|
مفيش حد بيخد حقة غير اللى بيطالب بية فى بلدنا لما نزل كادر على التربية والتعليم المتثبيتين مدرسين الازهر عملوا احتجاج واعتصام وفعلا خدوة ولما نزل كادر على الازهر المتعاقدين احنا قدمن شكاوى واخدناة ولما اطبق الراتب فى تربية وتعليم على متعاقدين 5 مواد فقط هم اللى يخدوا مرتب 346 اشتكى مدرسين المتعاقدين اللى هم تخصصات ( مكتبات - اقتصاد منزلى- كمبيوتر) وبعتوا فاكسات وبالفعل الحكومة وافقت على طلباتهم والله هم بينزلوا قرارات ومش فاهمين بيعملوا اية ودلوقت الاداريين عمليين تظلم واشتكوا ولوا احنا وقفنا جنب بعض ان شاء الله ربنا هيوفقنا
|
عندى اقتراح ياجماعة واحنا بنكتب الفاكسات نجعلة فاكس جماعى يعنى كل واحد يكتب اسماء زمائلة فى مدرسة من متعاقدين بس وبكدة يبقى وفرنا اكبر عدد من متعاقدين وبردة وفرنا فلوس وهنعرفهم بكدة واكيد مش هيعترضوا اية رايكم
|
عندى اقترح ياجماعة واحنا بنكتب الفاكسات نكتب الفاكس جماعى يعنى كل واحد مننا وهو بيبعت الفاكس يكتب اسماء زمائلة المتعاقدين فى مدرستة وبكدة يبقى وفرنا ناس متعاقدة كتير تبقى معانا ووفرنا فلوس وبردة علشان المسئولين يعرفوا ان دة فاكس جماعى وكمان اغلبية زمائلنا لايدخلون على النت وبردة احنا دلوقت فى اجازة ومن صعب تجمعنا معا واكيد هنعرفهم اننا هنكتب اسمائهم ومش هيعترضوا اية رايكم
|
ياريت يا جماعة الجميع يدخل ويسجل عالمنتدى ده بحيث انه يبقى البديل التاني والاحتياطي للتواصل لو حدث تدخل من أي جهة
http://mota3aked.ba7r.org/forum.htm |
احنا المفروض مش هنستمر في النت بس لازم نخرج لأرض الواقع ونعبر عن نفسنا وربنا أكيد معانا
|
اعتقد ان نطالب بتغير قانون الكادر لان اي اعتراض الوزير هيقول ده شرط في قا نون الكادر وهي دي المشكله اللي في الموضوع و ان
|
اقتباس:
دة أكيد طبعاً لأننا مش هنقف عند مرحلة الفاكسات وخلاص أكيد فى حلول تانية فى حالة عدم الإستجابة |
اقتباس:
هى دى حكومتنا محدش بياخد حقه فى البلد دى غير لما يطالب بيه بقوة وفى الحالة دى بس هيقدر ياخد حقه للأسف دة أصبح قانون ! |
اقتباس:
لا يا مونى أعترض بشدة مع حضرتك بقى إحنا شغالين وتاعبين نفسنا وعمالين نجمع فى أكبر عدد منا عشان نيجى فى الآخر نبعت فاكسات مجمعة !!! طب يبقى إيه الفايدة ويبقى عملنا إيه ؟ ماكان كل واحد فينا بعت فاكس بأسماء زمايله وخلاص من الأول لا لا لا لا لا يا جماعة الحملة دى قايمة على أساس إن كل المدرسين المتعاقدين بيقولوا لأ للظلم والتفرقة ضدهم ومينفعش حد يطالب بالحق دة لحد تانى أبداً مهما حصل دة غير إن الفاكسات المجمعة دى بتديهم فكرة إن ممكن واحد بس كتب الفاكس دة وبعته بدون موافقة زملائه الآخرين أو إنه لا يمثل باقى زملائه عشان كدة كل واحد فينا لازم يبعت فاكس باسمه هو بس ولنا أن نتخيل كم الفاكسات اللى هيستقبلوه أكيد فى الحالة دى الحملة بتاعتنا هتجيب أكبر نتيجة إيجابيية لصالحنا إن شاء الله أرجوكم يا جماعة كل فاكس يحمل إسم واحد فقط أما مونى فياريت نعيد التفكير فى الإقتراح تانى |
اقتباس:
طبعاً الخطوة دى جاية أكيد بس بعد مانشوف رد حملة الفاكسات دى إيه وبعدين ناخد الخطوة اللى بعد كدة |
اقتباس:
أستاذ أحمد الضغوط المستمرة والفاكسات المتلاحقة والمطالبة القوية بالحقوق والإعتراضات الجريئة كفيلة بتغيير أى قانون لأن القوانين دى مش قرآن منزل من السما دى مجرد بنود واختراعات لا تناسب واقعنا ولا تمت له بأى صلة |
