اقتباس:
ما هو ده اللي تاعبني بزيادة انهم تلات مواد!! يعني واحدة غيري تبقي مخلصة ومراجعة 3 4 مرات لكن انا مش قادرة امسك الكتاب ومخنوووووووقة وعلي اخري |
اقتباس:
الندم عمره مـ هيرجع اللى فات معاكـى 3 مواد .. يبقى تقفليهم كلهم .. طب ازاى ؟ الفتره اللى فاتت اعتبريها انها مش فـ السنه اصلا ! اعتبرى انك داخله ثانويه من اول و جديد من بكره يعنى بكره اول الدراسه و بدايه كل حاااااجه الفتره اللى فاتت كانت اجازتك و كانت تعلمك متعمليش الغلط ده فـ الدراسه يبقى من بكره هتبدأى سنه جديده و هـى 3 ثانوى مع 3 مـواد و من حيث انكـ تقدرى .. فـ هتقدرى امسكى آى ماده و آى درس .. و ذاكريه حتى لو فـ 4 ساعات و بعد ماتذاكريه حلى عليه .. هتلاقـى نفسك بتحلى !!!! و هتقولى لـ نفسك .. انا مش فاشله انا ممتازه و متفوقه مدام عرفت اذاكر درس و احل عليه هقدر اذاكر الدرس اللى بعديه و احل عليه و درس فـ درس فـ درس .. هتلاقى المنهج خلص فـ ايديك و هتراجعى كمان براحتكــ .. احنا مشكلتنا زيك بالظبط حسينا ان مفيش وقت .. رغم ان الوقت موجود و بيضيع لما بنقول كده غيرنا قبل كده نصحنا و قالنا ان احسن فتره هى فترتنا دى الفتره دى تقدرى تحددى هتجيبى كام .. على حسب تعبك فيها يبقى نبدأ مـن بكره .. كانها سنه جديده خاااااالص و اللى فات مات :) سورى عـ الاطاله .. بس انا حاسس بيكـى .. عشان كنت زيك و مازلت كمان بس بحاول اطلع نفسى مـ الحاله المزيفه دى .. و ربنـا معانا جميعـا :) |
اقتباس:
بجد أشكرك يا مارك والكلام ده بجد ريحني وخلاني متفائلة اكتر وانا بجد من النوع اللي مش بحب واتكلم عن نفسيتي وعن المذاكرة وبحب اخليها مع نفسي واكتمها جوايا بس اخر ما بتعب بروح مطلعة كل حاجة جوايا:( وبصراحة ملقتش غيركم عشان أخرج حزني واكتئابي معاه لاني عارفة انكم هتساعدوني وهستفاد كتير من كلامكم ومن نصايحكوا زي ما استفدت منك دلوقتي بجد شكرا جزيلا ليك يا مارك |
جزاكم الله خيرا |
اقتباس:
طلعى اللى جواكى و اكتبى اللى انتى عاوزاه طالما هيريحك يمكن انا زيك فـ الحته دى انى مش بحب اشتكى بس بيجى وقت بحس انى عاوز انفجر فعلا و وقت انفجارى ده بلاقى النصيحه .. مش بسمعلها لكن .. بعد كده بفكر فـ الكلام اللى اتقالى و بعرف انه صح فعلا بس وقت الغضب آو اليأس بيكون الانسان اصم لا يسمع و اعمى لا يرىء مشكلتنا يعتبر واحده .. اليأس و الملل مشكله !! مش عاوز اقول مشكله كمان لان كلمه مشكله كبيره عليها احنا مـ بنصدق نلاقى حاجه نتمسك بيها عشان نهرب من واقعنا وهى اليأس لكن لو فكرنا صح .. هنلاقى ان كل ده وهم احنا اللى عملناه و حطينا نفسنا فيه كمان و لو فكرنا صح كمان هنعرف ان ربنا حنين اوى علينا و بيبعت لينا التجربه عشان نتعلم و ربنـا عادل اوى .. هياخد تعبنا ده و يدينـا مفأجات حلوه كتير على قد تعبنـا يااااه ده ربنـا حاسس بينا اوى اوى مش بيسيبنا حتى لما بنفتكر ان الدنيا اتقفلت فـ وشنا .. بنلاقى ربنـا بيطمنك و حاسس بيكـِ يلا عاوزين نشوفكـ احسن من كده .. و هتكونـى ان شاء الله احسن من كده كلنا بنعيش نفس المشكله دى .. مش لوحدك و ان شاء الله هنطلع منها كلنا و نحقق حلمنـا و نبص بنظره الايمــان و الامـل :) |
اقتباس:
ان شاء الله يا مارك وانا بجد بدأت اطلع من الحالة اللي انا فيها خلاص وباذن الله اللي جاي احلي ومفيش ندم علي اللي فات وهنفتح صفحة جديدة اينعم هنتعب بس آخرها راحة ان شاء الله مرة تانية شكرا جــزيلا يا مارك |
