خلاص تمام يا دكتر انا بفضل الله اتطمنت واتكلمت مع والدي بردو وقالي متروحيش
واقنعني اني اعد ف البيت اول لما اخلص المواد ف الدرس
ربنا يجازيك خير يارب

لسالكم مناهج مخلصتوهاش يا زملائي ؟ 😊
احنا لسالنا اخر فصلين فزيا حديثة
وشغالين فالكهربية دلوقتي بس خدنا العضوية
والعربي لسه شوية فصول كده حوالي ستة فالجزء التاني
خلصنا انجلش احيا جيو فرنش

خلصنا فرنش وجيو
انجلش لسالنا شابتر و2 يونيت
عربي لسالنا اخر فصل ..ونص النسور ولمحات والمسرحية
كيمياء ماشيين في المنهج بالترتيب ولسا في الالكينات ):
فيزياء لسالنا الالكترونيات
احياء واقفين عند خلايا الدم البيضاء الاخرى في المناعة وخلصنا باقي المنهج

هو الاحساس الرهيب بالتقصير والعجز دا طبيعي ولا ايه

اه ، المهم متقفوش عنده ، بالاضافه ان الشعور ده هيزيد اكتر اول ما تبدأوا تحلوا امتحانات شامله ، فلازم تبدأوا حلها بدرى شويه

أنا عندي خلصنا إنجليزي وراجعنا أسبوعين أهو
فرنساوي خلصان من الأجازة
رياضة فاضلنا الوحدة لرابعة ديناميكا والوحدة التانية فراغية بس
العربي مخلصين وخدنا النهاردة أول حصة مراجعة ( مع ملاحظة إن احنا مخدناش آخر فصل خالص قالنا هيشرحه مع المراجعة الأولى بس مشرحوش فغالباً هيشرحوا وهو بيراجع القصة ممكن )

الفيزياء واقفين في نص الفصل السادس خدنا لحد المطياف وروحنا
الكيمياء : ماشيين من الأول طبيعي ودلوقتي آخر حاجة خدناها الكحولات والكربوهيدرات جلوكوز وفركتوز

كويس كلنا ماشيين بمعدلات شبه بعض تقريبا

بتراجعوا انجلش وعربي ازاي في الدرس

الإنجليزي:
كل حصة بنراجع 3 وحدات كلمات ومرة جرامر
لكل 3 وحدات ملزمة ، وقي كتاب مراجعة للمنهج كله خدناه
بنبدأ الحصة بيشغلنا باوربوينت ع البروجكتور زي مثلاً كل اكسبريشن بيطلع هو بيقرأه احنا نقول الكلمة يقوم ممشي السلايد وهكذا ..
بعدين نقفل ونفتح الملزمة فيها كلام شبه كده اكسبريشنز ونكتب الكلمات ، وملحوظات من المستر برضه ..
بعدين في الكتاب بنحل بقى شوية ع الكلام ده ، كلمات كل 3 وحدات عليهم حوالي من 160:200 تشوز و90 : 120 فايند كده ، بنحل مثلاً 40 و30 ، وهكذا والباقي واجب ، نحله المرة البعديها + كل حصة في 3 سيت ترجمة واجب ناخده المرة اللي بعديها ، ونموذج امتحان كامل برضه واجب نحله بعديها
وفيه على كل 3 وحدات صفحتين تمارين متميزين حاجات عجييبة كده 25 تشوز 15 فايند ، وفي حوالي 20 صفحة تدريبات متميزين برضه غيرهم بس على كله من المنهج وبره ، بناخد صفحة كل مرة
الجرامر بيشرح بسرعة كده ، بعدين بيحل في الملزمة واللي في الكتاب واجب للمرة اللي بعديخا .. وهكذا

عربي : فيه كتابين كتاب مراجعة أسئلة عامة على كل درس لوحده ، وكتاب نماذج امتحانات فيه 5 بوكلت والباقي عادي ورا بعضه من غير مساحة للإجابة ، وفيه 4 نماذج متجاوبين
بيحددلنا كل حصة نراجع ايه للي بعدها ، كل حصة فيه ملزمة حوالي 30 ورقة ، سؤالين نحو ث.ع - دعوة للتفكير أسئلة نحو لذيذة كده (صوب - اجعل للمثنى - أعرب وحادات متشابهة فيها فروق ..) -
كل اللي فات بيتحل في الحصة بعدين يحله معانا بالدور كده
تدريب طوييل واجب : 20 :30 استخراج كده و...

نموذجين بلاغة بنحلهم برده ، غالبا ث.ع ، + 1 متجاوب في الملزمة نفسها
بعدين أدب : الدرس كله شرح ، بعدين أسئلة بقى مقالية قصيرة : علل : صح وغلط .. بين السطور
بعدين النص : في الأول س،ج من التعليق وث.ع قبل كده وهكذا ومعاني
بعدين بقى كل 3 4 أبيات ووراهم أسئلتهم بقى كلها ، اختر (معاني وأضداد .. - الجملة دي تشبيه ولا استعارة .. - الكلمة دي إطناب ولا ...) وصح وغلط شبهه برضه
وأسئلة مقالية من اللي في الأول متجاوبة

بعدين القصة ملخص للكلام وشوية أسئلة وراها عادي بس محلهاش معانا قالنا هنبقى نجمعهم كلهم في حصة تقريباً
والواجب نموذج بوكلت ، تدريبات من بنك الأسئلة التاني ده على اللي راجعناه .

ماشاء الله دا شغل فاخرالحقيقة

http://www.thanwya.com/vb/showthread...14#post6571514
اجابات كل كتب مراجعة الانجليزي

في كتاب مراجعة اسمه العمالقة
هو كبيير جدا بس رائع اللي يقدر يجيبه يبقى افضل

شكرا يمحمد
احنا بنشغل فالدرس بسنيور

المفروض اشتغل بيه برضو بس لسه مبدأتش فيه
حلو ولا ايه ؟ ساعات بحس ان كان ممكن Gym يكون احسن

انا زهقت من الدروس