معلش مش هقدر ادخل الفترة الى جاية ، ودى اخر نصايح ممكن اقدمهالكم ،

بالنسبة للعربى ، علشان تبقى ضامنه لازم تبقى حالل كتاب الامتحان والرساله ، يريت وانتم بتحلوهم فى النصوص والقصه والقراءة تحلوا بالقلم الرصاص او شفوى . علشان تبقوا تحلوهم تانى قبل الامتحان ، ده بالنسبة للناس الى هتطول مدة مراجعة ليلة الامتحان بتاعة العربى فهتلحق تحل الامتحان والرسالة تانى ،
النحو على الاقل خالص تبقوا حالين ال ١٠٠ قطعة نحو وال ٥٠ بتوع الثانوية العامة وال ٢٠ بتوع كتاب المدرسة ، الاهم. خالص ال ٥٠ وال ٢٠ للناس الى لسه محلتش ، وكمان بتوع دليل التقويم بتاع الوزارة ، والبلاغه عندكم اول ٣٠ قطعة بلاغة فى كتاب ال امتحان الاستاز اسامه مجاوبهم على اليوتيوب ، وكمان بلاغة بتاعة الثانوية العامه . النصوص خلوا بالكم من التعليق واقرأوه كويس ، كتاب الرسالة كان ملخصه بطريقة كويسه اقرأوه منه ،وذاكروه من كتاب المدرسه ونفس الكلام الادب .
بالنسبة للجزء التانى قصة هو رخم ، لكن هتلاقوا على اليوتيوب الاستاز اسامه عز الدين كان شارحه كله فى ساعتين ونصف بالخرائط الزهنيه حاجه كويسه اسمعوه وارسموا وراه الخريطه بتاعة كل فصل ، والجزء التانى هتبقوا حافظينه اكتر من الاول كمان .
حاولوا تدربوا نفسكم على التعبير ، وتظبطوا وقت الامتحان
كمان الاستاز اسامه عز الدين كان عامل مراجعه كويسه السنه الى فاتت تابعوه واكيد هيعمل كده السنادى

الانجليزى اهم حاجه عندكم اسئلة WB ,SB ,LongMan ,والسنوات السابقة كده يبقى انتم فى السليم ، وانتم بتراجعوا اقرأوا ال Reading , Listening كويس جدا ، وكتاب Gem كان عاملهم تحليل رائع اقرأوه كويس ، الكلمات بتاعة Key Vocabulary اهم حاجه و التعريفات اقرأوها وافهموها متحفظوهاش ، والتعبيرات .
على الاقل تكونوا حليتم كتابين فى الشرح ، وتكملوا ب اتنين فى المراجعه
امتحانات الثانوية العامة هتلاقوها متجاوبة كاملة من ٢٠١٤ لغاية ٢٠١٦ فى كتاب المعاصر مراجعة نهائية ، ومن ٢٠١١ ل ٢٠١٣ فى مذكرة المستر محمد عطا ديوشى على البوابه دوروا عليها وهتلاقوها وهو نفسه مؤلف كتاب المعاصر .

الفرنساوى ، الى مكنشى مهتم اوى يريت يبدأ كويس ويحل لأن دى اهم حاجه ، وهى ماده سهله جدا والحل اهم ميت مره من انك تذاكر ،
الى يغلب خالص لو جه بعد كل وحده وحل الامتحان الى عليها وبعد كده جه حلله ٣٠ او اربعين امتحان خلاص بقى الامتحان فى جيبه ، واكيد نفس الكلام فى الالمانى .

الفيزياء ، ابقوا اقرأوا كويس كتاب الامتحان مراجعه نهائية الملخص كل كلمه فيه ، الناس الى حلت وبتراجع متنسوش تراجعوا المسائل الى كنتم معلمين عليها بالاحمر ،
الناس الى لسه محلتش تبدأ بكتاب الامتحان بس الى هو بتاع الشرح مش المراجعه النهائية وتحلوا هو بس ، الامتحان بتاعنا على فكره مطلعشى براه غير مسألة كرشوف وبس ،
حلوا امتحانات كتيره ، وفيه كتاب نيوتن مراجعه نهائية كان منزل امتحانات كتيره متجاوبه ، حلوها
وابقوا حلوا امتحان ٢٠١٥ التجريبى فيه افكار عاليه جدا هتفيدكم كتير .


الكيمياء ، يريت تجيبوا كتاب الوافى مراجعه نهائية بتاع المستر محمد غزال ، وطبعا تحلوا امتحانات كتاب الامتحان مراجعه نهائية. ،

الأحياء والجولوجيا برضو تقرأوا كتاب الامتحان مراجعه نهائية الملخص الى عامله كويس جدا جدا .
بالنسبة للأحياء الى كان بيحل مع كتاب الامتحان شرح كتاب النفيس يحل دلوقتى الفايز والى كان العكس يعمل العكس .
والى محلش غير الامتحان بس عادى خالص يبدأ يحل اى واحد فيهم .

