|
اقتباس:
لو هو من سوهاج واترشح لأسيوط وعايز يحول لجامعة سوهاج يبقى ينفع يحول بس يكون جايب مجموع الكلية اللى فى سوهاج والإجراءات يبقى يروح الجامعة ويسأل هناك أفضل وهما هيقلوله على المطلوب |
بسم الله الرحمن الرحيم ------------------ دي اول مشاركه ليا في المنتدي واللي دفعني لكدا شهره المنتدي انا كنت عاوز استفسر عن حاجه بخصوص التحويل انا ليا واحد صحبي جاب تجاره بور سعيد وعاوز يروح المنصوره هو كان ادبي وجايب 77 % هل ينفع يحول علي الرغم من ان التجاره في الادبي خدت من 80% وهو اما كان بيسجل رغباته كانت كليه التجاره جامعه المنصوره قفلت ادبي وماعدتش في مكان الا للعلمي انا سمعت ان في تحويل عن طريق الحواله البريديه ان هو بيدفع 150 او 200 جنيه ويروح الكليه اللي هو عاوزها هل الكلام ده صحيح؟؟؟؟؟؟؟ اسف علي الاطاله شكراااااااااااااااااا |
ياريت حد يرد عليا في اسرع وقت
|
اقتباس:
اقتباس:
أهلا بيك محمد فى البوابة ، نتمنى لك الاستفادة بالنسبة للاستفسار ، هو لو كان من بورسعيد وجاتله كلية فى بورسعيد وعايز يحول المنصورة يبقى مش ينفع لأنها منطقة أبعد ليه التحويل فقط للمنطقة ( أ ) لتقليل الاغتراب وكمان لازم يكون جايب مجموع الكلية المحول ليها عشان يتقبل والتحويل بيبقى من على النت عادى من غير حوالات بريدية أو غيره شرفت المنتدى وأهلا بيك |
جزاك الله خيرا ومعلش اخر سؤال هو انا لازم اروح الزقازيق علشان اخذ موافقة انى احول لكلية فى اسماعيلية وهوممكن اعمله على النت بس ومعلش عايز اسالك على حاجة انا لو مجتليش كلية فى اسماعيلية وفضلت فى كلية الحقوق اهلى قلولى ادخلها منزلى هل ينفع وفى رائيك هعرف اذاكر لوحدى من عير شرح مع العلم انى لو مدخلتهاش منزلى مش هدخل كليات خالص ايه رائيك اعمل ايه لو سمحت ربسرعة
|
ل لو حد جاتله تجارة شبين الكوم وعاوز يحول اداب شبين الكوم والاداب اقل طبعا .. ايه الخطوات ويبتدى من امته فى الاجرراءات وايه هيا بالتفصيل ارجووووكم
|
اقتباس:
|
لو سمحت انا جايب 97 وواخد الثانوية من المنصورة وعاوز احول القاهرة لظروف لي واقدر اثبت اقامة هناك اعمل ايه وهل التحويل الالكتروني اقليمي؟
وماذا عن التحويلات الورقية؟ |
طيب انا جالى تعليم مفتوح عايز اعرف لما بقدم بدفع المصاريف ولا ايه نظام ..............؟؟
ولا ايه خطوات ارجوا السرعه لان جواب الترشيح جالى هناك |
والنبى يا استاذ مصطفى هو نتيجه الى استنفذوا رغباتهم هتظهر امتى انا جالى اكتئاب من موضوع التنسيق ده وتعبت اوى الصراحه :(
عرفنى ارجوووك |
http://www.thanwya.com/vb/life/buttons/viewpost.gif لو سمحتم انا عايز احول من آثار القاهرة لألسن عين شمس وانا مجموعى جايب ألسن وكمان انا من المنصورة اختار "إلتماس"؟؟ ولا فى إختيار تانى ؟؟؟ وكمان هل ممكن الإلتماس يترفض؟؟؟ والنتيجة بتبان إمتى ؟؟ وشكرا
