود بناءا على إمضاءات مديرين مدارس بالتزوير لأن ده هيضيع حق الناس اللي مشتغلتش نهائي بالحصة لأنهم بكده هيستنو سنين كتيرة بسبب الأعداد اللي اتعاقدت بدون وجه حق |
السلام عليكم ورحمه الله وبركاته
مع احترامى الشديد لجميع المعلمين باسيوط تقبلوا اعتذارى اولا ً العقود دى كان فيها تزوير شديد ده اولا ثانيا وياريت محدش يتهمنى بالغلط فانا طبعا منكم كل العقود دى هتتفنش نهائى قريبا وهيعملوا مسابقة عامة واللى هتنطبق عليه الشروط نقوله الف مبروك ثالثا احنا عاوزين نتكلم بصراحة الموضوع ده فيه ان وكان واخواتهم ازاى العقود دى فى جمهورية اسيوط فقط ولا فى جميع المحافظات اسيوط زيها زى باقى المحافظات ومش كل المحافظات هتثبت او حتى تعمل عقود لهذه الالالالالالالالالاف المؤلفة لما هما مكانوش بيقدروا يدفعوا اجر مدرسين الحصة خلاص الحمد لله وفى ظل الازمات التى تمر بها البلاد اتفتح مصباح علاء الدين وجاء بكنز عظيم من خلاله يمكن تثبيت ما يقرب من 150 الف على مستوى الجمهورية فى وزارة واحدة فقط ياجماعة الموضوع اكبر من كددددددددددده بكتيرررررررررر فوقوا بقى ده مش تشاؤم ولكن هى دى الحقيقة مش عاوزين نصحى من النوم على كابوس شديد انا اسف جداااااااااااااااااا ياريت نبص للموضوع ده على انه اكبر من كده بكتير |
مش عارف انا ليه فيه ناس حبها الوحيد انها تجيب اخبار اى كلام وتحبط اللى قدامها وخلاص
يا سيدى الفاضل ايه الكلام ده ؟؟ فى الاول انت من اسيوط ؟؟؟ لو كنت فعلاً من اسيوط كنت عرفت اننا قبضنا واتعينا واستلمنا الشغل خلاص. وده بيثبت كذب كلامك اللى ليس له معنى سوى شيئين 1- انك من الناس هواة النكد والاحباط ودى مصيبة 2- انك شخص قاصد هذه الاخبار السيئة لهدف فى نفسك وهو اثارة الفتنة ياريت قبل ما نتكلم نعرف احنا بنقول ايه . |
هناك محاولات جادة ومنظمة من البعض لأثارة الفتنة فأرجو من الاعضاء عدم النظر اليها
|
السلام عليكم ورحمه الله وبركاته
ان غدا لناظره لقريب ده ابلغ رد ممكن ارده عليك |
مع احترامي لكلام الاستاذ رضا أنا من شهر 2 اللي فات لحد الآن متابع وبخرج بنفسي في كل اعتصام وتقريبا كل المقابلات اللي كانت مع وكيل الوزارة والمحافظ أنا حضرتها بنفسي بالنسبة للتثبيت :: مفيش أي تثبيتات حصلت لمدرسين الحصة على مستوى الجمهورية وإنما هي تعاقدات بتختلف من محافظة لأخرى ولكن كلها تابعة لجهاز التنظيم والادارة أما بالنسبة الى أن هذه التعاقدات نصب وقريب هيسرحونا ويعملو مسابقة فده مستحيل هو ممكن يميز بين المتعقدين ... بمعني انز يثبت اللي كمل 3 سنين مثلا ويعمل عقد جديد للي مكملش او يبقيه على وضعه الحالي ... وده اللي بنطالب بيه حاليا أنا وزمايلي غذا لم تتم الاستجابة لطلبات تثبيت الجميع وبرضو من ناحية النصب :: دلوقت هما اتعاقدو معانا بمرتب احنا شايفين انو مستحيل لانهم بيقبضونا شغل الحصة زمان بالعافية ازاي هيقبضونا كل المرتبات دي دلوقت ( على حسب رأيك انتا طبعا ) طيب الناس دلوقت قبضت مرتباتها من شهر 5 الى الآن ومفيش أي مشاكل معاهم ( معناه ايه الكلام ده ) هو المفروض القلق ييجي من ناحية الجماعه اللي استلمو من بداية شهر 9 لانهم لسة مقبضوش ... عشان لسة مشتغلوش أصلا ... وحاليا استلمو وشغالين بيمضو حضور وانصراف في كشف المدرسين المثبتين على فكرة واضح ان سايدتك عمرك ما جيت معانا اعتصام او مقابلة عشان كده بتتكلم من غير خلفية أنا بدعوك تحضر معانا اعتصام او مقابلة او على الأقل تتابعنا من بعيد زي الجميع مابيعملو دلوقت بس الفرق بينك وبينهمك انهم بيتابعونا وعندهم شوية ثقة وبيدعو ان الحال يتعدل وعلى العموم ان شاء الله يكون كلامك كلو غلط ويحصل الخير .... وتفائل بالخير دوما |
اقتباس:
|
جميع الأوقات بتوقيت GMT +2. الساعة الآن 09:44 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.