|
معلش يجماعة هو اى قسم اول سنة بتكون فيه بتكون غريبة شوية على ما تعرفوا النظام - والله يامهندسة ياسمين حصل معايا موقف مع ال كتور عبد ربه مش عايز اخوفكم بيه بس نظام الدكتور عبد ربه مريح جدا هو بيتعمد فى امتحاناته على مبدا ( اجب قدر المستطاع) يعنى الامتحان كل المسائل من الكتاب وبنفس الارقام بس طويل جدا متقلقوش منو خالص الرسم انتوا بنفسكم هتيجوا تقولوا فى نهاية الترم ده اننا مخدناش رسم وخمس لوح ده فعلا انا فاكر اننا كنا سبع لو او اقل هو بس اهم حاجة فعلا تعرفوا رسمة المسمار على فكرة انا خفت ارسمه فى الامتحان ومش رسمت الا قليل وجبت جيد لا دوائر ترم اول وترم تانى بس مرتبطين ببعض جدا زمان كانت الدوائر ممتمدة بس احنا اول دفعة يقسموا الدوائر فيها الدكتور حمدى محترم جدا وهيفيدكم بس تابعوا معاه فى المحاضرات وانا قلت ان المادة دى جميلة وهتعرفوا ان جمع 1+1=0 |
انا الحمد لله لقيت طريقه بسيطه لرسم المسمار على اللينك ده http://www.sciencesway.com/vb/showthread.php?t=15452
قولولى ايه رايكم |
يا بشمهندسين ممكن سؤال انا مجموعى بالظبط 625 والهندسه من621.5 يا ترى هدخل مدينه على امتى كده وجزاكم الله خيرا
|
اقتباس:
بالنسبه للمدينه ان شاء الله تدخلى على اول 11 كده ما تقلقيش وربنا يوفقك |
والله كويس انك هتدخلى على 11 كده اعتقد ان عندنا هيدخلو على 22 كده معلش يجماعة هى اول ايام الدراسة بتكون صعبة على ما نظبط نفسنا على الوضع الجديد ربنا يوفق الجميع ومعلش هيقل دخولنا علشان السفر |
ايه ده ياسمين الطريقة دى لرسمة المسمار حاسس انها صعبة انا فاكر انى كنت برسمه بايدى غالبا هتحتاجة تقفلى حاجات بايدى مش شرط الادوات دايما بس تقفليها صح وانا اعتقد انك اول ما هترسمى اول لوحة هتلاقى الموضوع سهل |
جزاك الله خيرا طيب عندى سؤال كمان انا ان شاء الله هقدم للمدينه يوم الاحد ممكن تققوليلى هاخد معاى فلوس قد ايه؟
|
لا يا هبه التقديم مش بيكون بتدفعى فيه فلوس لان ده تقديم للدخول وانتى لسه ما قبلتيش لما تتقبلى واسمك ينزل ساعتها بقى ابقى خدى معاكى 500 جنيه كده وان شاء الله لازم اشوفك فى الكليه
|
ينهار ابيض هيا بقت 500 جنيه وده للترمين ولا ترم واحد ياسمين اختنا هبة حاولى تقابلى ياسمين فى الكلية علشان تفهمك ومش تتعبى كتير ربنا يستر |
ياااااااه من زمان يا هندسه السنه ال فاتت كانت 484 جنيه والسنه دى 540 ايه انت مش سكنت مدينه ولا ايه طبعا للترمين
والله انا بنزل كل يوم لبتوع اعدادى بس تعبت بقى خلاص اصل ليهم مدرج فوق وواحد تحت وانا فى النص فيبقى بقى ال عايز حاجه منهم ييجيلى ويقول بس فين ياسمين انا بس ال فى الدفعه ياسمين صح ولا انا غلطانه |
ازيكم يابشمهندسين ويابشمهندسات
