|
الله ينور عليكى يا nogha
لخصتى سنة اولى فى سطرين ربنا يوفق كل اللى داخلين سنة اولى ولازم يعرفوا النظام كويس قبل ما يدخلوا لان احنا اول ناس اطبق علينا نظام الساعات المعتمدة ومكناش فاهمين حاجة خااااااااااااالص واعتقد برده ان فى حاجات لسه مش فاهمنها ربنا يسترها معانا |
السنه الجايه باذن الله
|
تمام يا نهى شرحك كده انا بس هضيف الكلام بتاع الدليل..
معيار الساعة المعتمدة معمول عشان نقارن المقررات ببعضها...يعني بالبلدي كده في مقررات تقيلة و طويلة و في مقررات صغيرة بسيطة.. فعشان كده بنقول المقرر ده ساعة واحدة معتمدة و ده ساعتين و ده تلات ساعات...و انت عشان تتخرج من الكلية لازم تنجح في مقررات مقدارها يساوي140 ساعة معتمدة(ما تخافوش مش معناها مقررات كتير ده فيالترم الاول هتاخدو 15 ساعة يعملوا سبع مواد يعني ميخضكوش عدد الساعات). النظام بيحتوي على كذا نوع من المقررات.. في اول حاجة اسمها متطلبات كلية و دي 25 ساعة معنمدة لازم تاخدها في اولى مفيهاش اختيار و كل شعبة من التلاتة بتختلف عن التانية في المقررات و بيشتركوا في بعص المقررات زي مقررات الكيمياء. في حاجة اسمها متطلبات جامعة. .و دي بتبقى مواد ثقافة عامة مش علمية..و متطلبات الجامعة دي جزئين ..جزء منها اجباري و جزء منها تختار من بين كذا مادة. الجزء الاجباري سبع ساعات ساعات (ساعتين لغة انجليزية-ساعتين لغة عربية-ساعة حقوق انسان-و ساعتين حاسب الي). الجزء الاختياري بتختار 3 ساعات ساعات من بين مقررات كتير زي (مدخل قانون-مبادىء ادارة- محاسبة-مقدمة في علم الاثار-علم نفس-فسلفة..ألخ). في حاجة كمان اسمها متطلبات القسم العلمي و دي بقى اهم و اكبر متطلبات..و هنا لازم تعرف انك هتتخصص في تخصصين واحد رئيسي و التاني فرعي يعني مثلا كيمياء/فيزياء يبقى كيمياء رئيسي و فيزياء فرعي بتدخل الرئيسي في تانية و الفرعي في تالتة.(و في حاجة اسمها شعبة خاصة او سبيشيال و دول الاوائل بقى بيتخصصوا حاجة واحدة بس و بتبقى مركزة على علم واحد). نرجع لمتطلبات القسم العلمي و دي فيها تلات حاجات.. مقررات التخصص الرئيسي 66ساعة معتمدة منه42 اجباري و 24 انت بتختارهم من مقررات التخصص... مقررات التخصص الفرعي 30 ساعة فيهم 18 اجباري و 12 بتختارهم من مقررات التخصص.. و اخر حاجة من متطلبات القسم العلمي حاجة اسمها مسار حر (يعني انت بتختارها بنفسك و مش شرط تكون علمية ولا شرط تكون في تخصصك لكن يستحسن انها تكون تخدم تخصصك). عايز اقول كمان ان مش كل المقررات الاختيارية بتتعرض في كل فصل دراسي ولا حتى الاجبارية ده على حسب. و كمان عايز اقول ان نتيجتك التراكمية بعد كل ترم هي اللي بتحدد عدد الساعات اللي مسموحلك تاخدها في الترم اللي جاي يعني لو تقديرك قليل بيتسمحلك بعدد ساعات اقل و الحد الاقصى لعدد الساعات للطالب في الترم 18 ساعة و الحد الادنى 12 ساعة...و بكده يبقى اللي نتيجته وحشة لو فضل كده هياخد مقررات اقل و بالتالي ممكن يتأخر في تكملة الـ140 ساعة فيقعد اكتر من 4 سنين ...(بس اطمنوا ده بيبقو الواقعين). و ممكن العكس تقدر تخلص الـ140 ساعة في اقل من 4 سنين و انت و شطارتك. |
اقتباس:
اقتباس:
قسم الجيولوجيا برده من الأقسام الجامدة و بسمع عنه حاجات جميلة و الله |
طبعا بعد كل الشرح و اللخبطة دي ..هتقولو يا نهار ابيض احنا هنعمل كل ده لوحدنا اكيد هنغلط او ننسى حاجة او نختار غلط.
