بوابة الثانوية العامة المصرية - للرد على اى سؤال او استفسار هنا فقط

الترتيب صحيح يا مؤمن بس مش حسب الطاقة هو ترتيب حسب البعد عن النواة وسوف تعرف في الباب الخامس أنه ليس عنصر انتقالي لإكتمال المستوى الفرعي d بعشرة إلكترونات ولذلك تكون الاجابة الصحيحة عنصر من
عناصر المجموعة 2B

واحد من البشر

05-09-2009 03:16 AM

السؤال الاول

1-التفريغ الكهربى
2 الطيف الخطى لاشعة الشمس
3 ميكانيكا الكم
4 المستوى الفرعى f
5 اعتقاد فلاسفة الاغريق عن الذرة
6 مبدا البناء التصاعدى

السؤال التانى

6 مستويات فرعية
هم 1s2
2s2 , 2p6
3s2,3p6,3d10

واحد من البشر

05-09-2009 03:27 AM

السؤال التالت مش فاهمه

السؤال الرابع اجابته ايون شحنته +3 لان عدد الالكترونات اقل من عدد البروتونات بمقدار 3 اى انه فقد تلاتة الكترونات

mortal

05-09-2009 05:51 PM

نصف القطر الايونى هو الفرق بين طول الرابطه الايونيه ونصف قطر الايون الاخر

والمركبان متساويان فى طول الرابطه على مافهمت السوال لان طول الرابطه هى طول المسافه بين نواتى ذرتين متحدتين
وهما نفس العنصران مع اختلاف التكافوء
وانتظر توضيح حضرتك يا استاذنا الفاضل استاذ سيد عثمان

el_magic

05-09-2009 06:02 PM

اقتباس:

عرف نصف القطر الأيوني ثم بين ايهما أطول الرابطة في CrO أم فيCr2O3 ولماذا؟

نصف القطر الأيونى : هو نصف المسافة بين مركزى الايونين فى البلورات الأيونية

واعتقد انى Cr2o3 اطول لان طول الرابطة الأيونية يعتمد على عدد الالكترونات المفقودة والمكتسبة

nabil_11_2005

06-09-2009 12:14 AM

هى اه الاجابه الصح بتاعت نصف القطر الايونى

سيد عثمان

06-09-2009 12:43 PM

إجابة نصف القطر صحيحة ولكن الرابطة في Cr2O3 أقصر من الرابطة في CrO فكر لماذا

سيد عثمان

06-09-2009 12:44 PM

السؤال التاسع

عنصر ايونه يحمل شحنتين سالبتين وينتهي بالمستوى الفرعي3p6
حدد :- فئة العنصر - نوع العنصر - رقم الدورة له - رقم المجموعة له -اكتب التوزيع الإلكتروني لذرته

MOUMEN

06-09-2009 01:05 PM

بما ان الايون بينتهي ب 3p6
والايون ده مكتسب 2 الكترون
يبقى العنصر هينتهي ب 3p4
اذا يبقى الفئة p
النوع ممثل
الدورة 3
المجموعة 6a
يا رب يطلع صح

لوفلى طالبه

06-09-2009 01:19 PM

ههههههه
انت دايمن سابقنى يا مؤمن
يلا احل وخلاص
هى ايون سالب يبقى اكتسب 2
وهو منتهى ب3p6
يبقى فى الاصل 3p4
يبقى التوزيع لذرته
1s2 2s2 2p6 3s2 3p4
يبقى
الدوره الثالثه
المجموعه 6A
النوع ممثل
الفئه p
بس
يارب تكون صح

سيد عثمان

06-09-2009 05:17 PM

صح يا لوفلي الله ينور عليكي واجابة مؤمن صحيحة أنتوا الأثنين ممتازين

سيد عثمان

06-09-2009 05:22 PM

السؤال العاشر

فسر لما يأتي
1-الرابطة في جزيء النشادر تزيد طولا عن الرابطة في جزيء الماء
2-التغير في نصف القطر عند الانتقال من دورة لدورة تالية يكون أكبر منه عند الانتقال من مجموعة لأخري

el_magic

06-09-2009 05:32 PM

اقتباس:

1-الرابطة في جزيء النشادر تزيد طولا عن الرابطة في جزيء الماء
2-التغير في نصف القطر عند الانتقال من دورة لدورة تالية يكون أكبر منه عند الانتقال من مجموعة لأخري

1::

لان نق النيتروجين اكبر من نق الاوكسجين

2::
لان تأثير فتح مستوى طاقة جديد يفوق تأثير إدخال شحنة موجبة

وياريت إجابة السؤال دا يا أستاذ عثمان لانى موصلتش لحاجة

اقتباس:

ولكن الرابطة في cr2o3 أقصر من الرابطة في cro فكر لماذا

ممكن مثلا لإختلاف عدد إلكترونات التكافؤ فالرابطة هتكون متقسمة على عدد اكبر من الذرات

سيد عثمان

06-09-2009 05:46 PM

ولكن الرابطة في cr2o3 أقصر من الرابطة في cro فكر لماذا

في Cr2O3 يكون أيون الكروم عليه ثلاث شحنات موجبة( لأنه هنا ثلاثي التكافؤ) وفي CrO يكون على الكروم شحنتين موجبتين فقط ( لأنه هنا ثنائي التكافؤ) ومن المعروف كلما زادت الشحنة الموجبة على الأيون زاد جذب النواة للإلكترونات فيقل نصف القطر وبالتالي تقصر الرابطة

لوفلى طالبه

06-09-2009 08:45 PM

لسه مش اخدنا الحاجات دى علشان كده مش فاهمه حاجه
*-*

جميع الأوقات بتوقيت GMT +2. الساعة الآن 03:55 PM.

صفحة 131 من 975

131