معلش على عدم المشاركه لان النت عندى كان فوق العقيم كان وحش جدا بدأ يفتح النهارده اخيرا يااارب تكون السنه جميله على الناس كلها بالنسبه للدكتور حمدى يا ياسمين لو هو بتاع الرياضه معرفش هو ولا فى واحد غيره الراجل ده محترم جدا كل اللى بيطلبوا المحاضرات وحل الشيت الامتحان مخرجش منهم وكمان فى ساعات كده بيدى مسائل واجب دى مهمه جدا وبيهتم بالغيااااااااااااااب وبياخد اسماء الناس اللى شغاله معاه امتياااز على طول انا جبت امتيااز فى الرياضه مع انى كان عندى سؤال كامل غلط لكن خطوات الحل مظبوطه لكنى خرفت فى المسأله بس عشان كنت كل الشغل بتاع طول السنه انا كنت فيه فخد امتياز عشان كده الغياب لو بيحل مسأله وبيقترح حل فرصه فكروا معاه واللى بيوصل للحل بياخد اسمه وياخد الامتياز والمسائل اللى بيديها واجد طبعا الناس تقول ياراجل واجب ايه هو احنا اطفال لكن المحاضره التانيه تكون المسأله دى محلوله بالالوان بقى وحاجه نظيفه كده زنعمل اللى علينا وربنا يوفقنا بالنسبه للرسم بقى اللوحه بتاعه الصواميل دى هى ارخم لوحه موجوده لانها ممكن تكون معقده شويه لكن بعد كله هتلاقوا الصاموله والمسمار حاجه صغيره كده فى الرسمه مش باين لها تفاصيل هتلاقوها بعد كده تعملوها بمنتهى البساطه مش قضيه ياعنى المهم بس تفهموا ازاى تركبوا الرسمه هى دى المصيبه كلها اللى يعرف يركب خلاص كده الف مبروووك ليه واللى مش هايعرف هايفضل قاعد جنب الرسمه مش عارف يبدأ منين ومهم جدا ترسموا الرسمه كروكى كده بره خالص عشان تعرفوا حدود الرسمه وايه اللى ظاهر فوق وايه اللى هايتحط جوه وكده ياعنى هو ده المهم الصمواميل هتلاقوها حاجه هايفه كده الدكتور اساسا مش هياخد باله هى معموله بالقوانين ولا معموله ازاى هو عينه على الرسمه الكبيره دى صاموله ايه اللى يبحلق فيها وبالنسبه للجيش يا ياسمين الجيش قال اتصرف مسمعتيش عن المثل ده قبل كده |
بالنسه بقى للصاموله
اقولكم انا كنت بعملها ازاى بالظبط اللى بيعرف يعملها الكلام اللى بيقولوه ده يطنش للكلام اللى بقوله هتكون عندنا فتحه فى الرسمه اللى عندنا اللى مطلوب احط فيها مسمار لنفرض 15 اقوم ادى طول المسمار وراسه بقى اديله 15 كمان 7.5 يمين و7.5 شمال بقت عندى راس المسمار تلات اجزاء 7.5 يمين 7.5 شمال 15 فى النص اللى هى 7.5+7.5 بالبرجل بقى واعمل الاقواس اللى قوق لحد اما يبقى شكلها مظبوط وبعد كده هتلاقوا المسامير صغيره هاتعملوها بايديكم ده بالنسبه للمسقط elevation كطب ال plan لو عملتelevation اطلع بعواميد واوصل هلاقى المسدس بقى مظبوط طبي انا مرسمتش الراسى هعمل ال plane ده ازاى عادى خالص اشوف نصف القطر قد ايه واسمه على اربعه واخد خط افقى للدايره اقسم الخط لاربعه بالبرجل طبعا او الديفايدر اى ان كان واخد عواميد هاتقطع الدايره فى نقط اوصل اضلاع المسدس وكل سنه وانتم طيبين الموضوع سهل مجرد مره ولا مرتين هتلاقوا ايديكم بتعملها لوحداها اما بالنسبه للجانبى ده مفيش اسهل منه ارتفاع راس الصاموله من الراسى عرض راس الصاموله من الافقى انا الحقيقه كنت مكنتش ببصص على ال plane خالص انا كنت بسيب حبه مين وحبه قدهم فى الشمال واخد خط فى النص وخلاص الفرق بقى بين راس المسمار والصاموله ان راس المسمار الاقواس ها تتعمل من جهه واحده وهى اللى فوق ويتقفل بيها المسمار اما الصاموله حته من المسمار هتعدى الصاموله ولاقواس دى هتتعمل من الناحيتين والصوره اللى ياسمين جابتها دى مبينا كل حاجه ياريت تشوفوها |
http://i95.servimg.com/u/f95/13/55/24/20/anigif16.gif
هى دى الصوره اللى فى الموقع اللى ياسمين جابته يارب أكون افدتكم ولو حاجه بسيطه |
