![]() |
اقتباس:
http://www.mediafire.com/view/?74yp3vwi38uqq1m و طبعا تايوان موقعة اتفاقية سيول http://www.seoulaccord.com/accord/co...jsp?menu_l=150 و خد بالك الهيئات الهندسية الموقعة على سيول موقعة على اتفاقيات اتحاد الهندسة العالمى دوبلن و واشنطن و سيدنى فسهل يعتمدوا سيول من اتحاد الهندسة العالمى بكل سهولة .. و خد بالك اى علم سهل يتصنف هندسى يعنى الكيمياء بتتدرس كهندسة و غير هندسة كعلوم او تعليم و نفس الحال الفيزياء و الرياضيات ممكن تتدرس كهندسة او علوم و نفس القصة الجيولوجيا فيها جيولوجيا هندسية و جيولوجيا علوم و البترول نفس الحال هى كل القصة يدرس المواد الأساسية الهندسية زى الرسم الهندسى و غيرها فدة سهل يحصل مع اى تخصص و اتفاقية سيول قريبة من الاتحاد الدولى الهندسى |
1 مرفق
أنت عمال تكرر فى نفس الكلام اللى ترد عليه بلينكات واثبات مليون مرة
وأنا مش بطلع اشاعات أبدا ولا أهين أحد ولا أهين أى كلية أنا أوضح الصورة كاملة أولا :- كلية حاسبات ومعلومات ليست كلية هندسية :- 1- عندما تصنفها اليونسكو بأن العلوم التى تدرس بها بما فيهم هندسة البرمجيات علوم أساسية يكون الموضوع انتهى وأصبح مفروغ منه أصلا واليونسكو مؤسسة عالمية بها أكبر و أفضل العلماء فى كل المجالات على المستوى العالمى و أنزلت تصنيفها للعلوم والمهن بعدة اصدارات ، وفى هذا البوست اصدار عام 2011 باللغتين الانجليزية والعربية ، واذا دخلت على موقع اليونسكو فى نفس البوست ستجد نفس هذا التصنيف موجود فى الموقع حتى الأن وبعدة لغات أخرى من ضمنها الصينية لأنها نشرة يتم توزيعها على جميع الدول لتلتزم به 2- عندما ترفض كل المؤسسات الهندسية فى دول العالم تصنيف علوم الحاسب وتكنولوجيا المعلومات (علوم الحاسب – تكنولوجيا المعلومات – نظم المعلومات – حوسبة العلمية ...) على أنه علوم هندسية يصبح الأمر منتهى 3- وبالنسبة لهندسة البرمجيات فهذا التخصص لا يصنفه اليونسكو من العلوم الهندسية ويؤيده فى ذلك المؤسسات الهندسية فى أغلب دول العالم بما فيهم مصر وسندهم فى ذلك هو سند علمى هام جدا وهو الفرق الأساسى الذى يحدد ما اذا كان هذا العلم علم هندسى أم لأ وهو أن الهندسة تحول النظرية الى شئ مادى ملموس وهذا الأمر لا تفعله هندسة البرمجيات فهى لا تحول النظرية الى شئ ملموس وعندما تفقد أهم شرط من شروط العلوم الهندسية بالتأكيد فهو علم ليس هندسى ولا يغير من هذه الحقيقة العلمية كون أن بعض المؤسسات فى عدد قليل من الدول تضمه الىها فهذا الأمر تعترف به تلك المؤسسات نفسها التى حاولت أن تجعله علم هندسى 4- والأمر الغريب هو أن الهندسة تجمع ما بين الدراسة النظرية والعملية ، فكيف يتم تصنيف علم نظرى وليس عملى ولا يحول النظريات الى أشياء ملموسة ونقول عنه أنه علم هندسى ؟!!!!!!!!!!!!!!!!! طبعا كلام غير صحيح وهذا هو السبب فى رفض المؤسسات الهندسية فى تركيا وماليزيا وجنوب أفريقيا وغيرهم الكثير ضم هندسة البرمجيات اليهم وسبق أنى أيدت ذلك بعدة لينكات فى صفحة رقم 12 وأيدهم بالطبع فى ذلك التصنيف العالمى لليونسكو ، وكذلك الجامعات العلمية الكبرى على مستوى العالم والتى صنفت هندسة البرمجيات ضمن العلوم ولم تضعه مع العلوم الهندسية مثل جامعة أكسفورد وأيدت ذلك بالينكات فى التعليق رقم 23 و 30 وهذا التصنيف موجود حتى الأن ، وكذلك جامعة ماسى بنيوزلندا http://www.thanwya.com/vb/showthread...=415079&page=2 5- وكون أن بعض المؤسسات الهندسية الأخرى فى عدد قليل من دول العالم تضمه اليها فهذا لا يلغى الحقيقة العلمية وهو أنه ليس علم هندسى وليس معنى أن به مسمى هندسة يكون بالفعل هندسة فهو مسمى تم اطلاقه مجازيا بينما المقصود منه هو الشكل والمعنى الخارجى للاسم وهو ترتيب الأعمال للوصول الى نتائج مثله مثل مسمى الهندسة الوراثية فهى بالتأكيد ليس من العلوم الهندسية ، والمسمى لا يغير من طبيعة وتصنيف ونوعية العلم شئ وهو أقرب الى التطوير منه الى الهندسة ولذلك فان هيئة اليونسكو أسمته تطوير البرمجيات وهذا موجود فى تصنيف اليونسكو بالفعل هذا الكلام أيدته كثيرا فى هذا الموضوع بعدة لينكات ومؤسسة اليونسكو هى مؤسسة أعلى بكثير جدا من أى مؤسسة فى العالم حتى من الاتحاد العالمى للهندسة فهذا الاتحاد لا يضم الا عدد قليل من الدول بينما اليونسكو فان جميع الدول الأعضاء بالأمم المتحدة ملتزمة بتصنيفها وموقعة على اتفاقية بذلك وحتى تلك المؤسسات فى بعض الدول التى ضمت هندسة البرمجيات اليها ففى وقت قريب سوف تجدها رفعت اعتمادها له ، ومن أدلة ذلك ما فعله مكتب العمل الأمريكى عندما استبدل مسمى مهندس برمجيات وغيره الى مسمى مطور برمجيات وسبق انى تكلمت عن هذا الموضوع فى التعليق رقم 20 و 28 و رفع الاعتماد فى تلك المؤسسات أمر ليس صعب لأن أصلا هذا الاعتماد يكون لجامعات محددة ولفترة زمنية محددة وليس لتصنيف عام عن تخصص معين (يعنى هذا الاعتماد لايكون على أساس اسم التخصص بصفة مطلقة سوف يكون تخصص هندسى فى أى مكان ولكن يكون على أساس البرنامج الدراسى للتخصص فى جامعات بعينها فيتم تحديد التخصص المعتمد فى أى جامعة والفترة الزمنية المستمر بها هذا الاعتماد) فقد يتم التجديد أو عدم التجديد ، على سبيل المثال ستجد فى المؤسسة الهندسية بايرلندا أن الاعتماد يكون حسب كل جامعة ويكون الاعتماد محدد بفترة زمنية معينة وليس مفتوح مدى الحياة وهذا يجعل من السهل عدم التجديد لأى تخصص بعد انتهاء فترة الاعتماد ، وهذا حدث بالفعل فى أيرلندا وفى هذا اللينك ستجد جدول به برامج الاعتماد الهندسى بدولة ايرلندا و ستجد فى نفس الجدول فترة محددة لاعتماد أى برنامج http://www.engineersireland.ie/Servi...