|
اقتباس:
تعرف انا خريج تربية 2000 يعنى المفروض معلم اول من سنوات تعرف الان زميلات كانوا تلميذات عندي في المدرسة الان اصبحوا معلم و انا مش معلم افوض امرى اليك يا رب |
اقتباس:
اقتباس:
جزاكم الله كل خير و ربنا يبارك لنا جميعا |
اقتباس:
انا كمان و الله كان المفروض اكون معلم اول منه لله ابراهيم خليفة كان موجه جشع اول لما ظهرت مكافأة الامتحانات بدأ الشغل بالواسطة |
السلام عليكم ورحمة الله وبركاته احب اوضح لحضراتكم موضوع ال70 عقد لان لى واحده جارتى منهم وانا عارفه الموضوع كويس معلش ياجماعه نرجع بالذاكره ورا شويه بعد الثوره 25 يناير اعلنو ان فى تقديم فى نقابة المعلمين ورحنا كلنا قدمنا وطبعا لان الاعداد كتير جدا قالو هناخد بالتقدير وفعلا اخدو امتياز وجيد جدا مع مرتبة شرف والمحافظ القديم كان جايبهم 70 تعيين مش عقود ولا حتى تثبيت بس عشان حال البلد ومفيش درجات عملوهم تثبيت بتاريخ 5-5-2011 والمفروض كل الادارات كانت تبقى كده بس طبعا لان فى سرقه فى ادارات عملتهم تثبيت وكانو بيقبضو 640 زى قلين ومطوبس وادارات تانيه عاملتهم زينا واكلو حقوقهم ولما الناس عرفت ما سكتوش عشان كده عملو توحيد عقود على مستوى المحافظه لان الموضوع فيه سرقه ومحسوبيه وواسطه وانا نفسى شفت بعينى واحد من المنقطعين بيحاول يدخل نفسه معهم بالواسطه فده حقهم ياجماعه ماخدوش حق غيرهم كلهم تقديرات عاليه جدا احنا نشوف نفسنا وندور على حقنا المفروض كلنا هنكمل 27 شهر فى شهر 1 -2014 يبقى المفروض يطلع لنا قرار تثبيت وندخل الاكاديميه ونتعين لان العقد اللى معانا عقد مدته سنتين وخلاص ايه الفرق بينه وبين العقود السبقه معلش ياجماعه طولت عليكم بس هى دى الحقيقه المره اللى احنا عايشنها السبعين عقد حصل تعتيم على حقهم من زمان وهو ده اللى خلانا نفهم الموضوع غلط وياريت بعد اذنكم جميعا منرميش حد بالباطل قبل منعرف الموضوع كويس ودى شهادة حق من واقع معاناة واحده من 70 عقد وعلى غكره انا من المنقطعين وربنا يوفقنا جميع
|
اقتباس:
|
اقتباس:
السكرتير عمل الراتب بيقول 1050 جنيه زميل فى عزبة نيل بيقول 1120 جنيه ليه الاختلاف؟ |
اقتباس:
و عليكم السلام و رحمة الله و بركاته اللى اعرفة انه 1120 و زميلة لى شافت بنفسها المبلغ فى الاستمارة مكتوب 1120 جنية و زميلة اخرى فى مدرسة اخرى قالت برضة ان المبلغ 1120 فياريت السكرتير عندكم يتأكد بدل ما الاستمارة ترجع تانى من الادارة او يمشوها على 1050 و يروح عليكم الفرق انا واحدة زميلتى قبضت المكافأة ناقصة 460 جنية و معرفتشى تاخدهم و الادارة قالت لها هنبقى نعطيهم ليكى عن طريق عدم خصم المعاشات من الراتب الشهرى الى ان ينتهى مبلغ 460 جنية و بعدين نبقى نخصم المعاشات من الراتب مرة اخرى |
النهاردة شفت الكشوف بنفسى فى المدرسة مكتوب 1120,05 جنية
|