اقتباس:
هو صحيح هيكون تعب .. بس اصبر نفسى بـ النتيجه اللى فـ الاخر انى اجيب مجموع يفرح اهلـى و يفرحنـى و على رآى مش عارف مين المطرب اللى بيغنى ده :blush: " لسه اللى جـاى احلى " :bosyht9: |
اقتباس:
مظبوط كلامك ودي كلمات انشودة انا بحبها جدا كل اللي جاي أحلي ...ما تندم ع اللي فات بكرة العمر يحلي ...وبتبقي الذكريات عيش بمحبة وكون ..عاشقها مهما يكون هوّنها راح بتهون ..وبتحلي هالحياة انسي كل اللي راح ..الاحلي لقدام خلي قلبك مرتاح...هي هيا هالايام وفيه باقيها بس انا مش فاكرة غير دول:d هي باللغة الاردنية عشان متستغربوش الكلام:006et4: |
اقتباس:
على فكره انتى ممكن تعملى تلخيصاتك بنفسك أزااااى ؟ يعنى مثلا الفصل الاول فيه كام تعريف مهمين اوى وبييجوا كتير اكتبهم فى اسكتش عندى فيه قانون للمسائل اكتبه تعليلات مهمه برده اكتبها بحيث انك تجمعى اكبر قدر من المعلومات المهمه وكده بس كتاب الامتحان المراجعه عامل ملخص جميل اوى لكل فصل بالعلاقات بالرسومات بالتعليلات وكده حاجه كويسه برده ممكن تستفادى منها |
انا فى اولى ثانوى مش بعرف ارسم رسومات الاحياء وعايزه اعرف ازاى ارسمها وياريت تقولولى على مدرس احياء كويس اخد عنده فى تالتة
|
اقتباس:
هى عجبانى و الله الفكرة و قررت اعملها ان شاء الله عشان الصراحة زهقت كل ما يكون فى امتحان بحس نفسي تااايهة... ربنا ستر عشان انا خلاص الصراحة زهقت و مش قادرة كل المدرسين دلوقتى ماسكين علينا اوووى و كلهم بيعملوا امتحانات فى وقت واحد :eek:لحد ما وصلت لدرجة انها مبقتش تفرق معايا عايزة السنة دى تعدى و ارتاح بقى انا همووت و اخد اجازة:frown: |
اقتباس:
هههههههههههههههه فعلا والله انا فاكر ان شهر 1 و 2 كانوا بيبقوا شهرين صعبين اوى لان كل المدرسين بيعملوا امتحانات يوم ورا يوم الواحد مكنش بيفوق بس والله بجد الامتحانات دى عرفت قيمتها لما كنت براجع ليالى الامتحان تحسى ان المنهج ببقى لعبه من كتر ما زاكرناه وامتحنا عليه كذا مره يلا كله فى سبيل العلم ;) ربنا معاكم ان شاء الله |
ربنا يستر علينا
وربنا انا قربت اطفش من البيت بسبب الاحياء والفيزياء
بجد دول بيستهبلوا يا جماعه حد يقولي هو العيب مني ولا العيب من الاخرون هههههههههههههههه (فعلا لو كان دا جنان اتجنن..ادرس فيزياء واحياء في سنة واحدة هههههههههه) :):av4056bb7jp3::d:078111rg3: |
hi efery boody :d
good bye again ALLAH with us :) |
مفيش فايدة فى العربى دة الواحد مش عارف يجمعه خالص
المسرحية كل ما أذاكرها انساها تانى و احفظها تانى و انساها .. إلخ بجد المنهج جحيم !! اتقل مادة خدتها فى التعليم إنما أجمل مادة الكيمياء و الله مفيش أجمل منها العضوية جمييييييييييييييلة و الله أصلاً لو انت فاهم هاتلاقيك بتكتب المعادلات لوحدك الفيزياء الباب الأخير فيها جميل إنما المصيبة كل المصيبة فى العربى دة !! |
شايف ناس فى صفحات سابقة بتتكلم عن الوراثة :)
الامتحان يا جماعة بيبقى فيه بالميت مسألتين و أحياناً مسألة واحدة باقى أسئلة الوراثة بتبقى كلها نظرى الى عايز أقوله النظرى أهم ألف مرة و المسائل بتاعتها أغلبها سهلة يعنى مفيهاش حاجة |
اقتباس:
العربى سهل يا راجل والله جميل. |
اقتباس:
انا لسه مدخلتش فيه بس الاستاذ قال عليه صعب وطوبل ورخم صح الكلام ده ؟؟:excl::excl: |
اقتباس:
|
المدرس الى يقول لطلابه إن الى هايشرحه صعب و طويل و ممل خسارة فيه كلمة مدرس
المفروض المدرس يقنع طلابه إن الى هايذاكروه سهل و جميل حتى لو جحيم علشان يقدر يحببهم فيه غصب عنهم :) و الـ dna سهل جداً بس مشكلته إنه ممل بس فى مذاكرته و مراجعته |
اقتباس:
الادب النثرى قصدك قصه قصيره مقال روايه مسرحيه بس على فكره المدارس اتقل من دول بجد والله المقال والقصه القصيره والروايه تافهيين جدا جدا وسهلين اوى مقارنه مثلا بمدرسه زى المهجر المسرحيه عندك حق انها طويله وبتتنسى وكلامها كتير فعلا انا فعلا كنت بشد شعرى منها كلها اسماء شخصيات ومسرحيات وفى الاخر لقيتها منوره فى الورقه بس جت سهله الحمد لله فحاول بس تعيد وتكرر عليها فى المذاكره هى وباقى الادب النثر حتلاقيه سهل والله متخافش |
اقتباس:
طبعاً مدرسة المهجر أنا كنت هايحصلى حاجة و أنا بذاكرها و لحد دلوقتى مجمعها فى دماغى بصعوبة يعنى فى ثانية تتنسى و القصة القصيرة يعنى فى حاجات فيها برضة كل ما أرجع أذاكرها انساها تانى لكن أرحم شوية إنما المصيبة كل المصيبة فى المسرحية دى كل مرة أذاكرها كأنى بذاكرها لأول مرة كفاية عليا مصيبة الفيزياء مش هاتبقى المصيبة مصيبتين :) |
اقتباس:
|
صحيح الوحدة الأخيرة فى الفيزياء مملة شوية فى مذاكرتها و النظرى بتاعها رخم فى حفظه إنما أسئلتها أغلبها سهل و جميل يعنى و مسائلها فى غاية التفاهة و قليلة جداً
و اكيد أسهل من الكهربية و الحرارة بأى حال من الأحوال و بعدين الأحياء لسة اثقل من الفيزياء برضة :) إنما الكيمياء و الله المادة الوحيدة الى شفتها فى التعليم الى بتقدم المعلومة بسلاسة رهيبة يخلى الواحد بيستمتع و هو بيذاكر :) |
اقتباس:
فعلا القصة القصيرة و الرواية و المقال سهلين جدا عن بقية المنج ! |
تنبيـه : مش انـا اللى كـاتب الكلام ده .. عشان انـا ادبـى ^_^ بس لقيـت ممكـن تكون مفيده ليكـم بالتوفيق . . . :) نبدأ . . :mellow: الفيزياء أولا لو مش هاتعرف تاخد دروس فى بقيه المواد لظروف عندك حاول انك تاخد درس فى الفيزياء الفيزياء الدرس فيها مهم وهتلاحظه بعدين الفيزياء بيسموها فزاعه الثانويه العامه وكونك تسمع ان عندك الفيزياء 15 فصل فى خمس أبواب ولما تمسك الباب الأول الى فى المذكره الأولى والأستاذ يقولك دا لسه أربع مذكرات زى دى هاتخاف منها لكنى بصراحه كنت بحبها أكتر من الكيميا مش عارف ليه الفيزيا ماده من خمسين يمكن كتير يقولك أصعب ماده تقفل فيها الخمسين لكن صدقنى لو ذاكرتها من الأول هاتقفل الخمسين وادى وقت أكبر لمذاكره الفيزيا عن أى وقت تانى لأى ماده تانيه لأن الفيزيا طويله ومافيهاش توقعات كتير يعنى أبدأ مع مدرسك فى الدرس أول بأول وراجع معاه وحاول تخلص كل جزأ هوا بيخلصه وانت فى الأخر أقسملك بالله هاتستريح جدا فيها وهاترجعها بكل سهوله فاكر لما قلت فى النصائح الأولى ان لو الفرصه رجعت ليا كنت هاعمل ايه وقلت كنت هذاكر طول السنه من مذكره واحده للشرح ومذكره واحده للمراجعه وواحده للامتحانات طبعا أنا أقصد لكل المواد لكن فى نفس الوقت كان السبب هوا ماده الفيزياء فعشان ماده الفيزيا طويله وماده عايزه فهم مش حفظ انت هاتحس بقيمه الكلام دا فى الأخر ان شاء الله لما تذاكر من مذكره واحده لكن تكون مذكره