ياجماعه النتيجه دى مش هاتظهر ولا ايه

gالسلام عليكم......... اللى عرفناه إن الأوائل سيعلن عنهم الثلاثاء 1 /7 / 2008 م وباقى النتيجة بتكون عادة بعد يو م او يومين خلص الرجاء للجميع بالتفوق

انا مشكلتى انا الامتحانات كانت سهله ( من وجهة نظرى الامتحاات كلها هاية ما عدا الفقة عشان لحته الادبى اللى جابوها فى الامتحان انما كيمياء - احياء - رياضة - انجليزى ) سهلة ومشكلتنا ان مفيش وقعت تراجع خاصة الادب والنصوص والتفسير بس الحمدلله حليت فيهم كويس

بس انا مادة واحده اللى وقعتنى القراااااااان انا مش حافظ قرانت من وانا صغير فوقعت يالا ربنا يوفقنا جميعا النتيجة بكرة الاوائل والخميس الشهادة

احترامى وتقديرى

الامتحان سههههههههههههههل يا اخونا بس انا محلتش السؤل الاول جبر والتانى هندسة عشان الوقت

اصل انا مش اخدت جبر من اول السنه غير مراجعا فقط لانى غيرت مدرسين

وعاوزين تتكلمو اتكلمو على التفاضل

طب يا جماعة ممكن اللى يعرف اللينك اللى هتظهر علية النتيجة او الاوائل يجبها هنا عشان احنا مش عارفين وشكراااااااااا

[معلش يا جماعة اللى ماجل مادة هل هتظهر برضة نتيجتة على النت واية احسنموقع الواحد ممكن يشوف علية النتيجة بالنسبة للثانوية الازهرية.................. الرجاء الرد من فضلكم

انا اللى سمعتة ان اللى ماجل مواد نتيجتة مش بتظهر على النت ولا فى المدرسة انما لما النتيجة بتطلع هو بيروح ادارة الازهر بيعمل بيان درجات عشان يحاول يحسن مجموعة فى المادة اللى ماجلها .............

يا جماعه حد سمع الاوائل فى الراديو او حاجه

وده الموقع ياجماعه اللي يمكن ان شاء الله يوضع فيه النتيجه باذن الله وربنا معاكم وممكن تكتبوا ارقام الجلوس فيه
http://www.alazhar.gov.eg/forum.aspx?g=posts&t=795

والله اللجن اللى جنبنا كانو بينقلو من الكتاب ولجنتى شدة ده انا كنت هعيط بس انا حليت كويس بس مش حليت الاسبوت لايتس عشان مش كنت مذاكرها

يااااااااااااارب ايه التوتر ده

يار ب بدعائكم بس احب اقول لحضرتك كل التوتر ده ولسه اعدادى بس اختى فى الثانويه يعنى مستنيه نتيجتى ونتيجتها

بجد خايفه لانى حطه امل اكون من اوائل المحافظه

وكمان انا تعبت اوى السنه دى وعندى يقين ان ربى مش هيضيعنى

بس دعوتكمالله يخليكم

ربنا يستر الدنيا كلها متوترة اوى اليومين دول ولحد ما النتيجة تطلع

ياجماعه الموقع اللى عليه النتيجه اهhttp://www.alazhar.gov.eg/forum.aspx?g=posts&t=795

بس موقع الازهر اصلا مش بيفتح خالص دلوقتى

على فكرة امتحان المستوى كان سهل جدا الحمد لله بالنسبة للسنين اللى فاتت وكام القطعة كانت موجودة فى كتاب الورك بوك بتاع hello والترجمة سهلة دا هما تقريبا جايبين الامتحان دا سهل عشان الناس تعرف تعوض الامتاحانت اللى حلت فيها وحش

ربنا يستر اهى النتيجة هتظهر بكرة ان شاء الله وكل واحد هيعرف مصيرة ربنا يستر

يا جماعة لو حد سمع اى حاجة عن التنسيق او المدرسين يريت يفيدونا فى الموضوع دا لان الواحد خايف جدا من تنسيق الكليات انا فى القسم الادبى