..اعلان هام وعاجل ......................... فى اطار خطه الاكاديميه المهنيه للمعلمين لتعيين/ لتسكين المعلمين المساعدين (المتعاقدين - المعينين على درجات ماليه ) ممن قضوا عامين على الاقل على وظيفة معلم مساعد ( تعاقد- تعيين قبل 30/9/2011) يرجى التكرم بالتعميم على جميع الادارات التعليمية والمدارس بالتنبيه على المعلمين المساعدين المتعاقدين قبل وحتى 30/9/2011 باعداد وتسليم ملفاتهم الى الادارة التعليميه لتسليمها بشكل مجمع (بحافظه تسليم) فى فرع الاكاديميه المهنيه للمعلمين فى موعد غايته الخميس الموافق12/9/2013 على ان يحتوى الملف على 1- بيان الحاله الالكترونى معتمد من شئون العاملين 2- اصل التعاقد / صورة ضوئية معتمده من قرار التعيين موضحا بها الاسم 3- شهاده اجتياز برنامج التطبيقات التربيويه او اخلاء الطرف 4- شهاده الرخصه الدوليه لقياده الحاسب الالى icdl 5- تقارير تقييم اداء ( موجه , المدير ) بمرتبه كفء 6- خطاب التوجيه من مدير المدرسة 7- صوره طبق الاصل من شهاده البكالوريوس او الليسانس 8- شهاده الدبلوم العام فى التربية لغير خريجى كليات التربية 9- مفردات المرتب موضحا به البند الذى يتم الخصم عليه وتفضلوا بقبول وافر الاحترام وجارى رفع صورة الفاكس https://fbcdn-sphotos-c-a.akamaihd.n...22163664_n.jpg اللى عليهم الدور بعد ذلك المعلم المساعد تثبيت 2012 و بعدين احنا ان شاء الله |
السلام عليكم
الراتب الجديد ادارة بيلا 651 جنيه للمؤهل العالي |
اقتباس:
|
اقتباس:
فعلا الراتب فى حدود هذا المبلغ احد الزملاء فى المدرسة احضر و رقة مفردات مرتب المعلم المساعد ( منقطعين مؤهل عال ) و كان مكتوب فيها جملة المستحق 780,520 جنية جملة المستقطع 128,660 جنية الصافى 651,860 جنية |
اقتباس:
فى الادارة عندنا بيقولوا اننا معلم مساعد غير مثبت مش عارفة موضوع خطاب التوجية دا اللى اعرفه ان الادارة بتقوم بارسال جواب للمدرسة مكتوب فيه اسماء المعلمين المساعدين لحضور دورة التطبيقات التربوية و ادارة المدرسة بتخبرك بذلك و بتذهبى تحضرى الدورة و فى اخر الدورة بتاخدى اخلاء الطرف ممكن تاخدىخط سير من المدرسة عند ذهابك لحضور الدورة و تقديمه للمسئولين هناك |
اقتباس:
|
اقتباس:
لكن التعيين هيكون فى شهر 7 / 2015 ان شاء الله بالنسبة للاكاديمية فاحنا قبلنا دفعة هى اللى عليهم الدور فى دخول دورة التطبيقات التربوية المعلم المساعد تثبيت 2012 و احنا بعدهم ان شاء الله انا متابعة الموضوع دا و خصوصا ان قريبى او بمعنى اصح اخى :d من ضمن المجموعة المسئولة عن تدريب المعلم المساعد يعنى هو اللى بيعطى دورة التطبيقات التربوية و ان شاء الله لو بدأت الدورات دى بالنسبة لنا هكتب فى الباب هنا انها بدأت |
نقول تاني
