![]() |
اقتباس:
وتشتغلي في شركات البترول ................ التحاليل الطبية بيقي خدي سكه الكيمياء بيولوجي دابل زي الكيمياء الحيوي والميكروبيولوجي .................................. ممكن عادي تشتغلي في تصنيع الادويه بعد ما تخلصي علوم |
أولاً أنا آسف إني هاكتب الأسئلة دي و معرفش لو كانت موجودة في الموضوع قبل كده
ثانياً أنا آسف إني عملت موضوع جديد في الأسئلة دي مع إن فيه موضوع كامل أهو للأسئلة أنهي جامعة أفضل في كلية العلوم من التلات جامعات دول و ضيف عليهم المنصورة كمان أو أي جامعة قريبة من القاهرة؟ خاصة في أقسام الفيزياء و الرياضة البحتة و أنا قصدي يعني من حيث عقلية الدكاترة مجرد دكتور حافظ كلمتين و بيسمعهم ولا ناس فاهمة المادة كويس جداً و عايزة توصلها لك و تخليك فاهم كل حاجة و تشجعك على التفكير؟ و الدكاترة ذات نفسهم من الناحية العلمية عندهم علم واسع ولا للأسف عشان مالقوش التشجيع الكافي فبطلوا يشوفوا فيه إيه جديد؟ و بالنسبة للمعامل برضو و مدى جهازيتها؟ و بالنسبة للإدارة و المواعيد و يا ترى فيه أي جامعة من دول ماشية بنظام الساعات؟ و نظام الساعات يتيح لي إني أختصر فآخد مواد أكتر في عدد أقل من السنين ( و ده طبعاً تبعاً للفرض الخيالي إني أقدر على كده ) ؟ و ينفع الواحد ياخد مواد زيادة؟ يعني مثلاً رياضة بحتة كلها و فيزياء كلها و كيمياء كلها؟التلاتة مع بعض؟ و يا ترى صوت الطلبة مسموع؟ و فيه تعاون بين الجامعات دي أو مسابقات ما بينها أو تبادل أو أي حاجة في أي حاجة؟ و يا ترى رياضة بحتة أقوى في علوم ولا هندسة؟ و الفيزياء إيه الفروع اللي بتدرسوها فيها؟ أرجو إن الكل يرد عليا أي حد عنده أي معلومة مهما كانت تبدو تافهة هي ممكن تبقى مهمة أوي بالنسبة لي و يا ريت كمان الطلبة اللي في علوم في الجامعات دي مايبخلوش بخبراتهم و يقولوا لي يا ترى لقى اللي كانوا بيدوروا عليه في كلية علوم؟ و يحكوا عن تجارب شخصية ليهم مع الدكاترة و الطلبة و ياريت كل طالب في كلية علوم في كل جامعة يقول نظام جامعته إيه من حيث نظام الساعات المعتمدة ولا معرفش اسمه إيه و اختيار الأقسام آسف إني طولت السلام عليكم و رحمة الله و بركاته |
قسم البترول عن طريق علمي رياضة و لا علوم و لا متفرقش
|
اقتباس:
|
طب هو قسم البترول ينفع للينات عني ينفع اشتغل في شركة بترول
طب مصاريفها كام بالضبط و هو في القسم ده في المنصورة و القاهره ارجو كل المعلوات عن هذا القسم |
طب هو قسم البترول ينفع للينات عني ينفع اشتغل في شركة بترول
طب مصاريفها كام بالضبط و هو في القسم ده في المنصورة و القاهره ارجو كل المعلومات عن هذا القسم |
اقتباس:
والقسم موجود في علوم القاهره وبحوالي 10 الالف في السنه |
أستاذ كيميائي طبي أو أي حد ممكن ترد على سؤالي؟ أو تقول لي لو فيه سؤالي حاجة غلط أصلحها؟
|
اقتباس:
ثانيا بالنسبه لافضل الجامعات كل الجامعات المصريه في مستوي واحد ولكن اللي بيفرق هو وجود التخصص في جامعه وعدم وجوده في جامعه اخري فمثلا بالنسبه لتخصصات الفزياء في جامعه حلوان يوجد تخصص الفزياء الحيوية الطبية في جامعه عين شمس يوجد تخصص الكترونات واكيد الرياضه اقوي في علوم وبالنسبه للفزياء وفروعها انا مش تخصصي فزياء لكن اعرف ان فيه تخصصات ( فزياء حيويه- فزياء حيويه طبيه- فزياء الكترونات - فزياء وعلوم الليزر- فزياء نووية - فزياء اشعاعية - فزياء تطبيقية ) وفيه تبادل بين الجامعات وبيبقي فيه مسابقات زي اسبوع شباب الجامعات وبالنسبة انك الواحد ياخد مواد زيادة؟ يعني مثلاً رياضة بحتة كلها و فيزياء كلها و كيمياء كلها؟التلاتة مع بعض؟ للي بيحصل انك بتدل سنه اولي بتتخصص اما علوم بيولوجي او علوم فزيائيه او علوم جيولجية .................................................. .. فمثلا دخلت علوم فزيائيه بتدرس سنه اولي علوم فزيائيه عامه يعني بتدرس فزياء- كيمياء - رياضه - حاسب وفي بعض الجامعات يضاف اليها بعض مواد البيولوجي بعد كده بتتخصص اما كيمياء سبيشيل يعني بتدرس كيمياء فقط او كيمياء و فزياء يعني بتدرس كيمياء وفزياء او فزياء يعني بتدرس فزياء او او فزياء حيويه او فزياء حيوية طبية او رياضه او علوم حاسب .................................... بتخلص مثلا بكالوريوس كيمياء او اي حاجه فيها كيمياء ممكن تتخصص بعد كده ( كيمياء تحليلة- كيمياء عضوية - كيمياءغير عضوية - كيمياء فزيائيه- كيمياء تطبيقيه- كيمياءحيوية طبية علاجية - كيمياءحيوية طبية اكلنيكية - كيمياء طبية شرعية - كيمياء تطبيقية طبية - ) طبعا في التخصصات الطبية بيكون الاقوي فيها هم تخصصات الكيمياء الحيوي و تخصصات الكيمياء دابل مع البيولوجي |
وبالنسبة لتخصصات البيولجي
بتدرس اول سنتين كيمياء مع البيولوجي يعني بتدرس كيمياء ( تحليلة - عضوية - فزيائيه - حيوية - غير عضوية الخ ) البيولوجي بتدرس مواد علم حيوان وي مش معاناها انك بتدرس حيوانات فقسم علم الحيويان بيدرس كل المملكه الحيوانية فلما يجي يدرس مثلا المناعه بيدرسها في الانسان والحيوان او لما بيجي يدرس مثلا الطفيليات بيدرسها في الانسان الحيو ان وهكذا والحيوان دي بيبقي فيها ( علم الخلية - علم الانسجة - علم وظائف الاعضاء - علم الاجنة - علم الوراثة - علم المناعه - تقسيم المملكة الحيوانية -فقاريات - لافقاريات ) وتدرس بردو ميكروبيولوجي ( بكتريا - فطريات -فيروسات) وتدرس نبات ( المورفولوجي - النباتات الطبية الخ) وبعد كده تبدا تتخصص زي مثلا واهم التخصصات في البيولوجي التخصص المزدج بين كيمياءحيوية وميكروبيولوجي والتخصص المزدوج بين الكيمياء والحيوان والتخصص المزدوج بين الكيمياء والميكروبيولوجي مثلا تخصص كيمياء حيوية وميكروبيولوجي بتدرس كيمياء حيوية يعني انزيمات - هرمونات - وبتركز بقي علي كيمياء الدم زي انزيمات الكلي وانزيمات الكبد