عشان كده في حاجة اسمها المرشد الاكاديمي و دول بيقعدوا في مكتب الارشاد الاكاديمي و بيكونوا دكاترة في الكلية عادي بس فاهمين النظام و مشرفين على تطبيقة .. و اختاير و تسجيل المواد بيكون عندهم و لما تروحلهم بيفهمك لو في حاجة مش فاهمها و بيقولك ايه الاحسنلك عشان تختاره.(حاجة زي خدمة العملاء كده). اخر حاجة بقى التقديرات..النتيجة بتتحسب بتقديرات و ليها رموز بالانجليزية: A امتياز مرتفع A- امتياز منخفض b+ جيد جدا مرتفع b جيد جدا منخفض b- جيد مرتفع c+ جيد منخفض المقبول برضه فيه درجات: c c- d+ d اما و العياذ بالله الرسوب رمزه F كل رمز من دول بيساوي عدد معين من النقاط و رمز تقديرك العام بيحدده حاجة اسمها المعدل التراكمي او GPA اختصار great point avarage المعدل بيكون من 4 يعني انا مثلا معدلي التراكمي لغاية دلوقتي 2.5 من4 المعدل بيتحسب بطريقة معينة يطول شرحها عشان في ناس بتتلخبط فيها. المهم ان بعد ما تحسب معدلك بتشوف معدلك اللي هو عدد النقاط واقع في انهو رمز من رموز التقدير..و يبقى هو ده تقديرك العام. اخيرا بالنسبة للي داخل شعبة علوم طبيعية: هياخد في سنة اولى :المواد الاساسية (الاختياري بقى كل واحد بيختار مواد غير التاني). -رياضيات بحتة1 (تفاضل و تكامل و هندسة تحليلية) 3 ساعات معتمدة -رياضيات تطبيقية2(ميكيانيكا) ساعتين -فيزياء عامة 1 (النظري حرارة و خواص مادة و العملي مجموعة هياخدوحرارة و خواص مادة و مجموع هياخدو كهرباء و بصريات). 3ساعات -كيمياء عامة 1(عضوية و غير عضوية) و دي مشتركة بين فيها كل الشعب. 3 ساعات -كيمياء عامة عملي (عضوية و غير عضوية):و دي مستقلة عن النظري عكس الفيزياء العملي و النظري على بعض و برضه مشتركة بين كل الشعب. 1 ساعة -لغة انجليزية ساعتين -حقوق انسان ساعة بس مش داخلة في التقدير -رياضيات بحتة2(تفاضل و تكامل و جبر) 3 ساعات -رياضيات تطبيقية( 2ميكانيكا) ساعتين -فيزياء عامة 2(كهرباء و بصريات) نظري والعملي اللي كان في الترم الاول مثلا كهرباء و بصريات هيبقى خواص مادة و حرارة و العكس). 3 ساعات -كيمياء عامة 2(كيمياء فيزيائية) مشتركة.3 ساعات -كيمياء عامة عملي 2(كيمياء فيزيائية) مشتركة برضه.1 ساعة + المواد الاختيارية. يا رب يكون حد فهم حاجة .. انا معملتش غير اني ترجمت الدليل بتاع الكلية بالعامية |
بص يامحمد من الاخر انا مش فاهم حاجة اكيد لانى لسا مدخلتش كلية العلوم
لو تعرف تبسط كلامك شوية علشان كل واحد داخل اولى يقدر يفهم ياريت بلييييييييز يعنى مدة دراسة الانجليزى مثلا ساعتين فى الترم متضحكش عليا بجد انا مش فاهم |
انا لسه كنت هضيف الحتة دي .. سوري يمكن اسلوبي مش واضح.