مفيش حاجه اسمها معلم مساعد مثبت ومعلم مش مثبت الفرق هو القانون اللي بيقول ان كل من قضى 36 شهر يتم تثبيته وتم تطبيقه في التربيه والتعليم بخلاف كافة الوزارات على اساس انهم يتم تثبيتهم على معلم مساعد طيب نفرق يفرق ايه عن اي معلم مساعد تاني طبقا للقانون 155 اللي هيتعينوا فعلا عليه ولا اي حاجه طيب ده معناه ان ما عدشي في حاجه في المحافظه كلها اسمها 27 شهر كل الكلام ده اتلغى واتحول كل المؤهل العالي اللي كفر الشيخ كلها لمعلمين مساعدين طيب هنتعين امتى "اول الاكاديمية ما تطلب مثلاً المعلمين المساعدين اللي قبل 1/8/2013 ساعتها بعد ما تاخد الورق ويطلع قرار الوزير والمحافظ يبقى ده تعيين" طيب قصة ال 36 شهر دي تنطبق على مين تنطبق على المؤهل المتوسط وفوق المتوسط يعني كل اللي عدى عليه 36 شهر من المنقطعين هيتثبت على القانون 47 على الدرجه الرابعه مباشرة عن طريق التنظيم والاداره طيب انت بتقول 27 شهر اتلغى ايون دليلي ان المديرية طلبت من كل الادارات انها تجيبلها اسماء وعقود كافة المثبتين على نظام ال 27 شهر من المؤهل المتوسط وفوق المتوسط وقامت المديريه بتعديل تاريخ استلامهم العمل ل 01/07/2010 وتاريخ نهاية التعاقد ل 30/06/2013 وقامت بارسال اوراقهم واسمائهم للتنظيم والاداره ليقوم بتثبيتهم على الدرجه الرابعه يبقى كلمة تثبيت لا تقال الا على الحاصل على درجة ماليه من التنظيم والاداره مثل ما سيحدث مع المؤهلات المتوسطه وفوق المتوسطه ومع من سيصدر له قرار وزير الماليه بعد حصوله على كادر المعلمين ليصبح معلم ولو في اي استفسار انا جاهز للرد |
جزاكم الله كل الخير
|
اقتباس:
|
اقتباس:
و فقا لكلام حضرتك ان المؤهل المتوسط و فوق المتوسط سيتم تثبيتهم و وضعهم على الدرجة الرابعة ( يعنى تعيين ) فى 6 / 2013 كده هم هسبقونا فى تاريخ التعيين لاننا هننتظر لما الاكاديمية تعلن عن قبول اوراق المعلمين المساعدين اللى قبل 1-8-2013 و اكيد الاكاديمية مش هتطلب الاوراق الا بعد مرور عامين من تاريخ كتابة عقد المعلم المساعد |
الزملاء بيأكدوا ان المنقطعين اللى كانوا بياخدوا 432 هياخودا 1120 ( فرق 7،8. مع الرتب الجديد ) لو الكلام دة اكيد .. يبقى الراتب الجديد هو 661 وليس 651
فى حالة الراتب 651 المفروض تاخدوا 1089 .. (651-432= 219.. 219×2=438 .. 438+651= 1089... معلم رياضيات مسابقةبيلا 2012 |
اقتباس:
و على فكرة حضرتك هتقبض 1529 جنية الفروق عندكم اكتر مننا لانكم كنتم بتقبضوا 162 جنية فقط خلال شهر 7 و 8 |
منقطعين بلطيم دخلوا اليوم دورة تطبيقات تربوية استعدادا لتعيينهم
|
اقتباس:
|
اقتباس:
والمواعيد اية |
اقتباس:
انا سألت عندنا و قالوا ان محصلشى الكلام دا و ان لو جاء تدريب بيكون على جميع ادارات المحافظة و ليست ادارة واحدة ياريت تتأكد من كلامك و ترد علينا |
الكلام ده اكيد كل التعاقدات قبل 30 /9 / 2011 بما فيهم المنقطعين حضروا التطبيقات التربوية النهاردة الاثنين 16/9/2013 بناء على اشارة من الاكاديمية وقالوا لهم يستكملوا ملفاتهم ضرورى قبل يوم الخميس 19/9/2013 وقالوا لهم انهم هيعطوهم اخلاء طرف بدورة التطبيقات التربوية علشان يوضع بالملف .
