|
اقتباس:
|
صحيح ايه فيجو .. ايه موضوع درس الرسم دا ؟؟ .. سمعت ان فيه كورسات .؟؟؟
عايزين معلومات عن الرسم دا احسن كله بيقول دا عقده اعدادى |
اقتباس:
|
اقتباس:
انا بابا احتمال يعلمهولى ( كان قسم معمارى هندسه الزقازيق ) .. والد واحد صاحبى مدير مدرسه ثانوى صنايع .. ممكن نروح لاى مدرس رسم فى مدرسته يعلمنا انا وهوا :d اان هدور اهو |
اقتباس:
|
اقتباس:
اهااا اصل فى مكتبة قريبة منى جدا فى مصر الجديدة واسمها سوزان بردو . لكن الكيت كات ده بعيد عنى خااالص . الكورس ده يا ترى كنت حضرتك بتاخده فى كام ليفل .؟ ومدة قد ايه يا باش مهندس محمود ؟؟ اقتباس:
طبعا كورس المعهد البريطانى ده غالى جداا وعشان كدة تحس ان الكفاءة فيه اعلى عدد قليل + ناس اجانب بيعلموك +ممنوع الكلام بالعربى طول ما حضرتك موجود فى المعهد . بس بجد معلومات هايلة انابحاول اجمعها علشان استفيد منها علشان اول الصيف اللى جاى بأذن الله اقدم فيها وما اضيعش وقتى زى السنة دى . اقتباس:
بس ايه حكاية الى 300 و400 دول دول بتع الـ auc ولا ايه ؟؟ اقتباس:
ايوه فعلا الواحد محتاج انه يبقى قوى فى اللغة وبعدين يعمل بروفيجن . ما شاء الله بس ده مستحيل معايا فى الدراسة فى الثانوى . ان شاء الله اظبط وقتى فى الجامعة واتعلم كلمات كل يوم على الاقل 15 كلمة مثلا . وفعلا موضوع الاهتمام بالجرامر دونا عن الكلمات بجد حاجة غريبة شوية ؟! لان احنا كعرب بنتكلم عاميةيعنى مش متمسكين بقواعدنا النحوية اللى فى الانجلش تعنى الجرمر فى حين ان اهم حاجة اننا نعرف نعبر عن مشاعرناوخواطرنا بالكلمات مش بالجرمر وكدة " وان كان الجرامر يؤثر احيانا فى المعنى فده مش فى كل الجمل " وياريت يكون التعليم ف السنين اللى جايه مبسط فى اللغات وكل ا لمواد يااااارب . ــــــــــــــــــــــــــــــــــــــــــــــــــ ـــــــــــــ بجد الخطوات اللى حضرتك عملتها دى منطقية جداا وعملية فى نفس الوقت انا هعملها بأذن الله عاجلا وخضرتك شجعتنى جداا عليها . فعلا فى الاغانى زى أغنية لسامى يوسف كان بيقول فيها healin ويقف وماكانش بيقول healing وكانت ناون وكنت بقول ممكن يكون انا مش سامعاها كويس او يكون هو بينطق امريكان وانا متعودة على البريتش بس انا كنت عارفة ان الامريكان بينطقوها كده لكن استغربت لما حضرتك قولت ان البريتش كمان بينطقها بدون الـ g .حتى لو كانت ناون . ــــــــــــــــــــــــــــــــــــــــــــــــــ ـــــــــــــــــــ فعلا الانجلش لذيذ جدااا وان شاء الله اعمل الخطوات اللى حضرتك اتبعتها . بس بجد معلومات ممتازة مش عارفه اشكر حضرتك ازاى عليها والله ربنا يوفقك يااارب. :078111rg3: |
اقتباس:
صحيح ليا ملحوظه اخيره برده .. اقرأ اكثر من رد ليكى عن الكورس ودايما بقرأ فى الرد كلمه " الشهاده " !!!!!!!!!!!!!!!!!! معلومه ليكى : لو راحبه علشان شهاده يبقى وفرى على نفسك وبلاش تتعلمى انجلش !! الانجلش هتحبيبه يبقى ظط فى مليون شهاده !! ( الشهاده هتخديها هتخديها من اى حته !! ) قولى انا عايزه اخد كورس علشان ابقى اوفر جدا قويه جدا فى الانجلش النطق والاكسنت والكمات والجرامر وعلشان ابقى دستنكتيف ادام اصحابى ( شيلى من دماغك فكره شهاده ولغه علشان الشغل .. دا هيجى بعدين متستعجليش ) اقصد من كلامى .. الانجلش خليه مزااااااااااااااااااااااااااااااااااااج ( علشان التمير بين اصحابى ) .. موش اكتر ( ولو كنت متميزه اكيد اكيد يبقى مشكله الشغل اتحلت معاها ) لكن العكس معتقدش والله اعلم برده .. بس انا فكرى كدا وماشى على الديسيبلين دا :romarioxp6: |