-Engineer.aspx وهذا أمر موجود فى جميع مؤسساتهم فى الخارج حيث يتم الاعتماد لفترة زمنية محددة ثم يتم دراسة رفع الاعتماد أم التجديد له يعنى رفع الاعتماد عن هندسة البرمجيات ليس أمر صعب أصلا وحتى اتفاقية واشنطن فانها كل فترة يتم دراسة المقترحات بتطويرها ولكن الأكيد أنه من المستحيل تغير التصنيف الأكاديمى والمهنى لهيئة اليونسكو لأنه يكون تصنيف بصفة عامة على التخصصات بعد دراسة استيفاءها لشروط العلم الذى تقع تحت تصنيفه وليس كبرنامج دراسى لكل جامعة على حدى ، و هذا التصنيف تم بالفعل على أساس علمى سليم 6- وفى مصر كلية الحاسبات والمعلومات تصنيفها كلية نظرية وليست كلية عملية وهذا تصنيف سليم وصحيح كما ذكرنا السبب سابقا وهى تتفق فى ذلك مع تصنيف اليونسكو وتصنيف أغلب المؤسسات الهندسية فى أغلب دول العالم وفى هذا اللينك من من موقع الجهاز المركزى للتعبئة والاحصاء http://www.capmas.gov.eg/pages_ar.aspx?pageid=526 ستجد قرب نهاية الصفحة جملة (خريجو الجامعات طبقا للكلية والنوع الكليات النظرية) اذا ضغطت عليها فسيزل الملف به معلومات عن الكليات النظرية وستجد من ضمنهم كلية الحاسبات والمعلومات وطالما أنه لم يخرج من التصنيف أى قسم كأن يقول كلية الحاسبات والمعلومات ماعدا قسم كذا (مثلما يفعل مع قسم العمارة بفنون جميلة )، فهذا يعنى بكل بساطة أن كلية الحاسبات والمعلومات بجميع أقسامها بما فيهم هندسة البرمجيات تقع ضمن هذا التصنيف وفى نهاية الملف ستجد جملة (المصدر : وزارة التعليم العالى وجامعة الأزهر الشريف ) يعنى هذا التصنيف والمعلومات من وزارة التعليم العالى فى مصر كما أن هذا التصنيف لم يتغير حتى الأن ، فتصنيف الكليات على أنها كليات عملية أو والنظرية شئ و تقسيم القطاعات شئ أخر فتقسيم القطاعات يكون أكثر اختصاص ولكنه لا يلغى التقسيم العلمى والنظرى، فتصنيف الكليات العملية والنظرية هو تصنيف يتم من منظور علمى مختلف عن تقسيم القطاعات يعنى ستجد فى تقسيم الكليات العملية كلية الطب مع الهندسة مع الصيدلة مع العلوم الزراعية ولكن بالطبع فى تقسيم القطاعات ستجدها قطاع منفصل وبالتأكيد أن التصنيف على أساس العلمى والنظرى لا يمكن أن يتغير أبدا فمثلا كلية الطب كلية عملية لا يمكن أن يتغير وتصبح كلية نظرية ، هذا شئ مستحيل وفى لينك أخر من نفس الموقع ستجد المجموعات العلمية فى الجامعات المصرية وستكتشف أن كلية الحاسبات والمعلومات من مجموعة العلوم الانسانية وهو أيضا تصنيف على أساس مختلف عن تصنيف القطاعات فهذا شئ وذاك شئ أخر http://www.capmas.gov.eg/reports/uni...&id=410&free=1 اختر أى حقل من الحقول وأضغط تنفيذ يعنى سواء تم اضافة مقررات هندسية لعلوم الحاسب وتكنولوجيا المعلومات أم لم يتم اضافتها فهذا لن يغير من التصنيف العلمى شئ لأن النتيجة النهائية هو عدم تحويل النظرية الى شئ مادى ملموس |
ثانيا :-
هيئة AEA American Engineering Association فقولت وضحت قبل ذلك أن انضمام Programmin اليه هو عن طريق عضوية الانتساب وليس العضوية الكاملة وهذا الكلام ليس من عندى هذا من موقعهم نفسه أما العضو المنتسب فهو أى شخص حصل على تدريب أو له مصلحة فى المجال الهندسى أو يكون فى البرمجة أو فى الرياضيات التكنولوجية وداعم لأهداف AEA ASSOCIATE MEMBER : Anyone with training or interest in Engineering, Programming, Mathematics Technology the Physical (STEM) sciences and is supportive of the goals of the AEA. وبالطبع العضوية انتساب لا تعنى أن العضو حاصل على مؤهل هندسى ولكنه يفيد ويساعد المجال الهندسى وهذا يثبت كل ماقلته سابقا عن تلك المؤسسات أنها تضم مؤهلات غير هندسية لأنها تفيد وتساعد فى تطوير المجال الهندسى اقتباس:
|
ثالثا :- موضوع قانون مزاولة المهنة و مسمى مهندس البرمجيات
عندما أتيت باللينك الذى به اعلان عن وظيفة مهندس البرمجيات ومن ضمن المؤهلات المطلوبة مهندس كهرباء وخريج الرياضيات فهذا يدل أصلا على عدم وجود قانون مزاولة مهنة تخصص العمل فى هذا المجال وتخصص المسمى لخريحى علوم الحاسب وتكنولوجيا المعلومات لأن لو فى قانون مثل هذا لم يكن نزل اعلان عن تلك الوظيفة ومطلوب به تلك المؤهلات أصلا يعنى نحن لا نرى اعلان عن وظيفة مهندس كهرباء مطلوب المؤهل به مهندس كيمياء أو فنى كهرباء لأن فى قانون مزاولة مهنة يمنع هذا الأمر أصلا ويمنع أى شخص ليس مهندس كهرباء يعمل فى مجال عمله أو يأخذ لقبه كما أن لينك كندا نفسه ذكر مع المؤهلات كلمة (Usually ) أى فى العادة تكون تلك المؤهلات وهذا يعنى بكل بساطة أن هناك مؤهلات أخرى يمكن أن تعمل فى نفس الوظيفة وسبق انى أتيت باللينكات من جامعات تدرس الرياضيات التطبيقية أفادت أنه من ضمن الفرص الوظيفية لخريجيها تصميم وتطوير أو هندسة البرمجيات فى التعليقات أرقام 152 و153 و 154 فى الصفحة رقم 11 فى نفس الموضوع |
رابعا :-
سوف أقولها للمرة الألف أنا لا أهين كلية الحاسبات والمعلومات فهذا المجال أصبح مجال هام وأهميته تدخل فى جميع المجالات العلمية وهو يساهم فى تطوير كل لك المجالات وهو ليس أقل من المجال الهندسى وعندما أقول كلية نظرية فهذه ليس أهانة ولكن الهندسة ليس لها أى وجود بدون النظريات ، كما أن الهندسة لاتستطيع أن تخدم الناس بدون العلم ومساهماته فى تطوير تلك النظريات وبدون العلم لم يكن هناك شئ اسمه هندسة أنا أوضح الأمر للطلبة حتى لا يدخلوا كلية وهم يعتقدون شئ ثم يكتشفون شئ أخر |
1 مرفق
متشغلش دماغك .. انا خلاص استفدت من الحوار و اخدت اللى انا عاوزة ..