ملحوظه اخيره ، يوم ما حد يغلب خالص يروح يمسك الامتحانات الشامله ويبدأ يمسك السؤال ويحفظ الاجابه بعته لو عمل كده فى ٣٠ او ٢٠ امتحان ، صدقونى هيقفل الامتحان ، بكرر الى هيغلب خالص يجيب ويحل من ٢٠ ل ٣٠ الامتحان ويحفظ اجابتهم والله هيقفل بنسبة ٩٨٪ ، بس يريت مش فى الفيزياء الكلام ده او العربي

* ملحوظهه تانيه ، بيستغلوا نقطة ضعفكم فى نهايات الدروس لأن همتكم بتبقى خلاص خلصت ومش بتدوها حقها ، وده الى حصل فى امتحان العربى سنة ٢٠١٣ كان معظمه كان اجابة السؤال فى اخر سطر فى الدرس ، شفتوا اخر سطر . فخلوا بالكم

اخر حاجه ، متقلقوش بيكرروا امتحانات السنوات السابقه بيكرروا ، بيكرروا علشان الناس الى بتقول مش مهمه .
احنا امتحان الفيزياء بتاعنا كان صعب لكن كان كله امتحانات سابقه ، ايه يعنى صعب بس انت حليت الفكرة دى قبل كده .

ربنا معاكم .
الى عايز يسألنى فى اى حاجه انا اخر يوم هكون معاكم فيه النهارده ،

معايا العمالقة وهنشتغل منه

ممكن حد يجاوب على الاختيار 25 في الدرس الاول التيار المتردد صفحة 181 في كتاب الامتحان

الناتج هيبقا (10mF) ان شاء الله
عندنا C مجهولة ..وعاطينا فرق الجهد وشدة التيار
يبقا علي طول نجيب Xc عشان منها نقدر نجيب ال C المجهولة ..ودا بالتعويض في القانون Xc=V÷I ..هتطلع 250 اوم
طيب كدا بقا عندنا Xc المكافئة ..يبقا نجيب C المكافئة
Cالمكافئة ل اول مكثفين هتساوي حاصل ضربهم علي مجموعهم ..عشان هما متصلين علي التوالي وهيطلع الناتج (10 اس سالب 5 فاراد )
كدا لسا C المكافئة ل المكثف اللي فوق واللي تحت ..هتساوي مجموعهم ..(10اس سالب 5 + c)
وبعد كدا بقا هنعوض في القانون
Xc =واحد ÷ (اتنين ×باي ×التردد × [10اس سالب خمسة +c] )
250 = واحد ÷(200 × [10اس سالب خمسة +c] )......بعد التظبيطات بقا
c =
10 اس سالب خمسة فاراد
متنساس التحويل لميكرو فاراد

نفس اللي عملته وطلعت نفس النواتج كده لحد 10 اس سالب 5 فتقريبا في غلطة في الحساب في اخر خطوة
شكرا جزاكي الله خير :078111rg3:

ولك بالمثل ان شاء الله 😁

اهميه الضلوع ايه
احياء

نفس اهمية القفص الصدري يا نور
-حماية القلب والرئتين
-تساعد حركة الضلوع في عملية التنفس ...
حيث :
- تتحرك الضلوع اثناء عملية الشهيق الى الامام والجانبين ، لتزيد من اتساع التجويف الصدري
- تتحرك الضلوع اثناء عملية الزفير عكس ما تم في عملية الشهيق
ولو حبيتي تزودي
تتصل من الخلف بجسم الفقرة الظهرية ونتوءها المستعرض من الخلف وبعضها يتصل بعظمة القص من الامام

شكرا بحسب ليها وظيفه تانيه

نحووو

لن تقوم الامة الا بسواعد الشباب ضع غير بدل الا واضبط ما بعد غير

لانه ليس خاضعا للقوانين اعرب للقوانين

☆لن تقوم الأمة بغير سواعد الشباب
سواعد : مضاف اليه مجرور وعلامة جره الكسرة

☆للقوانين
الام : حرف جر
قوانين: اسم مجرور بعد الام وعلامة جره الفتحه لانه ممنوع من الصرف (صيغة منتهى الجموع )

لن تقوم الأمة بغير سواعدِ الشباب

للقوانين: اللام حرف جر ... والقوانين اسم مجرور بحرف الجر (اللام) وعلامة جره الكسرة الظاخرة (كسرة عشان معرف بأل)

احسنتما

اهم حاجة ان مفيش حد عمل علامة الاعراب الياء . ودا المهم

ايوة مظبوط

بتذاكرو فزياء منين