انا من اعدادى والله نفسى اخد كورس انجلش بس كان فى حاجات كتيير كانت بتعطلنى اكبرها مشكلة هروح ازاى وارجع ازاى وان احنا بنسافر كتيير وكده
والحمدلله انا بعشق الانجلش جدا (بس مش اكتر من الرياضة طبعا ) و الحمدلله جبت 48.5 وعمره ماكان عقدة بالنسبة ليا وكمان يعتبر المادة الوحيدة اللى زعلت انى مش هدرسها تانى فى الكليةهى والالمانى حبيبى (لانى هاخد رياضة وكميا وفيزيا فى اعدادى هندسة ان شاء الله) بس ادينى بساعد فيها اخويا اللى داخل تانية ثانوى هى والالمانى يعنى مش هنساهم بسرعة المهم ان انا ان شاء الله ناوية على موضوع الكورسات ده وانتو الصراحة شجعتونى اكتر يا باشمهندسة هاجر انتى والباش مهندس محمود وان شاء الله تشجعينى اكتر يا باشمهندسة هاجر ونروح سوا طبعا لما نتعرف على بعض فى الكلية ان شاء الله ونكون اصحاب معلش رغيت كتيير بس استحملونى بقى انتو اللى قبلتوا انى اكون معاكو فى الجروب ونكون اصحاب |
اقتباس:
انا كنت الافضل قى المدرسه فى اللغه الانجليزيه .. موش ماده اللغه الانجليزيه ( اللى بتتمثل فى المناهج الفاشله ) -- يا جماعه معلومه صحيح :: عيـــــــــــــــــــــــــــــــــن شمس من الالف الى الاياء بتدرس بالانجلش فقـــــــــــــــــــــط :d كل الدكاتره بيستخدموا كتب ومراجع اجنبيه وبيدوها للطلاب ( ودا سبب اقنعنى ل نسب الرسوب ) " فرحمه الله على طــــــــــــــــــــــــــــــــــــــالب .. مات قتيــــــــــــــــــــــــلا للامانى الطـــــــــــوال " :d |
اقتباس:
ان شاء الله يا نوران وانا اتشرف بكدة طبعا . اقتباس:
اقتباس:
الى حد كبير جدا الجملة دى مظبوطة لكن للعلم مش معقولة تكون المادة اللى فى المدرسة مش مؤثرة فى اسلوب الطالب وتعليمه ولو الاساسيات . اقتباس:
فاشلة ليه بس ! ما احنا قولنا اهو ان مش معقول مادة علمية ما يكونش لها فايدة .. فمابال حضرتك يا باش مهندس بأن واضعيها اجانب وملتزمين بشكل معين للمناهج وان كان فى بعض الاحيان متخلف شوية " متخلف عكس متقدم مش شتيمة يعنى " . وان شاء الله كله يتحسن بعد الثورة وتنضف مناهجنا يارب . اقتباس:
ايوه طبعا اللغة الانجليزية هى اللغة الرسمية لغالبية العلوم . وكمان فى معظم جامعات مصر زى حلوان بردو الدراسة فيها بردو بالانجليزى والانجليزى اللى فى الكلية مالهوش دعوة باللغة زى مثلا حضرتك الفيزياء بالانجلش هل دى مقياس لتفوق الواحد فى اللغة الانجليزية ولا مجرد اصطلاحات علمية بحته مالهاش دعوة بتفوق الواحد فى اللغة والا كان اوائل الدفعات كلهم من مدارس اللغات والتجريبى ومع ذلك معاهم ناس مدارس حكومى . وعربى كمان . اقتباس:
ماهو مش معقولة يكون طالب متفوق فى اللغة الانجليزية وبيلعب ويتنطط بيذاكرعلى قده يتساوى بطالب مجتهد بيعرف يكتب المطلوب منه بالانجليزى !! يعنى يا باش مهندس محمود اللى اقصدة الانجليزى اللى فى الجامعة على فكرة مش مواضيع تعبير يقدر من خلالها الدكتور يعرف مستواك فى المادة لالا . حضرتك مثلا فى الكيمياء هتقول نضع كذا ثم نسكب كذ ونعرضه لكذا خطوات مش اكتر . اعتقد هو ده اللى بيدرس فى الكلية وكمان يا باش مهندس على فكرة فى مادة بتدرس فى اعدادى عن المصطلحات الهندسية ودى لا طالب لغات يعرفها ولا طالب العربى يعرفها ودى المطلوب اننا كلنا نعرفه يبقى المقياس ايه ؟؟؟ المذاكرة بأذن الله وبس . وعلى لما اخويا كان بيتكلم عن الكلية ما كانش بيتكلم خاالص عن موضوع اللغة او كدة . فى حين ان اختى حاسبات وكانت صعبة بمعنى الكلمة ان الواحد يكتب كيفية عمل برامج بطريقة منظمة وكدة كله انجلش رغم انها متفوقة جداا فى اللغة . الاختلاف فى الراى لا يفسد للاحترام قضية :) اقتباس:
على الاقل مات فى سبيل هدف سامى . |
فعلا كان هدف سامى :mad: ..
