|
اقتباس:
|
نفسى اجرب الصداقه الحقيقيه اللى بيقولو عليها ديه
بسمع قصص تشيب الراس و ناس كانو زى الاخوات و اكتر و فى الاخر باعو بعض بسهوله و فيه اللى خان و فيه اللى عمل مصيبه للتانى وفيه وفيه انا بجد خايف امر بصداقه تنتهى بكده فيه ناس كويسه كتير بس الخوف من اللى هيحصل مخلينى مش عاوز اقرب لحد و اخلينى فى حالى انا مستريح كده و بحتاج لصديق كل فين وفين و بحس انى قربت من ربنا اكتر و اعتمادى عليه زااد بكتيير اوى اكتر من الفتره اللى كان عندى فيها اصحاب كتير فهمت نفسى اكتر و عرفت عيوبى و عرفت مقدار نفسى اتصدمت كتير و اكتشفت ان فيا عيوب كتير اوى مكنتش واخد بالى منها الخلوه رائعه طول ما هى فى طاعه ربنا ولو حاجه غير كده بجد الشيطان هيوديك فى ستين داهيه و انت مستمتع و مش حاسس |
اما بالنسبالي فانا فعلا محتاجة افضفض جداا بس افهم نفسي الاول .. مشكلتي التوهان .. عليا حمل تقيل اووي وانا تقريبا عديمة مسؤولية .. ناس كتير شايفة مستوايا حلو ويجي منه لكن انا شايفاه زفت مش عارفاه اذا كانوا هما مغشوشين فيا ولا انا ماعنديش ثقة ..شايلة هم الشماته لو نتيجتي كانت نص نص .. لكن بجد انا بحس اني اتظلمت .. انك تدلع حد من اول مايتولد وبعدين فجاة تنزله مصر وتحطه في ثانوية عامة والمفروض انه عارف طرق المذاكرة والمفروض انو يبقى شاطر ده امر شبه مستحيل بالنسبالي وامر في غاية السهولة بالنسبة للجميع :/ .. بجد بتمنى اني تخبطني عربية قبل الامتحانات بيومين عشان ما اخوضش تجربة زي دي .. نظرات ماما وكلام بابا بي***وني .. الرياضة والعربي دمار حياتي الشامل اللي حاسة اني هجيب فيهم ملاحق ..نفسي اذاكر عدل بقاااا .. بجد تعبت .. بس عندي امل برضو بس مع الايام بيضعف لحد ماقرب ينتهي خااالص :(
|
اما بالنسبة لعلاقتي بربنا فهي من اسوء لاسوء .. انا كنت قربت من ربنا لدرجة ماحدش يتخيلها لكن واحدة واحدة بححححح مافيش ساعات كتير الصلاة مافيش واتوب وارجع .. ومافيش فايدة .. نفسي ربنا يهديني ويستجيب دعائي .. نفسي اشرف اهلي بجججد :(
|
اقتباس:
|
بابا و ماما بحس انهم بيعاملونى بشفقه وانى لا حول ليا و لا قوه
خبو عليا حاجات كتير تحت مسمى الخوف عليا و ادينى كبرت و عرفتها و اكتشفت انى كنت ضايع تماماً و فهمت حاجات كتير صعبه لوحدى و لو كانو فهمونى كنت بقيت مرتاح اكتر واخواتى معرفش هم بيحبونى بجد و لا لا اوقات كتير بلاقى تصرفات كلها حقد و غم منهم عشان عملت حاجه احسن منهم و اوقات بلاقيهم خايفين عليا تعبت منهم كلهم عاوز اعيش لوحدى فى مكان بعيد عن كل الناس حياة الراهب جميلة بجد بس انا مسلم وبفتخر انى كده و للاسف مجبور عليا اتعامل مع الناس و استحمل ناس كتير افلاطونيه و شايفين الدنيا بمبى فى خيالهم هيقعدو يقولو شعارات فكسانه و ان الدنيا حلوه و لازم نبص للجانب الايجابى و الخ الخ استيقظوا يا قمامير كل الكلام المعسول بتاعكم تاثيره لحظى ومؤقت انا فعلاً مقتنع ان الايجابيه مهمه و بتريح بس لمدى قصير اوى |
بحس انى فى الدنيا مجبووور على كل حاجه
اهلى مخترتهمش وجودى فى الكون مخترتهوش ظروفى مخترتهاش مش عارف انا مخير فى ايه بالظبط الظروف هى اللى بتجبرنى على اختيارات محدده يعنى مسير برده مش عارف ليه لما اتكلم مع حد كبير او شيخ فى حاجه تبع العقيده يقعد يبصلى بصة تخوف و اكنى بفكر الحد او حاجه و يقعد يقولى قال الله وقال الرسول انا مش ضد كده بس انا عاوز حد يخاطبنى بالعقل مش الكلام بحس ان فيه تناقضات كتير فى الدين و محتاج حد يفهمالى بس مش لاقى كل الشيوخ اللى اعرفها بقو سياسيين اوى و معندهمش الحكمة والذكاء الكافى انه يقنعنى ويثبتنى محتاج حد زى الشعراوى و مصطفى محمود اووووى بجد دول اكتر اتنين مصريين معاصرين اثرو