|
اقتباس:
التحويل من كلية لكلية بيبقى من على النت ، وهو الآن مفتوح لو عايزة تحولى بس هتحولى للمنطقة الجغرافية ( أ ) فقط ، لأن ده المتاح وبالنسبة لكلية حقوق منزلى دى منصحش بيها خالص لأن هيبقى صعب عليكى إنك تقضيها فى البيت من غير محاضرات ولا تواصل ولا حاجة لو عايزة تحولى لكلية عايزاها داخل المنطقة الجغرافية وجايبة مجموعها أوك حولى ، لو مش عايزة خليكى فى حقوق بس خليكى انتظام عادى خالص عشان تقدرى تكلملى فيها بالتوفيق |
اقتباس:
لو تقدر تثبت إقامة هناك يبقى ينفع تحول عادى وبالتحويل هيبقى من على النت عادى ، المهم تكون جايب مجموع الكلية اللى هتحولها |
اقتباس:
المفتوح ده بيبقى على حسب كل جامعة روح الجامعة اسأل هناك عن نظامه ومصاريفه عادى وهما هيقلولك عليها |
اقتباس:
والله أنا مش عارف ليها ميعاد بالظبط ، بس هيا كمان يومين أو تلاتة بالكتير بس انتى اطمنى مفيش حاجة خالص كل شىء سهل وهما هيقبلوكى فى الكلية اللى جايبة مجموعها من غير مشاكل إن شاء الله ربنا معاكى |
اقتباس:
لو كنت هتحول للمنطقة الجغرافية ( أ ) يعنى عين شمس تبع المنطقة الجغرافية بتاعتك يبقى ممكن تحول عادى ومش عارف يعنى إيه التماس والله بس هى الشروط إنك تحول لمنطقة أقرب ( أ ) مش أبعد منك لأنه ده غير متاح وتكون جايب مجموع الكلية المحول لها |
لو سمحت انا جاتلى اداب المنيا وعايزة احول ادب اسكندرية عشان انا من اسكندرية ومجموعى 301 اعمل اية
|
اقتباس:
هو فرق بينك وبين اداب اسكندرية 12 درجة ونص يعنى فرق كبيير جداً طيب ادخل على موقع التنسيق وحول لأداب اسكندرية يمكن يقبلوك واتبع الخطوات كاملة وانتظر النتيجة بعد كدا |
اقتباس:
وممكن احول اية فى اسكندرية عشان انا مينفعش اروح حتى تانية |
لو سمحتو بليييييييز هو تنسيق مرحلة تالته هيبدأ امتى ؟؟؟ ونبى لو حد يعرف يقولى بلييز ... وكمان عايزة اعرف هو ايه نظام تجارة تعليم مفتوح بالنسبة للمصاريف والشهادة زيها زى تجارة انتظام ولا فى فرق ؟؟؟؟؟ بليز حد يرد عليا
|
انا الحمد لله دخلت علوم أسيوط بس انا عايز قسم حاسب فقط ودا غير موجود فى أسيوط وموجود فى المنيا ومجموعى يقبل المنيا هل فى اى طريقة مهما كانت صعبة انى احول بجد حراااام |
الله يبارك لك يا استاذ مصطفى تساعدني انا مرحلة تانيه واستنفدت جميع الرغبات وجيت النهارده الفجر اكتب الرغبات من جديد لقيتهم قفلوا التسجيل أعمل ايه الان؟انا اعصابي تعبت ومش عارف اتصرف والرقم اللي حطينوه (19468)مش باعرف اوصل منه لحاجه ،هل كده خلاص راحت عليا ولا ايه انا مش عارف انام ولا اعمل حاجه وحاسس بضياع الله يبارك لك قول لي اتصرف ازاي؟؟؟؟ |