تعرض الموضوع بطريقه سهله وكمان تكون بتحتوى على كل الى انت محتاجه سواء بقى مذكره الأستاذ فى الدرس أو مذكره من المذكرات الى هنا وأنا برشحلك مذكره أوميجا وأنا جايبهالك هنا فلما تذاكر من مذكره واحده طول السنه هاتلاقى ان المدرس بيراجع كتير فلما تخلصوا الفصل الأول أو الباب الأول يقولك هانراجع عليه فتقراه من المذكره تانى حتى لو كانت أول مره حاسس انها صعبه والتانيه بتكون سهله وهكذا لحد ماهتوصل لمرحله صدقنى هاتحس فيها انك واكل الكتاب والمذكره كلها وحافظها كويس بعد الفهم ودا عشان فى الامتحان لما يجيلك السؤال وتيجى تجاوب عليه لازم تفتكر أولا هوا فى أى باب يعنى مثلا هوا فى الكهربيه ولا الحديثه ولا الباب الأول ولا أى باب ولما تحدد الباب تلغى الأبواب التانيه من عقلك فى السؤال دا وتبدأ تدور فى مذكره الباب الأول الى انت مذاكر منها وبردو تحدد فى الباب دا السؤال دا بينتمى لأى جزه فيه فتعرف مكانه فى المذكره وهتلاقى عقلك بيجيب الحل من المذكره دا لو انت نسيت حبه الى انت مذاكره أو نسيت اجابه السؤال فاتخرج الاجابه بالطريقه دى لكنك ان شاء الله هاتجاوب عليه من أول مره يمكن حد من الى بيقرأ يقول ياعم هوا أنا إيه عشان أعمل كدا إنت محسسنى إنى سوبر مان علشان تقولى واكل الكتاب أكل.. صدقنى انت هاتقول كدا كتير فى أول السنه لكن لو معملتش كدا هاتحس بالندم فى أخر السنه وهاتحس ان دا هوا الأصح ليك والى كان المفروض انك تعمله ولو عملت كدا ان شاء الله فى الأخر هاتعمل زى ما أنا بقولك كدا لأنى وربنا هوا دا الى أنا كنت بغلط فيه وهوا الى أنا كنت بحس بيه فعلا لما بذاكر أى جزء بالطريقه دى الفيزيا سهله لو انت عايزها سهله وصعبه لو انت متكدر منها فخدها على انها ماده سهله وبسيطه ومراجعتها من الأول هايفيدك جدا الباب الأول هوا 3 فصول الموجه والصوت والضوء وتطبيقات اعرف ان فى الامتحان لازم يجيبلك منه أسئله فالامتحان بيكون متقسم بحيث ان كل فصل يجى منه حاجه فى الامتحان يعنى عشان يكون الامتحان شامل المنهج وهوا باب أكتر فيه تعريفات وكدا اعرفها وافهمها وبعدين احفظها وان شاء الله هتلاقيه سهل الباب الثانى الى هوا خواص الموائع المتحركه والساكنه هوا باب ركز فيه حبه على المسائل الى فيه وبعض التجارب الباب التالت قوانين الغازات وأنا لو وصفت الباب دا هاوصفه بباب التجارب فلو لاحظت انه فيه تجارب تقريبا أربعه زى معامل التمدد الحجمى وجهاز وجولى وكدا فعشان كدا انت تذاكر كويس جدا التجارب دى لأنه فى الامتحان بيجيب واحده منها وبيعتبرها سؤال للطالب الفوق متوسط أو المتفوق وبيكون جزء كامل من سؤال غالبا عليه 3 درجات فانت حاول تضمنها بمعرفتك للتجارب دى وهيا تعتبر ثوابت عندك فى المنهج الباب الرابع وهوا الكهربيه الكهربيه دا باب مهم وكبير هوا باب أكتر للفهم عنه الحفظ يمكن من الأول هاتلاحظ انه مليان قوانين وتعريفات فطريقه مذاكرته الأفضل من وجهه نظرى هيا انك تعرف القانون تفهمه وتحفظه ولو فهمته وحفظته تعرف تخرج منه كل الأسئله المتعلقه بيه من تعريفات ومسائل وأى حاجه فمثلا قانون زى شده التيار الى هوا i = Q / T بس مجرد إنك تفهم القانون دا i = Q / T تقدر وبكل سهوله تطلع منه إجابه لخمس أسئله ع الأقل فكونك تعرف ان ال i هيا شده التيار وال Q هيا كميه الكهربيه وال T هوا الزمن وان شده التيار بتقاس