ياجماعه حد فى معهد صيانه او فى هندسه بنين عوزين نسئل عن موضوع مهم فيه واحد فى المعهد مش حضر السنه الاولى خاااالص ولا اى امتحان كمان كده لو دخل السنادى تقديره هيخده كامل ولا لا ولو هيخده ناقص ينفع يحول من معهد الصيانه الى معهد التركيبات ولا لا فى حين ان باب التحويل قفل افيدونا
|
بصو ياجماعه وخصوصا ياسمين حكاية الظم دى كبيره ان احنه نقولهه لان احنا مش فهمين او بنحاول منفهمش الحكايه انتم عرفينهه الاولاد ليهم ام كلية طب على مستوى مصر طيب البنات ليهم كام كليه اذن اكيد وبتاكيد تنسيق طب بنات يكون اعلى اذن احنا نطالب بانشاء كليات طب بنات بعدد كليات طب بنين حتى لو كان عدد الكليات الطب بنين 1 او2 او3 او...... فهمنى طبعا زيهه قيسو كلية هندسه وتنسيقهه وزيهه صيدله وزيهه اسنان وزيهه علوم فهمنى ولااى حد عاوز استفسار اخر عن الموضوع اوكلام خليه ويوجهه لانشاء عدد من الكليات بنات مساويه لكليات البنين مفهوووووم طبعا اذن مش فيه ظلم في تنسيق البنات فيه ظلم في عدم وجود كليات بنات بنفس عدد كليات بنين ياااارب اوك افدت مش ضلللت
|
ازيكم جميعا عاملين ايه وايه اخبار الكليه معاكم يا رب تكون كويسه ويكون ال داخل قسم جديد عليه موفق فيه وال قديم فى القسم تكون سنه كويسه عليه
اتكلم عن زفته كهربا هو ليه القسم ده تقيل كده مش عارفه دا احساس الناس كلها ولا انا ال غبيه انا مش عارفه اعبرلكم عن ال انا حساه والله ولا عارفه اقول سهل ولا صعب ربنا يستر بالنسبه للدواير دكتور مهنا حلو السنه دى وكويس زبيشرح لنا كويس جدا بس هى تقيله شويه يمكن علشان جديده والمخ لسه راكن بس هو بيقول انه هيعملنا امتحان كمان اسبوعين معقول الكلام ده ولا بيهددنا وكمان انا عايزه اكبر كم من الافكار مش عارفه اجيبها منين كمان لسه الكتاب ما نزلش الرسم بجد مش عارفه هو الدكتور شريف بيعمل فينا كده ليه اكيد ال دخل السكشن عارف انا بتكلم على ايه يعنى ايه بكون اول مره نرسم مسمار ويعطينا d 10 الرسمه صغيره جدا جدا جدا مش عارفه اطبق فيها اى حاجه وطالعه معفنه وكمان مدينا صفحتين نرسمهم مش عارفه والله كانت حوسه صحيح هو لازم برضو احسب الاكس والواى وكده ولا بالويم ولا ايه انا السنه دى شكلى هكره الرسم ربنا يستر المجالات المده دى غريبه مش عارفه مالها بيعطيهالنا دكتور محمود علوانى دكتور فى الطراوه كده مش فهماله حاجه واحسن حاجه انه بيقول ان مافيش معيدين للسكاشن يعنى هو هيعطينا فى المحاضره محاضره وسكشن ودكتور مهنا بيقول انه بيعطى المده دى فى البنين يا ريت يا جماعه لو حد يجيبلنا محاضرات مهنا يبقى جزاه الله كل خير ايه ده انا برغى كتير كده ليه سلام |
بالنسبه للسؤال عن المعاهد الخاصه والكلام ده انا اعتقد انها سنه جديده عادى وهياخد تقديره كله معرفش
بالنسبه لموضوع الظلم ومش الظلم انا مش عارفه حضرتك بتتكلم عن ايه يعنى مش فاهمه ايه ال فكرك بالموضوع ده او يعنى ايه محدش بيتكلم فيه حاليا او حد سال عن الموضوع ده بس مش اكتر وبلاش نتكلم عن الموضوع ده لانه بيزعل ناس كتير واحنا اتكلمنا فيه زمان كتير |
طبعا ياياسمين لازم تحسبى الاكس والواى