|
اقتباس:
طب ازاى اكيد يوجد خطأ لان المقصود بالتعاقدات قبل 30/9/2011 هم المعلمين المساعدين قبل 30/9/2011 و احنا لسه عاملين تعاقد المعلم المساعد فى شهر 7 اللى فاتت و للعلم انا سألت ناس من المسؤلين عن موضوع التطبيقات التربوية مفيش اى دورات بدات الان للمنقطعين دا حتى المعلم المساعد الدفعة اللى قبلنا لسه مخدوش دورة التطبيقات التربوية |
في ادارة سيدي سالم لم يحصل احد من المنقطعين علي دورة التدريبات التربوية حتي الآن
|
اقتباس:
نيجي للمنقطعين من المؤهل المتوسط وفوق المتوسط دول اللي هيكمل منهم 3 سنوات هيتثبت مباشرة عن طريق التنظيم والادارة يععني الدفعه الاولى منقطعين اللي استلمت في شهر 9 عام 2011 دي هتتثبت في شهر 9/2014 وهتصدر الدرجه في بداية السنه المالية الجديده بتاريخ 1/7/2015 اما الدفعه التانيه اللي استلموا في 10/2012 دول هيتثبتوا في 10/2015 وهتصدر الدرجه في بداية السنه المالية في 1/7/2016 ده على اسوأ الظروف انما على احسن الظروف هيبقى الدرجه للدفعه الاولى اعتبارا من 1/9/2014 والدفعة التانيه اعتبارا من 1/10/2015 وده هيتم لو اتعمل حسابهم في الموازنه العامة للدوله وكان ليهم اعتماد مالي . نيجي بقى للؤهل العالي من المنقطعين سواء الدفعه الاولى او التانيه ارد عليهم واقول اتساو ماعدشي فيه حاجه اسمها دفعه اولى وتانيه اصبح اسمهم معلم مساعد 1/7/2013 طيب وضعهم ايه طبقا للقانون 155 المعلم المساعد يساوي الدرجة الثالثة التخصصية والمعلم يساوي الدرجة الثالثة + 2 سنه اقدمية يعني ان شاء الله كمان سنتين هيتم دخول المعلم المساعد بتاع 1/7/2013 الكادر وهيتعينوا على معلم والدرجه الثالثة التخصصية + سنتين اقدميه بما يعني ان المؤهل العالي افضل من المؤهل المتوسط وفوق المتوسط من المنقطعين لان مسمى معلم مستعد عند الحكومه يساوي الدرجه الثالثة ولكم يظل المعلم المساعد تحت الاختبار حتى يحصل على الكادر ويصبح معلم رداً على سؤال " طالما احنا دلوقتى معلم مساعد يبقى من حقنا اجازة مرافقة الزوج ولا ايه" انا والله ما أعرف بس هسأل وارد عليكي نيجي بقى لموضوع التدريب ولا يفرق خالص في الوقت الحالي يعني اللي عايز يخش يتدرب دلوقتي مفيش اي اعتراض وهكذا مالوش اي علاقه انتى معلم مساعد من كام القصه كلها ان الاولوية للي هيخشوا الكادو وما دخلوهاش بعد كده الاولويه للي هيقدم مش اكتر نيجي لأهم نقطه "اللي مؤهله مش تربوي ياخذ دبلومة التربوي فورا يعني يروح يقدم النهارده قبل بكره لأن ده الاساس"" |
اقتباس:
جزاك الله خيرا على هذه المعلومات المفيدة و ياريت تتابع معانا فى الباب و كتابة اى جديد و بالنسبة لتدريب التطبيقات التربوية انا سألت المسؤلين عندنا قالوا لما يبقوا يخلصوا الى قبلنا و قالوا ان المنقطعين اللى اصبحوا معلم مساعد لسه امامهم شوية على ما نطلبهم لحضور دورة التطبيقات التربوية عموما اهو احنا لسه امامنا عامين و اعتقد خلال العامين اكيد هنكون دخلنا هذه الدورة ان شاء الله |
والمعلم يساوي الدرجة الثالثة + 2 سنه اقدمية يعني ان شاء الله كمان سنتين هيتم دخول المعلم المساعد بتاع 1/7/2013 الكادر وهيتعينوا على معلم والدرجه الثالثة التخصصية + سنتين اقدميه بما يعني ان المؤهل العالي افضل من المؤهل المتوسط وفوق المتوسط من المنقطعين لان مسمى معلم مستعد عند الحكومه يساوي الدرجه الثالثة ولكم يظل المعلم المساعد تحت الاختبار حتى يحصل على الكادر ويصبح معلم سيدى الفاضل ناس كتير قالت اننا كده درجه وهميه من حقنا اجازة المرافقه ارجو من حضرتك متابعه الموضوع لان فى مجموعه كبيره متضرره وجعله الله فى ميزان حسناتك ونرجو من حضرتك متابعتنا وامدادنا باى معلومات جديده