شوف .. اي محاضرة نظرية مدتها ساعة كل اسبوع بتكافىء ساعة معتمدة و المحاضرة اللي مدتها ساعتين في الاسبوع بتكافىء ساعتين.. و كل درس عملي مدته 3 ساعات بيكافىء ساعة واحدة. و لو درس عملي مدته اقل من 3 ساعات اسبوعيا يبقى مش بيكافىء ولا ساعة معتمدة. يعني مثلا مقرر الكيمياء النظرية1 محاضرات مدتها 3 ساعات كل اسبوع يبقى دي بتكافىء 3 ساعاتمعتمدة. الكيمياء العملية دي تعتبر درس عملي و مدة السكشن العملي 3 ساعات يبقى دي 1 ساعة معتمدة. انت قلت مدة دراسة الانجليزي ساعتين في الترم طبعا لا هي ساعتين في الاسبوع. و اي حاجة مش واضحة تانية قول. |
انا ان شاء الله اولى علوم اسكندريه رياضه
ممكن اعرف التقديم امتى مرحله تانيه؟؟؟ |
شكرا جدا يامحمد بجد انا عاجز عن شكرى لك
وان شاء الله لو فى اى حاجة حسألك |
اقتباس:
بس معلش انا بردو لسا فى شوية استفسارات لو يا ريت يعنى ينفع تكلمنى عالايميل وهو موجود تحت البروفيل انا اسف معلش انا عارف انى تقيل بس اعذرنا بقا وربنا يوفق الجميع ياااااااااااااااااااااا رب |
اقتباس:
بس على فكرة نظام الساعات ده انا مكنتش فهمة هو ليه جامد غير لما قارنت ما بينه و بين النظام العادى القديم ده و فعلا حتى الناس كلها اللى اكبر مننا بتقولى يا بختك الحمد لله بس مش عرفة ليه حسه ان الناس دول حسدونا ههههههههههههههه ما شاء الله ربنا يكرمك يا محمد.فوكس بصراحة افادتنى انا كمان كان فيه حاجات مكنتش فهماها و فيه حاجات مكنتش اعرفها اصلا يلا الحمد لله كويس انى عرفتها دلوقتى لسا متأخرناش |
فعلا يا nogha احنا اتحسدنا جااااااااااااامد لكن الحمد لله على كل شىء
شكرا ليك يا محمد فوكس وضحتلى حاجات كتييييييييييييير اوى مكنتش فاهماها وقعدت اضحك على نفسى اكنى اول مرة هدخل الكلية بس مشكلة النظام ده انه جديد فانا حاسة انهم بيطبقوا اللى فاهمينه بس |
العفو يا جماعة
l0vely girl هم قبلوا يدربوا اولى علوم في شركة ادوية؟ اصل يعني بيتهيألي ان احنا لسه مدخلناش في الغويط في الكيمياء؟ انا كنت ممكن اتدرب في شركة بترول بس قولت خليها السنة الجاية عشان ابقى فاهم كيمياء اكتر (على فرض اني داخل كيمياء)عشان ابقى فاهم و كمان عشان السمر كورس. |
اقتباس:
ده مش مجرد احساس دى فعلا الحقيقة هما فعلا بيطبقوا اللى فهمينه بس يعنى المفروض ان من ضمن النظام الجديد نظام التحسين و لغاية دلوقتى لسا مطبقش و اللى قالى كدة دكتور سيد منصور اقتباس:
هى مش الكلية اللى بتنزل التدريب ده و اللا كل واحد فأى وقت بيروح اى حتة يدرب فيها؟؟؟ |
اقتباس:
ايوة قبلوا يدربوا اولى علوم لان هما اللى طالبين ناس يتدربوا و مكنوش شارطين قسم معين لو حابب تعرف تفاصيل اكتر اتفضل اسأل و متضيعش اى فرصة تدريب تجيلك لانهم بيدوا شهادات خبرة معتمدة حتنفعنا بعد كده سلام |
اقتباس:
الكلية بتنزلنا تدريب من سنة تالتة بس انتى ممكن تنزلى تدريب ف اى وقت لو عايزة |
بمناسبة التدريب ممكن الواحد يدرب بعد اولى بس انا سالت ناس كتير اتخرجوا من علوم وقسم كيميا كمان انهم ادربوا بعد تانية عشان الواحد يكون فاهم اكتر لان كيميا سنة اولى ما هى الا مبادىء بس
|
اقتباس:
اللهم اهديني و اهدي جميع المسلميييين |
اقتباس:
اقتباس:
اللهم لا تؤاخذنا بما فعل السفهاء منا |
ايه اخبار الدراسة..تقريبا جدول الامتحانات نزل.
