|
طيب مش اديتو الموقع ليه وهى تجربه وخالص
|
اقتباس:
انتى صح ................ لكن لازم تكون وقفة النفس وقفة عتاب مش وقفة انتقام و وقفة لوم و مش وقفة عقاب لازم ما نكونش قاسيين على نفسنا زى برده ما انا معاكى انه مش لازم نسكت و مش هنسكت " ان الله لا يغير ما بقوم حتى يغيروا ما بانفسهم " " اذا اردنا ان نهلك قرية امرنا مترفيها ففسقوا فيها فحق عليهم العذاب فدمرناها تدميرا " |
يا جماعة أيه رأيكوا نعمل زي موسوعة عن رسول الله
سيرة كاملة متكاملة وأنا عندي برنامج علي خطي الحبيب ممكن أرفعه كامل ايه رايكوا؟ |
انا مش عارفة يعني احنا هنفضل لحد امتى نجامل على حساب الدين؟؟؟
نراعي شعور مين بالظبط؟؟ احنا نايمين يا جماعة ادخلوا ع اليو تيوب وشوفوا اللي بيعتنق الاسلام بيحصل فيه ايه ؟؟؟؟؟؟ الحرية الدينيه يعني كل واحد حر في دينه انما لا يتطاول على دين غيره ويخبط بقى في الحلل....وييجي يعرفنا ديننا ويقولنا ايه الصح وايه الغلط....ويسب ويشتم في اشرف الخلق؟؟ ولا هما فاكرين انها سايبة ؟؟؟ حسبي الله و نعم الوكيل |
ياجماعه بلاش لغه الانتقام ياريت نفكر بالعقل شويه بدل ما نعد نفكر ازاى ننتقم منهم وازاى نتأمر عليهم نعد ونفكر ازاى نبين حلاوه الدين الاسلامى وتسامح الدين الاسلامى وفرصه اننا فى رمضان ندعى عليهم فى امان الله |
الحل بسيط جدا وفى دستورنا لكن مش فى كلامنا وفى روحنا عشان افعالنا تبقى على قد اقوالنا والحل ده هو :
(ان الله لا يغير ما فى قوم حتى يغيروا ما فى انفسهم ) شوفتوا الحل بسيط ازاى ... |
بقولكوا ايه انتو عايزين تنصروا رسول الله صح طب سيبوكو من ضرب مواقع والكلام دا لو عايزين تنصروا النبى بجد نتبع سنته ونتمسك بيها ونقرب من ربنا بكدا دى هتبقى اكبر نصر لبينا ولدينا |
يعني أفهم من اللي فات أن حتي المناقشة مافيش ؟
طبعا ً إننا نتمسك بالسنه شئ جميل جدا ً بس عايز أسأل سؤال أيام الرسول و أوائل أيام الدين مش كانت الناس متمسكه بالدين ؟؟! و كان الكفار برضر بيشتموا و يقولوا دين عبيد هو أنا بصراحه مش مقتنع بالمناقشه معاهم لأن دي حركات عيال أنه يألف و ينسب للدين حاجات ما لهاش أصل و اللي يعمل كده مش واخد فكره غلط ده عايز يشوه صوره بأي تمن يعني مثلا ً لو اللي بيناقشهم ( لو حد ربنا فتح عليه و عمل خطوه إيجابيه طالما ماحدش هايهاجم ) كتب كلمه غلط يقولك " بص دا حتي مش عارف يكتب كلمه كذا يا عم دول شويه جهله " علي فكره أنا مش متفاجئ بالموقع ده ولا متفاجئ برد فعلنا لأن نفس الموضوع ده إتكتب في منتدي تاني قد يكون نفس الموقع المسئ أو غيره بس الفرق أننا كلنا إتفقنا علي الهجوم و وقفنا عند المعاد لأننا إتحدنا علي الإختلاف و إختلفنا علي الإتحاد علي رأي اللي قال كده و متهيألي إننا طالما ما وصلناش لحاجه إمبارح يبقي الحكايه قفلت ربنا يعيننا علي الرد عليهم بأي وسيله |
اقتباس:
اكيد كل واحد اسلوبه وحواره بيدل على المكان اللى هو متربى فيه وعلى بيئته وكون انك تتهان وتعاملهم كويس دى تبقى حاجة كويسه اوى منك وش كل المسيحين بيهاجموكم زى ان مش كل المسلمين بيهاجمونا هتلاقى كده وهتلاقى كده وانا كمسيحيه هنا فى السايت بحبكوا جدا وبحترمكوا جدا وعمرى ما قلت كلمة جرحت اخت واخ مسلم ليا وانا بالنيابه عن المسيحين اللى فى السايت بعتذر لكوا ودى اقل حاجة ممكن اعملها |
اقتباس:
وبعد مالمسلمين اتمسكوا بالدين واستحملوا الاذى وقربوا من ربنا ايه حصل بعد كدا ؟ مش كانة النصره للمسلمين لكن انت هتيجى لامه دلوقتى اصلا بعاد عن الدين وتقولهم حاربوا وهاجموا اليهود !!! طب هيا فين الامه الى متمسكه بالدين دلوقتى ؟ |
اقتباس:
بس ان شاء الله هيكون لنا رد فعل |
حكاية ان في ناس بتهين ديانة تانية محدش ينفع يقول انها صح
ان كان مسلم او مسيحي او غيره في مسيحيين بيهينوا الاسلام و في مسلمين بيهينوا المسيحية و ده ميعبرش عن موقف ديانة تجاه ديانة اخرى يعني انا مسيحي و بتناول اي حاجة تتعلق بالدين الاسلامي باحترام شديد كلنا اخوات في الله اكيد فمفيش حد يهين اخوه ... صح و انا باسم المسيحيين اعتذر عن اي حاجة من دي و شكرا |
اقتباس:
|
اعتقد انا و the king_2939 اعتذرنا ويا ريت تقبلوا اعتذارنا |
يا فيفا احنا اصلا عمرنا مبنحط فى دماغنا دا مسلم او مسيحى
احنا بشر وكلنا زى بعض وانا قولت فى رد قبل كدا ان الى عملوا الموقع دول ملهمش ديانه اصلا |
| جميع الأوقات بتوقيت GMT +2. الساعة الآن 04:05 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.