بالأمبير والكميه الكهربيه بالكولوم والزمن بالثانيه تقدر من فهمك لدا انك تستخرج تعريف لشدت التيار فتقول ان شدت التيار بتساوى كميه الكهربيه على الزمن اذا شده التيار هى كميه الكهربيه التى تمر فى موصل خلال الثانيه الواحده كمان تقدر تجيب تعريف للأمبير فتقول ان الأمبير هوا وحده قياس لشدت التيار اذا الأمبير هوا شدت التيار الكهربى وترجع بقى لقانون شدت التيار الكهربى فتقول ان الأمبير هوا شده التيار الكهربى الماره فى موصل عندما تمر فى موصل كميه من الكهربيه مقدارها 1 كولوم فى 1 ثانيه نفس الكلام أقدر استخرج تعريف للكولوم فتقول ان الكولوم وحده لقياس كميه الكهربيه وهكذا لكل القوانين الى تقابلك ان شاء الله وبالطريقه دى ماتحاولشى انك تحفظ لكن حاول انك تفهم فالفهم هايساعدك على عدم النسيان وكمان هايساعدك على انك تكون مرن مع المسائل الى بتجيلك فى الامتحان مهما حاول واضع الامتحان انه يضحك عليك كمان يمكن هايلفت انتباهك فى الباب دا أو الوحده دى قواعد تحديد الاتجاه زى البريمه اليمنى وفلمنج لليمنى واليسرى ولينز وأمبير لليد اليمنى كلها سهله ان شاء الله ولها طريقه فهم بردو مش حفظ طريقه سهله تخليك تجمعهم كلهم بسهوله وتعرف تعريفاتهم واستخدامهم وفيه كمان أجهزه القياس زى الجلفانوميتر والأميتر والفولتميتر والأوميتر اجمعهم فى جدول واعرف استخدامات كل منهم وطريقه التعديل والتوصيل مع الجلفانوميتر ومع الدائره وكدا الباب الخامس وهيا الفيزياء الحديثه الباب بيحاول يقولك ان كل الى انت بتدسه فى الأول دا بيتسمى فيزياء كلاسيكيه أو قديمه يعنى وفى فيزياء حديثه بتتعامل مع الالكترونيات والمستوى الذرى وكدا يمكن الباب أربع فصول أهم مافيهم التعليلات والتجارب والبوابات المنطقيه والليزر طبعا ودا مهم تقريبا الامتحان مش بيخلى منه خليك مع مدرسك فى الشرح والمراجعه واهتم شيويه بالفيزيا وانت هاتحصل درجتها كلها ان شاء الله المراجعات والامتحانات المراجعه فى الفيزيا مهمه جدا والمراجعه للفيزيا ماينفعشى تكون اخر السنه بس المفروض انك بتراجع من أول السنه أول بأول مع المدرس ومع الشرح سواء فى الدرس أو المدرسه ولكن نفترض انى خلصت الامتحان الى كان عليه الدور وبعده امتحان الفيزيا فهما هايدوك قبل الفيزيا مش أقل من 6 أيام نفترض انهم فعلا 6 أيام أولا خصص خمسه لمراجعه كل وحده فى يوم لوحده ولكن مراجعه وحده فى يوم هتلاقيك ان شاء الله حافظها من مذاكرتك ليها وتراجعها بردو من المذكره الى انت بتذاكر منها طول السنه وتحاول تخلص فى اليوم بتاع كل وحده دا كل ما يتعلق بالوحده من شرح وتلخيصات وتعريفات وأسئله ومقارنات واستنتاجات وكل دا الحمد لله موجود فى التحميلات فى المراجعه وبعد ماتخلص الخمس أيام للخمس وحدات اليومين التانين حل أكبر عدد من الامتحانات واحد يقولى هما يومين هايقضوا؟... أقله طبعا هايقضوا وهاتحل فيهم امتحانت كتيره جدا ان شاء الله لأنك فيها بتحل وانت عارف الاجابات مش لسه هاتعرف الأسئله وتشوف اجابتها وتحاول تتوقع وتقول الامتحان دا جاى أو لأ لكنك ان شاء الله هتحل امتحانات كتير فى اليومين دول وبكل سهوله عشان تنام وتصبح يوم الامتحان وانت متطمن . ربنــا يوفقنــا جميعـــا . . . :) |