و الله كنت بفكر انسحب من اسبوع على الاقل احافظ على معدلي لأني هنزل اكيد بعد الكورس ده . محدش يعرف ينفع انسحاب لسه ولا لا؟ سلام.. |
بصراحه يا جماعه الموضوع ممتاز انا اقدرت اجمع شويه معلومات منه كويسه بس برضه فى حاجه عايزاكوا تفدونى انا ان شاء الله داخله اولى علوم بس محتاره بين علوم طبيعيه وجيولوجيا ياريت اى حد يسمع اى حاجه عنهم ياريت يفدنى .. انا كنت عايزه اعرف التخصص من سنه كام !!! وبعدين ليه فى ناس يتاخد عربى !! وشكرا ليكم |
التخصص ده حاجة ترجعلك .. لو بتكرهي الرياضة زيي يبقى متدخليش علوم طبيعية ..
الجيولوجيا فيها حفظ اكتر. لو عايزة فيزياء و كومبيوتر يبقى علوم طبيعية..و كمان في كمياء. الجيولوجيا في جيوفيزياء يعني علم طبيعة الارض و جيولوجيا و كيمياء برضه. التخصص بقى من سنة تانية..و الناس بتاخد عربي لانه زي ما قولت في شرح النظام ان لازم الطالب يدرس مواد ثقافة عامة. |
اقتباس:
انا بصراحة كنت لسه بسأل لو فيه طريقة انسحب بيها لأنى خايفة من مدخل القانون ده اوى و الدكتور لغاية دلوقتى مدناش المذكرة بتاعته انا مكنتش عرفة ان فيه حد واخد مواد فى السامر و معرفش برده ان الجدول نزل ياريت تقولولنا كدة المواعيد تقريبا تبدأ امتى و تخلص امتى انا ان شاء الله حروح الكلية انهردة و حدور عالجدول اقتباس:
اقتباس:
|
السلام عليكم
ازيكو يا جماعه ربنا يوفقكم جميعا ان شاء الله و تحققوا كل اللى تحبوه ان شاء الله اعتبرونى صديقه جديدة ليكم انا بكالريوس علوم لسه السنادى بس دمياط اتمنى انى اقدر افيدكم باى حاجة |
مش عارفه بصراحه اذا كان ينفع الانسحاب و لا لأه خصوصا بعد امتحان الميد تيرم ...... بس جيت على الاخر و بتفكر تنسحب يا فوكس ...طيب ليه ؟!! مش باقي كتييير يعني ..دول هما كلهم محاضرتين في الميكانيكا .... و بعدين ما انا كمان باخد سامر كورس في الميكانيكا .. و امتحان الميد تيرم كان حلو اوي بصراااحه ..و سهل جداااا ..و على فكرة بيجيبوا الامتحانات سهله في السامر كورس ..يعني ان شاء الله تقديرك مش هينزل و لاحاجه .. بالعكس ممكن يزيد.....