وانزيمات القلب - كيمياء المناعه - البيولوجيا الجزئيييه - بيولوجيا السرطان - دلالات الاورام - سوائل الجسم - كيمياء البول - مضادات الاكسده - كيمياء المخ والاعصاب - ميكروبيولوجي يعني بكتريا - فطريات - فيروسات وبعد ما تخلص بتاخد بكالوريوس يجمع بين الكيمياء الحيي الميكروبيولوجي بعدها ممكن تتخصص بقي الدراسات العليا في ( انزيمات الكبد - انزيمات الكلي - بيولوجيا السرطان - كيمياء المناعه - كيمياء الاعصاب- البيولوجيا الجزيئيه - الخ او تتخصص بكتريا - فطريات - فيروسات - مناعه الخ |
شكراً جداً لإفادة حضرتك يا دكتور كانت مثمرة جداً
بس معلش يا دكتور عندي كمان سؤال أو اتنين بالنسبة للتلات تخصصات اللي حضرتك كاتبهم اللي الواحد بيختارهم في سنة أولى ده في جميع الجامعات؟ أصلي شفت جزء من دليل الطالب علوم القاهرة لقيت بيتكلم عن أقسام بالهبل للمستوى الأول في أول صفحات فممكن حضرتك توضح لي دي؟ و خلينا نركز شوية على علوم فيزيائية إيه فيزياء الكترونات دي؟ و بما إن حضرتك دكتور أظن إن حضرتك مطلع على الجامعات غير الجامعة اللي حضرتك بتدرس فيها . إيه الأقسام كلها الموجودة في كل الجامعات بالنسبة لعلوم فيزيائية؟ و معلش بقى أتقل على حضرتك لو ينفع كمان تقول لي إيه مجالات الشغل في علوم فيزيائية أي حاجة مالهاش علاقة بالأحياء؟ و معلش بقى أتقل كمان و كمان و أسأل لو عايز أدرس نظريات ستيفن هوكينج و الفيزياء الحديثة المتطرفة و الحوارات دي يبقى أدخل قسم إيه؟ و هيبقى إيه هو مجال الشغل؟ و زيادة في التتقيل هو حضرتك دكتور في أنهي جامعة؟ لو حضرتك كنت في القاهرة أو عين شمس أو حلوان في رأي حضرتك لو رحت عشان أحضر أي حاجة اليومين دول و أنا مش طالب هيبقى إيه موقف الدكاترة؟ أكرر شكري و اعتذاري السلام عليكم و رحمة الله و بركاته |
اقتباس:
وفي جامعات بيبقي عندها التخصص من سنه اولي ع طول فزياء اليكترونيات دي موجوده تقريبا في عين شمس بس وهو قسم زي هندسه اليكترونيات كده والتخصصات الموجوه في العلوم الفزيائيه 1- كيمياء سبيشيل 2- كيمياء وفزياء 3- فزياء سبيشيل 4- فزياء حيويه 5- فزياء حيوية طبية 6- علوم حاسب 7- رياضه 8-رياضه وعلوم حاسب 9-احصاء 10- احصاءو علوم حاسب 11- علوم حاسب وتكنولوجيا المعلومات 12- فزياء وعلوم ليزر وبالنسبة لمجلات الشغل اللي اعرفه هو اقسام الكيمياء 1-كيميائي في مصانع الادوية - مصانع مستحضرات التجميل- مصانع الحديد والصلب - شركات الاسمنت - شركات البويات - شركات المياه - الاثار- المعامل الجنائيه - الحربية - الجيش- مصانع الالمونيوم - مصانع السكر - مصانع الكاوتش - مصانع وشركات الغزل والنسيج وشركات الصباغه - شركات العصائر والمنتجات الغذائيه الخ -2مهندس جوده ايضا في الشركاتو المصانع وبالنسبة للنظريات بتاعه الفزياء دي اكيد في قسم فزياء سبيشيل وع فكره انا مش دوك في الجامعه انا اخصائي تحاليل طبية وبعمل ماجستير في التحاليل الطبية تخصص الميكروبيولوجيا والمناعه:d وبالنسبة لموقف الدكاتره اكيد فيه ناس هيرحبو بيك وفيه ناس هينفضو :d وفيه حاجه اعرفها عن علوم حلوان وهي ان عميدها هو الدكتور جلال الدين الجميعي وهو عالم كبير وواخد جائزه افضل عالم افريقي في الكيمياء الطبية السنه للي فاتت |