بالنسبه باه لموضوع التطبيقات ياجماعه اللى عنده واسطه للاسف بياخدها واللى ماعندوش بيتاجل فى ناس منقطعين اخدوها السنه اللى فاتت عشان الواسطه ولا حول ولا قوة الا بالله |
اقتباس:
احنا عندنا مكنش موضوع واسطة كان عدم نظام و بالفعل دخل العام الماضى تقريبا عدد لا يتعدى صوابع اليد الواحدة من المنقطعين لكن بعد ذلك مفيش حد عرف يدخل من المنقطعين |
فى بلطيم يا جماعه المنقطعين دخلوا دورة الكادر من يوم الاحد بيقولو انهم حاسبين مدة عملهم اللى من 2011 على العقد الجديد اللى من تاريخ 1/7/2013
وده كلام اكيد من زملائنا المنقطعين فى المدرسه اسألو انتو كمان وطالبو بالمثل. |
اقتباس:
احنا سألنا فى قسم التدريب عندنا و المسئول الاستاذ عبد الخالق قال ان مفيش اى تعليمات وصلت بتدريب المعلمين المساعدين ( المنقطعين ) و لا حتى المعلم المساعد تثبيت 2012 و بعدين ان شاء الله انا من اوائل اللى هيعرفوا لو ابتدى التدريب لان اخويا من ضمن الذين يقومون بتدريب المعلمين المساعدين فأكيد ساعتها هيقول لى ان يوجد دورة بدأت |
ربنا ييسر الحال يا اختى ايناس لينا كلنا بس انا طمعانه فى كرم اخلاقك العاليه انك اذا عرفتى تسالى لينا اجازة مرافقه ولا لا او اذا حد من صحباتك عنده نفس المشكله وعندهم اى اخبار يا ريت تقولى وجزاكى الله كل خير وجعله الله فى ميزان حسناتك
|
اقتباس:
ان شاء الله لو عرفت اى اخبار عن اجازة مرافقة الزوج هكتبها كل اللى اعرفه حاليا ان المحافظ السابق اوقف موضوع الاجازة دا على فكرة نزل قرار من المحافظ الجديد بقبول صغار السن هذا العام يعنى سمح للى عنده 5 سنين و نصف دخول اولى ابتدائى و التقديم بدأ اليوم و سينتهى بعد ايام قليلة |
مبرووووووك تطبيق الحد الادنى للاجور بداية يناير القادم ان شاء الله |
[size="4"][size="5"]
اقتباس:
والله يا أخت فريال انا خايف ميطبقش علينا لان المذيعة لما سألت أبو عيطة النهاردة على قناة الحياة قاللها ان فيه اتجاة لتعيين المتعاقدين علشان يطبق عليهم الحد الادنى وهرب من السؤال بكده وكان فيه واحد متصل يعمل بالعقد فى التربية والتعليم علشان يستفسر هل سيطبق عليه ولا لا فقال والله العقود احنا لسه بندرس حالتهم لكن فيه 150000 فرصة تعيين بالوزارات وافق عليهم وزير المالية وسيكون أغلبهم للتربية والتعليم هو طبعا يقصد الـ75000 اللى هيتعينو اللى هما كانو معلم مساعد قبلنا اللى نزل ليهم التعيينات بالفعل وبيخلصو أوراقهم أما نحن فلسة الكادر والعقد اللى لسه موقعينه مدته عامين لكن المؤهلات المتوسطة لو اتطبق عليهم الثلاث سنوات هيتعينو قبلنا وياخدو 1200 واحنا ناخد627 وسلملى ع الحد الادنى وأدى الخبر وممكن تتطلعو علية على موقع دفتر أحوال المعلم وزيري التعليم والمالية .. تثبيت 75 ألف من معلمي العقود ومعلمي الحصة الموجودين بجميع المحافظات بعد لقاء وزيري التعليم التقى الدكتور محمود أبو النصر وزير التربية والتعليم بالدكتور أحمد جلال وزير المالية ، حيث تم الاتفاق على تثبيت المعلمين المتعاقدين والعاملين بالحصة بمديريات التربية والتعليم. وأكد الدكتور طارق الحصري مساعد الوزير للتطوير الإداري أنه قد تم حصر حالات المعلمين المتعاقدين والعاملين بالحصة بالمحافظات ، وتم الاتفاق علي تثبيت جميع المعلمين المستوفين للشروط والمعايير الواردة بالقانون رقم 155 لسنة 2007 والمعدل بالقانون رقم 93 لسنة 2012 واللائحة التنفيذية