أنا قرأت فى جريدة عقيدتى النهاردة ان شيخ الأزهر سوف يعتمد النتيجة بعد غد (يوم الخميس) وان الأولى على الجمهورية حصلت على649من650 وان نسبة النجاح فى القسم العلمى 59.5% بينما تدنت نسبة النجاح فى الأدبى فلم تتعدى 50% ورغم ده كلام الناس بيقول انها ممكن تظهر بكرة والله اعلم وربنا يوفقنا كلنا

ياتره انت متاكد يانور القلب من النتيجه
انها بكره ولا لا

مفيش حد عايز يفدنا فى المشوار ده ليه ياجماعه النتيجه مش هاتظهر ولا ايه حد يرد عليا والله انا تعبت وزهئت

انا واحدة صحبتى لسه قايلالى ان اوائل الجمهورية ظهروا على النت وان فيهم تقريبا بنتين بس انا مش عارفة اوصل لاى حاجة خصوصا ان موقع الازهر مش راضى يفتح من امبارح انا خلاص مش قادرة استحمل ربنا يسترها ويا ريت اى حد يعرف حاجة يقولنا وانا معاكو

ياجماعه انا جايبلكم الخلاصه بعد غد .. نتيجة الشهادات الأزهرية
59.5% نسبة النجاح في الثانوية والأولي حصلت علي مجموع 649 درجة

كتب موسي حال:

يعتمد الإمام الأكبر د. محمد سيد طنطاوي شيخ الأزهر بعد غد الخميس نتيجة الشهادات الأزهرية الإعدادية والثانوية والقراءات والبعوث الإسلامية. وصرح الشيخ زكريا اسماعيل رئيس قطاع المعاهد الأزهرية ان نسبة النجاح في الشهادة الثانوية بلغت 59.5% بزيادة 6.5% عن العام الماضي وجاءت نسبة النجاح في القسم العلمي أكثر من 60% وتدنت نسبة النجاح في القسم الأدبي فلم تصل إلي 50%.
أضاف ان نتيجة هذا العام تشهد زيادة في درجات طلاب الشهادة الثانوية القسم العلمي حيث حصلت الأولي علي الجمهورية علي مجموع 649 درجة من 650 درجة.
وسوف تعلن النتيجة فور اعتمادها من فضيلة الإمام الأكبر وستنشر علي موقع الأزهر التعليمي وربنا يوفق الجميع

احنا عوزين حد يرد علينا........ممكن
 

يالهوووووى هى نسبة النجاح قليلة كدا لية

والله عندك حق
انا عن نفسى تعبت من كتر ما انا بسال المدرسين وطول النهار عمالة ادور على المواقع وكل شوية يقولوا كلمة شكل والواحد مش عارف يعمل اية والموقع اصلا مش مهتم بالازهريين خالص وكل الاهتمام للثانوية العامة مع اننا اصعب منهم ولازم نلاقى حد مهتم بينا مش نقعد نضرب اخماس فى اسداس كدا مع بعض الواحد فعلا اعصابة تعبت وكان تعبنا كل اللى حوالينا ربنا يستر ياريت حد من المسوال على الموقع يرد علينا

بجد اوائل الجمهورية ظهروا والاول اسمه عبدالرحمن خطاب من البحيرة100% والثانى برضه من البحيرة 99.38% وكلهم صبيان ماعدا بنت واحدة من الغربية اسمها مى والعاشر على الجمهورية جايب98.9%

والله كلنا تعبنا انا برضه 3ثانوى ازهر كل اما ابحث عن النتيجة يظهر لى مواضيع عن الثانوية العامة وموقع الازهر تقيييييييييل قوى ومش بيفتح بس بجد اوائل الجمهورية ظهروا على موقع الازهر وكلنا مستنيين الفرج

بصى يا نعيم الجنة الموقع مش بيحمل معايا لكن بجد صحبتى فتحته كتبت على جوجل نتيجة الشهادة الثانوية الازهرية وفتحت اول عنوان وبعدين فتحت الصفحة الرئيسية لقت مكتوب الاوائل وكمان انا سألت السايبر تحت قالى ان الاوائل ظهروا والنتيجة فى الانتظار والله انا بقول كل اللى عارفاه لاننا كلنا على اعصابنا