الأمر منتهى .. انا فاهم الوضع كويس .. فية بعض الأمور مختلطة عليك ثانيا خلاص اتفاقية سيول صنفت الحاسبات كعلم جديد او نزعتة و خليتة علم لوحدة و لة اتفاقية لتطويرة و دة المهم ثالثا متشغلش فى دماغك بقصة اليونسيكو او مش اليونسكو كدا الدنيا خلصانة اوى و شكراً على المحادثة اللى افادتنى كتير جدا لاننا لينا اهداف مهمة مش قصة هندسية او مش هندسية دة لا يعنينا صراحة ، لكن احنا يعنينا أمر تانى ثانيا اليونسكو مش مؤسسة تصنيف مهنى دى مؤسسة تعليمية للعلوم و الثقافة لكن لما تيجى تتكلم على مهنة تتكلم على مؤسسات مهنية فمتحاولش تتضلل الناس انك اليونسكو جهة مهنية دى جهة تعليمية و انا صراحة مقرأتش موضوع اليونسكو و اكيد فية حاجات انت مش فاهمها بس انا مش عاوز أقراها لاننا لينا تارجت أخر مش زى مانت فاهم اما بخصوص هندسة البرمجيات فمش هيتغير تصنيفة لانة اعتمد من اتفاقية واشنطن كمهندس محترف و اسمة هندسة برمجيات اسمة فية كمان هندسة و معتمد فمش هيتغير مفيش حاجة اسمها شىء يتغير و يرجع تانى فمتحاولش تقول كلام مبالغ فية لان خلاص لو هيتغير من هندسة لعلوم أساسية يبقى لازم يغيروا الأسم كمان لعلوم برمجيات و دة خطأ لان أصلا فية ناس بقيت مهنية فى امريكا و اوربا اسمها مهندس برمجيات و متكاملين مع باقى التخصصات الهندسية يعنى خلاص بقى لة خريجين و مهندسين فلما ينزل تصنيف اليونسكو الجديد المتحدث هيصنف مع التخصصات الهندسية دة غير ان امريكا و الاتحاد الهندسى اعتمدة فدة مش لعبة يعنى يعتمدوا سنتين تلاتة و بعدين يلغية او يعتمدة تصنيف تانى فانت بتتكلم على وهم أو أوهام او بتقول كلام مش صح او بتحاول تقنع الناس بشىء وهمى لان اتحاد عالمى للهندسة مشترك فية امريكا اوربا كلها كندا و استراليا و معظم الدول الأسيوية الصناعية الكبرى و كل الدول الموقعة علية كلها دول عظمى .. لما يبقى يتغير ابقى اتكلم مع ان برضو الأمر لا يعنينى .. اللى انا عاوزة أخدتة من المحادثة الحاجة الأهم ان مصر بتتبع التصنيفات العالمية خاصة أوربا و كلية الحاسبات مش متصنفة فى مصر علوم أساسية و دة المهم و كلية منفصلة و مش هتتصنف غير كدا دة غير انى مشوفتش فى ملفك شىء مذكور غير علوم الحاسب فى اللينك دة http://www.uis.unesco.org/Library/Do...isced97-ar.pdf يعنى مفهاش اى تخصصات اخرى زى هندسة البرمجيات او تكنولوجيا المعلومات او نظم المعلومات ولا حتى شفت تصينف لهندسة الحاسب و مجالاتها او غيرها مع انى دى تخصصات أصبحت موجودة فى دول كتير فدة دليل ان التصنيف دة مش كامل او قديم دة غير انة تصنيف تعليمى فدة ممكن ينطبق على أمور كتير مش لازم كلية الحاسبات و المعلومات ، ممكن ينطبق على كلية العلوم فى مصر الله أعلم برضو فإية قصة انك بتجزم انة على حاسبات و معلومات مصر و اية يخليك تجزم بذلك دة غير ان دراسات الحاسب مش بس علوم الحاسب و مش بس المجالات المذكورة لان فية دراسات أخرى زى الذكاء الاصطناعى و المالتيميديا و الأزمات المعلوماتية و قواعد البيانات و غير ذلك فدة دليل كبير ان الملف دة ناقص و خد بالك من معلومة مهمة تخصصات الحاسبات و المعلومات العالمية متوصفة توصيف كامل و صحيح طبقا IEEE ACM و يعنى أصبح هناك أكثر من تخصص و دة دليل ان الملف بتاعك ناقص و قديم الأهم من كدا ان التعليم مش مرجعية لان مثلا الملف اللى انت جايبة مذكرش فروع كتير و تخصصات كتير يعنى مثلا مشوفتش تخصص لنظم المعلومات الإدارية بتاع كلية تجارة فى مصر و متصنف كدا اكاديميا فى العالم تخصص تجارة فمنين فتحوا القسم دة و مشوفتش شىء لتخصصات الديكور و مجالات و حاجات تانية كتير فغالبا دة تصنيف مش كامل او قديم .. دة غير إنة تصنيف أكاديمى او تعليمى و ليس مهنى و المهن تختلف عن التعليم فمثلا مهنة الصحافة بتقبل اى درجة علمية دة غير ان كلية الاداب مثلا و هى كلية انسانية او اجتماعية حسب التصنيف اللى حضرتك جايبة فيها أقسام للصحافة فبرضو دة تصنيف تعليمى لا يتم قياس علية المهن .. و هو غالبا تصنيف قديم يعنى قريب هينزل تصنيف جديد أحدث فيعتبر مش مقياس خاصة ان التصنيف دة نزل قبل ما Abet تتكامل مع تخصصات الحاسبات المختلفة سنة 2000 ( الهيئة المهنية للحاسبات فى أمريكا ) يعنى بعد التصنيف اللى حضرتك ذكرتة فدة سبب قوى ان التصنيف قديم فالدنيا اتغيرت كتير حتى لو لسة سارى فهو تصنيف أكاديمى قديم و خد بالك بينهم تكامل لان فية بينهم تكامل لان هو بينهم تكامل حسب اللينك دة http://abet.org/turner-receives-grinter-award/ Dr. Turner's accreditation activities include leadership positions in the Computing Sciences Accreditation Board (CSAB) since 1986 and within ABET since the two organizations integrated in 2000. He served on ABET's Computing Accreditation Commission (CAC) and then as a Member-at-Large on the commission's Executive Committee. Dr. Turner was named a Fellow of ABET in 2007. غالبا التصنيف بتاع الأمم المتحدة قديم او هيعتد بالتصنيف القادم اللى هينزل لانة هيكون على أحدث شىء أما تصنيف من 15 سنة اكيد بقى قديم برغم انة سارى على حسب كلام حضرتك بس الدنيا اتغيرت بس فى الأخر احنا كمصر على المستوى الاكاديمى كلية الحاسبات و المعلومات متصنفنة كلية دراسات حاسب و ليست كلية علوم أساسية و دة على المستوى الأكاديمى و التعليمى طالما بتتكلم على تعليم و لو انت شايف انة تصنيف مش صح روح ارفع قضية على المجلس الأعلى للجامعات ثانيا طالما كلية منفصلة و مستقلة و العالم فى 2008 عملها اتفاقية سيول لوحدها خاصة بدراسات الحاسب و تصنيفها يبقى لازم كدا لينا نقابة منفصلة بغض النظر عن اسمها سواء على المستوى الأكاديمى أو المهنى لان المجال دة أصبح هو أهم مجال فى العالم لان بدون يصبح كل شىء تقليدى بدونة يبقى الجيش تقليدى و خدمات الحكومة تقليدية و الخدمات العامة تقليدية و العلاقات الاجتماعية و التواصل بين الناس تقليدى فحسب قوة الكلية و قوة المجال و أهمية الصناع يلزمها نقابة منفصلة و احنا حقيقة لا نسعى للانضمام لاى نقابة فى مصر بدليل اننا عملنا قانون نقابة و جهزناة و أنشاءنا جمعية منفصلة و بنحاول ندخل القانون مجلس الشعب لان كل مرة المجلس يتحل فهنوصل لهدفنا و القانون و الدستور بيكفلوا حق إنشاء النقابات . فاحنا لينا نقابة منفصلة حتى لو كانت نقابة اسمها نقابة العفاريت