انا شفت الجدول و مادة النبات 102 حتكون يوم 6/9 ان شاء الله بس برده ياريت تتأكدوا بنفسكم و كل واحد يشوف الجدول بنفسه علشان محدش يتلخبط و ان شاء الله مفيش تعب و لا حاجة انا كدة كدة عندى مدخل قانون ان شاء الله يوم 30/8
ربنا يوفقنا جميعا ان شاء الله

على ايه يا قمر لا شكر على واجب احنا اخوات
و اى حاجة تخطر على بالك اسأليها و لا يهمك
انا بعمل كدة :d:d:d

[quote=Nogha;1527032]انا شفت الجدول و مادة النبات 102 حتكون يوم 6/9 ان شاء الله بس برده ياريت تتأكدوا بنفسكم و كل واحد يشوف الجدول بنفسه علشان محدش يتلخبط و ان شاء الله مفيش تعب و لا حاجة انا كدة كدة عندى مدخل قانون ان شاء الله يوم 30/8

ربنا يوفقنا جميعا ان شاء شكرا جدا يا نهي انا مش عارف اشكر حضرتك ازاي ربنا يوفقك ويوفقنا جميعا يارب

آمين يارب
لا شكر على واجب بس حضرتك ياريت تتأكد بنفسك برده من الجدول
هو متعلق على باب الكليةاللى جوا


كل عام و انتم بخير
تقبل الله منا و منكم

حاولي تسعي في موضوع التحويل اللي بالفلوس ده زي ما قلتلك.

مش قلنا تقدمي في المدينة الجامعية احتياطي؟!
المهم .. تروحي مكتب التنسيق الرئيسي و هو غالبا في كلية الحقوق .. و تسألي على الموضوع ده و لو في هم هيقولولك ايه المطلوب.
و لو قالو مفيش او لسه برضوا تروحي كل فترة و تسألي و كمان تسألي صحابك و اللي تعرفيهم اللي في نفس ظروفك.
و عموما لو فتحوا موضوع التحويل ده يبقى اطمني ان شاء الله انك هتحولي لأني كنت زيك كده بالضبط و نهى تشهد عشان كنت هاريهم اسئلة على المنتدى.
ان شاء الله ربنا يوفقك و تحولي.

انا برضه ياجماعة تحويلى اترفض
حسبنا الله ونعم الوكيل
ازاى اسمه تحويل تقليل الاغتراب واخدوا فرق الدرجات فى علوم رياضة اسكندرية بس نص درجة
فى حد عاقل يصدق الكلام ده

لا حول و لا قوة الا بالله
بس و الله يا جماعة ماتزعلوش و فعلا اعملوا التحويل اللى بفلوس
ده مفيش حد بيترفض فيه
واحدة قريبتى السنة اللى فاتت كان بينها و بين كليتها 12% و اتقبل تحويلها اللى بفلوس
كلنا نشهد
بس لا تقدمى مدينة و لا غيره خلاص اللى حصل حصل
انتى بس تروحى المكتب اللى فحقوق و تعملى التحويل و ده مؤكد ان شاء الله تتقبلى

حسبى الله و نعم الوكيل
واضح ان التحويل السنادى وحش جدا لأنى كل ما اسأل عن حد من صحابى يقولولى انهم متقبلوش
مش عرفة امال مين اتقبل
عالعموم برضه حضرتك مؤكد ان شاء الله تتقبل فى التحويل اللى فمكتب التنسيق نفسه بالتوفيق ان شاء الله و طمنونا يا جماعة خلينا معاكم يوم بيوم
و حولوا تبادروا و تروحوا بسرعة كلية الحقوق تسألوا

بصوا يا جماعة انا لقيت الموضوع ده و حسه انه ممكن يفيدكم ان شاء الله بيشرح فيه اجراءات التحويل الورقى
اتفضلوا اهو لينك الموضوع

http://www.thanwya.com/vb/showthread.php?t=148574

يلا بالتوفيق ان شاء الله يارب
و طمنينا يوم بيوم كدة
يعنى لما تروحى قولى و قولى قالولك ايه هناك و كدة
و متخافيش التحويل ده مؤكد حيتقبل ان شاء الله هما بيبقوا عايزين يلموا فلوس و طالما عملتى اللى هما عيزينه حيريحوكى :D

و زى ما قلت كان جيلها كليتها جامعة المنيا و كان مجموعها قليل جدا و شوفى الفرق قد ايه و مع ذلك اتقبلت و الحمد لله فى اسكندرية