لو سمحت انا دخلت عشان اعمل تقليل اغتراب و الموقع مبيفتحش واقف عند جملة جارى تحميل بياناتك الشخصة وهو واقف من زمان على كدة اعمل ايه
|
اقتباس:
تنسيق المرحلة التالتة هيبدأ تقريباً يوم 12 أغسطس على حد علمى ، بس هنقول على طول لما يظهر ونظام تجارة مفتوح بيبقى زيك زى الانتظام فى نظام الدراسة والشهادة بس الفرق إنك ليكى مواعيد لوحدك وامتحانات لوحدك وبدفعى مصاريف بس المصاريف على حسب كل جاامعة بس هى مش هتزيد عن 1500 أو 2000 فى السنة كلها بس الأفضل تروحى الجامعة وتسألى عن البرنامج بالظبط ومصاريفه كام |
اقتباس:
والله على حد علمى مش هتقدر تحول لأنها منطقة أبعد منك وانت مقبول فى المنطقة ( أ ) ومش ينفع تحول ل ( ب ) أو ( ج ) بس تقدر لو تثبت إن معاك سكن هناك خاص بك بكده ممكن تروح وتحول بالتوفيق |
اقتباس:
والله مش عارف أقولك إيه ، يعنى حضرتك لا سجلت فى ميعادك ولا سجلت دلوقتى أمال إيه اللى كان بس مصبرك الوقت ده كله ..!! على العموم أنا مش عندى حل والله غير إنك تفضل تتصل بالرقم لغاية ما يردوا هما بس اللى يقدروا يحلولك مشكلتك بس متقلقش كل حاجة محلولة ، وإن شاء الله تقدر تقدم عادى ، بس بطرق تانية أنا مش عارفها والله ربنا معاك وبالتوفيق |
اقتباس:
افتحى يا أمنية من متصفح اكسبلورر وهو هيشتغل معاكى من غير مشاكل وأى حاجة تحتاجيها ، إحنا تحت أمرك |
انا سجلت تربية شعبة تربية فنية اسماعيلية فى تقليل الاغتراب وانا معملتش اختبار القدرات لو جاتلى الكلية دى هل ينفع يقبلونى ولا لالو سمحت رد عليا بسرعة عشان انا قلقانة قوى ولو مرضوش يقبلونى هل مفيش كليات تانية ادخلها ومعلش اخر سؤال انا كنت سالتك عن فى كليات مش مكتوبة فى الحد الادنى للجامعات وحضرتك قولتلى ان هى فيها كدة مكان للطلاب بس انا ملقتش حاجة من الكليات دى فى تقليل الاغتراب ممكن تقولى الكليات دى متكتبش ليه وانا اسفة انى طولت عليك
|
اقتباس:
|
لو سمحت رد عليا بسرعة
|
معلش يا مصطفى انا بتعبك معايا انا جالى اداب القاهره ومجموعى88% وفى العربى54 والفرنساوي45.5والا نجلش 39.5 ونفسى ادخل اسبانى او ايطالى فهل ان شاء الله تأتى ام احول تجاره احسن
|
اقتباس:
بالنسبة للقدرات ، شروط التحويل من كلية لكلية مكتوبة كدا فى موقع التنسيق أولا: تحويل إلى كلية غير مناظرة: · يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت. يعنى ده بيوضح إنه لازم تكونى ناجحة فى اختبارات القدرات مش عارف بقى هيرضوا يقبلوكى ولا لأ فى التحويل ده وبعدين تقدرى تختارى أى كلية ظاهرة عندك فى الرغبات ، مش لازم دى بالذات يعنى تقدرى تغيرى الرغبات فى أى وقت لو حبيتى وبالنسبة للكليات اللى مش موجودة ، مش عارف ليه مش مكتوبة لا أعرف سبب لها والله ، بس احتمال إنها تكون محتاجة مثلاً درجات فى اللغة أو قدرات أو غيره يعنى مش هتقبلك لأنك مش عندك شروطها يعنى الكليات اللى ظاهرة ليكى دلوقتى هى المتاحة لكى فقط ، ويمكن تكون ظاهرة عند غيرك ( والله أعلم ) يمكن يكون ليها تفسير تانى بس ممكن تقوليلى إيه هى الكليات اللى لسه منزلتش وأشوفها انا وأتأكد منها ؟؟ بالتوفيق |