دى هى دى الشغل كله انك تقدرى تتخيليها وتركبيها وتحسبى ايه اللى ظاهر بره من اللى هيخش جوه وربنا يستر انا فى الاول كان الموضوع ده معايا فى مشكله كنت كل مره انسى حاجه احسبها ففى الاخر الاقى فى جزء ذياده ياعنى الرسمه ياترمى فوق ياتحت وبيبقى شكلها احول كده فخدى بالك قوى وانتى بترسميها امال انا بقول ارسموها كروكى فى ورقه خارجيه ليه عشان تبقوا متخيلين الرسمه ومرسومه قدامكم وتحسبوا الاكس والواى وعشان ممكن فى نص الرسمه تلاقوا نفسكم نسيتوا انتم كنتم هاتعملوا ايه او بدلتوا حاجه مكان حاجه كده ياعنى وربنا يسهل انا فاكر الدواير دى خدناها الترم الاولانى هى جميله فيها مش ونود ومش فاكر ايه كده كمان هى لذيذه بس امتحانها بيجى غريب شويه ياعنى عايزه ناس تكون هضماها كويس المحاضرات مع السكاشن مع شويه من الكتاب وربنا يسهل والرياضه نفس النظام محاضرات سكاشن غياب لو فى الشيت اللى فى الكتاب غالبا الامتحان مش بيخرج من الشيت وخاصه لو حمدى اللى هيديكم وربنا معاكم |
انتوا خايفين كدا ليه من الرسم الميكانيكى
طب انا قسم ميكانيكى وكل حاجه عندى ميكانيكا فى ميكانيكا بس والله قسم جميل وبالمذاكرة ان شاء الله كل حاجه هتبقى تمام ولو الدكتور شريف باهى بيدى لأى حد رسم ميكانيكا يبقى هتحس ان الرسم سهل والحمد لله انه بيدينا بس فى العباسيه فى الصالات المكيفه طبعا الكلام ده مش موجود فى الجامعه وربنا يوفقك الجميع الى النجاح |
طب يا بشمهندس الدمرادش انت اكيد بتاخد نفس نفس الكتاب بتاعنا واكيد كمان رسمت اول صفحتين ازاى بقلى رسمت الرسمتين ال على اليمين تحت مش عارفه ارسمها خالص يا ريت لو تساعدنا شويه وكمان دكتور شريف مش حاسه انه بيشرحنا زى الولاد مش عارفه ليه
بالنسبه للبشمهندس رفاعى احنا لسه ما اخدناش التركيب والحاجات دى احنا لسه فى الاول بس انا معايا بنات مش بيحسبو الاكس والواى خاااااالص بيعملوها بالويم كده وعلمونى ازاى وبتطلع صح بس خايفه انفزها دكتور شريف يقفشنى ربنا يستر بالنسبه للرياضه دكتور عبد ربه السنارى هو ال بيعطينا مش الدكتور حمدى الدكتور ده زى قلته والله ولا بنفهم منه اى حاجه بس هى عاديه حاسه انها سهله |
ياستى بالويم بالويم
المهم ترسمى بس انا بتكلم على التركيب لو انوا لسه بترسموا الصواميل والمسامير قسموا اللوحه بالتقدير لكن التركيب لازم عشان ممكن تكونى رسمه كل حاجه صح وتيجى اللوجه ضاربه ييمين |
اولا ازيكم جميعا ثانيا : معلش ياسمين هو ده كهربا فى الاول انا اعرف ناس كتير حولت من القسم لانهم حاسوا انو صعب بالنسبة للرسم مش شرط خالص تحسبى ال x . Y بس انا كنت بحسبهم لانى مكنتش اعرف هنعمل ايه بعدهم هههههههههه هيا بتخلى شكل اللوحة مظبوط مش اكتر وصدقينى انتى بعد كده هتقولى ان الرسم ده تافه وميجيش حاجة من اعدادى بس حاولى تجيبى حل للشيت بتاع الرسم وتشوفى اكبر قدر علشان تعرفى تركبى الرسمة - الظاهر المهندس احمد لسه اول سنة فى ميكانيكا علشان كده بيقول الكلام ده على فكرة انتى موتينى من الضحك لما اتكلمتى عن المجالات بصراحة حظكم وحش فى المادة دى وانا مش هقول ليه بس المجالات مادة تخيلية حاولى تتعاملى معاها من المسائل لان اغلب