متنسيش بالله عليكى تطمنينا انتى و اخونا eng...lido
ربنا معاكم ان شاء الله

يلا و مبروك مقدما

بجد مش عارف ارسل شكرى ليكى ازاى
انت فعلا خير زميلة

ويارب يوفقق فى دراستك
ويارب كل اللى عايز علوم اسكندرية يحولها ان شاء الله

ادعووووووووووووووووووووووووووووووووووووووووووووووو وووووووووووووووووووووووووووووووولى احول علوم اليكس وليكوا الحاجة الساقعة

وجاتوه وتورتة كمان
بس بعد الفطار يعنى
يارب كلنا نحول

بأذن الله
وانا كمان سمعت على فكرة والله اعلم
ان نسبة اللى بيحولوا بالفلوس100%
يارب نكون من المتحولين

يا رب ان شاء الله يا حبيبتى تحولى لعلوم ان شاء الله و تنورينا:av4056bb7jp3::av4056bb7jp3::av4056bb7jp3:

ايوة الكلام ده صحيح و انا قلتهولكم
التحويل اللى بفلوس ان شاء الله فى الغالب مضمون


ممكن بقى بعد اذنكم
اختنا هاجر مرسى
اخونا eng...lido
اختنا perfect-girl
:confused:
تقولولنا وصلتم لغاية فين؟ رحتوا قدمتوا و اللا لسا فكلية الحقوق؟ و قالولكم ايه؟ و النتيجة امتى ان شاء الله؟
طمنونا يا جماعة ربنا يكرمكم
:confused::confused::confused:

وانا برضوه رحت يوم الخميس اللى فات وقدمت فى كلية الحقوق
وقالولى النتيجة كمان اسبوعين ان شاء الله

عاملين ايه يا جماعة في امتحانات السمركورس
مين هيخلص امتى؟
محدش عنده اي اخبار او معلومات او حتى اشاعات بخصوص معاد نتيجة السمر كورس .. او التخصصات؟
اي حاجة جديدة.
سلام..

يا رب يا رب يوفقكو كلكو ياااااا رب ويجيلكو اللى انتو عايزينو يا رب
وبصبح على اخويا وليد وبقولو يا ريت متكونش زعلان منى
وكل سنه وانتو طيبين

هو ايه السمر كورس

...بالنسبالي كان معايا ميكانيكا بس ...و انا شايفه ان الامتحان مش سهل اوي و مش صعب برده ...السؤال الاول

خصوصا كان فيه فكرة

محمد .فوكس ......عملت ايه في البحته و الميكانيكا ؟؟؟ انا سمعت ان البحته كانت الاسئله طويله

و ممكن لو عرفت حاجه عن نتيجة السامر كورس ياريت تبقى تقولها ..

ان شاء الله نتيجتك تبقى حلوة.
انا كمان خلصت النهاردة .. بس الامتحانات بصراحة مكنتش كويسة..الحمد لله على كل شيء.
بس انا عايز اعرف النتيجة بقى لسه هنستنى لما يخلص يوم 8 و شوف النتيجة بعده مش اقل من اسبوع.

ازيك يا علوم اليكس.
بصراحة الامتحانات مكنتش كويسة بالنسبالي..كانت غلطة السمر كورس بس الواحد بعد كده يبقى يحسبها صح.
البحتة بصراحة كان طويل و مش سهل و كمان في حركة غاظتني ان بعد حوالي ساعة و تلت الدكتور قاعد معانا في المدرج ما اتحركش و قالنا المسألة دي غيروها بدل ما هي كذا خلوها كذا.
الميكانيكا هي كمادة صعبة و محدش يختلف فيها و انا كمان او مرة باخدها و مكثف..يمكن الامتحان مكانش صعب بس المشكل عندي.
انا متوقع يمكن اطلع بالمادتين.
بالنسبة للنتيجة انا عايزها تظهر النهاردة قبل بكرة.
شكرا لسؤالك.. و ربنا يستر

السلام عليكم اولا ورمضان كريم ثانيا ولو انها متاخرة
السامر كورس هيخلص يوم 8 بجد صعب ده على كده نتيجة التخصصات هتطلع بعد دخولنا الكلية ولا ايه؟
لو حد عرف نتيجة التخصصات هتظهر امتى ياااااااااااااااااااااااااااايت يقول
وبالتوفيق لزمايلنا اللى فى السامر كورس

بدأت احس ان نتيجة التخصصات حيطلعوها عالتخرج كدة ان شاء الله
:d:d
بس بجد
انا فيه ناس اصحابى معرفش جايبين كلامهم من فين قلولى اننا حندخل الدراسة و حنعرف التخصص فأول اسبوع من الدراسة