اقتباس:
هو بالنسبة لدرجاتك فى اللغات كويسة جداً جداً ، بس أنا والله مش عارف بالظبط هل لأداب أسبانى أو إيطالى شروط تانية فى الموضوع ده فيه واحد بيقول إنهم بيختارو أكتر 50 طالب حاصلين على أعلى درجات فى اللغات http://www.thanwya.com/vb/showthread.php?p=3777356 بس الأضمن لكى إنك تسألى حد تانى يكون فى القسم ده أو تسألى فى الجامعة عن شروطه ولو مش قابلك ، ممكن تحولى تجارة ، كلية جميلة ومستقبلها كويس طبعاً بس القرار الأخير يرجع ليكى لوحدك بالتوفيق يا لوجينا |
انا عايز احول تجاره انجليزى ومش موجوده فى الرغبات وانا مجموعى جايبها بس كليه التجاره الانجليزى مش موجود فى كفر الشيخ
هو دا السبب فى انها مش ظهره |
اقتباس:
لا يشترط إنها ما مدام مش موجودة فى كفر الشيخ يبقى ما تظهرش لأن هتظهرلك فى بلد تانية ( الأقرب لك ) بس انت ممكن واحتمال يكون مجموع اللغات عندك قليل ( والله أعلم ) لأنها حصلت معايا فى تنسيق المرحلة الأولى درجاتى فى اللغات مش كبيرة ومكنتش ظاهرة ليا تجارة انجلش بس كانت ظاهرة لغيرى بالتوفيق |
بص يا باشا انا دخلت على التماس تحويل لجامعه غير مناظره خارج المنطقه الجغرافيه أ لقيتها موجوده
انا خايف اكتبها ومدخلش الكليه ؟؟؟ |
اقتباس:
طيب خلاص الحمد لله إنك لقيتها اتوكل على الله واكتبها وإن شاء الله تقبلك ولو ( لا قدر الله ) متقبلتش خلاص إنت مش هتخصر حاجة لأنك لسه قاعد فى كليتك متخفش من حاجة واكتبها وبإذن الله تكون من نصيبك ربنا معاك |
طب يا باشا انا هتعبك شويا ممكن تشوفلى هى واخده من مجموع فى الانجليزى كام
|
انا تحويل كلية مناظرة وقدمت الحمد لله الفرق بين علوم المنصورة وعلوم شبين اللى عاوزاها 2 درجة بس ... فى امل يتقبل تبع ال 10 % ولو ماتقبلش خلاص كدة ولا ممكن اعمل حاجة تانية
|
اقتباس:
والله مش عارف بالظبط هى قبلت من كام بس على العموم هى مش أقل من 40 فى الإنجلش لأنى أعرف واحد جايب 43.5 فى الإنجلش واتقبل فيها لكن معنديش معلومة أكيدة عن درجة القبول بالظبط |
الكليات اللى مش ظاهرة فى تقليل الاغتراب ومكتبتش فى الحد الادنى للجامعات هى كلية تربية شعبة تربية خاصة الاسماعيلية دى فيها 62 طالب بس و كلية تربية طفولة اسماعلية فيها38طالب ومفيش رغبات مناسبة عشان اهلى مش راضيين ادخل كلية خارج اسماعيلية هو اسماعلية وبس وفى معاهد و جامعات مفتوحة بس مصرفها غالية قوى وانا مش هقدر عليها لو سمحت قولى اعمل ايه ولو مقبلونيش فى كلية تربية شعبة تربية فنية اسماعيلية كدة تكون كلية الحقوق اللى جاتلى فى الاول راحت ولاممكن ادخلها(مجموعى 73.54) مع العلم ان فى طلبة دخلت كلية تربية شعبة تربية خاصة اسماعلية ومجموعهم اكتر منى 2 درجة ممكن ادخل من ضمن 10% وانا متاسفة جدا انى طولت عليك