الامتحان مسائل - بالنسبة للدوائر انا فاكر اننا كنا بنشتغل من مرجع نيلسون وكان فيه مسائل كتير وانا كنت مصور المسائل والحل وبصراحة موت من كتر ما حليت المسائل فى المادة دى - بصى بالنسبة للرياضة المسائل مش هتخرج عن الكتاااااااااااااااااااااااااب صدقونى الكتاب اللى معاكم هو الامتحان بس تلحقوا تحلو مش اكتر وعايز اقولك نصيحة بالنسبة للقسم شدى مع نفسك انتى وزمايلك لان مفيش سكاشن الا قليل جدا - محاضرات الدكتور مهنا اكيد هتنزل بس اخر الترم فيه ناس بتظبطها وتنزلها فى الخليل انا عايزك تبقى تروحى وتشوفى ورق هناك اكيد هيساعدكم مش عايز بس القلق ده ان شاء الله هتلاقوا القسم زى الفل يالا بالتوفيق |
احلى سلام للمهندس رفاعى والمهندس الدمرداش |
السلام عليكم انا سارة فى هندسة الازهر قسم الاتصالات سنة تانية بعد اولى كهرباء اهلا بالمهندسة ياسمين انا متابعة المنتدى من زمان بس كنت مشغولة جدا
قسم كهرباء محتاج مذاكرة اول بأول ومش محتاج توتر خالص بس هو من وجهة نظرى انه اسهل من اعدادى من ناحية المجهود البنى والعقلى بس ذاكرى اول اول وفى المجالات حاولى تذاكرى انتى وواحدة زميلتك انا عملت كده وجبت فيها جج(اذا كنتى تستطيعى ذلك مجربتى ذلك ونجح) واحنا كان بيدينا عبدالسميع وهو ليس افضل حالا من علوانى ده بس حاولى تفهمى المسائل جدا لان الامتحان عبارة عن مسائل اما الدوائر الترم الاول سهلة على ما افتكر النود والمش و كيرشوف دى حاجات سهلة ومعاكو اكيد م.احمدعبدالرحمن وهو الله اكبر ممتاز وحلى وراه اول بأول اما الرياضة اوعى تذاكرى الا من الكتاب لان د.عبدربه بيجيب الامتحان من الكتاب بس طويل حبتين بس ان شاء الله هيعدى اما الرسم فحاولى اهم شىء انك تلاحظى الابعاد المتشابهة هى دى اللى هيخليكى تعرفى تركبى الرسمة باذن الله واهو ترم وهيعدى بأمر الله وقبل كل هذا عليكى ان تستعينى بالله وتدعيه كثير جدا لان الله يحب الملحين فى الدعاء وهو ان شاء الله هيكرمك المحبه لله(دعواتك) |
اعتقد يابشمهندسة ياسمين لو مكنتيش مصدقة كلامى المهندسة سوسو اكدت عليه وهيا فعلا كلامها صح جدا انتوا هتبقوا محظوظين لو درس ليكم المهندس احمد عبد الرحمن بجد انسان محترم جدا وهتسدفيوا منو جدا دوائر الترم الاول دى اساس للترم التانى على ما افتكر اننا راجعناها كلها اول محاضرة فى الترم التانى ربنا يوفق الجميع |
اقتباس:
كده بقى عندنا مهندس باور رابعه ومهندسه اتصالات تانيه ومهندس تعدين اولى ماشاء الله ربنا يزيد ويبارك المهم شكرا ليكى بجد يا بشمهندسه على الافاده وربنا يخليكى ويا ريت لو تبقى تجيلنا المدرج علشان التوهه ال احنا فيها وكده ومره تانيه شكرا ليكى وربنا يجعله فى ميزان حسناتك |
يا بشمهندس الزعيم يعنى ازاى ما اكونش مصدقاك انت ما شاء الله عليك شكلك كده شاطر واحنا عارفين ازاى نستغلك
