يا جماعة انا عايزة اعرف كل المعلومات عن معهد سياحة وفنادق ممكن حد يقولى لو يعرف

متتصوروش بكره الكليه دى قد ايه حسه انها خلاص بقى لحد يزعل

يا جماعة انا الانتريفيو بتاعى يوم الاربع فى جامعة الاسماعلية فا عايزة اعرف ازاى الاسئلة و كده و انا عايزة اخش ارشاد سياحى ان شاء الله فا فوق الاخ بيقول لازم اعرف حاجة عن تاريخ مصر و انا كنت علمى يعنى صفر فى تاريخ .. يعنى لازم احفظ حاجات و لا اخد نبذة كده ؟؟؟

يا جماعة ازاى انجح فى قدرات سياحة وفنادق اسكندرية وايه الاسئلة ال هنتسالها

السلام عليكم

لو سمحتو انا نجحت في ثانويه عامه وجبت 91.5 وعايزة اقدم سياحه وفنادق

بس انا مكنتش اعرف ان ليها امتحان قدرات

هل ينفع ولا كده بقي الكليه راحت عليا

لو سمحتوا حد يرد عليا ضروري



شكرا

لوسمحتوا انا كنت عاوز استفسر عن حاجات اولا انا امتحنت فى الكلية الى فى المنيل وسمعت ان اول سنة بنقضيها فى الكلية اللى فى حلوان الكلام ده صح ولا غلط وهل الكليتين بيبقى ليهم نفس الحد الادنى ولا بيختلف سؤال كمان لو معدل الكلية نزل زى السنة الى فاتت هل هعرف دخلتها ولا لا فى نتيجة المرحلة الاولى ولا هتطلع فى المرحلة التانية استفسار تانى انا اخترت قسم دراسات سياحية عربى كنت عاوز اعرف مواد سنة اولى معلش طولت عليكوا بس انا محتار فى التنسيق وجزاكم الله كل خير

سلام وعليكم معلش حضرتك كنت عايز ارقام تليفونات كلية الساحة والفنادق بالاقصر

اول حاجة احب اشكر الاخت ايمان هارون الى ردت عليا وعلى مجهودها فى المنتدى ومعلش سؤال تانى لو حبيت احول لقسم فنادق ينفع ولا لا ولو ينفع احول ازاى وياريت اعرف مواد قسم فنادق عربى معلش انا اسالتى كتير اصلى محتار اوى وعايز استقر على قسم اقدر امشى فيه

الشكر لله سهل وانتة بتقدم قولهم عاوز اخوش قسم فنادق عادى خالص بالنسبة للمواد بتاعت فنادق معرفش بس نص المواد الى انا باخودها بياخدوها مع اختلاف مادة التخصص وبعض الحاجات كدة بس معرفش افيدك فيها والله بس فنادق قسم حلو ااوى لصبيان

انا يا جماعه 3 ثانوى ادبى

وجبت 73%

وعايزه ادخل كليه سياحه وفنادق جامعه المنيا

وعملت الانترفيو والدكتور اعجب بالاجابات بتاعتى واخدت لائق جدا

بس بعد كده اكتشفت ان انا جبت 34 فى الانجلش وعرفت انهم طالبين من 35

مش عارفه ممكن اقبل فيها ولا لا

وجبت ف الفرنش 43


ياريت حد يفدنى

بص وانتة بتكتب الرغبات لو جاتلك ف اختيار رغباتك اكتبها مجتش يبقا خلاص بس انا واثقة انها مش هتيجى مش بتقل عن 35 ف اى كلية خالص وكمان المنيا كلية كبيرة زى حلوان مظنش هترضا تنزل مجموع اللغات بتاعها

عايز ادخل كليه سياحه وفنادق
 

يا جماعه انا عندى 16سنه انا خلصت 3اعدادى وجايب 227درجه وانا عايز ادخل مدرسه تكون ثانوى سياحه و فنادق عشان بعد المدرسه ادخل كليه السياحه و فنادق انا من اسكندريه اانا قدمت فى مدرسه الاورمان الفندقيه الى فى العجمى _ ابويوسف_الكيلو 18 دى نظامه 3 سنين فى فتره صباحيه ودى سعرها 3750جنيه وفى فتره مسائيه ودى 3000 انا قدمت فى المسائيه حلو لحد كده انا قدمت فى المدرسه دى عشان حاجا واحده بس ان الى فى المدرسه قالولى بعد 3 سنين هتدخل كليه السياحه والفنادق بس انا سمعت انا مينفعش ادخل كليه بدبلوم سياحه وفندقه لازم ادخل معهد سنتيت وبعد كده اروح الكليه اعمل معادله ولو نجحت فيها ادخل الكليه يريت حد يقولى الصح فين عشان انا دماغى ولعت ولو المدرسه دى كلامها غلط حد ينصحنى بالمدرسه الصح وعلى فكره فى مدرسه فى محرم بك سياحه وفنادق بس دى 5 سنين انا مش عايز 5 سنين لان دى هتضيع سنتيت على الفاضى بس دى حكوميه وبعد ما اخلص ال 5 سنين هيديونى دبلوم فوق المتوسط التانين كانو هيدونى دبلوم متوسط فقط وانا عايز اخل كليه سياحه وفنادق جامعه اسكندريه عايز امشى فى الطريق الصح من دلواتى انا اسف جدا انى انا طولت عليكم

الاحسن خوش سياحة خمس سنين او كمل ف الى انتة فيها وخوش معهد عشان مش هتعرف تخوش كلية السياحة بالدبلوم ال3 سنين