مش دى القضية و اللى من خلالها هنشترك فى الاتفاقيات العالمية زى سيول و دة سبب قوى جدا ان يبقى لينا نقابة مستقلة فى مصر انا بشكرك على المحادثة دى جداً لانها ليها أثر عندى مهم جداً .. شكراً جزيلا تحياتى ملحوظة احنا مبنضحكش على الناس احنا بنقولهم انت هتدرس حاسبات و معلومات و لما بنقولهم هتدرس هندسة برمجيات لان دة قسم فى الكلية و فية مواد بيدرسها كل التخصصات اسمها Software Engineering Information Engineering فاحنا مش بنضحك على حد و معروف اننا بناخد درجة البكالوريوس فى الحاسبات و المعلومات و ليس بكالوريوس علوم الحاسب او ليس بكالوريوس هندسة الحاسب و دة شىء معروف اننا بندرس دراسات حاسب و دى كلية موجودة فى معظم دول العالم و موجودة فى السعودية و البحرين و الإردن و غيرها فمعمول بها عربيا و عالميا ملحوظة مهنة مهندس برمجيات معترف بها حتى فى أخر تصنيفات 2012 و تخصص هندسة البرمجيات معتمد من من كل نقابات المهندسين فى العالم و معتمد كتخصص حاسب هندسى يعنى معتمدين و معتمدين من اتحاد الهندسة العالمى المهنى بتصنيف المهن الهندسية يعنى متصنف علم هندسى و مهنة هندسية من كل النقابات كندا امريكا استراليا و القسم دة فى كلية الحاسبات و معلومات مصر يعنى بديهى لما بنقول الناس هتدرس كلية هندسية يبقى لينا حاجة بنتكلم فيها و خاصة انة متفرع من باقى التخصصات .. لما يبقى يتشال تصنيفة فى اليونسكو ابقى اتكلم خلاف ذلك طالما لم يتم تصنيفة فالتصنيف المعتمد هو الإتحاد العالمى للهندسة و كل المؤسسات الدولية الهندسية زى كندا و استراليا و امريكا و اوربا و غيرها و خد بالك حتى اليونسكو هتصنفة بناء على المؤسسات دى امال هى هتجيب تصنيف من دماغها اللى بيتم تصنيفة مهنياً كدا فتصنفة كدا يعنى اليونسكو مرجعيتها المؤسسات الدولية لكن عامة طالما سارى الى الان يبقى تخصص هندسى و يبقى كلية الحاسبات و المعلومات فى مصر فيها تخصص هندسى و كل دة برضو حسب كلامك يعنى انا حاولت اقفل الحوار بعد ماخدت اللى انا عاوزة .. ملحوظة الطلبة فى مصر عارفة طبيعة دراسة الكلية مش عارفين عنها حاجة و اسم الكلية و أقسامها معروفين و مواقع الكليات معروف و مفتوح للجميع فكلامك حضرتك لا هيقدم ولا يأخر مش جبت التايهة يعنى ولا جبت شىء هلامى مجهول .. و اعتقد مفيش اى حد من الطلبة رد عليك و شكرك انك اضفت معلومة او جبت معلومة جديدة افادت الناس .. بالعكس محدش رد عليك تقريبا ً غيرى و محدش قالك انت جبتلنا معلومة مفيدة فمجهودك يعتبر على الأرض لان فى مصر كل شىء معلوم الانترنت و الدش و سهولة المواصلات خلوا اى حد يوصل لاى معلومة بسهولة و دة ملف مهم بيثبت ان تخصصات الحاسبات و المعلومات المعتمدة بقيت كذا تخصص مش علوم الحاسب فقط و دة أكبر دليل انك تصنيفك قديم محتاج تحديث و منها هندسة البرمجيات معتمدة تحت تخصصات الحاسب مع باقى التخصصات كعلوم الحاسب و نظم المعلومات و تكنولوجيا المعلومات http://www.csab.org/ خد بالك ان المؤسسة دى اسمها Computer Sciences Accreditation Board يعنى هندسة البرمجيات مصنف علوم حاسب هندسى ( منشق من فروع علوم الحاسب و هو قسم هندسى ) بخصوص تصنيف كندا فمهنة مهندس البرمجيات مفهاش تخصص كهرباء مفهاش اى ذكر لكلمة كهرباء بالعكس دى مذكور فيها كل تخصصات الحاسبات والمعلومات فى مصر و هى Computer Science علوم الحاسب Software Engineering هندسة البرمجيات Computer Systems Engineering نظم الحاسبات Mathematics الرياضيات هى دى نفس تخصصات كلية الحاسبات و المعلومات فى مصر .. راجع الملف المرفق بة أسماء التخصصات بكلية الحاسبات و المعلومات راجع اللينك http://www5.hrsdc.gc.ca/NOC/English/...al=2&val1=2173 A bachelor's degree, usually in computer science, computer systems engineering, software engineering or mathematics طبعا انت هتقولى دة المقصود الرياضيات هى كلية العلوم شعبة رياضة فى مصر فمن أين اتيت بهذا الكلام هاتلى ما يثبت ذلك .. ثانيا دى ملهاش اولوية دى اخر مهنة مكتوبة .. ثالثا تخصص علوم الحاسب بيدخل كمان فى مهنة مهندس حاسب الى بتاع الهاردوير و دة سبب أقوى ان حاسبات و معلومات مصر هى أقوى كلية فى الحاسب و ليها حق المسمى مهندس برمجيات او مهندس حاسب دون غيرها لانها متخصصة فى دراسات الحاسب و تخصص رياضة بتاعك مش مذكور فى وظيفة مهندس حاسب فبالتالى دة حاجة هامشية و خاصة انها مذكورة اخر واحدة . لو اعتبرها علوم رياضة بتاعنا لكن هات ما يثبت ذلك مع ملاحظة انة بيشترط عليك كارنية نقابة المهندسين فيبقى ممكن المقصود بالرياضيات هى الرياضيات الهندسية و لكن انا شبة متاكد ان المقصود بة هو رياضيات الحاسب .. لكن طالما اختلفت فيها و مش معاك إثبات متفتيش فيها بصراحة و تمشيها على مزاجكك خاصة ان تخصص الرياضيات مصنف طبقاً لتخصصات العلوم بتاع اليونسيكو اللى انت جايبها و بتعتد بها فيبقى متقدرش تقول انة المقصود بيها تخصص رياضيات بتاع كلية العلوم مصر .. المقصود بيها اى تخصص رياضيات هندسى بيقدر يحصل على كارنية نقابة المهندسين امال يعنى هيذكر شىء ميقدرش يحصل على كارنية نقابة المهندسين !!! و دة أهم شرط و أقوى شرط مذكور .. طبعا انت هتقولى كمان ان تخصص هندسة نظم الحاسبات المقصود بة هندسة الحاسب فمصر فانا بجزملك انة المقصود بة تخصص نظم الحاسبات فى مصر لان دة تخصص موجود فى كلية حاسبات و معلومات مصر و كمان لان فية فى كندا تخصص اسمة هندسة الحاسب و مذكور اسمياً فى المهنة كاسم مهنة و كاسم تخصص .. راجع اللينك http://www5.hrsdc.gc.ca/NOC/English/...al=2&val1=2147 Computer engineers require a bachelor's degree in computer engineering, electrical or electronics engineering, engineering physics or computer science. اخيرا تصنيف المجلس الاعلى للجامعات مرفق علشان متقولش انى بجيب حاجة من عندى و كلية الحاسبات و المعلومات مصنفة تحت قطاع الحاسبات و المعلومات وحدها دون غيرها ( قطاع دراسات الحاسبات و المعلومات ) بالتوفيق ليك و شكرا جزيلا لك مع ملاحظة ان البوست بتاعك ناقص لم تذكر ان تخصص هندسة برمجيات تخصص هندسى حاسبات فى البوست بتاعك و اللى بيدرسها كلية الحاسبات و المعلومات مصر فحتى البوست بتاعك ناقص و مبنى على ملفات قديمة و ناقصة |
يا اخوانا الموضوع دة *** بحثا بس للاسف فى ناس بتعاند يعنى كندا واروبا وامريكا والناس دى مش بتفهم وابو العريف داخل يعلمهم اية هيا العلوم الهندسية