إلى الآن هؤلاء هم أعضاء الحملة المشاركين من هذا الموقع فقط مدرس متعاقد thinker هند عزت أبو طالب 82 تامر طلب houda _ lovely أم sara _ mm27 مونى عزمى إسراء وإياد smart _ trueman2000 تامر الرفاعى elmister أحمد بسطاوى esawi مسيو عاطف العروبة rezk5 simsim12 ahmed _ 592005 osamaabdsalam khaledelsaed ahmed teach gana _ masr sasa555m أحمد منقورة life liquid حسين القاضى ahmed salh mister zook مصطفى 1234 mohamed abd elnapy على عارف pirates elfahd 85 elswedy basha _ math عماد رجب إسماعيل monamode سامح سلام هؤلاء ( 40 ) عضو تخيلوا لو أن كل عضو منا أحضر معه 40 زميل متعاقد فسوف نبدأ الحملة ب 1600 فاكس وذلك كبداية ،،،، وربما يقول أحد المتعاقدين من أين أحضر 40 عضو معى فسوف أقول له أخى ال 40 عضو دول ممكن نحضرهم بسهولة من محيط معارفنا وأصدقائنا وهم كثير والحمد لله وكل واحد من هؤلاء ال40 زميل سوف يتصل بزملاء آخرين وبذلك يتضاعف العدد أكثر وأكثر ولا تنسوا يا جماعة أن المدرسين المتعاقدين فى مصر أكثر من 300 ألف متعاقد يعنى إزاى تبقى حملة كبرى وميشاركش فيها على الأقل 1% من اللى بيطالبوا بحقوقهم ؟! لازم نتعب شوية أو شويتين ونشحن كارت ونتصل بزمايلنا ونقابلهم ونتجمع ونبعت فاكساتنا مع بعض ومن جد وجد ومفيش حاجة بتيجى بالساهل المهم نتعب فى الأول عشان نرتاح فى الآخر |
بعيدن عن الموضوع او فى صميمو
المشكلة انهم تركين كل حاجة ومهتمين بالطلبة وانفلونزا الخنزير طاب المدرس المسكين الى حيتعامل مع الطلبة دى حقو فيــــــــــن |
باقى يوم واحد فقط وتنطلق الحملة لا تنسى أن لقاءنا المستمر واتحادنا فى الكلمة هو سر قوتنا فى الساعات القليلة المتبقية يمكنك الإتصال بأصدقائك المتعاقدين للمشاركة معنا اتصل بهم عن طريق الإيميل أو الموبايل أو اذهب إليهم بنفسك ارسل رابط الحملة لكل أصدقائك على الماسنجر حتى لمن لا يهمهم الأمر فقد يكونون سبباً مباشراً فى دعوة المزيد من الزملاء وتوسيع دائرة الحملة حاول أن تضع رابط الحملة فى أى منتدى أوموقع اجتماعى تزوره أثناء الحملة تحدث مع كل المختصين فى منطقتك عن الحملة وادعهم إلى مساعدتنا ومؤازرتنا إشغل فكرك بقضيتنا وابدع فى نشر رسالتنا بكل الطرق والوسائل الممكنة تذكر دائماً أننا نبحث عن حقنا المسلوب والذى تنازلنا عنه كثيراً بلا داع وأخيراً كن واثقاً بأننا ندافع عن أبسط حقوقنا الوظيفية وأن قوتنا الحقيقة فى اتحادنا وتنفيذ خطوات الحملة بكل دقة وأن كل مشكلاتنا كمتعاقدين لن تحل بالتمنى أو مصمصة الشفاه لا تنسى حقوقنا لن نحصل عليها إلا بالمطالبة بها جدياً وبكافة الطرق الممكنة فموظفو الضرائب العقارية ليسوا أفضل منا فى شئ وعمال المصانع الذين حصلوا على كامل حقوقهم ليسوا أفضل منا وسائقى أتوبيسات النقل العام ليسوا أفضل منا وعمال البريد والبترول والإتصالات الذين تم تثبيتهم مؤخراً ليسوا أفضل منا بل إن طبيعة عملنا كمدرسين تتطلب التثبيت أكثر من أى موظف فى أى جهة أخرى تذكر إيماننا بالله وبقضيتنا هو سر قوتنا وحقوقنا لن نتخلى عنها |
ان شاء الله انا معاكم
وربنا يكرمنا وناخذ كل حقوقنا المسلوبة يا رب بنى سويف |
| جميع الأوقات بتوقيت GMT +2. الساعة الآن 02:59 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.