كنت هاقولها :d:d:p:p
تسلمى ياروووووووز

ويامصرية بلاش تزعلى
لأن الموضوع مجرد فضفضه لا أكثر


واللى بيحبوا مصر كتير
ولو عايزه تتأكدى غيبى بس يومين عن بلدك ولما ترجعى لها اوصفى مشاعرك
ليه حب الوطن بقى فصل كامل فى مادة الفلسفه
الوطن انا وانتم واصحابى واصحابكم واهلى واهاليكم وجيرانى وجيرانكم والشلرع والمدرسه والجامع ولمة الاهل والاحباب فى فرح او مناسبة غير سعيده

قلولى مين عنده قلب يكره كل ده
مستحيل طبعا يكون فيه الانسان بكل هذه القسوة
لكن ممكن ازعل من امى من ابويا من اهلى كلهم لكن اكرههم صعب جدا
شكرا

انا مش زعلانة من حد والله
انا زعلانة انى بشوف اولاد مصر كدة
اللى مش طايق يقعد فيها واللى مش عاجبو حاجة خالص فيها
واللى هايموت ويطلع برة يشتغل حتى خدام

هو انت بقيت من ضمن العصابة دى
ههههههههههههههه
اى نعم هى مفهاش حاجه تشجعك ليها اصلا عشان تقعد فيها بس انت بايدك تعمل حاجة تشجعك انك تقعد فيها

شكراا يا جماعة انا شكلى محبوبة هنا اوى لدرجة ان مفيش حد ضايق وجودى هنا <_<<_<
على العموم انا صح انا كلامى كله عن الحكومة ونظام الحكم مش الشعب الغلبان والمطحون من الحكومة شوفوا الناس التانية وانتوا هتعرفوا انتوا عايشين حلوين ومبسوطين فى ناس مش بتحس بكده
حسوا بيهم شوية
ارحموا من فى الارض يرحمكم من فى السماء

انا والله بحبك وبحترمك جدا
وبعكس كلامك انا بفرح جدا لما بلاقيكى فى موضوع من مواضيعى
على فكرة وانا وعيلتى او بمعنى اصح قريتى كلها
اكتر ناس غلبانين ومطحونين مش مبسوطين ولا حاجة
بس انا بحب مصر زيادة عن اللزوم
يمكن ده بقى عيب الايام دى زى ما كل حاجة حلوة بقت عيب

اولاً احب اعتذر لاني مدخلتش الموضوع ولا مرة بالرغم من اهميته لاني كنت مشغول حبتين
ثانياً: رأيي الشخصل
انا بحب مصر جداً و في الغالب مش هاخرج برة مصر بإذن الله الا علشان اخد الدكتوراه لو حصل نصيب فيها يعني
في مصر في طرق كتير علشان اقدر اوصل للي انا عايزه
انا مثلاً مخترع و بعمل اختراعات و كده
و كل مخترع بيحتاج مصادر و موارد يعني مراجع و مواد خام يشتغل بيها
في سلطة واحدة ممكن تدعم الحاجات دي و هي الاعلان
اه الاعلان
برنامج زي مصر النهاردة اعرف انه بيهتم جداً بالحاجات دي
و خاصة لو كان اختراع مهم او حاجة قيمة هايهتموا بيها جامد
و يا سلام بقي اما محدش يرد عليا في الاول
ممكن يعملوا عليها رواية
و صحافتنا الجميلة
اللي بتدور علي اي هفوة تعمل عليها حوار او سبق صحفي
دول صوتهم عالي في البلد و بيعملوا قلبان
دول بقي لو عرفت اوصلهم
و يا جمالهم اما يبقوا في صفي
اللي مضايقني في مصر اني عارف ان في مفكرين عباقرة كتير
لكن مش بيشغلوا دماغهم لانهم عارفين انهم مش هايقدروا يعملوا حاجة في بلدهم دي
و ده النوع المهم اللي في البلد دلوقت
لو قدرنا نوصله هاتبقي بيس :d
و مشروع الدكتور احمد زويل بتاع مدينة العلم دي واقف علشان حد من المسئولين معترض عليه
يعني المسئولين اللي مش عايزينها تعمر
علشان كده قلت الصحافة و الاعلام اكتر حاجة ممكن تلوي ذراعهم و إن كان تأثيرها مش قوي اوي يعني
بس ده رأيي و دي وجهة نظري
و اود ان حد يعقبلي عليها