|
اقتباس:
يا باشا دا انا جبت للزميل العزيز اللى بيقاوح دة ملف التخصصات الهندسية المعتمدة من المجلس الهندسى البريطانى كالاتى يوجد ملف يُسمى IEng and CEng accredited programmes نرجو الضغط علية لتحميله ثم تصفحة يحتوى هذا الملف على كل الدرجات العلمية و الجامعات المعتمدة من نقابة المهندسين البريطانية او ما تسمى ( بالمجلس الهندسى البريطانى ) هتلاقوة معتمد كل جامعة بكل أسم البرنامج مثلا جامعة اكسفورد برنامج ( تخصص ) الهندسة الميكانيكية و طبعا معتمد كل التخصصات الهندسية بما فيها تخصص علوم الحاسب و هندسة البرمجيات و نظم المعلومات و غيرهم . الأعتماد شامل كل البيانات اللى ممكن تقابلك بما فيها تخصصات علوم الحاسب و هندسة البرمجيات و نظم المعلومات و غيرها هى أقسام و تخصصات داخل كلية الحاسبات و المعلومات مصر . و هذا الملف يعنى ببساطة دليل الجامعات و الكليات المقيدة بالمجلس الهندسى البريطانى مع العلم أن المجلس الهندسى البريطانى معتمد على مستوى اوربا كلها و معتمد على مستوى العالم أيضا فى تصنيف المهن الهندسية . نرجو تصفح الرابط التالى للتأكد http://conferences.theiet.org/ambiti...ed-courses.cfm ستجد إعتماد لكل التخصصات الهندسية و من ضمنها تخصصات Computer Science Software Engineering Information systems Computer systems و غيرها من التخصصات المختلفة و كل هذة التخصصات هي تخصصات بكلية الحاسبات و المعلومات مصر لما تفتح الملف دة أصلا مكتوب جواة فى اول صفحة Directory of Currently Accredited UK CEng and IEng Programmes updated to 28 May 2012 و ترجمتها ملف او مجلد البرامج البريطانية الهندسية المعتمدة حيث كلمة CEng refer to Chartered Engineer IEng refer to Incorporated Engineer يعنى البرامج دى معتمدة كتخصصات هندسية و بيتخرج منها مهندسين معتمدمين من المجلس الهندسى و فى الصفحة أصلا بدون ما تحمل الملف مكتوبلك The IET, licensed by the Engineering Council, accredits programmes that either partially, or fully, meet the educational requirements for Chartered Engineer (CEng) or Incorporated Engineer (IEng) registration. To be eligible for an IET scholarship you must be considering undertaking one of these programmes. يعنى واضحة وضوح الشمس و البرامج دى من ضمنها كل تخصصات الحاسب زى علوم الحاسب و تكنولوجيا المعلومات و هندسة البرمجيات و هندسة الحاسب و بعد دة كلة راح يدورلى فى الموقع و يترجملى ترجمة حرفية و يقولى اصلة مكتوب لتصنيف العلوم و المقصود بيها اى علوم مش العلوم الهندسية .. يعنى ملف البرنامج من جواة مذكور كل حاجة و الصفحة موضحة و كل التخصصات المذكورة تخصصات هندسية و بعد دة كلة يقولك لالا دة مش متصنف و بعدين دة المجلس الهندسى بيصنف تخصصات غير هندسية و تضحك بقى على كلام عجيب هههههههه .. يعنى هو مكتوب فية برامج الهندسة المعتمدة جوا الملف و متحمل من على موقع هندسى و بعد دة كلة مش معتمد او معتمد مستوى تانى .. طيب خلاص كانوا كتبوا جوا الملف التخصصات ذات المستوى الاول و المستويات ذات المستوى الثانى :) .. كلام صراحة عجيب لناس هدفها المقاوحة انا مش براجع القديم ولا عاوز اتناقش بس مبحبش المقاوحة و العافية و نظام الترجمة الحرفية لاثبات ما ليس لك او اثبات نظرية بالعافية او تصنيف شىء عافية لانك مش عالم ، مع العلم انى عارف الشخص دة كويس اوى وهو يسمى كيميائى طبى |
على فكرة أنا مش كيميائى طبى
|
نورت فى كل الأوقات يا زميلى العزيز
سلام عليكم |
يعنى اقنتعت ولا لاء بعد كدة لاتفتى فيما ليس لك بة علم
|
انا عاوز بس أوضح نقطة هامة للزميل العزيز لانة عندة خلط كبير بين دراسات العلوم و دراسات الهندسة فيما يخص الحاسبات و المعلومات ففى أمريكا يوجد درجتين أكاديميتين :- - الأولى بكالوريوس الهندسة فى علوم الحاسب و معتمد من هيئة Abet و دة معادل بكلية الحاسبات و المعلومات فى مصر - الثانية بكالوريوس العلوم و الأداب فى علوم الحاسب ( تخصص مختلط مع العلوم الطبيعية او غيرها ) و دة معادل بكلية العلوم فى مصر و خلينا ندى مثال عملى من جامعة واشنطن الأمريكية بكالوريوس الهندسة فى علوم الحاسب http://www.cs.gwu.edu/academics/unde...te_programs/bs بيقولك ان التخصص دة من معتمد من هيئة ABET الأمريكية المسئولة عن اعتماد العلوم الهندسية ( التخصصات الهندسية ) The B.S. program is a strong core-computer science program accredited by ABET, the professional society that accredits engineering programs. و البكالوريوس بتاعة بكالوريوس الهندسة فى علوم الحاسب و هذا ما يعادل كلية الحاسبات و المعلومات فى مصر بكالوريوس العلوم و الآداب فى علوم الحاسب http://www.cs.gwu.edu/academics/unde...te_programs/ba و دة تخصص مزدوج مع العلوم الطبيعية ( الفيزياء او الرياضيات او الاحصاء ) او البيزنس او غيرها . Our B.A. program is designed for students who wish to combine Computer Science with a second major, or with a set of secondary fields (minors), typically in natural science, liberal arts, or business. و البكالوريوس بتاعة بكالوريوس العلوم و الآداب فى العلوم الطبيعية و علوم الحاسب و هذا ما يعادل فى مصر كلية العلوم (مجموعة العلوم الطبيعية) شعبة الرياضيات او الفيزياء أو الاحصاء و علوم الحاسب و غير معتمد من هيئة ABET الأمريكية أتمنى ان الزميل يكون عرف الفرق و كل الناس تكون عرفت الفرق و وضح الأمر و لكم منى جزيل الشكر جميعاً |
أولا :-