طيب ممكن سؤال لكاتب الكلام ده..... الحمد لله انا مش ضايعة ف الفيزيا ولا حاجة بس انا عايزة الخمسين بس المشكلة ان الفيزيا براجعها مع مدرس الدرس وبمتحن مع نفسى ف البيت كده بس ممتحنتش عليها دورى خالص ودى حاجة قلقانى جدا واحنا بدانا نراجع والحمد لله الامور ماشية لكن حل امتحانات لسه؟؟
|
اقتباس:
انا كاتب فوق انـى مش انا اللى كاتب .. يدوبك انا ناقل و ملون :blush: و الصراحـه مش عارف مين اللى كاتبـه .. :bosyht9: ان شاء الله حد يساعدكـ من الجروب هنـا . . :) |
مارك تعرف ان الكلام ده كله عن الفيزيا خلي معدتي قلبت:o لاني مكنتش بذاكرها من اول السنة:blush: هي كان المفروض المعلومات دي تيجي بدري شوية بس ما علينا:d مشكوووووووووووور ع الافادة وربنا معانا ان شاء الله |
اقتباس:
|
اقتباس:
اقتباس:
|
اقتباس:
انا بنام احلم بيها شكرا مره تانيه:078111rg3: |
ولا يهمك عادي جدا.. اقتباس: المشاركة الأصلية كتبت بواسطة ~ smile 4 life ~ http://www.thanwya.com/vb/style12/buttons/viewpost.gif مارك تعرف ان الكلام ده كله عن الفيزيا خلي معدتي قلبت:o اوباااااااا :blush: .. جيت اكحلهـا عميتهـا :d انا اساسا مـ عرفش ايه اللى مكتوب قـ عشان مده نش عارف هو فيه تفاؤل و لا يـأس :bosyht9: لاني مكنتش بذاكرها من اول السنة:blush: خلاص فيه فرصه .. سيبكـ مـ الكلام ده و خليكـى مع كلام جديد .. " لسه الامـل موجود " :rolleyes: هي كان المفروض المعلومات دي تيجي بدري شوية بس ما علينا:d دى غلطه منـى انا بقـى انا المعلومات دى عندى بقالها مده .. اسبوع بـ حاله :romarioxp6: مشكوووووووووووور ع الافادة الشكـر لله وربنا معانا ان شاء الله ربنــا يوفقكـِ . . . :) ولا يهمك عادي جدا.. انا كده كده خلاص بدأت في الفيزيا وهي سهلة بس محتاجة تركيز مع ذلك الواحد بينام يحلم بيها زي ما قالت رنا:blush: |
اقتباس:
اقتباس:
ده شكل الفيزيـاء عملاه ليكـم رعـــــ :o ــــــب الله يكون فـ عونكم كل شعبه ليها ماده بعبع كده علوم .. فيزياء / رياضه .. رياضه 2 / ادبـى .. تاريخ :d ربنــا يوفقنـا جميعـا . . :) |
اقتباس:
اقتباس:
بتخافوا م الفيزيا : ده الشئء الطبيعى ولو مخفتوش يبقى فيه حاجه غلط بس الامتحان مبيجيش صعب (( والله والله ما بييجى صعب )) الامتحان عايز واحد :مزاااااااااااااااااااكر فقط اكيد حليتوا امتحانات وشوفتوا النظام طب اللى محلش : افتح اى امتحان حتلاقيه عباره عن تعريفات ( محفوظه ) قارن بين ( محفوظه ) .. علل ( محفوظه ) .. مصطلح ( محفوظه ) .. اذكر استخدام واحد ( محفوظه ) .. اذكر الاساس العلمى ( محفوظه ) .. اشرح تجربه كذا ( محفوظه ) .. اذكر خاصيه واحده لكل من ( محفوظه ) .. علاقه بيانيه والميل ( محفوظه ) + 6 مسائل .. قوانين وبتعوض بالارقام وخلصت ممكن مسأله بقى فيها فكره على كذا خطوه يعنى بتتحل دى بس التركه الوحيده اللى ف الامتحان اللى عايز اوصله ... الامتحان مش صعب طب الوقت .. بيكفى ال 6 اسئله والمراجعه كمان لان السؤال ممكن يخلص فى 10 دقايق مثلا أ) عرف كل من ( 4 تعريفات ) ب) قارن بين ( 4 مقارنات ) ج) مساله خلص السؤال خلاص يعنى حافظ ادخل اديها ف الورقه وزى ما قلت المسائل مش صعبه يعنى هما 6 مسائل 4 منهم تعويض وحاجه فى اللذيذ طب والخامسه ممكن تكون تفكير سنه وممكن لأ والسادسه رسم بيانى واكيد الرسم البيانى محدد يعنى مش حيبتكر ربنا معاااكم |
اقتباس:
انا فعلا بصيت في الامتحانات لقيت المسائل قليلة ومشكلتنا اننا بنهتم بالمسائل علي حساب النظري بس بجد الكلام ده طمني جداااااااااا جــــــزاك الله كــــــل خـــــــير |
بقولكم اية يا جماعة هى مستوى تنفع اسم مكان
و وزنها يعنى مفتعى يعنى ؟! طيب مستواه ؟! مفتعاه ؟! |
طب يا جماعة حد عنده فكرة نتصرف مع الفيزيا ازاى ارجو ان حد يفيدنى لان حاسة انها بتطير بسرعة هى والكيميء انا خلصت الاحياء وهى جميلة جدا بس الكيميا بتتنسى بسرعة جدا عن الاحياء
ولو سمحتم حد يقولى افضل الكتب فى الماديتين دول بالاخص |
اقتباس:
الكيميا : سبرتوا الثانويه العامه بتتنسى جدا عشان فيها حفظ كتير اوى فالفيزيا والكيميا عايزين مراجعه باستمرار يعنى مينفعش يتزاكروا مرتين بس فى الاسبوع او قبل الدرس وخلاص لا لازم مثلا كل يوم او يومين تخصصى جزء حل مسائل عليهم ومراجعه عليهم اول باول عشان بيتنسوا بسرعه وخصوصا الكيميا لو كتب حل يبقى الامتحان جميل اوى فيهم ولو شرح فمش عارف صراحه بس سمعت ان المعلم فى الفيزيا شرح هايل جدا ومنظم فى النظرى بالذات |
اقتباس:
بس اعتقد ان مستوى مش اسم مكان يا ريت برده حد يرد لانى مش متأكد |
السلام عليكم انا كمان علمى علوم
وبجد الفكره دى جميله انا اول مره اخد بالى من الجروب دا بس فكره جميله عشان مطولش عليكم انا يشرفنى اكون معاكم |
قوليلى يا جماعة بداتوا تراجعوا ولا لسه؟؟
ومع المدرسين ولا مراجعة مع نفسك ولو مع المدرس ممكن تقولولى بيراجع ازاى بعد اذنكم؟؟ |
اقتباس:
|
اقتباس:
ولو مفهـومة اصلا الطالب مش هيواجة اي معاناه في الحفـظ وعمرة ما هينساها انما لو حفيظ خلال يومين بالظبط هيقول لنفسة هو انا كنت بقرأ اية ومش هيفتكر حاجة نهائي .. كتير من الاسئـلة النظري واضع الامتحان بيقصـد انة يجيب فيها جزئيات صعبة وبتعتمـد ع الفهـم حتي لا يتساوي الطالب المتفوق مع الطالب العادي والطالب الفاهم مع الطالب الحافظ بالكربون .. يعني لو سألت الطالب ((الى بيحفظ النـظري من غير ما يكون فاهمـة ))وقولتلة اية هيا فكـرة عمل انبوبة الكاثود وربنا ما هيعرف :dهو يعرف يرسمها اه ييعرف يقـول تعريفها أه يعرف استخدامات انبوبة الكاثود اه انما فكرة عملها ابقي قابلني لو عرفها:d اصلها مش مكتوبة في الكتب ..ولو قولت للطالب مصطلح زي صدر الموجـة أو قارن بين الاسطوانة المشقوقة الى نصفين في كل من ملف الدينامو والمحرك الكهربي مش هيعرف :d لانـة معود نفسـة ع حفظ المقارنات والتعريفات الى موجودة في الملخصات من غير ما يكون فاهمها ولو جتلة مقارنة او تعريف غير الى موجود في الملخص للاسـف مش هيعرف يكتب فية حاجة وهيسيب الاجابة فاضية وهيا دي طبيعة الطالب الحفيظ ... بالاضــــــافة الي ان .. الطالب لو كتب التعريف من غير ما يذكـر القانون تحت التعريف((ان وجــــــــــــد)) بينقص نصف درجـة .. الطالب لو استنتج القانون من غير ما يكتب الكلام العريي الى قبل الاستنتاج دا هينقص نص الدرجـة .. الطالب لو كتب التعليل من غير ما يذكر مثال او قانون يوضح الاجابة بينقص درجات .. الطالب لو عمل مقارنـة ونسي يرســـم هينقص درجات .. والله دا الى بيحصل اثناء التصحيح في مادة الفيزياء بالذات ولو مش مصدقيني اسألو اي مدرس وهو يقولكو الكلام دا جايز غلط ولا حاجة بس ما اعتقدش ان انا غلط لان انا مجرب الكلام دا .. مثـــــلا .. لو جة سؤال زي استنتج معامل اللزوجـة مثلا يعني.. الطالب لو استنتج القانون من غير ما يرسم التجربة ويكتب الخطـوات..