ههههههه

ربنا يستر علينا أنا عمال باشنق من امبارح ..

عموما شكرا لمجاملتك الرقيقة وربنا ينفع بينا الناس .. وينفعنا بك ..

على فكرة باتأسف لك جدا لأني قريت كلامك بسرعة بس لما رجعت وقرأته تاني اتضحت الصورة .. وأنا برضه باكرر كلامي إن الاول يجب احترامه مهما كانت دفعته .. ولا تليق معاملته إلا كأول وإلا فلا تقدم ولا رفعة لهذا البلد .. أولوية القدم ليست بسبب حصولهم على درجات علمية أعلى .. ولكن لأنهم عانوا بعد التخرج لفترة .. وهذا لا يعني عدم أحقية الأحدث .. وبعدين إذا كانت دي مقترحات الحكومة .. فإننا كلنا نؤيد الحل الأخير القائل الكل يتعين رغما عن الاحتياج ..

أنا بوجه كلامي لأخوتي الصغار المشاغبون : بوسكو و كيميائي و شريف2011 .. وإن كان الأخير حديث الانضمام إلا أن الواحد والله كان محروم الفترة اللي فاتت دي من مشاغباتكم .. ودول بيمثلوا قوى المعارضة اليمينية واليسارية في المنتدى .. ده على أساس إن انا الحكومة يعني .. ههههههههه

بص بقى ياعم بوسكو الأول انا عبد الرحمن أخوك مش وزير التعليم العالي ولا نحاس بيه بتاع التنظيم والإدارة .. وانا نقلت مايدور بالكواليس وليس قرار الحكومة .. وقلت 3 اقتراحات مطروحة للبت في إحداها ليه احنا نركن على حل معين ونتوقعه؟؟

وانت دلوقت يا بوسكو الدرجات موجوده كتير آه طبعا فيه درجات للناس اللي مشيت معاش لكن هل فيه أماكن فاضية ؟؟؟ لأ الأماكن الفاضية أقل بكثير من الأماكن الممكن استيعابها للأوائل ودي حقيقة وأي واحد فاهم أو له تعامل مع الحكومة عارف كده كويس .. ليه؟؟ مش المفروض اللي يطلع ع المعاش يجي زيه ؟؟

المشكلة بقى في إيه ؟؟ سرت في الدولة في السنوات الأخيرة فكرة التعيين المؤقت .. كان الواحد يطلع معاش يجيبوا مكانه 10 مؤقتين واتنين تلاتة تعيين ثابت بالكوسة .. لما قامت الثورة أمرت بتثبيت المؤقتين .. يعني المكان أصبح مكدس ..

طيب والأوائل مالهم مش ليهم حق ؟؟ انت بتحسبها بسنين تفوقك والحكومة للأسف بتسبها بالأرقام .. يعني خرج واحد معاش وعندنا 10 مكانه يبقى فيه تكدس مالهومش دعوة هم بقى بالباقي ..

انت دلوقت بتقول الشغل كتير وانا بفلوسي هتعين ... وبعديها بتقول لأ الاعتصام هو الحل .. أنا بقى باقولك لو انت ناوي تدفع فلوس وتتوظف ما اعتقدش إن ده متاح دلوقت لأن لا فيه مجلس شعب ولا شورى وكبار الناس بتوع النظام وقعوا فانت مش عارف هتدفع لمين علشان يعينك وهل الراجل ده صادق والا بينصب عليك ؟؟

أما بخصوص الاعتصام فده أنا باشجعه وبدعوا الناس إليه بسبب تحريك الموضوع والأوضاع للأمام ..

إلغاء قرار التثبيت دي إشاعة مش عارف مين مصدرها بس الناس استلمت على الثالثة .. وده أمر منتهي خلاص ..