والله لحد الان ما سمعناش حاجه عن البشمهندس احمد عبد الرحمن ولا نعرف هيدرسلنا ولا لا هو دكتور مهنا كان قالنا ان ما فيش معيدين بس رجع تانى وقال البشمهندس هيبقى يجيلكم ولا جه ولا حاجه مش عارفه ايه النظام والله انا الحاجه الوحيده ال قلقانى هى المجالات لان دكتور مهنا قال عليها كلام خوفنا قالنا انه هو ال هينزل الشيتات بتعها وانه بيدرسها للولاد وانه هيجلنا امتحان موحد يعنى هم يعطيهم دكتور مهنا واحنا دكتور علوانى ويجلنا ازاى نفس الامتحان فى فرق كبير وكمان قال ان على ايامهم كانت اصعب ماده هى المجالات كانت ماده ليها قيمتها لكن من كام سنه كان الكتاب مجرد 10 ورقات والامتحان مش بيخرج عنهم لكن السنه دى النظام هيتغير ولازم المده ترجع زى زمان هو ده ال قالقنى وكمان لانى مش حضرت المحاضره ال فاتت ولما جيت ازاكرها مش فهمتها هشوف حد يشرحهالى بس بجد الماده دى ال قلقانى اكتر من الرسم كمان ادعولى |
- على فكرة كلام الدكتور مهنا ده قالوا لينا فى أولى كهربا وحصلت مشكلة كده بسبب الكلام ده بس مكانش فى ايديه انو يغير نظام ال 10 ورقات لكن دلوقتى بقى فى ايديه انو يغيره صدقينى على الرغم انو هيخليكم تتعبوا شوية بس هتستفادوا وهتخدوا تقديرا محترمة انا اعتقد ان المهندسة سارة هتعانى شوية فى اتصالات بسب دراستها ال 10 ورقات فى اولى لان مجالات مهمة فى اتصالات . - دى حاجة كويسة جدا ان الامتحان هيكون موحد وان الدكتور مهنا هو اللى هيحطه وبالنسبة لمحاضراته هتلاقيها موجودة فى الخليل فيه ناس عندنا بتبيض المحاضرات كويس جدا وبجد لو المهندس أحمد عبد الرحمن دخل ليكم سكشن مجالات متقلقيش منها خالص |
والله يا بشمهندس احنا مش عندنا مانع اننا نتعب بس نكون بنفهم بجد دكتور علوانى ودكتور مهنا فى فرق بينهم شاسع
كلام يخوف بجد ربنا يستر منك يا دكتور مهنا ويعدى السنه دى على خير |
كل عام وانتم بخير
|
كل شيء بلاخد بلاسباب هيمشى يعنى المزكره هتجيب نتيجه جميله مش محتجين ارشاد انا عارف بس اى حد ايف نفسه اى مادهتقيله عليه يكثف مزكرتهه بعدين انا من الى شوفته من مهنا الراجل ده علاق وجاامد جدا دكتور صاجب ماده علميه جمده توكلنا لى الله المزكره اشتغل
|
كل من عفاه الله من تشوف فى الخلقه فليحمده او عجز فى اد اجزاء جسمه فليحمده او توفى عنه اغلى من احب فليحمده او قل عما كان له فليحمده اويعيش سعيدا بدون اى عواق فليحمده فان لاهل الحمد بيت فى الجنه يسمى بيت الحمد الاتكون او تكونى منهم( شيئ خطر فى بالى)
|
السلام عليكم يا احلى مهندسين مهندسين الازهر ازيكم عاملين ايه يا رب تكونو بخير
انتم صحيح مختفيين ليه كده |
مختفين علشان مصدومين من داخلة الدراسة فرحانين من جامعتنا العريقة ما علينا |
السلام عليكم ورحمه الله وبركاته ازيكم يااحلى مهندسين ومهندسات المنتدى اخبار الكليه معاكم ايه يارب تكون السنه دى حلوه علينا كلنا ازيك يا بشمهندس الزعيم و الزفاعى والدمرداش وازيك ياساره نورتى التوبك ويارب فعلا تفضلى معانا على طول ازيك يا ياسو وحشتينى كنت مفتقداكى النهارده ف المدرج واخدنا سكشن دواير وهيدنا المهندس احمد البرعى هو شكله كويس بس مش هيشرح كل حاجه وهو غير معاد السكشم الحمد لله وسمعت ان مفيش سكاشن ف المواد التانيه ياريت ياجماعه لو حد يعرف هو بيبقى فيه ولا لا يقولنا عشان نبقى عارفين من الاول واسفه انى طولت عليكم ويالا سلام |