طيب و حتى لو هتنسحب يعني ...مهو لازم تاخد الميكانيكا 2 و البحته ..اذا مش في الصيف ده يبقى في التيرم الاول في السنه الجايه...وكده المواد هتزيد عليك ...من رايي تكمل... و الامتحانات هتبتدي يوم السبت 29 ,, الجدول نزل و متعلق في الكليه |
اقتباس:
انا الحمد لله بحب الرياضه جدا والكيمياء برضه بس اكتر حاجه بكرها الفيزيا بالاخص الحفظ الى فيها انا كنت عايزه اسال حضرتك سؤال ايه الفرق بين الكمياء من جيولوجيا ومن علوم طبيعيه !! انا كمان عايزه اعرف فى اسبيشال فى الاتنين وبجد انا متشكره جدا لردك وجزااااك الله كل خييير |
اقتباس:
بصى يا ستى انا بحب الرياضه اوووى والكمييياء والفيزياء ساعات :blush: بصى انا كان املى فى هندسه نوويه او اى حاجه فى قطاع البترول والكيماويات هل فى حاجه من دى اقدر ادرسها من خلال علوم .. بجد ميرسى لردك ياقمر |
ياجماعة انا عندى شوية اسئلة
انا داخل لسه اولى علوم ونفسى ابقى مهندس بترول فقالولى عليك وعلى شعبة الجيولوجيا وقسم الجيو فيزيا القسم ده جامد وحيدخلك اللى انت عايزه وساألت عليه ناس تانية وقالولى شعبة الجيولوجيا دى شعبة وحشة والناس اللى مش بتذاكر بتخشها هل الكلام ده سليم........؟ وفى سؤال لاستاذةnogha بعد اذنك هو فرق الدرجات بينك وبين علوم اسكندرية كان اد ايه لما حولتى علشان انا جتلى علوم طنطا وفرق الدرجات بينى وبين اسكندرية درجة ونص ومش عارف ححول ولا لآ..................؟ |
بعد اذنك يا perfect girl انا ممكن ارد على اسألتك انا معاكى ف علوم اسكندرية و داخلة تانية ان شاء الله قسم علوم طبيعية
الاول بس احب اقولك ان الفيزياء ف قسم علوم طبيعية تعتبر كانت من اسهل المواد عندنا و باجماع من الطلبة كلها و ممكن اى حد يقولك الكلام ده ف متقلقيش منها لو انتى عايزة تدخلى علوم طبيعية ثانيا الكيمياء مادة مشتركة بين اقسم الكلية التلاتة بيولوجى و جولوجيا و علوم طبيعية يعنى واحد ف التلاتة مفيش فرق و اللى انا اعرفه ان فيه كيمياء سبشيال من علوم طبيعية بس مش عارفة موجود ف جولوجيا ولا لأ ثالثا بقا لو انتى عايزة تدرسى حاجة ليها علاقة بالبترول و كده يبقى مفيش ادامك غير قسم جولوجيا و بردوه حتلاقى حاجة تخص الكيمياء و الكيماويات ف جولوجيا علوم طبيعية مفيهوش حاجة للبترول بس متعمق ف مجال الكيمياء و الكيمياويات و لو دخلتى علوم طبيعية ف المواد اللى حتدرسيها هى كيمياء - فيزياء - رياضة بحتة - رياضة تطبيقية ( الميكانيكا ) - لغة انجليزية - حقوق انسان ده ف الترم الاول ف الترم التانى حتدرسى كيمياء - فيزياء - بحتة - تطبيقية - كمبيوتر ( برمجة ) - و مادتين اضافتيتن تختاريهم انتى من مجموعة مواد اضافية .. انا عن نفسى كنت اخده برمجة اضافى و لغة عربية يا رب اكون عرفت افيدك و لو في حاجة تانية عايزة تسألى فيها اتفضلى اسألى |
بص يا وليد الكلام اللى انت سمعته عن قسم جولوجيا انه وحش و بيدخله الناس اللى مش بتذاكر ده بردوه نفس الكلام اللى سمعته لما كنت داخلة الكلية بس حاقولك على حاجة اللى عايز يذاكر حيذاكر وهو ف اى قسم و ملهوش دعوة بالناس اللى حواليه المهم هو حابب ايه و عايز يكون ايه ... لو انت فعلا عايز تبقى مهندس بترول مفيش غير قسم جولوجيا اللى ينفع تدخله و ربنا يحققلك حلمك ان شاء الله بس انت اجتهد و ذاكر من الاول
بالنسبة لسؤالك التانى انا كان معايا ناس صحابى السنة اللى فاتت جايبين 86% و حولو اسكندرية و انا كنت جايبة 90% و قبلت اسكندرية من الاول يعنى فرق الدرجات كبير متقلقش نفسك انت س و ان شاء الله حتبقى معانا ف اسكندرية ربنا يوفقك |