الصادرة بقرار رئيس الوزراء رقم 428 لسنة 2013، وأهمها : أن يكون متمتعًا بال***ية المصرية أو ***ية إحدى الدول التي تعامل المصريين بالمثل في تولى الوظائف العامة ، أن يكون من خريجي كليات التربية أو حاصلا على مؤهل عال تربوي مناسب، أو على مؤهل عال مناسب بالإضافة إلى شهادة أو إجازة تأهيل تربوي ، أن يستوفي برامج التنمية المهنية المقررة لشغل الوظيفة، استيفاء اشتراطات التأهيل التربوي المطلوب. وأشار الحصري الى أن عدد المستوفين للشروط والمعايير يبلغ نحو 75 ألف معلم، وهو ما يسهم في حل نحو 90% من مشكلة المعلمين المتعاقدين والعاملين بالحصة بجميع المحافظات المصرية. بس العدل ان احنا ناخد 1200 لان العقد اللى كتبناه مكتوب فيه البند الثانى يتقاضى الطرف الثانى بموجب هذا العقد مكافأة شهرية تعادل ما يلى : · مايوازى بداية ربط درجة النظير المعين على درجة دائمة . · العلاوات الخاصة المضمومة محسوبة على أساس بداية ربط درجة النظير المعين على درجة دائمة . · العلاوات الخاصة التى لم يحل موعد ضمها . · العلاوات الاجتماعية و الاضافية . · منحة عيد العمال . · الحوافز و المكافأت و البدلات و الاجور المتغيرة الأخرى وفقا للقرارات المنظمة . ولا الكلام ده ليه معنى تانى ولو مطبقهوش علينا المفروض منسكتش مش كفايا علينا ظلم لحد كدة |
اقتباس:
ربنا يسهل ان شاء الله و يتم تطبيق الحد الادنى علينا لان من خلال البند التالى المفروض يتم تطبيقه علينا يتقاضى الطرف الثانى بموجب هذا العقد مكافأة شهرية تعادل ما يلى : · مايوازى بداية ربط درجة النظير المعين على درجة دائمة . عموما احنا نبقى نسأل و نتأكد من موضوع تطبيقه علينا من عدمه |
ياريت تسألى وتردى علينا علشان نطمئن
|
ياريت يا أخت فريال تسألي هل سيتم تطبيق الحد الأدني علي المتعاقدين ولا المعينين بس |
والله ياجماعه فى حاجه غلط بتحصل عندنا فى بلطيم المنقطعين بياخدو دورة الكادر من يوم الاحد اقسم بالله دا حقيقى ومستعد ابعت لحضرتك رقم واحده من زميلاتنا تتأكدى منها دورا على حقكو ياجماعه واشتكو هيتعينو مع المثبتين بالكووووووووووسه انا مش منقطع بس كنت بعرف كل الجديد لزمايلى وابلغهم |
اية موضوع بلطيم ده احنا فى سيدى سالم لا حس ولا خبر بعض الناس القليلة دخلو الكادر العام الماضى وقالو ان دول دخلو بالغلط دا إحنا محافظة واحدة
دا أنا كنت بأعمل انتداب وطلبو صحيفة الحالة رحت أجيبها من سيدى سالم قالو اسمائكم لسة متسجلتش على قاعدة البيانات وادونى ورقة بيان حالة مكتوبة باليد عايزين نفهم لازم نفهم ايه اللى بيحصل |
اقتباس:
اقتباس:
الناس فى الادارة عندنا مش عارفين حاجة اللى يقول لنا و اللى يقول ملناش |
اقتباس:
مش ممكن يتعينوا قبلنا لان لازم يقضوا عامين كمعلم مساعد حتى لو دخلوا دورة التطبيقات التربوية الان |
اقتباس:
الفقرة باللون الاحمر مادة 73: يكون شغل وظيفة "معلم مساعد" بالتعاقد لمدة سنتين قابلة للتجديد سنة أخرى بقرار من وزير التربية والتعليم بعد التنسيق مع المحافظ المختص. ويجب على شاغلها خلال هذه المدة الحصول على شهادة الصلاحية من الأكاديمية المهنية للمعلمين لمزاولة مهنة التعليم بالمرحلة التعليمية التى يعمل بها، فإذا لم يحصل على الشهادة خلالها انتهى عقده تلقائيا دون حاجة لأى إجراء. ويعين بقرار من المحافظ المختص فى وظيفة معلم من أمضى سنة على الأقل فى وظيفة معلم مساعد، وحصل خلالها على الشهادة المشار إليها، وثبتت صلاحيته للعمل وفقا للمعايير التى تحددها اللائحة التنفيذية. ويسرى حكم الفقرة الأولى على الإخصائيين الاجتماعيين والنفسيين وإخصائيى التكنولوجيا وإخصائيى الصحافة والإعلام وأمناء المكتبات. ويجوز تسوية حالة من يحصل على مؤهل عال أثناء الخدمة من العاملين بالمدارس والإدارات والمديريات بشرط استيفاء المتطلبات التى تحددها الأكاديمية المهنية للمعلمين. ويأتى سبب التعديل جواز تسوية حالة من يحصل على مؤهل عال أثنــــاء الخدمة بشـــرط استيفاء المتطلبات التى تحددها الأكاديمية المهنية للمعلمين |