شهادة البكالوريوس فى اللينك اللى انت أتيت به اسمه بكالوريوس العلوم (Bachelor of Science) مش بكالوريوس الهندسة أو حتى بكالوريوس العلوم الهندسية ثانيا :- الموقع بيقول ان هذه الشهادة معتمدة من هيئة ABET ماشى بس لو رجعنا لهيئة ABET هنلاقى ان الهيئة مختصة بمجموعة مجالات وبرامج وأن تخصص هندسة البرمجيات فقط هو اللى منضم لبرنامج الهندسة أما باقى تخصصات علوم الحاسب وتكنولوجيا المعلومات بكافة فروعها وأنوعها وهى (تكنولوجيا المعلومات وعلوم الحاسب ونظم المعلومات وغيرها ) كلهم تابعين لبرنامج الحوسبة مش الهندسة وعلى فكرة حتى تخصص هندسة البرمجيات اللى هيئة ABET وضعته ضمن البرنامج الهندسى فهذا بشرط وهو دراسته دراسة كافية للعلوم الهندسية الأساسية والمعروفة ، يعنى يكون هندسة البرمجيات ضمن برنامج هندسى أصلا يعنى مش زى قسم هندسة البرمجيات الموجود بكلية الحاسبات والمعلومات بجامعة حلوان ولكن مثل برنامج قسم هندسة البرمجيات بكلية هندسة عين شمس يعنى مش أى تخصص هندسة برمجيات بتضمه الهيئة مع البرنامج الهندسى الذى تعتمده وعلشان أثبت هذا الكلام من موقع الهيئة نفسه وهذا هو :- هذا لينك يوضح البرامج المعتمدة التابع لبرنامج الحوسبة بالهيئة ولو ضغطت على أى منهم هتلاقيه نفس تخصصات ومهام ودراسة الحاسبات والمعلومات عندنا يعنى تم وضعه ضمن برنامج الحوسبة مش برنامج الهندسة http://www.abet.org/DisplayTemplates...k.aspx?id=1805 و هذا لينك يوضح البرامج المعتمدة ضمن برنامج الهندسة بالهيئة ومش هتلاقى أى من تخصصات علوم الحاسب وتكنولوجيا المعلومات ضمنه (لا علوم الحاسب - ولا تكنولوجيا المعلومات - ولا نظم المعلومات - وكذلك غيرهم ) http://www.abet.org/DisplayTemplates...k.aspx?id=1807 ، والموجود هو فقط هندسة وتطوير البرمجيات ولو ضغطت عليهم هتلاقى التفاصيل بيوضح أن له نفس معاير برامج الهندسة الأخرى ويشمل البرمجيات يعنى لازم يدرس فى هذا البرنامج المواد الهندسية الأساسية ويكون مرتبط به ، وهى نفسها المواد الهندسية الأساسية التى تدرسها باقى التخصصات الهندسية المختلفة يعنى مثل قسم هندسة البرمجيات بكلية الهندسة جامعة عين شمس عندنا ,وليس مثل القسم الموجود بكلية الحاسبات جامعة حلوان وهذا لينك يوضح البرامج الجديدة بكلية الهندسة جامعة عين شمس http://eng.shams.edu.eg//news.php?action=show&nid=1874 وهذا نفسه الكلام اللى سبق انى قلته فى هذا الموضوع فى التعليق رقم 191 ، فى النقطة رقم 4 http://www.thanwya.com/vb/showthread...415079&page=13 ثالثا :- موقع الكلية بجامعة واشنطن بيأتى بمعلومات مجملة عن موضوع هيئة ABET ولكن التفاصيل هتلاقيها فى موقع هيئة ABET واللى سبق أتيت به أكثر من مرة فى هذا الموضوع والموضوع أصلا *** بحثا وأصبح منتهى أصلا وقلنا قبل كدا أن الهيئة بتعتمد مجالات مختلفة مش بس المجالات البرامج الهندسية http://www.abet.org/vision-mission/ وفى التعليق رقم 10 و 166 شرحت الموضوع دا http://www.thanwya.com/vb/showthread.php?t=415079 يعنى ياريت حضرتك لا تأتى لينا بكلام مجمل بدون تفاصيل وشرح دقيق من مواقع مختلفة وتترك موقع الهيئة المختصة بالاعتماد أصلا وهى هيئة ABET لأن اللى بيتم تدريسه فى كليات الحاسبات والمعلومات بأقسامها المختلفة فى مصر سواء كان (علوم الحاسب - تكنولوجيا المعلومات - نظم المعلومات وغيرهم ) بينطبق عليه معاير برنامج الحوسبة فى هيئة ABET مش معاير برنامج الهندسة وهذا شئ طبيعى لأنهم أصلا مش بيدرسوا المواد الهندسية الأساسية التى يجب أن تدرس فى كل الأقسام الهندسية وليسوا معنيين ولا مرتبطين بدراستها أصلا وأبسط شئ من هذه المواد المهمة لأى قسم هندسى هو الرسم الهندسى ، والذى لا يتمتدريسه فى كليات الحاسبات والمعلومات لأنه أصلا مادة غير مهمة بالمنسبة لدراستهم ومجال عملهم وتخصصاتهم (وهذا على سبيل المثال ) لكل برنامج معايره فى هذه الهيئة والتى يتم تطبيقها على البرامج فى الجامعات المختلفة والتى بناء عليها يتحدد ما اذا كان هذا القسم يتبع برامج الهندسة أو برامج الحوسبة |
مبدئياً ردودك زى عادتها منعدمة دة غير انك بتجبلى مصر بس انا حابب أثبتلك شيئين
أولا فى امريكا فية بكالوريوس علوم طبيعية و حاسب ألى او باختصار بكالوريوس العلوم و الأداب فى علوم الحاسب (Bachelor of Arts ) و فية بكالوريوس الهندسة معتمد فى علوم الحاسب(Bachelor of Science ) مع ملاحظة ان التخصص دة معتمد و مذكور انة معتمد من هيئة Abet طبعا مع احترامى لحضرتك انت بتقول اى كلام فى اى كلام و مش مقتنع فنرد عليك بلينك أقوى يسكت اى حد و هو جامعة ميتشجان الأمريكية و دى واضحة و صريحة فيها فى اللينك الأتى http://www.eecs.umich.edu/eecs/undergraduate/ Undergraduate Programs Academic Information: Computer Science through College of Engineering (CS-Eng) Computer Science through College of LSA (CS-LSA) Electrical Engineering (EE) Computer Engineering (CE) فية تخصص للهندسة الكهربية و تخصص أخر لهندسة الحاسب و تخصص أخر لهندسة علوم الحاسب و تخصص أخر فى العلوم و الأداب للعلوم الحاسب و دة نفس جامعة واشنطن تقريباً طبعا علشان حضرتك متقولش اى كلام دة لينك التخصص بتاع بكالوريوس العلوم و الأداب فى علوم الحاسب الألى http://www.eecs.umich.edu/eecs/under...cs/CS-LSA.html و مذكور فية تحديداً بالاسم There is an updated program in Computer Science available to students in the College of Literature, Science, & the Arts. Full information is available at: و ترجمتة برنامج متاح للطلبة فى كلية العلوم و الأداب .. اما بخصوص التخصص بتاع بكالوريوس الهندسة فى علوم الحاسب فدة اللينك بتاعة http://www.eecs.umich.edu/eecs/under...cs/CS-Eng.html و مذكور انة فى كلية الهندسة فية ملاحظات هامة اولا ان تخصص هندسة علوم الحاسب مش بيدرس رسم هندسى فياريت متطلعش اشاعات و توصيف أكاديمى و مهنى خاطىء و ملوش سند لانى لما بتكلم بكلمك بسند ودة لينك اللى فية اللايحة الدراسية لعام 2012 و مذكور جواه انة برنامج علوم الحاسب تحت كلية الهندسة http://www.eecs.umich.edu/eecs/under..._fall_2012.pdf بناء على التوصيف دة نحب نحط شوية ملاحظات رقم 1 ان فى مصر فية بكلية العلوم من داخل مجموعة العلوم الطبيعية شعبة الرياضيات او الفيزياء او الاحصاء قسم علوم الحاسب و دة المعادل بدرجة بكالوريوس العلوم و الأداب من أمريكا و فية بكالوريوس الهندسة فى علوم الحاسب و دة اللى يعادل كلية الحاسبات و المعلومات فى مصر لان باختصار أمريكا مفهاش كلية حاسبات و فية شىء مهم جداً طبعا انت هتقولى لا حاسبات و معلومات فى مصر بيعادل فى امريكا بتاع علوم مش هندسة فانا هرد عليك بكل سهولة ان أصلا كلية العلوم فى مصر فيها تخصص علوم الحاسب تحت المجموعة الطبيعية و دة نفس التوصيف الاكاديمى ليها فى أمريكا كما هو مذكور و ثانيا لان أصلا كلية الهندسة مفهاش اى تخصص يسمى علوم الحاسب نهائياً او تكنولوجيا المعلومات و لكن يوجد فقط