شكراً لحضرتك بجد ربنا يبارك لك
حضرتك ماتعرفش فيزياء سبيشل موجود في كل الجامعات ولا لأ؟ و إيه أحسن جامعة فيه؟ و بيدرسوا إيه فيه؟ و أنا أظن بما إن حضرتك خريج علوم ممكن تبقى واصل و عارف ناس في القسم ده أو خريجين منه حضرتك تعرف تعرف لي العناوين اللي بيدرسوها و مجالات الشغل؟ السلام عليكم و رحمة الله و بركاته |
السلام عليكم
لو سمحت .. أنا معلم رياضيات ابتدائي - حاصل على بكالوريوس تربية - شعبة رياضيات ابتدائي - بتقدير جيد جداً عام 2001 هل يمكن أن أكمل دراسة بكلية علوم ؟ لكي أصبح معلم ثانوي ؟ وكيف ألتحق ؟ أرجو اعطائي معلومات كافية .. رزقك الله السعادة في الدنيا والآخرة |
اقتباس:
لانه هو اساس الفزياء وهو بيدرس كل فروع الفزياء زي الضو والكهربيه والمغناطيسيه و ميكانيكا الكم و معادن والكترونيات وديناميكا حراريه و وفزياء نووية وفزياء ذرية وفزياء حيوية واشباه موصلات وجوامد وفزياء اتصالات وفزياء اشعاعيه الخ للي اعرفه ان الفزيائي بيشتغل في البحث العلمي وفي مراكز الاورام والسرطان ومراكز الاشعه والمصانع يعني بياخد دبلومه وماجستير ودكتوراه في الفزياء الحيوية طبية وبيبقي فزيائي طبي و اغلب الفزيائيين الطبيين بيشتغلو في معاهد ومراكز الاورام بيعالجو مرضي السرطان بتقنيات الاشعه ويحدد جرعات الاشعه االازمه للعلاج او انه ياخد دبلومه او ماجستير ودكتوراه في الفزياء النووية والذريه ويشتغلو في البحث العلمي بس دي محتاجه وسايط كلية علوم اغلبها شغاله بالكيمياء حتي في مجال العمل بيطلق ع كل خريجيين علوم بالخطا كيميائيين :( |
اقتباس:
علي حد معلوماتي ان ممكن لخريج تربيه انه يدخل كلية علوم وبتقعد فيها سنتين سنه تالته و سنه رابعه بعدها يمنح بكالوريوس العلوم |
لو سمحتوا ,
انا جبت فى الثانويه العامه 91.6 % هل ده ينفع ادخل بيه كليه علوم . >> لو نفع انا ادخل قسم ايه علشان اصبح دكتوره تحاليل ؟؟ >> وفهمونى يعنى ايه دبلومه ؟؟. اتمنى الرد السريع . |
اتمنى حد يرد عليا
|
اقتباس:
وافضل الاقسام للتحاليل الكيمياء الحيوي الكيمياء والميكروبيولوجي الكيمياء الحيوية والميكروبيولوجي الكيمياء والحيوان الكيمياء والكيمياء الحيوي والدبلومه هي نوع من انواع الدراسات العليا الدراسات العليا تنقسم الي دبلومه - ماجستير - دكتوراه بعد ما بتخصلي الاقسام دي ممكن تتخصصي عن طريق الدبلومه - الماجستير - الدكتوراه في التحاليل الطبية مثلا بتخلصي البكالوريوس من الاقسام للي فاتت دي وبعدها بتاخدي دبلومه او ماجستير او دكتوراه في الكيمياء الحيويه الكيمياء