فيا للاسف محدش دلوقتى لاقيته بنفس قوتهم الفكريه والثقافيه عاوز اقرا وافهم بس مش عارف اقرا ايه و هفهم صح ولا غلط بتغاظ لما الاقى حد بيعيط فى الصلاه و متأثر و انا عمال افكر ماما هتغدينا ايه بصلى عشان وقت ما اكون اقتنعت ميتحسبليش ذنوب كتير عاوز اصلى بخشووع و اذكر ربنا و قلبى ينقبض من الخوف منه مش عارف انا ليه بحس انى مظلوم و انى اوقات ظالم محتاج اقرا كل الاديان بتمعن عشان يزيد ايمانى اكتر محتاج وقت كبييير اوى عشان افهم وقتى بيطير بسرعه و فيه حاجات كتير معطلانى بقى همى على بطنى وراحتى بس و بقيت اصلى لمجرد الترويح عن النفس مش تقوية علاقة بربنا انا قررت انى ادعى وادعى وادعى لحد ما ربنا ينضف قلبى من كل الوساس و الامراض المتعفنه حاسس انى قلبى بايظ خالص و مليان حشرات بما انى معنديش وقت اقرا و اعتمد على الملموس هضطر ادعى كتيير لحد ما احس بجد انى مؤمن اوى بوجوده بجد الايمان قوة فظيعه و هتخليك قوى اوى و متخافش من اى حاجه انا بخاف كتير اوى من حاجات دنيويه عشان ايمانى ضعيف بجد الايمان هيخلينى اقوى بكتير و عندى ابداع و انتاج اكتر اى حد مبدع كان سبب ابداعه الايمان مش لازم بربنا ممكن ايمانه بنفسه او ايمانه باله تانى او حاجه بس انا عارف ان فيه اله واحد وبس وهو ربنا و مقتنع عقليا بس لسه ايمان ضعيف يا رب قوى ايمانى و ثبتنى على دينك يا رب الدنيا بقت كلها فتن و قرف و هم يا رب انا عاوز افهم و اعرف الحقيقه مش عاوز اجادل و خلاص |
هتخدمهم هيتغاضو عن عيوبك
مش هتخدمهم هيكرهوك فى نفسك |
لية معدش في ناس طيبه وبتحب الخير لبعض انا زهقت بجد ساعات كتير بحس ان مينفعش يبقى عندى صحاب انا بحس انهم صحاب مصلحة مش اكتر لدرجة انى حاسة انى صاحبتى بتمشى معايا عشان متمشيش لوحدها انا مضايقة اقوى من نفسى زمان كنت اقول انشاء الله اعمل كذا وكذا وكذا وبفضل ربنا والارادة اللى كانت عندى كنت بحقق كل اللى بتمناة دلوقتى الارادة معنتش موجودة كل حاجة بقت احلام ساعات كتير بحس ان الحظ والتوفيق وكل حاجة ضدى
اكتر حاجة بقت مضيقانى انى معنتش بعرف اتقبل ان حد يكون احسن منى انا مكنتش كدة يمكن دة حصل لان ثقتى بنفسى قلت |
كلكم عايزين تروحو لدكتور نفساني هههههههههههه
|
اوقات بنسى انى كلت و لما بحس بالجوع و افتكر انى كلت اشبع
|
وانا صغير اوى لما كنا بنتفرج على فيلم كوميدى مكنتش بضحك غير لما اشوف ماما بتضحك وقتها افهم ان فيه حاجه حلوه و اقعد اضحك و اول ما هى تبطل ابطل ضحك و هكذا
|
:(
:( :( ............. |
ااااااااااه يا دماغى
ااااااااااه يا ضهرى محتاج انااام كتير اوى |
اقتباس:
ربنا يوفقك يارب ويسهل عليكي المذاكرة حبيبت بس ادعيلك واقولك مش لوحدك كنتي بره ونزلتي على الثانوية العامة انا برضو سافرت فترة السعودية ومتاثرة بفرق المناهج لغاية دلوقتي اقتباس:
اقتباس:
مختلفة معاك في المشاركة الاولى الدنيا صعبة ده شيء طبيعي فيها مشاكل ده شيء طبيعي مليانة بلاوي شي طبيعي برضو اللي مش طبيعي اننا نقول الايجابية تاثيرها مؤقت لو الايجابية زي مابتقول تاثيرها مؤقت يبقى دي مش ايجابية اصلا لو عرفت يعني ايه يبقى ليك رسالة في الحياة هتعيش عشانها وعشان تنشر فكرتك في كل الدنيا مكنتش هتقول كده كلامك بيقول ان في حاجات كتير انت مفتقدها ومفاهيم كتير مش عايز تعرفها بالنسبة للدين مقدرش الومك انا في فترة شكيت في ديني ورسولي وربي سبحانه وتعالى بس الحمد لله رجع ايماني بيهم اكتر من الاول بعد مافهمت وسالت ربنا يجازي اللي ساعدني كل خير في موقع رائع للشبهات والتناقضات لو عايز ممكن اكتبه ربنا يوفقك ويرشدك لكل خير |
| جميع الأوقات بتوقيت GMT +2. الساعة الآن 02:07 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.