بتحبنى حضرتك :d:d
انا مش بعيب فى مصر شعب او ارض انا اقصد النظام والحكومة واللى بتعمله فى الشعب واحنا ساكتين
والله شكل العيب عند المصريين ان كلمة الحق بتزعل ويبقى كده بيكره بلده ويلعنها وعايز يخرج منها ويشتغل خدام برة <_<<_<

نورت الموضوع ياباشا بمرورك
عندك حق الصحافة والاعلام هما اهم شئ لانهم اللى بيوصلو للناس
بس مفيش حد عارف يستغلهم صح للاسف الشديد

بصى ياروز انا مفيش بينى وبينك اى حاجة شخصية تخلينى ما بحبكيش
وانا لما قولتك انى بحترمك وبحبك كان كلام بجد مش توشيش ولا مجاملة
واللى حصل مجرد ابداء راى والخلاف فى الراى لا يفسد للود قضية
فياريت تتقبلى كل الاراء وما تخديش كل الكلام على محمل شخصى

يا جماعة انا لما اعيب علي حد ببقي عارف بعيب عليه ليه و هو ممكن يعمل ايه علشان يصلح من نفسه
لما اعيب علي الحكومة لازم يكون عندي اقتراحات للاصلاح
مش اعيب و خلاص
يا روز لو عندك اقتراحات ياريت نسمعها
لكن مش كل حاجة غلط الحكومة
يعني غلاء اسعار الخضار ده غلط الحكومة ولا ارتفاع درجة الحرارة
يعني الحكومة بتسلط الدود علي المحصول ولا استوردت بذور مخرمة؟؟
لازم يبقي عندنا حل قبل ما نقول في عيب
ياريت تعقبي علي كلامي

سلام عليكم
انا ممكن تكون مشاركتى فى الموضوع متاخرة شوية
بس انا مع رفض السفر بالمرة
يا جماعة مصر فيها خير كتير وفيها فساد كتير
انا مع الا يدور على شغل هنا ويستقر
وربنا يوفقكم

اختصارا لكل الكلام اللى هقوله ان الحكومة معندهاش ضمير ولا ذمة ولا بتراعى ربنا فى الشعب لان كل واحد فاسد وظالم بيدور على الفلوس بتيجى منين ويجيبها حتى لو على حساب غيره يعنى البطالة الشباب يفضلوا يذاكروا ويدخلوا الجامعة ويتخرجوا وبعدين يقعدوا فى الشارع واللى بيشتغل بيشتغل بواسطة يرضى مين ده ده حتى ربنا امرنا بالعدل والمساواه بين الناس والتأخر فى كل المجالات مين السبب وبعدين يقولوا الميزانية مش تكفى يعنى بدل ما يصرفوا فلوس الدولة على حاجات ملهاش لازمة يصرفوا على الفقراء تحسين المستشفيات تصليح الطرق اللى بيموت عليها الالاف من الشعب بدل مانستورد كل حاجة من برة حتى العملة المعدنية بنستوردها من الخارج ليه ميكنش فى صناعة مصرية متقنه وجيدة مثل المستوردة من الخارج ده حتى الصناعة المصرية اعوذ بالله منها مفيش اتقان خالص فى الصناعة

ده غير الفساد والنهب والبلطجة من الحكومة اصل هى معاها السلطة والشرطة برضوا فى خدمة الشعب كل ده واضح خدمة اى خدمة دى بيضربوهم فى السجون والمعتقلات والله صدق للى قال حميها حرميها
حسبنا الله ونعم الوكيل فتحوا عينكم على الحقيقة هو الشعب مفتكر نفسه هو اللى بينتخب العضو او الرئيس فى الانتخابات :d والله الحكومة شغلها فى الانتخابات مكشوف للعالم كله يعنى شغل الافلام والمسلسلات ان الشعب يروح ينتخب ويعطى صوته كده كله مكشوف الحكومة تبطل الحركات دى وتلعب على المكشوف وخلاص :d

بلدي طنطا وأحب أعيش اونطا