لو المسألة عليها 3 درجات ..هيا خد 1.5 ... وكذلك القانون بتاع الضغط المؤثر علي نقطة في باطن سائل ..لو كتبت الاستنتاج من غير ما ترسم وتشرحلـة بالعـربي والله والله لتنقص نص الدرجة .. والســــؤال بتاع اذكر العوامل التي يتوقف عليها كل من ... لو كتب العوامل من غير ما تذكر التناسب (طردي او عكسي ) وكدا برضو بتنقص درجـات .. وسـؤال اذكر تجربة عملية توضح_______ ... لازم يكتب اسم التجربة وخطوات العمـل والغرض من التجـربة والاستنتاج والقانون المستخدم في التجربة ورسـم التجربة ..لو خطوة ناقصـة من دول هتنقص .. حاجات كتير بتنقص الطالب من غير ما يحس وبيفتكر انة خرج من الامتحان وعامل الاجابات كلها صح وواثق انة يجيب 50 ..وتلاقية مصدوم يوم النتيجة وجايب 40 ...ويعد يعيط ويروح يعمل تظلم وف الاخـر ولا بياخد حاجـة .. احنا خلاص فاضل شهر ونص او شهرين بالكتير ع الامتحانات ولازم نفهمهم الكلام دا ... وامتحان السنة الى فاتت كان سهل جدا معني كدا ان السنادي هيكون صعب اكيد ولازم الطلبة تذاكـر الصعب والسهل وتتعـــود على كتابة الاجابة النموذجية عشان تاخد الدرجـة كاملـة والا هتتصدم يوم النتيجة :d... كلامـي موجة للطالب الى بيخاف ع نصف الدرجـة لتضيع منة وعايز يجيب 50 .. الفيزياء مش سهـلة ..الفيزياء محتاجة تركيز عااااااالي ومزاكرة جامدة وفهم كل درس يشرحة المدرس وبعد ما نفهمـة نحفظة وعمرنا ما هننساه .. تاني مـرة بقـول الامتـحان جاي صعب .. اللهم قد بلغت اللهم فاشهـد .. جزاك الله خيرا وجعـــــل مجهودك في ميزان حسناتك وربنا يوفقهم ويوفقنا كلنا |
اقتباس:
|
لو سمحتم هو فى كتب مراجعة للكيميا نزلت و فين لو نزلت لان سمعت انها مش هتنزل
|
اقتباس:
ما هو يعنى ايه صعب حضرتك صعب تختلف من معنى لاخر لو اللى حضرتك عرضته والتكات اللى فولت عليها .... صحيح الحاجات دى بتوقع طلبة كتير لكن لو جت ف الامتحان واكيد جاية يعنى مش هيخرج الطالب الكويس وبقول الكويس يقول عليها صعبة ولو تقصد صعب ف مسائل فده طبيعى يجى ف مسائلتين ع الاقل وف الاختيارى بيكون فيه برده حاجة بتوقف طلبة كتير وانا بقرا مفهوم صعب دى تمثل قدامى امتحان 2008 وحتى لو كده هتبقى برده حركة قديمة لان الاولمبياد موجودة وتتحل كويس والامور ان شاء تتحل يعنى كنت استاذنك بس انك تهدينا ومش معناها انك تعيشنا ف الوهم او تضحك علينا او تخرجنا من الواقع لكن طريقة الرعب دى ف الكلام بتدمر طلبة كتير قلوقة بطبعها ومحتاجة كلمة تهديها عشان تواصل واخيرا لا يعلم الامتحان الا واضع الامتحان بس شكرا جدا ع الحاجات اللى قولتها فعلا نبهتنى لحاجات كتير وانا بجاوب الامتحانات تقبل وجهة نظرى |
حد سمع بتغير شكل الورقة الامتحانية لعلم النفس ؟!
دول شلفطوا الورقة خالص :) |
اقتباس:
|
يا جماعة ماكنتش فيزياء يعنى :)
و الله العربى أرخم منها :) أنا شايف الفيزياء الفصول الى فيها دماغ شوية اكتر من الباقى هم الرابع و السادس و التاسع دول الى ممكن يعملوا مشاكل فعلاً إنما الباقى أنا شايفه عادى الصراحة .. طبعاً فيه أفكار بس مش بنفس قدر أفكار الفصول الثلاثة و الله كتاب الامتحان نفسه أصعب من امتحان آخر السنة :) |
جميع الأوقات بتوقيت GMT +2. الساعة الآن 09:35 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.