هندسة الحاسب مندرج تحت شعبة كهرباء او الكترونيات و يوجد مثيل لة فى أمريكا يبقى إذن أمريكا يوجد فيها التخصصات الأتية تخصص هندسة الحاسب و دة يناظرة فى مصر هندسة حاسب تخصص العلوم الطبيعية و الحاسب الألى و دة يناظرة فى مصر كلية العلوم رياضة/فيزياء/إحصاء و علوم حاسب تخصص الهندسة فى علوم الحاسب الألى و دة يعادل كلية الحاسبات و المعلومات فى مصر طيب انت هتقولى تخصص حاسبات فى مصر يعادل تخصص العلوم الطبيعية و الحاسب الألى فى أمريكا فهقولك لا طبعا لسبب بسيط ان اصلا كلية العلوم فيها التخصص دة و معادل بة و هتلاقى اى جامعة مصرية فيها حاسبات و كذلك فيها علوم و بالتالى فوجود حاسبات لم يمنع علوم و العكس كلية علوم لم تمنع انشاء كلية الحاسبات و بالتالى لو كانت حاسبات معادلة بعلوم فإذن مكنش كليات العلوم فتحت اى تخصص للحاسب او العكس اى جامعة فيها كلية العلوم قسم حاسب مكنتش فتحت كلية الحاسبات و المعلومات لكن هتلاقى معظم الجامعات فيها كليات الحاسبات و فيها كلية العلوم تخصص علوم حاسب و مع ملاحظة ان أصلا لو كانت حاسبات معادل بعلوم كان عند انشاء كلية الحاسبات كان دمج فيها تخصصات علوم او نقل الطلبة ليها او عطاهم نفس الدرجة العلمية ( بكالوريوس الحاسبات و المعلومات ) و دة عمرة ما هيحصل لان مصر زى اى دولة فيها تخصص علوم طبيعية و حاسب و فية تخصص هندسة علوم الحاسب و ان المجلس الأعلى للجامعات عند انشاءة لكلية الحاسبات أنشاءها بما يعادل هندسة علوم الحاسب ، و اذا اعتبرنا ان كلامك صح ان حاسبات تعادل علوم فى امريكا إذن مصر فيها خلل لان مفهاش برنامج هندسى لعلوم الحاسب ( تخصص لعلوم الحاسب تحت كلية الهندسة ) !!! و بكدا انت بتقول كلام تهليس لان أصلاً إنشاء كلية الحاسبات و المعلومات فى مصر على غرار أمريكا لتكون كلية هندسية فى علوم الحاسبات و المعلومات فية ملحوظة هامة برنامج هندسة عين شمس بتاع هندسة البرمجيات دة برنامج مش تخصص و دة برنامج تحت قسم هندسة الحاسب و بياخد نفس الدرجة العلمية بكالوريوس الهندسة الكهربية شعبة هندسة الحاسب ، هو فقط مجرد برنامج خاص علشان يلموا فلوس من الناس و مذكور جوا انة برنامج تحت قسم هندسة الحاسب و النظم لكن هو نفس الدرجة العلمية و الأصل هو الدرجة العلمية و ليس مسمى التخصص و مندرج من شعبة كهرباء تماما كدا زى برنامج هندسة المواد مندرج من قسم الميكانيكا و بياخد نفس الدرجة العلمية . مع ملاحظة أصلا ان القسم دة مش نازلة جدول زى باقى أقسام البرامج الجديدة و تقدر تطلع الجدول الدراسى للبرامج الجديدة و حسب معلوماتى أصلا ان نقابة المهندسين هتدمج هندسة حاسب مع اتصالات و تخلية هندسة اتصالات و حاسبات و الأهم من كدا ان أصلا البرنامج دة مش هيقوم لانة مخالف لقانون تنظيم الجامعات اللى بينص على انة يمنع تكرار التخصصات و بالتالى القسم دة تحت حاسبات و معتمد منة و هو أصلا قسم معتمد تحت الحاسبات و من الممكن ان يكون قسم منفصل او قسم تحت علوم الحاسب و دة حسب توصيف ACM و كذلك توصيف المجلس الأعلى للجامعات فى الملف المرفق هتلاقى القسم تحت قطاع الحاسبات و المعلومات .. و فى كل الأحوال انشاء قسم زى دة فى مصلحة كلية الحاسبات مش العكس لان دة اعتماد من كلية الهندسة ان دراسات السوفت وير دراسات هندسية و لو كان الأمر واقف على المواد الهندسية الأساسية زى الرسم الهندسى فخلاص ارفع الكلية سنة اعدادى و خلاص على كدا .. فدة أصلا فى مصلحة حاسبات مش العكس لان أصلا بكل الأحوال مفيش صناعة فى البلد دى هتقوم بدون كلية الحاسبات و المعلومات و نقابة المهندسين نفسها مش هتقدر تفتح شعبة للحاسبات الا بدعم من كلية الحاسبات و خريجوها فدة أمر منتهى لانهم سيطروا على السوق .. دة غير انة من الأخر بيقول ان هندسة حاسب فشل فى السوق و ان القوة للبرمجيات و علوم الحاسب و تكنولوجيا المعلومات و ليست للهاردوير .. فبكل الأحوال القسم فى صالح حاسبات مش العكس لان على الأقل كدا هو بغباءة أثبت ان البرمجيات علم هندسى زية زى الميكانيكا و الكهرباء و المدنى و خلافة .. رقم 2 ان اى علم فية منة علوم و فية منة هندسة فهنلاقى الكيمياء فية منها علوم و فية منها هندسة كيميائية و فى أمريكا هتلاقى تخصص علوم كيمياء موجود جوا كلية العلوم و الأداب و الهندسة الكيميائية موجود فى كلية الهندسة و نفس الحال لعلوم الحاسب فية منها تخصص لعلوم و تخصص أخر لهندسة كما وضحنا مسبقنا رقم 3 أصلا كلية الهندسة فى مصر مفهاش تخصص باسم علوم الحاسب من الأصل و مفهاش تخصص اسمة تكنولوجيا المعلومات او نظم المعلومات او غيرة و بالأخص قسم علوم الحاسب لانة القسم الأم و قسم هندسة الحاسب بكلية الهندسة مندرج تحت كهرباء و دة توصيف صحيح فى معظم دول العالم و على فكرة الاعتماد الاكاديمى بيكون من المجلس الأعلى للجامعات المصرى و المجلس الأعلى للجامعات مفهوش اى كلمة او تخصص يسمى علوم الحاسب او تكنولوجيا المعلومات او هندسة البرمجيات تحت كليات الهندسة و مرفق ملف للتخصصات المعتمدة من المجلس الأعلى للجامعات مع ملاحظة شىء مهم ان كلية الهندسة اى قسم هتفتحة يسمى الحاسب هيندرج تحت كهرباء لان فى الأصل الشعبة و ليس القسم و كذلك نقابة المهندسين ليس بها شعبة للحاسب الألى . رقم 4 حضرتك بتقول ان لازم التخصصات الهندسية تدرس رسم هندسى و ان امريكا معمول بها كدا فانا أقولك لما كلامك كدا و هنعتبرة صحيح فخلاص سهل جداً نزود حاسبات سنة خامسة او نزودلهم مواد رسم هندسى و وصفية و خلافة (مواد هندسية أساسية ) .. و بكدا مصر تكون هى المتخلفة عن التوصيف الأكاديمى المحترم مع ان انا الى الان مشوفتش اى توصيف أكاديمى لهندسة علوم الحاسب فية رسم هندسى لكن لو اعتبرنا ان امريكا طورت المناهج بداية من 2012 فبالتالى مصر هتطور مناهج كلية الحاسبات و المعلومات كأمر طبيعى مع مرور الوقت .. رقم 5 الشىء المهم ان كدا كلية العلوم فى مصر تحت مجموعة العلوم الطبيعية يوجد قسم لعلوم الحاسب فكدا خلاص علوم أخدت نصيبها و توصيفها العالمى و بالتالى كلية الحاسبات و المعلومات متقدرش تقول انها معادلة بعلوم ولا يوجد اى اثبات لاننا باختصار بناخد بكالوريوس الحاسبات و المعلومات مش بكالوريوس علوم و بالتالى حاسبات و معلومات كدا بتاكد انها الدراسة الهندسية فى علوم الحاسب فى مصر و لو هناك اى قصور فيجب حلة او تطوير الكلية .. رقم 6 الملفات دى بتثبت ان خريجين كليات الحاسبات