السلام عليكم يارب تكونوا جميعا بخير وكل سنة وانتم طيبين ........ هو بجد الامتحانات هتبتدي 29 مش قالو 3\9 ولا ده علوم طبيعيه وياريت لو حد يعرف امتحان نبات 2 امتي يقول لاني بقالي مرتين مرحتش ومعرفش غير ميعاد امتحان العملي
|
اقتباس:
انتى بتحبى الرياضة يعنى ممكن علوم طبيعية بس فنفس الوقت عيزة بترول و كدة يبقى جيولوجيا و خلى فبالك ان اقتباس:
اقتباس:
و الله ال3 اقسام فالكلية محدش يقدر يقول عليهم انهم وحشين طبعا الكلام ده مش سليم و انا ليا صديقات فجيولوجيا و ما شاء الله اوائل على دفعة الجيولوجيا فأكيد فيهم الشاطر و فيهم اللى غير كدة زى اى قسم تانى دى ترجع للشخص نفسه و الله توكل على الله و متسمعش كلام حد استخير ربنا و اعمل اللى ترتاحله و ربنا يقدم اللى فيه الخير اقتباس:
يعنى 0.7 درجة على ما اظن فى الحدود دى بس على فكرة معايا وحدة صاحبتى كانت جايبة 82% و جاتلها مش فكرة علوم ايه بس حاجة فى الصعيد يعنى و حولت من عالنت و جابت اسكندرية برده عادى خالص الفرق عندك مش كبير خالص و ان شاء الله يتقبل التحويل هى نتيجة التحويل امتى ان شاء الله؟ ياريت تبقى تطمننا |
اقتباس:
كل سنة و الجميع طيبين و بخير ان شاء الله لما اشوف الجدول حبلغ حضرتك بس انا فيه وحدة زميلتى عندها امتحان يوم الاتنين نبات 2 بس مش عرفة بصراحة نظرى و اللا عملى و اللا ايه بالضبط اللى اعرفه ان مدخل قانون يوم 30 و اللى فهمته ان نهاية الامتحانات حتكون 3/9 او 5/9 عالعموم اى معلومة حعرفها حقولها ان شاء الله |
بجد انا عاجز عن شكرى ليكم
اوجه شكرى الحار الى الاستاذة nogha والى الاستاذة lovely girl بجد انا مش عارف اشكركم ازاى على مساعدتكم وان شاء الله النتيجة يوم السبت او الاحد وباذن الله حطمنكم اول لما تطلع ويارب اروح معاكم اسكندرية وشكرا تانى |
اقتباس:
البترول و البترو كيماويات يبقى كيمياء و اي حاجة معاها مش مهم. علوم طبيعية ممكن تدخلك قسم كيمياء/فيزياء .. و قسم الفيزياء فيه مواد فيزياء نووية و ذرية. |
لافلي جيرل .. انتي قولتي ان علوم طبيعية ملهاش علاقة بالبترول .. كلامك مش غلط بس عايز اوضح حاجة.
البترول مجالين .. تنقيب و استخراج .. و تكرير و بتروكيماويات. التنقيب مش بيحتاجو فيه بتوع كيمياء الا قليل اوي عشان بيبقى في مختبر...و بتوع الجيولوجيا احسن في المجال ده. التكرير و البتروكيمياويات ده بتاع الكيمياء و باين من الاسم .. و بالنسبة للسبيشيال في من كل الشعب. |
اقتباس:
و اى حاجة عايز تعرفها اسأل اقتباس:
انا فعلا مكنتش اعرف الحاجات اللى انت قولت عليها شكرا :078111rg3: |
اقتباس:
|
اقتباس:
طب موضوع ان الكمياء مشتركه ده :( يعنى قسم اسبيشال ده متاح لكل الاقسام بيولوجى وجيولوجيا بصى يا ستى انا برضه سمعت كلام مش حلو عن جيولوجيا يعنى ناس قالولى ان الطلبه فيه مش يامه ولازم وسطه فى الشغل وكمان خوفونى علشان مش اخدت جيولوجيا قبل كده بس ده مش مهم لان كل الطلبه زى اول مره ياخدوها انا حابه اعرف منك طلبه علمى رياضه الى فى جيولوجيا بيحسوا بصعوبه فى الحيوان والنبات !! اصل الاحياء دى اكتر ماده بكرها :( |
اقتباس:
ممكن تقولى ايه فرص العمل المتاحه لخريجى فيزيا غير مدرس:bosyht9: انا عارفه ان احسن حاجه كميا لانهم بيشتغلوا فى مكان مجالهم مفتوح وشكرا لردك |
اقتباس:
والله انا يوم بعد يوم بيزيد احترامى للكليه دى :av4056bb7jp3: بس انا كده محتاره :( حد يفدنى بالله عليكوا جيولوجيا ده فيه بنات!! |
انا برضه من فترة كنت بسأل الاستاذ زيزو 1900 على مجالات الفيزياء لأني في انتظار اعرف هدخل قسم ايه و الفيزياء محتملة.
