طيب انا كنت جايبة 92 اعمل ايه بقى ادعولى وبعدين انتو متاكدين ان الى بيحط الامتحان ده هو الى بيحط الباقى طمنونى والنبى

تقريبا هو اللى هيحط الامتحانات الباقية .. وامتحان الاحصاء كمان

او كلهم بيبقوا مربطينها مع بعض ان الامتحانات كلها تبقى ولعة

يا جماعه ان شاء الله خير
لما نسبة اللي اشتكوا من الامتحان كبيرة هيبقى فيه مراعاه في التصحيح ان شاء الله
والموضوع على الكل مش انتو بس
يبقى خير ان شاء الله
حاولوا تعوضوا اللي جاي ان شاء الله
التنسيق السنادي في اخبار انه هينزل يعني الهندسة مراحتش ولا حاجة ان شاء الله
ربنا يوفقكم

انا جايب 94 و حليت حلو نسبيا ... 2ب بس حليتو بطريقه غريبه .... هو سؤال غريب اصلا .... ده بس اللي ممكن يبقي غلط لكن الباقي انا حليتو و متأكد ....
و عزائي لكل الغير موفقين ......... و حسبنا الله و نعم الوكيل عشان فيه ناس كانت حله كتير اوي والله ( كتاب المدرسه كلو و النماذج و امتحانات من 95 ) و غلطت في الاجباري ..... حرام والله

يايا رجلة الوزير قايل ان الامتحان خالى من التعقيدات انتو مش مصدقين الوزير ولا اية ....................

حسبنا الله ونعم الوكيل في اللي حاطط الامتحانواللي وافق عليه وكل اللي شافة ومااعترضش
وفي الستاذ الجمل اللي طمن الطلبة على الفاضي ده كلنا رايحين مطمنين وراجعين مجننين
حسبنا الله ونعم الوكيل ده مش بس من بره الكتاب ده من برة المنهج اصلا

يا جماعة الله يعوض عليكم وان شاء الله باقى الامتحانات هتيجى سهلة

والله المستعان

يايا جماعه الشكوى هى الحل علشان يسمعوا صوتنا ونحاول نلغى الجزئيه الاخيرة من التصحيح

هو ده الموقع اللى يا ريت كلنا نشتكى علشان نوصلهم صوتنا
http://knowledge.moe.gov.eg/arabic/c...s/default.aspx

ربنا معاكم و يتولاكم

محدش فكر فى السبب المنطقى اللى يخليهم يجيبولكم امتحان زى ده
الكل هيقول عشان الجامعات الخاصة
الحقيقة أن السبب هو ارتفاع أعداد الطلاب علمى رياضة الحاصلين على أعلى من 93.5%
الهدف من كده خفض الأعداد و إلا إذا كانت تبقى الهندسة من 97% و كنتم هتعملوا شكوى برده
بس هم طلعوا ناصحين عشان ما نقولش أن التنسيق عالى عشان الجامعات الخاصة بس العكس حصل

بصراحة أنا أغلب أصحابى حلوا الامتحان كله بس كانوا خارجين مبهورين و مش متخيلين المتحان بالشكل ده

تنبيه : العاقبة القادمة هى الفيزياء والميكانيكا و الأحياء ولكم خالص العزاء ولى أنا كذلك ( بس أنا علمى علوم كيمياء فى تالتة)

والله ربنا معاكم بس ركزوا في اللي جاي علشان تحاولوا تعوضوا
بس والله متقلقوش انتم عملتوا اللي عليكم وخلاص افتكروا " ان الله لا يضيع اجر من احسن عملا "
وانتم احسنتم العمل وربنا مش هيضيع تعبكم يمكن الاتحان جه صعب بس ممكن ربنا يسهلكم التصحيح
او يجيب المواد التانيه سهله تعوضوا اللي هتنقصوه
اهم حاجه مش تيأسوا وركزوا في الجاي واحتسبوا صعوبه الامتحان عند ربنا
وربنا يستر علينا في الاحياء مادام الرياضه كده يبقى ربنا يرحمنا في الاحياء

هو فى ايه ؟ هو دا كان امتحان الرياضة بتاعنا اصل انا قاعدت اقول للناس ان دا مش بتاعانا دا نازل غلط الامتحان دا مش لينا ملوش علاقة باللى نعرفة بيتهيقلى بجد والله انه كان اختبار للالتحاق بوكالات النــــــــــــاســــــــــــــــــا الفضائية بس محدش صدقنى
بس بكدا انا الحاجة الوحيدة بجد بجد اللى اللى انا اتأكدت منها فى حياتى كلها انى هاعيد على المادة دى اقصد انا هاعمل معادلة علشان لو نجحت يمكن يخدونى فى ناسا واى وكالة ذرة اى حاجة بقى يمكن ربنا يكرمنا ونشترى عربية كاروا اخر موديل ونبيع خضار ونبقى من المشاهير
بس والله يا جماعة ما تيجى نعمل استفتاء على اللى ممكن يشيل المادة دى اه بصراحة علشان يبقى فى صراحة انا عن نفسى اول ما خرجت شوفت زمايلى قالولى ايه الاخبار قولت لو كدا كدا ( هانعمل ) معادلة فلو كدا انا هارن عليكوا تعرفوا ان انا من المجاهدين لو ما رنتش يبقى انا عديت ومش محتاج معادلة و اصلا هاكون سافرت لموسوعة جنيس دا طبعا لما اعدى من المادة دى طبعا محتاجة معجزة ودعوة من الوالدين اه والله مافيش احسن من نضافة الدماغ والله الواحد اعد ينفض فى دماغة لغاية ما هو حاسس انه هيجيلوا زهايمر
وفى اخر اللقاء ندعى دعوة حلوة يا رب ......!!!!!!!!!!!!!! بلاش نجيب فى سيرة العالم يلا
ونصل الى نهاية الحكاية كان معكم على البلاط مباشرة اســـــــــــــــــــــــلام ونلتقى غدا فى الشارع
ملحوظ : ( كان واحد من الناس ) قبل الحلقة اما بعدها ...............................!!

ياجماعة انتوا فى تانية ولا فى ثالثة انا فى تانية ادبى وعندى رياضة بكرة وكلمكوا ميطمنش انا هيغمى على من الخوف حراااااااااااااااااااااااااااااااااااااااااااااااا ااااااااااااااااااااااااااام اللى بيحصل ده

على فكرة أنا قلت العاقبة عشان هم بيجازونا على أن احنا دخلنا علمى
علمى علمك



يا أخى ادفع 6000 جنيه بس فى السنة و خش أكاديمية الشروق
أو 10000 بس فى السنة وخش علاج طبيعى 6 أكتوبر

أو 20000 أو 25000 فى السنة و خش صيدلة 6 أكتوبر أو صيدلة العلوم و التكنولوجيا

أو 30000 بس فى السنة وخش أسنان 6 أكتوبر

أو 38000 و خش طب 6 أكتوبر

أو 4000 و خش أكاديمية العاشر من رمضان ( و عليها خصم للمفوقين )


اتصل بنا على الرقم ده ( يبقى أنت أكيد أكيد فى مصر) أو ( سلم واستلم )


والمفاجأة: عرض خاص احجز لراسين فى أى جزئية (عفواً كلية) تاخد مكان لراس مجاناً

و الخريجين منها هم أمل مصر المدربين و هم الأصلح ( الأغنى- الأذكى - الأصحاء) و سلام كبير لداروين

حد يرد على ابوس اديكوا حد يطمنى قولوا اى حاجة