و المعلومات لهم الحق الكامل فى إنشاء نقابة لمهندسى البرمجيات بدون منازع و دة حقهم الطبيعى علشان نكون زى باقى دول العالم و من ثم تطوير المهنة و الكلية للتواكب مع كل دول العالم .. و الا هنتخلف عن التوصيف المهنى و الأكاديمى . مش معقول يكون عندنا كلية و ليس شعبة او تخصص تسمى الحاسبات و المعلومات بها 8 تخصصات و مش قادرين نحولها كلية كبيرة زى باقى دول العالم المحترمة و يكون عندنا مهنة مهندس برمجيات او مهندس معلومات زى باقى دول العالم !! رقم 7 كدا انا اثبت لحضرتك ان فية خلط كبير عند حضرتك بين تخصصات العلوم فى الحاسب الألى و تخصصات الهندسة فى الحاسب الألى و اللى دايما كنت بتحاول تدمج بينهم لتضليل القارىء او نظراً لخلط فى مفاهيمك .. رقم 8 بكل مناقشتنا دى فكدا انت بالرد بتاعك السابق بتثبت ان البوست اللى انت حطيتة بتاع اليونسكو توصيف قديم جداً و منعدم بدليل ان امريكا فيها علوم حاسب مندرج تحت كلية الهندسة فبكل كل الأحوال انت بتناقض كلامك مع ملاحظة انك حاولت تثبت بكل المقاييس انة تخصص مندرج تحت العلوم و ليس الهندسة و أدى أمريكا بتقولك فية تخصص مندرج تحت العلوم و تخصص مندرج تحت الهندسة و ان امريكا فيها كدا بغض النظر عن مصر و دة بيؤكد ان اى علم فية منة هندسة و فية منة علوم فى امريكا او اى دولة فهتجد علوم كيمياء و هندسة كيميائية و علوم جيولوجيا و جيولوجيا هندسية و هتجد نفس الحال يوجد علوم حاسب هندسية مندرج تحت كلية الهندسة و يوجد تخصص أخرج للعلوم الطبيعية و الحاسب مندرج تحت كلية العلوم فية ملحوظة مهمة لانك هتحاول تلعب عليها و هى انك هتقول لازم كليات الهندسة تفتح قسم علوم الحاسب زى أمريكا ههههههههههه . متحاولش تلعب فى السكة دى أصلاً لان باختصار كلية الحاسبات اتعملت علشان تبقى كلية هندسة فى علوم الحاسب من البداية و مثبت فى القرار الجمهورى لانشاء الكلية دة غير ان يبقى هبل لما يكون مصر مفهاش هندسة علوم الحاسب الى الان و يبقى كدا المجلس الأعلى للجامعات لو عمل كدا و وافق انة ينشىء قسم لعلوم الحاسب بكلية الهندسة يبقى بيقول انة متخلف عن كل الناس و كل الدول و يبقى برضو متخلف لان أصلاً عندة كلية كاملة فيها 8 تخصصات و خرجت خريجين سيطرت على السوق و يبقى بقى إتاكدنا انة أهبل لما يعمل قسم لهندسة علوم الحاسب و يسيب كلية كاملة ب 8 تخصصات بتاخد أكبر عدد بتاخد ما يقرب من 4000 طالب و يبقى قسم فى كلية الهندسة بياخد 80 او 100 طالب و كل دة علشان تعادل بكالوريوس العلوم و الأداب فى أمريكا لان الأولى و الأهم انك تتوسع فى التخصصات الهندسية لان أمريكا عاملة كدا بتدى أهمية للتخصص الهندسى و بتكاملة و بتعتمدة دة غير أصلاُ ان كلية العلوم فى مصر فيها التوصيف الأكاديمى دة و فيها أقسام لعلوم الحاسب تحت شعبة العلوم الطبيعية .. فبكل الأحوال المنطقة دى مقفولة أصلاً فمتحاولش تتكلم فيها لان كدا كلامك هيقول ان المجلس الأعلى للجامعات أهبل و نايم على روحة و متخلف عن كل الدول . نسيت أقولك حاجة تدل على انك نايم فى العسل و مش عارف اى حاجة .. انت قولت المقولة دى < شهادة البكالوريوس فى اللينك اللى انت أتيت به اسمه بكالوريوس العلوم (Bachelor of Science) مش بكالوريوس الهندسة أو حتى بكالوريوس العلوم الهندسية > فى أمريكا خريجين كلية العلوم فى أمريكا بياخدوا Bachelor of Arts اما خريجين كليات الهندسة بياخدوا Bachelor of Science فى أمريكا مفيش حاجة اسمها بكالوريوس هندسة و لكن يسمى بكالوريوس العلوم فى التخصص مثلا بكالوريوس العلوم فى الهندسة المدنية Bachelor's of Science و نفس الحال ينطبق على علوم الحاسب يوجد منة BA of Computer Science و دة الموضح فى اللينك التخصص المزدوج لعلوم الحاسب مع العلوم الطبيعية http://www.cs.gwu.edu/academics/unde...te_programs/ba و يوجد أيضا BS of Computer Science و دة الموضح فى اللينك تخصص هندسة علوم الحاسب المعتمد من هيئة Abet http://www.cs.gwu.edu/academics/unde...te_programs/bs بالتوفيق يا زعيم و مش عاوزك تنسى انك بتكلم فى شىء منعدم و غلط لآهداف مش هتقدر تحققها .. |
ياسيدى الفاضل هذا هو المختصر المفيد جدا :- 1- فى أمريكا هيئة abet التى تضع معاير محددة لمختلف التخصصات وبناء على هذه المعاير تعتمد الكليات وتخصصاتها وهناك معاير عامة وشروط واضحة للعلوم الهندسية ، وأيضا معاير أخرى للحوسبة يعنى أى تخصص تعتمده الهيئة كتخصص هندسى يجب أن يتفق مع معاير العلوم الهندسية 2- جميع تخصصات علوم الحاسب مثل (علوم الحاسب وتكنولوجيا المعلومات وغيرهم ) لا ينطبق عليهم أى معيار أو شرط من شروط المجالات الهندسية التى تضعها الهيئة لذلك هى وضعتهم فى مجالات الحوسبة وهذا أمر محسوم وواضح جدا فى موقع الهيئة وسبق انى أتيت باللينكات تثبت ذلك 3- أما التخصص الوحيد الذى به بعض المعاير المشتركة بالعلوم الهندسية هو تخصص هندسة البرمجيات فقط ومع ذلك فان الهيئة لا تعتمده الا اذا تم تطبيق جميع المعاير عليه يعنى يدرس جميع المواد الهندسية الأساسية وهذا أيضا واضح فى موقع الهيئة ولو راجعت تعليقى السابق هتلاقى اللينك الذى يثبت هذا 4- ولا ينفع أن يتم تطبيق هذا على باقى تخصصات علوم الحاسب الأخرى لأنها أصلا لا تشترك مع العلوم الهندسية فى أى معيار يعنى لاينفع أصلا ندرس بعض المواد ثم نقول أنهم أصبحوا هندسة لأن منهج الدراسة و العمل مختلف تماما عن الهندسة من الأصل لذلك لم تضعهم هيئة ABET ضمن تخصصات العلوم الهندسية من الأصل وهو عكس مافعلته ما تخصص هندسة البرمجيات الذى وضعته تحت التخصصات الهندسية بشرط تطبيق جميع المعاير الهندسية عليه وسبق أنى قولت هذا أكثر من مرة وهو أن علوم الحاسب بجميع تخصصاتها تم حسم أمرها بأنها ليست علوم هندسية وأن التخصص الوحيد الذى عليه جدال هو هندسة البرمجيات فقط لا غير يعنى لو حضرتك عايز تعرف تخصصك هندسة أم لأ ياريت لا تأتى بالينكات من جامعات وتفهم نفسك بنفسك ثم تستنتج ما تتمنى أن يكون عليه تخصصك ارجع الى الهيئة المختصة باعتماد التخصصات ووضع المعاير حتى تعرف تحت أى مجال يندرج تخصصك وفى هذه الهيئة الكلام واضح وصريح جدا وعندما أتيت بما يحدث فى مصر هذا لأثبت أن مايحدث فى مصر يتفق مع أمريكا أيضا ، وأوضح الصورة والحقيقة |
جميع الأوقات بتوقيت GMT +2. الساعة الآن 05:08 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.