انا عايزها تطلع لسببين اولهم طبعا معروف الواحد قلقان.
ثانيا ان كل شوية اسمع اشاعات من الطلبة و محدش عارف ايه الصح.
في ناس بتقول التقدير بعدالسمر كورس.
في ناس بتقول التقدير بعد الترم التاني.
في ناس بتقول كيمياء هتاخد من معدل 2,5 و في يقول 3.
و الاخيرة بقى .. اللي عايز يدخل كيمياء يدفع 3000 و يخش.
و بنسأل على دكتور سيد عشان يرسينا على الكلام الصح عرفنا انه عقبال الجميع مسافر امريكا.
منهم لله سايبنا كده مش عارفين اي حاجة.

يعني ايه طيب بعد التيرم التاني ؟؟ قصدك بعد سنه تانيه ؟
و كمان لو كيميا هتاخد من 2.5 ..مش هينفع ..لاني جايبه لغاية دلوقتي 2.07 ( من غير الميكانيكا ) و بعدين ليه لازم نكون جايبين تقدير عالي عشان ندخل قسم معين ..مايخلوا كل واحد براحته ..و محدش يقولي عشان كل قسم بيكون لي عدد معين
و جديده برده الــ3000 ..اول مرة اسمعها ..بس مااعتقدتش انو ممكن يعملوا كده بجد

لا قصدي ياخدو التقدير بالسمر كورس و لغاية الترم التاني من سنة اولى بس.
و بالنسبة ان كيمياء تاخد من 2,5 طبعا بالنسبالي انا برضه تبقى كارثة انا معدلي بعد السمر كورس هيبقى حوالي 2,1
عشان كده بالنسبالي لو ياخدو من غير السمر كورس يبقى احسن لكن بالنسبالك يبقى احسنلك ياخدو بعد السمر كورس خصوصا انك بتاخدي الميكيانيكا تاني مرة يعني معدلك لازم هيزيد لو نجحتي.
بالنسبة بقى لموضوع ليه لازم نجيب تقدير عالي انا برضه مش عارف .. يعني احنا في مننا دخل الكلية عشان مجموعه و في دخلها عشان حاببها .. مش كفاية كده و نختار حاجة بنفسنا بقى.
انا كنت بتكلم مع معيد و قالي انه واخد كورس في نظام الساعات المعتمدة و قال ان النظام ده بيعتمد ان الطالب هو اللي بيختار تخصصه و مواده..و احنا المفروض نتمسك بالحق ده.
موضوع الفلوس بقى انا برضه لسه سامعها من يومين و استغربت..هي ممكن تكون فرصة بالنسبالنا خصوصا لو حد معدله مش قوي على اعتبار انه مستقبل و مش مشكلة الفلوس.
لكن اللي يغيظ ان الكلية من ساعة ما دخلناها و عمالين يعملو مصالح من ورانا اي حاجة لازم ياخدو فيها فلوس مش المفروض بقى الفلوس دي يزودوا بيها فقدرة الاقسام لو كان بيدعوا انها تتحمل عدد معين؟
و بعدين هل كل الطلبة هيقدروا يدفعوا .. اللي معاه فلوس يدخل و اللي معهوش ميلزموش؟
و ممكن كمان حد يسيح للكلية في الموضوع ده في اي برنامج او جرنال.فعشان كده صعب ياخدو فلوس.
بس في الاخر لو موضوع الفلوس ده يخليني ادخل القسم اللي عايزه يبقى امري لله و اهو حل بدل ما اروح قسم تاني ملهوش شغل.

بجد موضوع التنسيق ده زاد عن حده اوى من كتر اللى بسمعه بالنسبة للفلوس وان الgpa بتاعه هيكون عالى اكتر من اى قسم تانى انا مش عارفة ليه عايزين يدبحوا الطلبة بعد ما ادبحوا قبل كده فى ثانوية عامة المفروض فعلا الواحد يختار القسم اللى هو عايزه بس المشكلة ان الموضوع ده لو حصل بجد هنلاقى ثلاثة اربع الدفعة داخلة كيميا خاصة انه قسم مشترك
انا سمعت ان نتيجة التنسيق كمان 10 ايام مع انى مش مصدقة خالص لان نتيجة السمر كورس على ما اعتقد هتخلى نتيجة التنسيق تتاخر اكتر من كده كمان
على العموم ربنا يوفق الجميع وكل واحد يرتاح ويدخل القسم اللى عايزه
ويايرت لو حد يعرف نتيجة التنسيق هتظهر ان شاء الله فى محرم بك ولا الشاطبى يقوووووووووول عشان انا مش عارفة