بالنسبة للأدنى مع انى مش فاهم لكن لقيت الخبر ده قلت يمكن حد يفهمنا
المالية: الحد الأدنى للأجور ينطبق على العاملين المؤقتين الثلاثاء 17/سبتمبر/2013 - 10:36 مصورة ارشيفية صورة ارشيفية محمد خالد قال مصدر مسئول بوزارة المالية في تصريحات خاصة لـ"فيتو" إن الوزارة لم تتوصل إلى أي اتفاق من الاجتماع الذي عقد اليوم للمجلس القومي للأجور بمجلس الوزراء حول كيفية تطبيق الحد الأدنى والأقصى للأجور. وأشار المصدر إلى أن الاجتماع لم يسفر عن شيء مشيرًا إلى أن الحد الأدنى ينطبق على المعينين والعاملين بعقود مؤقتة وأن هذا الأمر هو العائق الأساسي لتطبيق الحد الأدنى والأقصى للأجور. مضيفا أنه لن يطبق في القريب العاجل. |
اقتباس:
العقد اللى معانا مكتوب فيه كده لازم يمر عامين كمعلم مساعد قابل للتجديد كمان عام و الدليل على ذلك ان المعلم المساعد عندنا فى المحافظة تثبيت 2012 لسه حتى الان لم يقدم ورقه للاكاديمية و لسه مدخلشى دورة التطبيقات التربوية اللى تم تعيينهم هم المعلم المساعد 2011 و ليس 2012 |
اقتباس:
ياريت فعلا يتم تطبيقة على الجميع |
التنظيم والإدارة: تطبيق الحد الأدني.. علي الأجر الشامل أصحاب المعاشات غاضبون.. اتحاد العمال والقطاع الخاص يرفضان أعلن د. أشرف العربي وزير التخطيط ان الحد الأدني للأجور سيطبق علي نحو 18 مليون موظف في القطاع الخاص و6.5 مليون موظف في الحكومة والقطاع العام وان هناك زيادة سنوية منتظمة ستضاف للأجور في ضوء زيادة الأسعار وتكلفة المعيشة. قال انه سيتم خلال الفترة القادمة إصلاح هيكل الأجور في ضوء التشوهات الحالية حيث ان الأجر الاساسي للموظف يمثل 20% فقط مما يحصل عليه العامل في حين ان الأجر المتغير يمثل 80% ولا يوجد مثيل لذلك في العالم. أوضحت جيهان عبدالرحمن رئيس الجهاز المركزي للتنظيم والإدارة ان الحد الأدني للأجو ر سوف يستفيد كل من يتم تعيينه بالجهاز الإداري للدولة في أول يناير المقبل. كما يستفيد به كل من يتقاضي أجرا شاملا أقل من 1200 جنيه شهرياً بغض النظر عن الدرجة التي يشغلها خاصة في الدرجات الدنيا وهي السادسة والخامسة والرابعة.. حيث يتم أول يناير رفع الأجر الشامل لشاغلي هذه الدرجات ليصل إلي 1200 جنيه. أوضحت ان الأجر الشامل هنا يعني كل ما يتقاضاه الموظف من أجر اساسي وبدلات وحوافز وأجور متغيرة. غير ان قرار زيادة الحد الأدني للأجور قوبل بموجة من الرفض بدأت من اتحاد العمال الذي دعا إلي اجتماع عاجل الاسبوع القادم. كما اعترض القطاع الخاص علي القرار مؤكدا أن أي زيادة في الأجور يجب ان تقابلها زيادة في الانتاج وإلا ستؤدي إلي موجة من التضخم وسيكون امام صاحب العمل اما رفع الاسعار بنسبة لا تقل عن 30% أو الاستغناء عن جزء من العمالة أو الامتناع عن أي تعيينات جديدة. كما اعرب أصحاب المعاشات عن غضبهم من تجاهل الحكومة لهم في الحد الأدني للأجور. http://www.algomhuria.net.eg/algomhu...e/detail02.asp |
| جميع الأوقات بتوقيت GMT +2. الساعة الآن 12:40 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.