طبعا لازم نبقى عارفين اننا عشان في دولة مش بتهتم بالبحث العلمي. يبقى قسم زي ده مجالاته قليلة .. و هي حاجاة زي مراكز البحوث و اعتقد مش اي حد يعني لازم تفوق..و معامل الاورام و غيرها على اجهزة الاشعة .. و اعتقد ان لو حد فيزياء و هو من ابناء العاملين ممكن يشتغل في شركات بترول و غيرها , عشان انا شوفت واحد قسم حيوان سبيشيال و بيشتغل في بترول و قال انه ابناء عاملين,يبقى الفيزياء اولى من الحيوان. و لما ربنا ينفخ في صورتنا و نعمل مفاعل في مصر يمكن ياخدو الفيزيائيين و الكيميائيين و المهندسين النووين(عددهم قليل)... مع ان شركة اجنبية هي اللي هتعمله مش عارف هل المسؤولين في مصر هيثقوا في المصريين انهم يشتغلوا في المفاعل .. ولا هتشتغل عقدة الخواجة.. و لو مخدوش المصريين سواء مهندسين او علميين يبقوا بيعترفوا ان ناظم التعليم في مصر فاشل بدليل انهم مش بيستعينوا بالخريجين من جامعات مصر. |
اقتباس:
وبالنسبه للفزيا شغلها بتقي بحث علمى وممكن تبقي اخصائي اشعة وتشتغل في المستشفيات والمعامل وكدة وفيه دبلومة فزياحيويه في علوم القاهرة تقدر بعدها تبقي اخصائي اشعه ووممكن تفتح مركز اشعه باسمك ودة رابط لاخصائي الاشعه من العلميين http://clinicalanalysis.healthgoo.com/montada-f34/ |
ودة ترخيص وزارة الصحة لكل من الاطباء والعلميين((الفزيائيين والفزيائيين الحيوييين)
العامليين بالاشعة ويريدون فتح مراكز اشعه http://www.mohp.gov.eg/Sec/Services/....asp?x=1#Part3 |
شكرا يا استاذ زيزو
و على فكرة في قسم فيزياء حيوية في علوم اسكندرية.. |
كل سنة و انتم طيبين يا جماعة..
|
اقتباس:
و ان شاء الله طمننا و كن على ثقة ان ربنا حيعمل اللى فيه الخير ان شاء الله اقتباس:
اللى اعرفه ان النبات و الحيوان فى جيولوجيا مبسط جدا و ساهل و بيكون فى الترم الأول بس بس بقى بالنسبة للى كانوا علمى رياضة لأنهم ماخدوش احياء فى ثانوية عامة الموضوع بيكون اصعب شوية فى الأول بس لأنى زى ما بقولك بياخدوا عينات كدة مبسطة مش زى الأحياء اللى انتى متخيلاها لأ ابسط كتير بس اهم شىء تعملى اللى عليكى و الباقى على الله يعنى اكيد اللى عندهم خلفية فى الأحياء الموضوع عندهم اسهل من اللى معندوش خلفية اقتباس:
هما الأولاد اكتر من البنات فجيولوجيا بس فيه بنات متقلقيش |
شكرا جدا يا نهي ومعلش هتعبك معايا واللي يوم الاتنين ده امتحان العملي
|
بجد والله يا جماعه متشكره جدا جزاكم الله خيرا وجعله فى ميزان حسانتكم |
انا بحب الفيزياء وعاوز اشتغل اخش فيزياء و لا جيو فيزياء.....
|
| جميع الأوقات بتوقيت GMT +2. الساعة الآن 02:43 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.