معاكي حق يا ون واي الموضوع بقى يخنق.
بس هم مدام عارفين ان قسم الكيمياء عليه طلب يبقى الزم يتسع لكل اللي عايزه.
و هل معنى ان لو لقينا تلات تربع الكلية في قسم كيمياء اننا ندخل طلبة اقسام غصب عنهم.
يعني هي بقت الحكاية انهم عايزين يملوا الاقسام الفاضية طب و احنا مالنا ماهو لو ملوها بناس مش عايزاها ولا كأنهم عملوا حاجة لأن اللي هيدخلها هيكون معدله الوحش هو اللي دخله و اكيد مش هينجح في القسم مدام مش عايزه.
على فكرة انا بفكر اروح اتكلم مع الدكتور علاء في الموضوع ده لأن ده حقنا احنا مجموعنا اللي جابنا الكلية حبناها اوكيه بس كده هنكرهها تاني.
و الله انا نفسي ياخدو من غير السمر كورس..و الاحسن كله يدخل اللي عايزه و خلاص.

ياجماعة انا طالب منكم مساعدة
انا لسه داخل اولى
ومش عارف ادخل علوم طبيعة ولا جيولوجيا
مع العلم انى مش بحب الكيميا ونفسى ان شاء الله ابقى مهندس بترول
شكرا

البترول اما كيمياء او جيولوجيا
الكيمياء ممكن من علوم طبيعية و ممكن من جيولوجيا.
و مدلم مبتحبش الكيمياء يبقى جيولوجيا.

بس من وجهة نظرك اى شعبة افضل فيهم

و الله حسب انت حبك للمواد يعني لو ملكش في الرياضة زيي بلاش علوم طبيعية.
انا لو كنت دخلت جيولوجيا كان زماني جايب امتيازات.
علوم طبيعية بس في تخصصات اكتر من جيولوجيا بس ملهاش شغل..يعني رياضة و فيزياء.. و في قسم حاسب ممكن يبقاله شغل.
جيولوجيا ميزتها ان مفيهاش اقسام ملهاش شغل.(كيمياء-جيولوجيا-جيوفيزياء).

يا مسهل
انا اصلا مش عرفة امتى اول يوم فى الدراسة و هل اول يوم حنروح محرم بك و اللا الشاطبى؟
اى حد يعرف اى حاجة يرد علينا الله يكرمكم


ربنا يستر
و اصبروا يا جماعة مش يمكن نتيجة التخصصات تكون مرضية و فعلا يجيلنا اللى احنا عوزينه
يمكن ليه لأ؟
يعنى هو ذنب الطلبة ان فيه قسم فاضى؟
مكنوش فتحوه من الأول اصلا

انا شايفة اانا من حقنا بالنظام الجديد نختار القسم اللى احنا عوزينه و مش مشكلتنا بقى القسم فاضى و اللا زحمة
الكلية مليانة فلوس و يقدروا يكبروا امكانيات الأقسام
شوفو بس فى السامر كورس
لموا من كل طالب 100 جنيه للساعة المعتمدة يعنى لو حد معاه مثلا حيوان 3 ساعات و نبات 3 ساعات كدة دفع 600 جنيه
و ياسلام لو اتأخر اسبوع يبقى غرامة 50 جنيه
انا و الله مش قصدى اعدلهم فى الفلوس و كدة بس عيزة ااكد انهم معاهم فلوس و اللى بيقولوه انه مفيش امكانيات ده مش صح

طبعا جيولوجيا طالما مش بتحب الكيميا و عايز تشتغل فى مجال البترول
يبقى جيولوجيا ان شاء الله
استخير ربنا و اتوكل على الله

من رأيي انهم مش هيقدروا يخلوا قسم الكيمياء بفلوس ....عشان مينفعش يبقى فيه طلاب معانا داخلين القسم ده بتقديرهم و ناس دافعه فلوس في القسم ده ....يعني مثلا في تجارة في حد يقدر يتخرج من تجارة انجليزي و هو دافع فلوس و واحد تاني مش دافع ؟؟؟!!
او عندنا في قسم جيولوجيا البترول ..برده لازم كل اللي دخلوا يبقوا دافعين...يعني قصدي ان خرجين كيمياء يبقوا زي بعض ...وبعدين مش كل الناس هتموت على كيميا اوي ...فيه عايزين برمجه و حاسب عندنا ..و فيزياء كمان ..بيولوجي مثلا فيه كيميا حيويه او مايكروبيولوجي ...وان شاء الله خير و كل واحد يدخل القسم اللي عايزه

و بعدين هو مش مبنى طريق الحريه ده مبنى قسم الكيميا .......يعني ايه طيب امكانيات القسم مش هتكفي ؟؟! انا بيتهيألي ان اكتر قسم ممكن يقبل عدد كبير هو الكيميا ...