ازيك يابشمهندسة نور. يارب تكونوا حبيتم قسم كهربا انا علشان لسه مش سكنا مدينة فبصراحة معرفش اخبار الكلية ايه انا اصلا مش معايا كتب اذاكر فيها اى مادة والحمد لله الدكاترة دخلت فى الشرح خلاص واحنا فى الضياع - كويس انهم هتخدوا سكشن فى الدواير انا حاسس انهم مهمتمين بيكم كتير. ربنا معاكم مع المهندس احمد برعى لا اعتقد لازم تاخدوا سكشن فى الميكانيا دى المادة الوحيدة اللى خدنا فيها سكشن وكمان المجالات هتاخدوا فيها وممكن الرياضة اعتقد دول اهم مواد تحتاجوا فيها السكشن ربنا يوفقكم. دعواتكم معايا |
ايه ده يا بشمهندس الزعيم انت مش جايب جيد جدا ازاى ما سكنتش مدينه ليه هى بقت من امتياز ولا ايه عادى كل شى ممكن فى مصر المهم تكون منتظم فى الدراسه
|
لا المدينة اصلا لسه مش فتحت مفيش طالب واحد سكن والله انا اتخنقت فعلا وجبت اخرى والى الان بجد معرفش حاجة عن الكلية ولا اى مادة وكان عندى امتحان ومش عايز اقولكم انا عملت ايه:angry2: انتوا اخباركم ايه فى الدراسة؟ واخبار المعمل ايه؟ |
السلام عليكم الاول ازيك يا باشمهندس الزعيم وازيك يا ياسو عاملين ايه ايه ده ازاى المدينه لسه ما فتحتش هما ماجرنها لاحد ولا ايه ربنا معاكم بجد ولحئتوا تمتحنوا بسرعه كده لاحقيقى ربنا يعينكم ويعنا معاكم نسيت ياياسو اقولك ان الباشمهندس ف السكشن قال ان احنا اللى نحل الشيت اللى ف الاخر وهو مش هيحل غير خمس مسائل بالكتير اوى ابقى حاولى تبدائى فيه وسورى انى طولت اوى يالا سلام |
اها تصدقوا بقة ان لسه المدينة مش فتحت بجد انا الامتحان ده لو الدكتور صححه هيشوف كوارث يارب يدينى صفر بس ههههههههههههه هو نزل ليكم كتاب دوائر كهربية؟ اصل انا اتخيلت بواحدة فى القطر شايلة كتاب دوائر مكتوب عليه اسم الجامعة على ايامنا كنا بنذاكر من مراجع مكنش فيه كتب بس كويس ان فيه عندكم سكاشن القسم مهمتم بيكم مش عارف ليه؟ |
عادى ياباشمهندس متحطش ف دماغك خالص ده اول امتحان بعد الاجازه وبعدين خليك متفائل يمكن الدكتور يعجبه الورقه يديك درجات من عنده (اصل الدكاتره عندهم فكر غريب شويه)وخليك بقى ف اللى جاى وان شاء الله يكون احسن كتير وبعدين واضح جدا الاهتمام بينا انت هتقولى اهتمام فظيع تحس اننا بنيجى نشحت من كل واحد كلمه بيقولها واحنا على فكره عندنا كتاب للدواير وحتى المجالات نزلوا كتاب السنه دى اول سنه |
طالما قولى بنشحت من كل واحد كلمة يبقى انتى فعلا فى قسم كهربا ههههههههه على فكرة انا متفائل على الاخر لدرجة انى متوقع انى ممكن ارتب على الدفعة بسبب درجات نظافة الورقة كويس والله ان فيه كتاب دوائر وكمان كتاب مجالات لا فعلا شكلهم مهمتمين خالص |
اقتباس:
ايه ده هو برضو اداكم سكشن عادى براحته ومين كمان احمد البرعى ده ايه بشمهندس الزعيم ايه نظامه ده كمان البشمهندس ده ومفيش كمان سكاشن عادى مهى زى قلتها |
والله يا بشمهندس الزعيم ربنا يكون فى عونك ازاى الكلام ده لسه مش سكنتم مدينه والله دى مهزله فالحين بس فى الاجازه يقولو تم تجديد المبنى الفلانى وتجميل المبنى العلانى والله دى حاجه تقرف ييجو الاعلام يتفرج على طلبه الازهر المتمرمطين ويشوف المهازل بعينه ولا دا كمان مش من حقنا بلاش اسكت احسن علشان ما نرجعش للموضوع اياااااااااااااااااااه