الحيوية او الكيمياء الحيوية الطبية ا بيسموها الكيمياء الاكلينكية هي كيمياء الدم يعني بتدرسي بتدرسي الانزيمات والهرمونات وكل الكيمياء اللي في الجسم زي مثلا انزيمات الكبد - انزيمات الكلي- انزيمات القلب - الهرومانات -كيمياء البول - كيمياء الاورام ودلالات الاورام وبيولوجيا السرطان - كيمياء المخ وكيمياء الاعصاب وكيمياء البول ممكن بعد ما تخصلي دبلومة كيمياء حيوي تعملي ماجستير ودكتوراه في الكيمياء الحيوية مثلا عايزه في الماجستير بتاعك تربطي بين انزيمات القلب بامراض القلب وده بيتطلب انك تروحي مستشفيات خاصه بامراض القلب ولازم توفري مرضي قلب عشان تشتغلي عليهم او انك مثلا عايزه تعملي الماجستير انزيمات الكلي وتربطيها بالفشل الكلوي مثلا يبقي هتوفري مرضي فشل كلوي عشان تشتغلي عليهم في الماجستير تبدائي تشوفي ايه العلاقه تفسري النتايج الخ ....................... او بتخصلي البكالوريوس وبعدها بتاخدي دبلومه او ماجستير او دكتوراه ميكروبيولوجي ودي مختصه بالتحاليل الخاصه بالبكتريا - الفيروسات - الفطريات والمناعه ضدهم فدي مختصه بالتحاليل بتاعه البكتريا والفطريات والفيروسات في الدم والبول والبراز والجلد وكل حته في الجسم وبعد الدبلومه ممكن تعملي ماجستير دكتوراه في الميكروبيولوجي وده هو تخصصي مثلا عايزه تعملي ماجستير في البكتريا و الفطريات والفيروسات المصيبه للمخ بتدئي تشوفي مستشفي وتوفري المرضي دول وتشوفي في الماجستير ممكن تاخدي دكتور مخ واعصاب يبقي احد مشرفيينك عشان يوفرلك المرضي دول او مثلا عايزه تعملي في البكتريا والفطريات والفيروسات المصيبه لمرضي السرطان والاختلالات المناعيه للي بتحصل لمرضي السرطان وممكن تعملي مثلا علاج للميكروبات دي كمان بعد ما تخصلي :mad: بتبدائي بردو توفري مستشفي وتوفري مرضي السرطان وتبدائي الماجستير بتاعك :av4056bb7jp3: ......................... فيه تخصصات تانيه في التحاليل زي المناعه والهيماتولجي لكن الغالبيه بعد الدبلومه بيعمل ماجستير في الكيمياء الحيوي اوالميكروبيولوجي واحنا ع فكره بنتحارب حرب شديده جدا جدا من بتوع طب وكانو عامليين ضدنا وقفات والصيادله بردو كانو عامليين ضدنا وقفات من شهريين في كل محافظات الجمهرية وادام مجلس الوزرا عشان الادوية وللاسف الكل بيتعامل مع خريج كلية علوم كانه شخص واحد ولكن المتخصص في التحاليل غير المتخصص في الادوية غير المتخصص في البترول غير المتتخصص في التصنيع الكيميائي الخ:bosyht9: |
رد: تمام
اقتباس:
لو سمحت هى البلومه دى بتاخد سنه كمان ولا ايه ؟؟.:blush: >>آخذ رأيكم , عندنا فى البيت بيقولولى ادخلى تربيه اسهل من علوم ومضمونه انما علوم صعبه جدااااا , انتوا ايه رأيكم ؟؟:d:d شـــــــــــــكراً |
اقتباس:
الماجستير 3 سنين الدكتوراه 4 سنين ..................... اما بالنسبة لتربية وكده فده يرجعلك انتي شوفي انتي عايزه تشتغلي ايه وحابة ايه |