معايا القصيده كامله .. ( من ابداعى اكيد :romarioxp6: ) كتبتها والدمع يزرف :D ( كلام شعراء دمع يزرف ايه بس ) :022yb4: الطالب وكلية الكمال قد حدثوا عن طالب نابغ ... مجود الدرس كثير المذكرات لم يعشق الغيد ولكــــــــنه ... هام بكتاب وكثره المفكرات صوره كلية صاغها لبه ... و حدها فى التنسيق حد الكمال فصار كالطفل اذا رأى بارقا ... هاج له اطماعه فى المحال يمد نحو هندسة القاهره كفا لها ... ويحسب هندسة القاهره قريبة المنال فأينما سار تــــراءت له ... كما تـراءى خادعا له لمع آل فصار يقفوا اثرها هائما ... والمهتدى بالوهم جم الضلال وهم ان يمسكها جــاهدا ... بين ذراعـيه بأيد عــــــــجال مازال يعدو جهده نحوها.. حتى هوى من فوق تلك القلال فرحمه الله على طالــــب ... مات قتيلا للأمانى الطـــوال عندكم مبدعين فى عين شمس برده .. |
السلام عليكم.انا معاكم ف عين شمس ان شاء الله.وكنت عايز اعرف اخر ميعاد للتقديم عشان مش فاضى اجهز الحاجات اللى عايزنها ف الايام دى.وعايز اسأل عن كورساتicdl advancedوالانجليش بتاع الكلية.واخيرا انا بحس انى غبى بالنسبة لباقى الطلاب وحاسس انى مش هفلح ف هندسة عين شمس مع ان كل اصحابى حتى اللى انا بحس انى اغبى منهم بيقولوا انت لا تقارن بالنسبة لينا فهل الاحساس ده عندكم ولا عندى بس انا جايب 100% بس حاسس انى غبى وان المجموع ده مش مقياس وانى هاتسوح ف الكلية ردوا بقى يا رفاق الكلية
|
اقتباس:
بص اللى انت فيه ده تواضع مش غباء ودى حاجة كويسة على فكرة انك تكون متواضع كدة واللى بيختلف فى الكلية عن الثانوية العامة هو انك فى الكلية لازم تفهم ان شاء الله عملية الحفظ لازم تكون اقل ما يمكن وخد بالك هندسة عين شمس معتمدة على الفهم بشكل كبير و مش عاوزك تحس بالغباء كدة لانك مش اقل من الناس اللى فى الكلية اللى بتنجح وتجيب امتباز كمان وان شاء الله لما تيجى الكلية هتلاقى اللى يساعدك ويقف جمبك اهم حاجة حاول تستفيد من خبرات اللى اكبر منك فى الكلية عشان متتعبش كتير ومتنساش تخش على منتدى اعدادى هينفعك كتير e3dady.com هينفعك كتير وربنا يوفقك ان شاء الله |
واى استفساار انا موجود ان شاء الله
|
منور يا مستر كاى .. :)
هندسه عين شمس ان شاء الله ولا مدرس .. ( ولا جاسوس من كليه تانيه :d ) ? |
| جميع الأوقات بتوقيت GMT +2. الساعة الآن 04:46 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.