لم ينتهو من حصر اسماء البنات
ان شاء الله ينتهو اليوم

that's nice

حتى اليوم لا يوجد جديد فى جامعات الأزهر الساعه الان 11 صباحا وعلى انتظار تنفيذ الوعود ونشوف رئيس الجامعه ومصدقية كلامه ايه وربنا ان شاء الله ينصرنا

الى الان لم يوجد جديد ولا تم ارسال للأسماء الى التنظيم ولا حاجه الساعه الان 11 صباحا واحنا فى الجامعة ومنتظرين رد رئيس الجامعه ووعده لنا ان يوم الاحد أمس كان آخر مهله وبكده هنعرف من السبب وراء هذه المماطله وعلى فكره فيه ناس مش هتمشى الا متاخذ في ايديها الأسماء وترحو بها التنظيم زى جواب الدرجات وخلى الا قاعد فى بيته مستنى واحد يجبله حقه سلام

بسم الله الرحمن الرحيم

لقيت الخبر ده نازل امبارح



"التنظيم والإدارة" يوافق على تعيين أوائل الجامعات من 2003 وحتى 2010

الأحد، 14 أغسطس 2011 - 12:00

http://www.youm7.com/images/NewsPics...0116182031.jpg
كتب وليد عبد السلام
http://www.youm7.com/images/graphics/lg-addthis-en.gifhttp://www.youm7.com/images/graphics/igoogle.gif
أكد مصدر مسئول بالجهاز المركزى للتنظيم والإدارة أن الجهاز بدأ فى حصر الدرجات الوظيفية بكافة الجهات الإدارية بالدولة والتى تصل إلى نحو 720 وحدة لتحديد الاحتياجات الفعلية لها، لتوزيعها على أوائل الخريجين بالجامعات الحكومية بالدفعات من 2003 وحتى 2010.

وقال المصدر فى تصريحات لـ "اليوم السابع" إن الجهاز وافق على تمويل 6 آلاف درجة وظيفية لتعيين أوائل خريجى كليات جامعة الأزهر للعام الحالى، مشيراً إلى أنه تم إخطار وزارة المالية لتوفير الاعتمادات اللازمة لهذه الدرجات.

وأشار المصدر إلى أنه تم تثبيت العماله المؤقتة بهيئة المجتمعات العمرانية الجديدة وأجهزة المدن والمستوفين لشروط التثبيت، على أن يتم مخاطبة وزارة المالية بها لاعتماد التمويل اللازم.

وكانت الهيئة انتهت من مراجعة إجراءات تثبيت المرحلة الأولى وإرسالها لوزارة المالية ليصبح عدد المدن الجديدة التى تم إرسال بيانات العمالة المؤقتة بها 16 جهاز ومدينة، بالإضافة إلى رئاسة الهيئة.

الخبر ده نزل التلات اللى فات واتعرض من أحد الأعضاء بس فى الأول والأخر ده كلام جرايد

http://www.youm7.com/News.asp?NewsID...D=65&IssueID=0

ده الخبر من جريدة اليوم السابع بتاريخ الأحد و لو مكرر يبقا مخسرتش حاجة

شكرا للأخت أم رهف على التوضيح ويارب ينتهوا من استكمال أسماء البنات كما قولتى
وأتمنى أن يعلنوا الأسماء حتى يطمئن الناس ويذهب القلق والتوتر
مش عارف ليه التأخير كده المفترض ان البيانات جاهزه من زمان وحتى لو مش جاهزه فى وجهة نظرى اعدادها لا يستغرق كل هذا الوقت يا ريت الموظفين يبطلوا الروتين ده بقى

تحياتى للدكتور عبد الرحمن أنا سعيد ان الكل بيحترم حضرتك بهذه الطريقه أكيد انت تستحق هذا الاحترام وجزاك الله خيرا على ما تقدمه من معلومات موثوق منها يستفيد منها الكثير فى المنتدى
وياريت حضرتك تتابع معانا موضوع تعيين أوائل الأزهر معيدين خصوصا ان كان هناك تصريحات من الجامعه ان الموضوع هيخلص اليوم الماضى الأحد والى الأن لم يتم استكمال البيانات المطلوبه ولا تم اعلان أسماء حتى يستريح الأوائل
ولحضرتك منى خالص الاحترام والتقدير وشكرا