اقتباس:
جزاك الله كل خير |
هو ممكن لو دخلت علوم ممكن احول بعد سنتين كليه طب لو جبت امتياز سنتين وادخل قسم ايه علشان ممكن احول وياريت الرد بسرعه
|
اقتباس:
انت ممكن بعد ما تخلص تعمل دبلومه و ماجستير ودكتوراه في التحاليل وتببقي دكتور تحاليل |
لوسمحتم ان جايب 82.6 كنت عايز اعرف ممكن اقدر ادخل علوم حتي لو اقاليم ولا ايه لوسمحتم ردوا عليا بسرعة علشان الحق التنسيق
|
كم عدد كليات العلوم ؟
وليا واحدة زميلتى جايبة 89.5 فى المية تلحق علوم ولا لا؟ واية احسن اقسام ليها ؟ وايه القسم اللى ممكن تكون منه دكتورة تحاليل ؟؟ |
كلية علوم بتدخل مرحلة تانية ف التنسيق؟؟؟؟؟؟
|
هو ما ينفعشي ادخل قسم فيزياء من علمي علوم ولا ايه افيدوني ضرووووووووووووووووووووري
|
سلام عليكم ياجماعه انا سمعت ان قسم علوم حاسب مستقبله نفس مستقبل كلية الحاسبات ده صح .? ثانيا أنا ادخلها ازاي ؟؟ لأن انا علمي رياضة وكل ماأبص في الكليات بتاعت رياضة ألاقي كلية علوم رياضة بس وياريت حد يقولي أحسن الأقسام في الكلية بالنسبة لعلمي رياضة اللي مستقبلها بيكون كويس وشكراا |
لي سؤال
عند دخول كلية العلوم و اختيار التخصص هل درجات المواد بشهادة الثانوية العامة لها علاقة بالتخصص ؟ يعني درجتى في الكيمياء هل تؤثر على القبول في قسم الكيمياء و هكذا بالنسة للأحياء و الفيزياء /يعني انا جايب في الكيمياء 39.5 و الاحياء 46.5 و الفيزياء 48 يعني انا عايز ادخل قسم كيمياء حيوية ... ايه القيود و المطلوب علشان ادخل القسم ده و انا هاوزادخل الكلية السنه دي انشاء الله ارجو الرد بسرعة و شكراً |
اقتباس:
زي البيولوجي والعلوم الفزيائيه والجيولوجيا لكن عند *** الاقسام بياخد الاقسام الكيمياء الحيوي والكيمياء والميكروبيولجي اعلي التقيرات في اولي وتانيه |
اقتباس:
وتبعو حتي الان لنقابة واحده والاقسام بتاعه علمي رياضه 1- كيمياء سبيشيل 2- كيمياء وفزياء 3- فزياء سبيشيل 4- فزياء حيويه 5- فزياء حيوية طبية 6- علوم حاسب 7- رياضه 8-رياضه وعلوم حاسب 9-احصاء 10- احصاءو علوم حاسب 11- علوم حاسب وتكنولوجيا المعلومات 12- فزياء وعلوم ليزر 13- اقسام الجيولوجيا |
اقتباس:
عندك افضل الاقسام في الكلية وهتسيبيها وتدخلي فزياء :excl::excl: |
ما هى الاقسام التى يمكن الالتحاق بها من علمى رياضة ؟
هل قسم الكمياء الحيوية تبع علمى رياضة ايضا ماذا تعنى ب كيمياء سبيشيل |
اقتباس:
1- كيمياء سبيشيل 2- كيمياء وفزياء 3- فزياء سبيشيل 4- فزياء حيويه 5- فزياء حيوية طبية 6- علوم حاسب 7- رياضه 8-رياضه وعلوم حاسب 9-احصاء 10- احصاءو علوم حاسب 11- علوم حاسب وتكنولوجيا المعلومات 12- فزياء وعلوم ليزر 13- اقسام الجيولوجيا اما الكيميا الحيوي فهو من علمي علوم |
شكرا جزيلا للتوضيح لو سمحت قسم كيمياء الخاص بالتركيب الكيميائى للادوية علمى رياضة؟
|
يا ريت حد يرد ضروري...