بالنسبه للدواير اه هى اساسا مهنا مش مخلينا محتاجين حد فيها كانو جابولنا فى المجالات او الميكانيكا علشان بجد رخمين قوى والرياضه والله حلوه والكتاب رائع مش مهم الدكتور المهم انك تزاكر لوحدك وهو بيجيب الامتحان من الكتاب يعنى دكتور بيس خالص تمام الرسم ما اقولكوش مش عايزه اقف على لوحه خاااالص بعد ما كنت بموت فيه مش علشان حاجه بس والله مش عارفه ليه كرهته مره واحده ربنا يستر |
اقتباس:
ايه ده خمس مسائل ومتقل على نفسه ليه كده مش بقول يا بشمهندس الزعيم زى قلته ولا يفيد بحاجه السكشن طب فين المسائل دى يا ساره صفحه كام يعنى اول حلى على اد ما تقدرى وانا معاكى ونراجع مع بعض بكره تمام صحيح يا بشمهندس المعامل دى عاملينلها موال كده ليه هى مهمه للدرجه دى ولا ايه دا انا سمعت اننا هنعمل السنه دى الباور سبلاى الكلام ده صحيح وسمعت عنها كلام كتير دا فى حتى بنت اكبر مننا بتقول ناخد كورس الكترونيات لانه هيفدنا الكلام ده صحيح ولا ايه يا بشمهندس هو البشمهندس رفاعى مختفى ليه اليومين دول يا رب يكون بخير وكمان طلبه اعدادى اختفو خاااالص ربنا يكون فى عونهم دول متمرمطين على الخر وتيهيين خااااالص يلا سلام |
على فكرة يابنات الامتحان اللى انا محلتش فيه كان امتحان د/ سيد ونفس الحركة عندكم هيا سبب الامتحان عندنا سئل وملقاش حد عارف كلمة هههههههههههههه ربنا معاكم - على فكرة ياسمين انتى تنفعى فى حزب المعارضة هههههههههه يابنتى انا هنضحك على نفسنا احنا ازهرية وده اقل واجب ربنا يستر ونسكن السنة دى - ايوة كده صح خليكم مع نفسكم فى الرياضة واشرحوا لبعض فيها بالنسبة للميكانيكا حاولوا تتابعوا السكشن وغالبا المسائل مش هتطلع من الكتاب والشيت - الرسم هيعدى هيعدى متقلقوش منو ان شاء الله - المعمل النجاح فيها بالحضور يعنى اللى يحضر هينجح اكيد ان شاء الله على فكرة عمل باور سبلاى مش مشكلة دى حاجة سهلة هو فيه حد كلكم عن معرض ؟ - لا بلاش كورسات دلوقتى المجال واسع بس انتوا لسه مش حددتم اتجاهكم فى كهربا لسه بدرى على موضوع الكورسات ربنا يوفق الجميع |
كلامك يخوف يا بشمهندس يعنى هو ممكن يعمل لنا امتحان بجد ان كنت بحسبه بيهزر وكمان لما دكتور مهنا دخل وسمعه وهو بيقول امتحان قعد يضحك وقاله خليه كمان دواير معاه فى نفس القاعده وكان بيهزر ربنا يستر انا بكره الماده دى كره العماء
حزب المعارضه مره واحده يمكن رياضه مين ال نخلينا مع نفسنا فيها دى كانت فى الاول جميله وبيضه بدات تغمق مش عارفه ليه والله كهربا دى نحبها تكرهنا نكرها تحبنا الميكانيكا والله لحد الان مفيش معيدين ولا سكاشن دا الدكتور بيقول ال عايزه تشرح فى السكشن تجيلى وانا اكون مشرف عليها وتشرح عادى يعنى هنطلع مهندسين من نفسنا شوفت ازاى |
لا متقلقيش ده الطبيعى فى كهربا بمعنى أصح اعتمدى على نفسك مش تستنى حاجة من الكلية شغلك مع نفسك |
اكتر من كده اعتمد على نفسى حسبى الله ونعم الوكيل
الله يحرق الكليات على ال اخترعها قولو امين |
هههههههههههههههههههه السنة دى فيها حاجات غريبة جدا . انا حاسس انى معرفش حاجة فى حاجة |
| جميع الأوقات بتوقيت GMT +2. الساعة الآن 06:21 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.