|
شكرا يا باشا تعبتك معايا
|
اقتباس:
خلاص كده إن شاء الله تتقبلى من خلال ال 10% بتوع التحويل لأن فرق الدرجات مش كتير بس المهم إنك تكونى حولتى للمنطقة ( أ ) عشان التحويل يتقبل أو أقرب منطقة ظاهرة عندك وكده مفيش حاجة تانى فقط انتظرى النتيجة وربنا معاكى |
لوسمحت انا جايب 331 فى تالته ثانوى عام وجالى معهد فنى تجارى بالمطرية ممكن احول من داخل المعهد الى فنى صناعى بالمطرية ولا لازم اعمله تحويل من على النت ولما جيت اعمله تحويل ملقتهوش
|
ممكن اعرف المرحلة التالته امتي
|
معلش يا مصطفى تعبناك معانا ..
هل دلوقتى خلاص مينفعش احول لاى كليه تانية داخل الجامعه اللى انا فيها جامعة اسكندريه وانا اصلا فى اسكندريه يعنى مفيش اغتراب ولا حاجة وانا كنت مرحلة اولى وجتلى كلية اداب ؟؟ هل مينفعش احول لكلية تربيه دلوقتى فى نفس الجامعه ؟؟ هل قسم انجليزى فى كلية تربية جامعة اسكندرية(لو عندك معلومات) هل بيحتاجوا درجة الانجليزى ؟؟ يعنى ايه التنسيق الداخلى للكليه (مكتوب على موقع كلية الاداب جامعة الاسكندرية ترقبوا بدء التنسيق الداخلى) ؟؟ انت بقى كلية اداب قسم ايه؟؟ وتنصحنى ادخل ايه فى كلية اداب غير اللغات ؟؟ شكـــــــــــــــــــــــــــــــــراً |
لو سمحت كنت عايز اعرف ازاى احول من تجارة انجليزي اقاليم لتجارة القاهرة مع العلم ان فارق المجموع بيني وبين قاهرة(7%)
ولو منفعش الاغتراب فيه طرق تانية !! او على الاقل اقدر احول تجارة عربي قاهرة |
شكرااا اوى على الرد يامصطفى بس انا عايزه اسأل هو بيكون فى تحويل فى بدايه الدراسه هو بيكون بفلوس ولا ايه اصل اناسمعت كده بس مش بيكون على النت هو بيكون بالورق فعلا ده ولا ايه
|
انا كنت كاتب تجارة انجلش وانا من ادارة العمرانية وجايب 402 مجموع تجارة انجلش قاهرة بس جتلي تجارة انجلش حلوان عندي استفسار لما دخلت اعمل تقليل اغتراب كتبلي الرسالة دي عزيزي الطالب لقد تم قبلولك في المنطقة الجغرافية (أ) المخصصة لك حد يفهمني اصده ان حلوان اقرب مكان ليا ولا اقصده اني كدة هروح القاهرة
|
لو سمحتم عندى استفسار فى حاجه؟؟؟؟
ازاى طالب يبقى جايب مثلا 324 (79فى الميه) فى النتيجه وفى التنسيق يلاقى نفسه جايب 271(90فى الميه) ودخل كليه عاليه انا لقيت مجاميع زى كده كتير لو سمحتوا اللى عنده اى فكرة عن الموضوع ده يتفضل يرد |
| جميع الأوقات بتوقيت GMT +2. الساعة الآن 01:42 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.