|
والنبى يامصطفى رد عليا ضرورى وعرفنى المرحلة التالتة هتطلع امتى وعرفنى اول باول اى حاجة تعرفها عن المرحلة التالتة معلش تعباك معايا
|
سؤالى عن نسبة القبول فى الجامعات المصرية للطلبه القادمين من الخارج وما هى نسبة الأماكن المخصصه لهم فى الجامعات المصريه والدرجات التى من خلالها القبول فى كليات القمة - Hotmail.com* alalmasri
|
لو سمحت يا أستاذ مصطفى انا من المنيا وإن شاء الله هقدم تعليم مفتوح
بس انا مش عايز جامعة المنيا وعايز جامعة القاهرة هل هينفع ولا لازم التوزيع الجغرافى ولو جتلى المنيا اقدر بعدين احول للقاهرة ولا لأ ؟؟؟؟ ارجو الرد بالله عليك وشكرا مقدما |
اقتباس:
هو على حد علمى إن ده معهد والتانى معهد وهما الاتنين تخصص مختلف خالص ، وممكن يكون مجموعهم كمان مختلف لو عايز تحوله شوف من على النت ، لأن التحويل الكترونى وليس ورقى |
اقتباس:
مش عارف والله بس هى كمان كام يوم يعنى الأحد ، الاثنين ، فى هذا الوقت يعنى بس مش هتتأخر عن كده |
اقتباس:
أهلا بيك ، مفيش تعب ولا حاجة بالنسبة للتحويل تقدر تحول الآن قبل ما يقفل باب التحويل من على النت لأن مفيش تحويل ورقى ، كله الكترونى تقدر تحول من كلية لكلية فى نفس الجامعة من على الموقع وآخر ميعاد بكرة السبت الساعة 7 مساءاً وبالنبة لقسم انجلش فى آداب أكيد بيحتاجوا درجة الانجلش بس هى على العموم مش بتقل عن 40 من 50 وبتتغير كل سنة على حسب عدد الطلاب والمتقدمين والتنسيق الداخلى ده هو الخاص بالأقسام فى الكلية عشان تختار قسم معين فى آداب وأنا إن شاء الله لسه مقررتش بس ناوى على ( فرنسى أو إعلام ) وإن شاء الله يجينى واحد منهم واقسام اللغات فى آداب أفضل شىء طبعاً لمستقبلها الكويس ، لكن غير اللغات ممكن تدخل إعلام أو آثار أو علم نفس بس ابعد عن اقسام جغرافيا وتاريخ وفلسفة لأن مستقبلهم مش حلو أوى وأى خدمة |
اقتباس:
على حد علمى إنه مش ينفع تحول لأن الفارق كبير جداً جداً بس انت ادخل وجرب انك تحول من على النت لربما تتقبل لأنى مش عارف بالظبط كام الفارق المقبول للتحويل أو حول على الأقل لأقرب منطقة ليك يكون فرقها قليل شوية ولو عايز تحول لكلية تانية من على النت برضو بس للمنطقة ( أ ) فقط |
اقتباس:
لا ، التحويل من كلية لكلية من على النت عادى من موقع التنسيق وآخره بكرة السبت الساعة 7 مساءاً ومفيش تحويل ورقى خالص ، كله إلكترونى بس للمنطقة ( أ ) فقط من التوزيع الجغرافى |
اقتباس:
تقريباً معناه إن حلوان والقاهرة فى نفس النطاق الجغرافى ( أ ) والله أعلم . مش متأكد يقصد إيه بالظبط |
اقتباس:
والله مش عارف دى حصلت إزاى ، مستحيل حاجة زى كده تحصل إن واحد يجيب مجموع أقل من الكلية اللى داخلها أرجو توضيح بعد المجاميع اللى زى كده للتأكد منها |
اقتباس:
حاااضر والله أى حاجة هعرفها عن المرحلة التالتة هقولك عليها على طول وهيا كمان كام يوم يعنى مش هتتأخر أوى وهنعرف كل الكليات والمعاهد اللى نازله فيها إن شاء الله |
اقتباس:
أعذرنى أخى الكريم لا أعلم شىء عن تنسيق الطلاب القادمين من الخارج وأماكن القبول المخصصة لهم اتمنى أحد آخر يفيدك أكتر منى تحياتى |
اقتباس:
شروط التقديم بيبقى للمنطقة الجغرافية ( أ ) فقط يعنى لازم تكتب أداب المنيا الأول وبعدين أى مكان تانى وده عشان التوزيع وممكن تقدم التماس للتحويل خارج المنطقة الجغرافية لك ، بس مش عارف ده إيه نظامه أو ممكن تثبت إنك ليك مكان هناك ومحل إقامة بكده تقدر تحول من غير مشاكل لكن الأولى إنك تدخل المنيا عشان الشروط طبعاً بالتوفيق |
لو سمحت كنت عايزة اسال فى معهد 6 اكتوبر سياحه وفنادق فى المنصورة هو معهد خاص اخويه قدم فيه وهو خريج ثانوى عام ينفع بعد ما يخلص المعهد ده يقدم فى كلية سياحه وفنادق ولو قدم فى كلية هيبقى فى سنه كام فى الكليه
|
اقتباس:
والله يا رانيا أنا معنديش معلومات بكده خالص أنا أعرف إن ده معهد وده كلية والاتنين ملهوش دعوة ببعض خالص يعنى هو لما يخلص المعهد هياخد شهادته عادى ، بس مش عارف يقدر يقدم على كلية سياحة تانى ولا لأ ممكن حد تانى يكون مجرب ويفيدك ;) |
وكنت عايزه اسال كمان ممكن اعرف تنسيق المعهد الفنى الصحى بالمنصورة وفى جميع المحافظات من كام وكلية التمريض من كام فى المنصورة وجميع المحافظات
وكنت عايزه اسال هل الى بيتخرج من كلية التمريض والمعهد الفنى الصحى بيتعين على طول ولا بيبقى زى زى اكتر الخريجين عاطل |
اقتباس:
تم الرد عليكى فى موضوعك السابق فى القسم بالتوفيق |
اقتباس:
جزاك الله كل الخير يا رب |
مردتش على اسئلتى ليه
|
اقتباس:
اقتباس:
اعتذر لكِ يا أمنية لم أرى سؤالك والله المهم بالنسبة للكيات اللى مش ظاهرة دى مش عارف إيه نظامها ومش عارف كمان بتقبل من كام لأنى معنديش معلومات عنها بس انتى عايزة تدخلى حاجة منهم سيبك من الخاص عشان مصاريفه شوفى الكليات اللى ظاهرة ليكى فى الرغبات فى التحويل واختارى واحدة منهم لأن دول هما المتاحين ليكى وشوفى الكليات دى موجودة ولا لأ ، غيرى نوع التحويل اللى بتختاريه فى الأول وشوفى الكليات اللى بتظهرلك فيها جديد ولا لأ ولو لا قدر الله بعد التحويل متقبلتيش فى حاجة يبقى كليتك الحقوق موجودة مش طارت تقدرى تقدمى فيها وتكملى أنا عشان مش عاارف الكليات دى قابلة من كام مقدرش أقولك إنها هتقبلك ولا لأ بس لو كان فعلاً فى ناس أزيد عنك بدرجتين ودخلوها يبقى كده تمام ، إن شاء الله يقبلوكى فيها لأن الفرق بسيط جداً ياريت أكون قدرت أساعدك وأى حاجة معاكى أنا موجود |
يمكن التحويل من تجارة انجليزى افاليم لاى جامعة بالقاهرة وشكرا مقدما
|
اقتباس:
|
أنا جالي في الترشيح كلية الصيدلة جامعة حلوان و كنت أرغب في التحويل لجامعة الزقازيق و في استمارة طلب التحويل مكتوب " تحويل لكليات صيدلة المناظرة في النطاق الجغرافي الذي تقدمت به سابقاً " و لم يظهر لي اسم أي كلية مع العلم أن زملائي ظهر لهم الكليات التي يرغبون في التحويل إليها فهل طلب التحويل صحيح أم هناك خطأ ؟؟ فأرجو الرد علي ضروري |
الكليتين مش مكتوبين خالص افرض جاتلى الكلية اللى انا كتبتها فى تقليل الاغتراب وانا مش عملت الاختبار هم كدة اكيد مش هيقبلونى هل ينفع بعد كدة احول للكلية اللى اعلى منى بدرجتين ولاهيرجعونى للحقوق
|
اقتباس:
على حسب معلوماتى إنك تقدر تحول لأى جامعة داخل النطاق الجغرافى ( أ ) وتكون جايب مجموعها بس مش عارف تفرق لو كانت أقاليم ولا لأ |
اقتباس:
الكلام ده معناه إنك تقدمت بطلب التحويل قبل كده لو مكنتش قدمت على أى طلبات تحويل قبل كده يبقى اتصل على رقم التنسيق يمكن هناك خطأ فنى بالتوفيق |
اقتباس:
بصى يا أمنية عايزة تقدمى عليها ولو قبلتك ممكن يسمحولك بعمل الاختبارات ، وإن شاء الله يقبلوكى عادى لأنى مش عارف الاختبارات هتفتح تانى ولا لأ بس ده عشان متفوتش الفرصة عليكى ، يعنى تجربى وخلاص أو ممكن تقدمى على طول على الكلية اللى أعلى منك بدرجتين من غير حاجة دلوقتى على الموقع لو منفعش ده كله ، مكانك محفوظ فى حقوق لو التحويلات منفعتش ده اللى فهمته من كلامك ، لو كنت فاهم حاجة خطأ قوليلى لأن الموضوع ملخبطنى شوية تحياتى |
الكليتين مش مكتوبين على الموقع اصلا وهو انا يعنى لو رحت قدمت فى كلية اللى اعلى منى بدرجتين ممكن يقبلونى حتى لو مجتليش على النت وان اسفة انى بطول عليك بس انا معنديش حد يجاوب على الاسئلة دى غيرك
|
اقتباس:
|
اقتباس:
لا طبعاً ، لازم الكلية تكونى مرشحة لها من على النت من خلال موقع التنسيق والنتيجة يعنى انتى دلوقتى فى حقوق ، تقدرى تقدمى عليها عادى فى الجامعة ولو جاتلك أى كلية تانية تقدرى تقدمى عليها برضو بس لو مجتش يبقى مينفعش من غير ترشيح وانتى مادام محتارة كده ، خليكى فى حقوق ، والله هى كلية كويسة جداً ومستقبلها جميل منها محامية أو فى شركة أو فى الشئون القانونية أو الاستشارات أو غيره كتير وبراحتك برضو فى الآخر وشوفى أى كلية تانية تقبلك فى الاسماعيلة هى معقولة مفيش كليات تانى جايبه مجموعها غير دول !! وأنا والله بحاول أساعدك على قد ما أقدر ، وأنا معاكى إن شاء الله لغاية ما تحلى مشكلتك على خير بالتوفيق |
اقتباس:
تمام ، هى لم تظهر ليكى يمكن عشان مجموعك مش جايبها طيب جربتى زى ما قولتلك تغيرى نوع التحويل اللى بتختاريه فى الأول يمكن تظهرلك ؟؟ |
والله جربت مفيش مش مكتوبين خالص وانا قولتلك فى الاول اهلى مش راضين اطلع برة اسماعيلية وهى دى المناسبة ليه انا كان نفسى ادخل كلية تربية شعبة تربية خاصة اسماعيلية وانا لو دخلت حقوق هدخل منزلى وانا مش حبه منزلى و فى كلية تربية موسيقى من ضمن الرغبات وانا لايمكن ادخلها عشان زىما انت عارف الموسيقى حرام
|
لو سمحت يا استاذ مصطفى
انا قدمت إلتماس للتحويل من آثار القاهرة لألسن عين شمس وانا مجموع جايب ألسن وانا من المنصورة وخدت رقم إيصال وكتبت سبب الإلتماس "الأنسب"فهل السبب ده ضعيف وهل فى حالات معينة بيترفض فيها الإلتماس ؟؟ وشكرا |
يا جماعة نتيجة التحويلات هتظهر امتى؟؟
|
لو سمحت مكتوب فى موقع التنسيق فى الشروط الاضافية لكليات فى السياحة والفنادق ان لا يقل مجموع الطالب عن ٦٠ %هل هذا معناه انى دلوقتى جايبة اكتر من كده يبقى مكن اقبل فيها جامعة ااسكنرية
وانا ازم احول من على النت و لا لو فى اى كلية شيفاها متطابق عليه شروطها اروح اسلم الدوسيه بتاعى فيها و خلاص ياريت تساعدنى من فضلك |
وهل لو رحت سنة فى اقاليم و بعدها حولت اسكندرية فى شروط معينة للموضوع ده او فى حاجه ممكن تمنع تحويلى و فى مصاريف كام فى الموضوع ده
|
اقتباس:
والله يا أمنية مش عارف أقولك إيه ، بس أنتى دلوقتى مش لاقية كليات متطابقة وتقدرى تدخليها غير حقوق اللى جاتلك أنا بقول إنك تقدمى وتحولى للكلية اللى عايزاها وزى ما تيجى بقى ، إن شاء الله ربنا يكرمك وتتقبلى ولو خلاص خليكى فى حقوق بس براحتك لو عايزه تبقى منزلى بس أنا منصحكش بكده خالص لأنك هتتعبى ربنا معاكى |
اقتباس:
إن شاء الله يتقبل تحويلك ، وهما الأنسب هيرشحوك ليه بس أنا معرفش أى معلومات عن الالتماس خالص وايه شروط رفضه لأنى أول مرة أسمع عنه بالتوفيق |
اقتباس:
إن شاء الله التحويل هيقفل السبت يعنى على الاثنين كده يظهر بإذن الله يعنى مش هيطول كلها يومين بالكتير |
اقتباس:
لو جايبة أكتر من الشروط الموضحة يبقى إن شاء الله تتقبلى فى منطقتك الجغرافية أو المنطقة الأقرب ليكى ومش ينفع خالص إنك تروحى تقدمى على أى كلية والسلام من غير حاجة لأنك دلوقتى إنتى مترشحة لكلية معينة ، يبقى إنتى دلوقتى تعتبرى طالبة فيها ومن حقك تقدمى عليها لكن مش ينفع إنك تروحى تقدمى على كلية إنتى مش مترشحة ليها لازم تحولى ليها الأول وتتقبلى وبعدين تروحى تقدمى ورقك ليها |
اقتباس:
على حد علمى إنك تقدرى تحولى من كلية لكلية عادى بعد سنة وتحويلك يتقبل على طول بس مش عارف هل هتفرق إذا كنتى أقاليم ولا لأ وإن شاء الله مفيش حاجة تمنع تحويلك بس انتى اسألى إذا كان فيه مصاريف أو غيره لأنى مش عندى معلومات عن التحويل بين الأقاليم والعاصمة |
سؤال معلش يامصطفى
كلية تجارة مفتوح جامعة طنطا خدت من 65% وخدت 570 طالب واتملت كلية التجارة تعليم مفتوح جامعة طنطا هتاخد من كامـ ؟؟ مع العلمـ ان فيها 73 طالب بس |
اقتباس:
|
اقتباس:
الاتنين جامعة طنطا ونفس الكلية !! طيب انت كده مجاوب على نفسك خدت من 65% و570 طالب ولا تقصد حاجة تانى ، أرجو التوضيح |
السلام عليبكم
انا من محافظة قنا وجاتلي تجارة قنا وعايز احول معهد فني صحي بسوهاج ازاي احول
|
اقتباس:
معلش اسف اقصد جامعة القاهرة خدت من 65 % طنطا هتاخد من كامـ .؟ |
لو سمحت انا عندي مشكلة صعبة اتمني ان اجد الحل
انا المفروض تنسيقي مرحة تانية بس بسبب ظروف سفر خارج مصر معرفتش اجيب الملف من المدرسة او لستمارة النجاح اللي فيها الرقم السري بالتالي انا لسا مكتبتش رغبات انا لسا راجع مصر من يومين و جبت الملف و كل البيانات بس تسجيل الرغبات مغلق انا مش عارف اعمل اية اتمني ان اجد الحل عندك |
انا من الفيوم وجتلى جاسبات حلوان علشان الفيوم اخدت من 384.5 وانا جايب 384 وبالتالى جتلى حلوان ( رغبة تانية ) المهم انا دلوقتى عايز اعمل التماس للتحويل الى كلية مناظرة خارج التوزيع الجغرافى ( حاسبات القاهرة )
سوالى : لو الالتماس دة متقبلش ومرحتش حاسبات القاهرة فى الحالة دى هكون فى حلوان صح؟؟ لو انا بقة عايز ارجع الفيوم بقة بعد باب التحويل هيكون اتقفل طبعا مع العلم انى مش جايب مجموع الفيوم . هعمل اية ؟؟؟؟؟؟ |
اقتباس:
لو جايب مجموع المعهد ومفيش معاهد عندك فى قنا يبقى حول من الموقع الخاص بالتنسيق الآن لكن لو فيه المعهد فى قنا يبقى هتحوله هو بس مش بلد تانية |
اقتباس:
الحد الأدنى لجامعة طنطا للتجارة من 318 درجة وده المكتوب على الموقع فى نتيجة المرحلة الثانية |
| جميع الأوقات بتوقيت GMT +2. الساعة الآن 07:39 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.