اللي يدخل قسم فيزيا سبيشل أو أي قسم فيزيا :: يشتغل ايه؟؟؟؟ |
اقتباس:
لكن بيبقي الاكثر دراية الكيميائي البيولوجي |
اقتباس:
باستثناء بعض الاماكن والتخصصات زي مراكز البحوث للي عايزه اسطه ومراكز الاورام للي عايزه واسطه بردو:) الكل يهرب من التخصصاتالرياضه والفزياء اصلا ممكن تلاقي في بعض الكليات طالب و احد داخل قسم رياضه وعشره داخليين قسم فزياء ;) |
اقتباس:
بس مش المفروض موضوع الواسطة ده انتهي؟؟؟؟؟؟ و ما ينفعش بأي جهد ذاتي؟؟؟ و أول سنة بيبقي كل المواد... و سنة تانية تتخصص مش كدة؟ |
اقتباس:
مازالت يعني مثلا مراكز البحوث بتعمل اعلان وتلاقيهم اصلا متعيينين جوه مركز البحوث وبيعملو الاعلان عشان يتعينو رسمي وبالنسبة للتخصص الفزياء اه بتبقي اول سنه عام وتاني سنه التخصص |
لو سمحتم أريد معرفة أقسام كلية علوم /رياضة عين شمس
|
اقتباس:
طب ياريت ممكن حضرتك تقولي احسن قسم في الاقسام دي ومستقبله ايه ؟ 11- علوم حاسب وتكنولوجيا المعلومات 8-رياضه وعلوم حاسب 6- علوم حاسب |
طب انا جايبة فى الاحياء 40 والكيمياء 47 والفيزياء 49
ونفسى ابقى دكتورة تحاليل او اشتغل فى شركة ادوية درجاتى ممكن تمنعنى ولا ايه بالذات الاحياء فين الرد |
اقتباس:
|
موضوع رائع دكتور احمد جزاك الله كل خير دكتور احمد انا عندى موضوع عاوز اخد رأى حضرتك فيه أنا حاصل على بكالوريوس علوم تعاونية زراعية من المعهد العالى للتعاون الزراعى بتقدير عام جيد و انا معى كارنية مهندس زراعى من النقابة و حاليا اعمل مدرس علوم فى مدرسة خاصة و عاوز أعمل دبلومة تربوى عام و بعد كدة دبلومة تربوى خاص لكى اصبح مدرس كيمياء هل ممكن بعد ما اخلص الدبلومة الخاصة ( الكيمياء ) أدخل دبلومة التحاليل الطبية و أخد ترخيص فتح معمل تحاليل طبية طيب و لو كان الطريق ده صعب تنصحنى بأية علشان أكون دكتور تحاليل طبية منتظر رد حضرتك و كل عام و حضرتك بخير |
اقتباس:
قسم كيمياءحيوي او قسم كيمياء حيوي وميكروبيولوجي او قسم كيمياء وميكربيولوجي التلات اقسام دول يجمعو ما بين التحاليل والادوية في نفس الوقت |
اقتباس:
بالنسبة للتحاليل الطبية لازم تكون بكالوريوس علوم في احد تخصصات الكيمياء وبعدها تاخد دبلومه او ماجستير او دكتوراه في التحاليل الطبية اما الدبلومه الخاصه بالكيميا للي حضرتك ناوي تاخدها فاعتقد انها لا تغير البكالوريوس وعشان تبقي دكتور تحاليل لازم تحصل علي بكالوريوس علوم في احد تخصصات الكيمياء وبعدها تاخد دبلومه او ماجستير او دكتوراه في الكيمياء الحيوية الطبية ( تحاليل كيمياء الدم ) او تاخد دبلومه او ماجستير اودكتوراه في الميكروبيولوجي والمناعه ( تحاليل البكتريا والفطريات والفيروسات والمناعه) |
ادخلي بيوولوجي بعد كده اتخصصي
قسم كيمياءحيوي او قسم كيمياء حيوي وميكروبيولوجي او قسم كيمياء وميكربيولوجي التلات اقسام دول يجمعو ما بين التحاليل والادوية في نفس الوقت الله يباركلك يا دكتور والف شكر |
ايه القسم اللى بنعمل فيه دبلومة ونبقى دكاترة تحاليل ؟؟
|
جميع الأوقات بتوقيت GMT +2. الساعة الآن 10:43 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.