ربنا يسمع من بقك اللهم وفقنا الى ماتحب وترضى

ياجماعه انا مش لاقى اى حاجه
والنبى اللى يعرف اى حاجه يقلى اوام

مبروووووووك النجاح
مقدماً
وطولو بلكم

كلنا عاملين زى الغرقانين اللى بنتعلق بقشه ربنا يسترها معانا كلنا

اية اللى خلاكى توصفينا بكدة يعنى ربنا معانا "لايصيبنا الاماكتب الله لنا"
وواعلمى اخيتى انا كل ما يصيبك انة خير لك حتى اذا لم تحبى ذلك
فاعلمى انة خير من الممكن ان ذلك يبعدك عن معصية وتقربى
الى الله عزوجل اكتر واكتر فا يا اخواتى فى الله هيا نتوضأ
ونصلى ركعتين طلب حاجة وندعوا الله عزوجل بأن يعطينا الخير
وننجح كلنا بمجموع كبير ويفرحنا كلنا يارب يالة نقوم ولوعوا
حد مش يقوم يالة بالله عليكوا

ارجوا من كل ولد فى المنتدى واعتذر كثير
"بعدم كتابة رد فى الموضوع لانى قد عاهدت الله عزوجل على عدم مشاركتى فى اى موضوع
يكونوا لولد"
فمعذرة وسامحونى محديش يزعل ولا يضايق منى معذرة لانى قد عاهدت الله على ذلك
عوزين يبقى شكلى وحش امام الله عزوجل مترضوهاليش صح محديش يزعل
وفى النهاية اقول"لا الة الا انت سبحانك انى كنت من الظالمين

"

يا اخيتى انا باقول كده لاننا كلنا كلمة تودينا وكلمة تجيبنا من قلقنا ومن توترنا وانا متاكدة ان امر المؤمن كله خير وان الخير فيما اختاره الله بس انا قلت كده من زهقى لان مفيش حد معبرنا ومش عارفين امتى النتيجة هتظهر بجد كل يوم تطلع اشاعات انه اليوم اللى بعده اوعى تكونى زعلانة منى وربنا يكرمك بمجموع عالى وربنا يقدر لك الخير ادعى لاختك فى الله بظهر الغيب

شكرا جزيلا
 

يعتمد شيخ الازهر النتيجه غدا والاوائل والنتيجه يوم السبت والسلام عليكم

طب اتت جبت الاوائل منين

طب واوائل الاعداديه

طنطاوي يعتمد نتيجة الثانوية والإعدادية الأزهرية غداً
 

كتب أحمد البحيري ٢/٧/٢٠٠٨
يعتمد الدكتور محمد سيد طنطاوي، شيخ الأزهر، نتيجة الشهادتين الثانوية والإعدادية الأزهريتين غداً الخميس.

وصرح الشيخ زكريا إسماعيل، رئيس قطاع المعاهد الأزهرية، لـ «المصري اليوم» بأنه من المقرر أن يتم اعتماد النتائج وتوزيعها في مختلف المعاهد علي مستوي الجمهورية ونشرها علي الموقع الإلكتروني الخاص بالأزهر غداً.

وقال إسماعيل: كان من المقرر أن يقوم شيخ الأزهر باعتماد نتيجة الشهادتين الثانوية والإعدادية الأزهريتين اليوم الأربعاء إلا أن سفره مساء أمس الثلاثاء إلي الإسكندرية للمشاركة في معسكر أبوقير، الذي تنظمه وزارة الأوقاف وإلقاءه محاضرة أخري صباح اليوم الأربعاء، تسببا في تأجيل اعتماد النتيجة إلي غد الخميس.

وحول النسبة العامة للنجاح في الشهادتين الثانوية والإعدادية الأزهريتين قال إسماعيل: تجاوزت نسبة النجاح العامة في كل مرحلة ٦٠% ولم تتجاوز نسبة الرسوب بين الطلاب والطالبات، الذين حضروا الامتحانات دون تأجيل أي من المواد للدور الثاني، نسبة ١٠%.



المصدر المصرى اليوم

http://www.almasry-alyoum.com/articl...ticleID=111660

بسم الله الرحمن الرحيم

شيخ الازهر يعتمد اليوم 2/7 نتيجة الثانوية والاعدادية الازهرية

اطيب الامنيات لابنائنا الطلاب بالتوفيق

الخير يصحبكم اينما كنتم ان شاء الله

اعلان النتيجة بوم الخميس 7/3 كلام نهائي