شكرا يانوجة على اهتمامك بجد انا عاجز عن شكرى ليكى
وفعلا انا ان شاء الله حتوكل على الله وحدخل جيولوجيا
والخير فيما اختاره الله

اوكيه احنا عددنا كبير شوية بس مدام الكلية قبلت العدد ده يبقى معناه ان طاقتها تستحمل.
و بعدين عمالين يقولولنا لما تختار تختار على اساس اللي بتحبه و سوق العمل ما تسيبونا نختار طيب.ولا عايزين تعملو مكتب التنسيق كلاكيت تاني مرة.
و الله يا ريت يكون الكلام ده صح بس انا شايف ان اللي عايزين حاجات غير كيمياء قليلين في كل الشعب..ياريت اكون غلطان عشان الضغط يخف على الكيمياء و لو اني مصمم ان سواء في ضغط او مفيش من حقنا ندخل اللي احنا عايزينه.
بالمناسبة انتي كتبتي اول حاجة ايه؟
صح طب ما دفعتنا السنادي كنا كلنا بناخد كيمياء كل الشعب ما القسم استوعبنا اهو...ممكن بس لو في مشاكل عدد السكاشن و المجموعات يزيد و خلاص.
و السنين اللي فاتت بالنسبة لعلوم طبيعية بالذات كانو و هم داخلين تانية يختاروا بين أ1(فيزيائية رياضية) و أ2(فيزيائية كيميائية)..و كان اللي بيختار حاجة بتجيله من غير كلام يعني اللي يختار أ2 يبقى ضمن يا كيمياء فيزياء يا كيمياء سبيشيال.
و طبعا قسم الكيمياء اكبر قسم و اكبر هيئة تدريس و اكبر ميزانية.
يا رب ندخل كيمياء و كل واحد عايز حاجة يدخلها!!

كتبت كيميا اول حاجه ...صح انا كنت محتارة فالاول و عايزة اروح حاسب ..بس مالقتش نفسي في البرمجه و محبتش دراسة قسم الحاسب ..ده انا حتى طلعت بمادة برمجةالسي

السلام عليكم يارب تكونوا جميعا بخير بالنسبة للسامر كورس انا كان معايا نبات والامتحان مكنش كويس وكان طويل انا شايف ان امتحان الكورس اللي فات كان اسهل ربنا يستر حاسس اني هطلع بيه تاني ادعولي ...........محدش يعرف النتيجة هتكون بعد اد ايه

ايه يا طلبة علوم مفيش اخبار جديدة عن نتيجة التنسيق طيب هى فى محرم بك ولا فى الشاطبى انا حتى مش عارفة اسال فين

السلام عليكم هيا نتيجة الاقسام تقريبا في محرم بيه لان تغير الرغبات بتكون هناك بس مش متاكد

عندى خبر تححححححححححححفة نتيجة الاقسام ظهرت النهاردة فى محرم بك والحمد لله جتلى كيميا وتقريبا اغلب الدفعة كيميا ما شاء الله القسم اخد 800 طالب وتقريبا اخدوها على حسب الرغبات تبع اللايحة اول مرة يطبقوا الشروط بحذافيرها يعنى اى حد كاتب اول رغبة مثلا كيميا تجيله
اول مرة احسن انى فى كلية ديمقراطية
وقسم كيميا حيوية 300 وميكروبيولوجى 40
يارب كله تجيله اللى عايزه ويفرح زى ما انا فرحاااااااااااااانة مبروك علينا كلنا
يلا اى حد يعرف يدخل ويكتب جاتله ايه
ما تنسوش حلاوتى

يارب يكون كلامك صح يا وان واي انا نفسي تجيلي كيمياء حيوية بس سمعت انها بتاخد تقدير عالي فكنت فاقد الامل انا بكرة انشاء الله هروح اشوفها ربنا يستر انا بتمني وعايش ع امل ان كلامك يكون اكيدومبروك ليكي ويارب كل واحد يدخل اللي يتمناه وياريت الكل يبقا يطمنا